yuchiiiiii的個人專頁

原本諗住同女朋友搵一間cafe chill下，點知奶曬野，入左呢間咁伏既。我地本身就無食午餐，所以覺得好肚餓啦，3點一入到去，就搵左個位坐低，啲位置都好窄，坐得好唔舒服，不過都算啦，咁我地就出去counter度點餐，見到啲正餐成百幾蚊，但係得好細份，覺得好唔抵，所以我地就淨係叫左兩個飯糰，62蚊一個，以一個飯糰黎講都幾貴下，而且menu上面都無寫到飯糰入面有咩餡料。 叫完野食之後，職員話啲野食會直接送到我地個位度，咁我地就坐翻埋位等食。結果....我地等左半個鐘頭，個兩舊飯糰都仲未到，個陣我地已經好肚餓，忍不住要去催單，個職員都有點頭應我地既。好啦....第一次催完之後，應該都會好快到既。點知又過左10幾分鐘，一個飯糰都無上到，心諗2舊飯糰使唔使整咁耐呀，仲要見到其他遲過我地入黎既人都已經有野食。跟住我又搵個staff去催，個staff今次就問我係咪繼續要，定係想cancel張單。個陣我都已經想cancel，因為太肚餓啦，又等左好耐。正當想cancel個陣，另一個staff講話個2舊飯糰完全無整過🤯🤯🤯🤯我就問點解無整到，個staff就話今日啲單好多，所以漏左單。心諗但係我已經催過你地一次，咁都可以繼續漏既，同埋多單唔係漏單既藉口。未試過有一間餐廳追完之後都係未開始整野食，好似當我地呢檯客無到咁。最抵死係cancel張單，臨去退翻錢之前，個staff話退翻1個飯糰既錢俾我，我1個飯糰都無食到，仲想收我錢！同佢講翻清楚先將原數俾翻錢我。好啦，最後我同埋女朋友係呢間餐廳好肚餓咁等左40+分鐘，最後咩都無食到就走左，未見過咁離譜既餐廳😡…查看更多

呢次去食嘢真係令我好失望，感覺啲嘢質素比以前差咗好多。我哋叫咗一份以前好鍾意嘅菜式，但味道卻大變味，完全冇以前嘅好味。然後，店員推銷嘅芒果糯米飯，佢竟然話俾我哋「幫你留起一份」，令我哋以為呢道菜係免費甜品，結果問清楚原來係要收費嘅。我覺得店員咁樣好誤導客人，令人好唔舒服。仲有啦，明明menu無寫要加一，但係最後埋單就收加一服務費。總之，呢間野令我好失望，明明以前有椰子雞湯麵好好食，宜家轉左menu，椰子雞湯就轉左單點既湯，連船麵都唔好食。…查看更多