sisisisisi的個人專頁

間唔中都會幫襯下覺得佢地嘅魚生質素唔錯但有朋友話有個肥肥地嘅員工定老闆態度好差我唔信邪去幫襯多一次去到嗌左8件壽司佢收我$100同我計嘅有出入我就好聲好氣同佢講計錯叫佢計多次點知佢反我白眼之餘仲要加多句"唉！我計俾你睇"點知佢真係計錯就死死地氣俾返錢我我發誓以後都唔會再幫襯！…查看更多

今次係第二次喺Joey's買蛋糕今次因為晏左少少去去到生日蛋糕只賣淨tiramisu同New York cheese cake最後個人因爲覺得tiramisu靚啲而買左起初見無曬其他較特別嘅蛋糕有些少失望但食落先知原來tiramisu 係可以咁好味！平時食開通常都有啲過甜同個餅係濕濕林林但呢個周邊嘅餅整得好鬆化蛋糕亦唔會過甜得嚟味道好清新食得出個蛋糕整得好用心好鍾意名牌仲寫得好靚同好快就寫到俾我以後會多啲幫襯Joey's嘅蛋糕…查看更多

想去Cafe R&C 好耐喇不過星期六日排曬長龍難得今日平日得閒終於唔使等就有位叫左sweet potato 同green tea latte 唔只好靚仲好好飲!!紫薯creamy得嚟有好濃郁嘅紫薯味但又唔會太甜綠茶亦係又creamy又濃茶香味而家好多cafe都係得個樣呢間係難得一見又靚又好味Highly recommended ! …查看更多

話說我媽咪諗住去呢間嘢買糉當時有個阿伯就話無曬要第二日先有 :( 我媽咪就話咁可唔可以俾定錢第二日嚟拎(因為啲糉通常一日內就賣曬)個阿伯就實牙實齒話會留返啲糉俾我媽仲開左張單俾我媽咪咁我媽咪信以為真結果第二日去到係個阿嬸喺舖頭同我媽講啲糉賣曬 咁我媽咪就話係咪伯伯留起左叫佢打俾阿伯問下個阿嬸突然發難話無阿伯電話唔打仲話咁叻報警丫笨咁我阿媽就真係報左警警察嚟到話不受理舖頭另一個後生啲嘅職員就突然以勝利者姿態出現話: 係囉咁叻去消費者委員會告我地丫嘛仲同警察講係我媽咪挾硬塞啲錢俾佢地 :) 結果就係咁我媽咪就拎走啲錢走左我以後一定唔會再幫襯呢間粥舖 …查看更多

因為近排推出$50優惠券嘅關係我地屋企多左去呢間酒家食夜晚雖然無豪華嘅裝潢 但勝在侍應態度好兼且大件夾抵食例湯足料唔再講侍應仲會好好咁俾埋豉油我地食湯渣脆皮雞係必嗌！非常入味之餘皮仲脆卜卜最好食係糖水！通常唔係紅豆沙就綠豆沙好甜好滑好有驚喜！…查看更多

朋友話天然芒果糯米糍好食，就諗住去試下。除左一人一粒糯米糍之外，我地仲嗌左楊之甘露同椰汁西米。糯米滋係幾皮薄，可惜芒果好酸。咁都算，楊之甘露難食到。。。第一次見楊之甘露係有蜜瓜。至於個椰汁西米，根本就係成碗花奶加西米，自己整都好食過佢。嘢食難食都算，我地見無咩人諗住傾多陣計，點知有個男人行埋嚟話:我地細舖頭嚟，傾計唔該去第度傾。我地環顧四周，一個客都無，點解唔俾我地坐多陣？真係百思不得其解。…查看更多

Ocio again!自從銅鑼灣開左Ocio之後就成日去食之前一向食開all day breakfast同waffles今次試食napoleon果然都無令我失望好有誠意嘅banana and nutella napoleon我本身麻麻拿破崙的但都覺得呢個好好味！不過今次嗌左ice cappuccino令人好失望好甜甜到我胃口大減。。。下次要記得嗌少甜先得除此之外all day breakfast同甜品同埋white chocolate熱飲依然都係咁有誠意咁令人滿意簡直係我既至愛超級濃郁既白朱古力味令人一飲就覺得好幸福完全感覺唔到除左白朱古力之外仲有加野落去超級有誠意既飲品…查看更多