Dianakwan的個人專頁

搭地鐵前，見到間光光鮮鮮既魚蛋檔，仲要寫『獨家醬汁、一試入魂』，見肚肚地餓就去八卦下先！=> 中辣三色魚蛋 一食就食得出個汁係自家整，有層次心機之作！三色有炸、陳皮、白魚蛋 （靚貨）篤魚蛋咁多年，第一次食白魚蛋，好特別！=> 豬皮、水魷，好少小食檔做得好食，喱檔食得出心機，冇交行貨！贊！配埋佢間 ShareTea 既冬瓜仙草茶，簡直一絕！最後仲買左包魚皮，鬆脆好味，做睇電視既零食一流（配外賣加碼仙草茶）🥳香港好少心機小食檔！加油！…查看更多

到美味苑為朋慶祝生日，其CP值超高，樣樣都好味道！ 食咁多手功嘢，每人350蚊👍秋風起，當然要食蛇羹、山東羊腩煲（連生菜底）啦！我每次必叫的仲有糯米雞、 海鮮小炒王，點知今晚砵酒焗蠔12人一圍，我地下次去食佛跳牆 😋😋😋😋😋😋😋…查看更多

天氣實在太熱喇！行行下見到間好創眼同光鮮既 Sharetea，就同朋友忍唔住買左3杯野飲。我怕肥，所以 order 左 "仙草冬瓜茶" 少冰微甜，一入口爽、又冇負擔，我太醒喇！Hahahah!  (忘記影相)朋友就 order 左 Seasonal 既 "楊枝甘露" 微甜，我飲左一啖，啖啖果肉，我覺得好味過好多糖水鋪！另—order  "厚黑糖珍珠鮮奶加濃乳霜"，喱杯賣相勁吸引好邪惡，我只識講肥都抵！經驗之談，就算連鎖，都唔係一樣品質，喱間都算用心製作。原來佢地開左張2個月， keep 住水準呀！　I will be BACK !…查看更多

呢間就係我由細食到大嘅位於車仔腸粉。我最愛的早餐！話你知我嘅心得，點樣先至可以有個豐富同幸福嘅早餐！就係兩個人食一碟 6 個餸 8至10條腸粉/ 撈麵，多芝麻！一兜裡面多姿多彩！我推介：- 淋齋- 蘿蔔- 午餐肉 - 豬皮 - 腸頭- 豬紅- 紅腸- 雞翼咦…多過6個餸添…唔緊要…加錢就得架喇 😝😝😝😝…查看更多

是夜一行5人慶祝老友升職銅鑼灣權發地方比北角權發金碧輝煌, 鬆動D (不過D凳就污糟D囉, 攪到我唔想掛件褸上凳)全體乳猪 - ok啦…不過油淋淋蒸聖子 - 蒸老左蒜香骨 - 最好味. 但偏油金銀龍鬚 - 好味通菜牛肉 - ok薑蔥蠔 - 油淋淋豉油皇炒麵 - 油淋淋 (北角權發，我地好食到要 encore)滷牛展 - 好味D碟頭係好有睇頭, 但係差唔多每碟都偏油呢… 都係北角比喱間好食….今餐每人$280，唔值囉！銅鑼灣啲租咁貴，真係要好好改善……查看更多

喱間搬過幾次都有去過…第一間位於船街，係一間用心經營既小店, 特別係佢既蠔湯，每次就算要加錢都飲，午餐晚餐都好好味！第二間搬左去合和對面，大間好多，裝修都講究左，當然價錢都相對貴左啦！食物質素都 OK…第三間搬左去現址，見好耐都幫襯過就去會佢一會…Set Lunch 轉蠔湯加$45都轉，因好懷念佢地既蠔湯…蠔就係蠔，不過個味似蠔豉多啲…我地一行4人，點左3個 lunch sets  + 個 a la carte帶子意大利飯(lunch set) - 好咸帶子意大利粉(lunch set) - 味道唔夠，要自已加鹽同黑胡椒先至好食啲羊扒 (lunch set)- 有3件，中規中矩 (幾個中叫做最好食)Carbonara (a la carte) - 汁還汁, 掛唔到上啲麵度 (船街時係好好食既)…查看更多

星期六晚 - 跑馬地蓮園甜品….晚飯後搵甜品食，一向對蓮園粥麵出品都感覺良好，因老闆娘巴巴閉閉好講要求, 我諗佢既甜品鋪都理應唔差。西米焗布甸, 原來佢用微波爐叮熱，誠意欠奉。 不過味道ok，不會太甜，少量的蓮蓉係中間。 双皮奶又係用微波爐叮熱…我未食過咁難食既…(每人$25)…查看更多

星期六晚 - 跑馬地既銖記 (同老友吃飯), 喱間好出名, 我想去好耐….清湯腩 (蘿蔔同牛腩都唔), 南瓜汁煮玉子豆腐(汁淡又少), 蓮藕餅(雖然ok但係我既業餘Master Chef 朋友既好食好多), 真係見面不如聞名(每人$230)…查看更多

中秋節出街食飯都預左質量會低過平時…但喱間係2星，我估差極有個泡。今晚11個人，book 6:00, 8:00還枱，ok, 個個準時到6:30叫套餐好快上3小碟（唔駛即煮）跟住我地催佢，7:05仲唔上點還枱呢！佢話一定得一定得！跟著就上(1)菜胆趐（不食也罷，湯雖清，但唔飲唔係損失）(2)神不知鬼不覺上左龍蝦…把鬼…炸完再淋汁(3)芝士紅蔥焗帶子（過熟…太鞋…o徒料）(4)鮑魚鴨掌(我expect會好好味，太咸，鮑魚唔好味，罐頭鮑好過佢)(5)蒸荷葉紅星班（我估太大條，想蒸短啲時間，所以斬件蒸，冇食因凍左）(6)鼓油雞…（我只可說新鮮，陳記、強記都做到）(7)菜(8)蝦湯稻亭烏冬（純粹想提供澱粉質）(9)生果(10)芒果卷(11)桂花雪蓮子糖水(全晚至good)以上咁多樣野，迫住迫住上…7:35上哂…點食、點可以嘆到食物呢？請睇下上面啲菜式…全部都係蒸、炸、焗…預先整既，看不到真功夫…請估下今晚要幾$,只額外叫了2罐啤酒...............係$11600...........喺1個鐘頭食左$11600好趕又冇質素既食物…2星…請摘星吧…喱餐我$6000都覺得俾多左…啲送好矜貴嗎？我估彩福好過佢囉……查看更多