Zoe Chocho的個人專頁

最近同朋友去咗一間韓燒任食店，價錢同優惠都算幾吸引。四個人以上入座會送一塊安格斯西冷牛扒，我哋試咗，質素幾好，肉味算濃，熟度控制得好就會幾juicy。另外可以加$88 任食海鮮刺身，選擇唔算極多，但質素對得住價錢。最特別係用$1 可以追加韓牛西冷或者醬油蟹拼盤，味道有驚喜，算係加添體驗。店內亦有長者優惠（星期日及一至四 60歲以上 85折），如果一家人去會比較著數。夜晚時段都有早走／晚市優惠，5點入座7點前走，或者 9 點後入座都有每位減$40。生日優惠亦算吸引，四人以上有蛋糕，八人以上有一位免單，適合大班朋友慶祝。整體食物種類夠多，補給速度正常，環境以任食店嚟講算可以。以價錢同優惠嚟看，性價比不錯，適合多人聚餐。需留意優惠不包括服務費，而且部分優惠不能同時使用。…查看更多

呢間喺土瓜灣嘅 Café 位置有少少隱蔽，但環境舒服，食物水準都幾有驚喜。我試咗 Espresso Martini，咖啡味好夠，酒味唔會太搶，整體幾順口。黑啤煙燻豬腩肉意大利飯算幾特別，煙燻味幾香，豬腩肉夠腍，意大利飯收汁做得唔錯。紅酒慢煮牛面頰肉都值得推介，炆得好腍，醬汁味濃但唔會太膩，配薯蓉幾夾。甜品我叫咗焦糖布丁加香草雪糕，味道正常發揮，偏向穩陣嗰類。玫瑰蜜桃果茶賣相靚，味道偏清新，鍾意花香果茶嘅應該會啱飲。整體嚟講，食物質素對得住價錢，份量唔算細，想靜靜地食個 Brunch 或飯，呢間都係一個不錯嘅選擇。 …查看更多

尖沙咀有間串燒店真係可以話係燒鳥界嘅王者，平日夜晚去都要訂枱，真係好誇張。同老best一齊去到，發現成間餐廳都爆滿，睇嚟唔提早book位真係唔得。佢哋嘅串燒每一串都整得好精緻，秋葵卷包得好靚，雞腿串燒到金黃色，皮脆肉滑，調味啱啱好唔會太鹹，真係試得出師傅嘅功力。特別推薦嘅有鵝肝多上，口感一流，再試蟹粉豆腐滑到不得了，蘆筍卷同牛油果卷燒得好有層次，芝年糕外脆內軟好彈牙，牛小排火候控制得啱啱好，蒜蓉蠔兩隻都夠肥美。創意菜式方面有白酒忌廉煮蜆、鰻魚飯團同明太子忌廉冬粉，仲試咗芫荽雞絲手抓餅，幾特別。最後甜品焦糖雪糕多士必食，甜品控一定唔會錯過。佢哋啤酒仲有買一送一，價錢親民，串燒質素真係值排隊，下次一定要再嚟，記住提早訂枱。…查看更多

地方真係細細哋，但係人氣就勁到不得了！😱 佢哋嘅招牌即炒雞煲啤酒火鍋任飲任食放題真係正到爆！大排檔風味嘅雞煲煮得好正，雞肉嫩滑，啤酒任飲，無限時用餐真係好relax。🍺🍗 呢種感覺就好似返咗去細個時喺茶餐廳同朋友傾偈嘅時光，可以慢慢食慢慢飲，無人催你走。順帶一提，佢哋嘅饅頭都幾好食，雖然唔係招牌菜，但係意外地好味。🥟 個饅頭鬆軟得嚟又有韌性，用嚟撈雞煲個汁真係一流！配埋個雞煲嘅湯底，真係絕配！最重要係價錢真係抵到爛，有得打邊爐咁嘅價錢就可以任食任飲，仲要無限時！💰 呢啲年頭搵到咁抵嘅嘢食真係難得，可以同朋友嚟度傾偈飲酒，氣氛好正！想relax下同朋友聚餐嘅話，呢度真係唔錯嘅選擇！😄地方真係細細哋，但係人氣就勁到不得了！😱 我哋去到嘅時候都要等位，不過等得值得！佢哋嘅招牌即炒雞煲啤酒火鍋任飲任食放題真係正到爆！大排檔風味嘅雞煲煮得好正，雞肉嫩滑，啤酒任飲，無限時用餐真係好relax。就算要排隊都絕對值得！順帶一提，佢哋嘅饅頭都幾好食，雖然唔係招牌菜，但係意外地好味。仲要有得打邊爐咁嘅價錢真係正。…查看更多

會否再去？一定會！經過元朗俊賢坊咁多次，今晚終於發現呢間夜貓燒！真係估唔到匿埋咗間咁正嘅串燒店喺度。老闆話每日都會親自揀選新鮮食材，食落去真係感受到個分別，完全冇雪藏貨嗰陣腥味。今晚同朋友嚟食夜宵，點咗鹽燒牛舌串、爆蒜生蠔、芝士年糕串、煙鴨胸串同夜貓大雞髀，仲有好多其他嘢。每樣串燒都烤得啱啱好，唔會太生又唔會太燶，火候掌握得好好。調味方面有層次，唔會搶咗食材本身嘅鮮味。環境方面，以呢類串燒店嘅地方嚟講，我覺得好乾淨。檯面收拾得整齊，廚房都睇得出好企理，對於食安方面都幾有信心。雖然地方唔算好大，但氣氛幾好，有嗰種日式串燒店嘅感覺。串燒呢樣嘢睇落好似好簡單，但其實要做得好食真係需要好多功夫。火候、調味、食材新鮮度每樣都唔可以馬虎。呢度明顯老闆有心機，每樣嘢都處理得好仔細。性價比方面真係高，份量足夠，價錢合理，適合朋友聚會或者一個人嚟食夜宵都得。服務態度都唔錯，點餐過程順暢，住元朗咁多年先發現呢個寶藏小店，真係有啲後悔咁遲先嚟，不過好彩而家發現咗。下次一定要再嚟試其他款式，睇到menu仲有好多嘢未試過。絕對係一間值得推介俾朋友嘅隱世串燒店。…查看更多

一間隱世火鍋店！真心讚👍🏻 起初都唔知荃灣有呢間咁正嘅火鍋鋪！必試椰子雞湯底 - 用半隻新鮮雞加兩個椰子水熬製，啖啖鮮甜，完全唔加味精，飲完冇口渴感覺今次食咗：- 大紅袍牛肉三拼 - 肉質超軟嫩- 芝士蝦丸鵝干墨魚丸 - 彈牙爽口- 鮮鵝腸 - 零異味，爽脆可口- 炸腐皮魚皮 - 香口唔油膩- 招牌餃 - 皮薄餡靚，好足料- 皇帝菜 - 配湯底特別鮮甜店舖就響荃灣市中心，搭港鐵行5分鐘就到，超級方便！🚶‍♂️ 入到去環境舒適企理，座位寬敞唔迫人，裝修以黑紅色為主題好有氣氛，最啱朋友聚會或者拍拖食飯！店員好親切，不停幫手加湯換碟，食嘢過程好順暢，連廁所都乾淨企理，整體體驗十分滿意！👌🏻…查看更多

每次行過都冇入去，真係後悔死！🇻🇳🍽️ 特色拼盤必點！扎肉粉皮包香菇超驚喜，彈牙鮮香一次滿足！仲有香脆春卷同多汁豬頸肉，真係食到停唔到口！👑 招牌小黃牛肉粉用吊龍牛肉，薄到見光！湯底熬足6小時用咗26種香料，香到飲完碗湯仲想再飲！🦀 咖喱軟殼蟹配法包絕配，香濃咖喱汁配脆卜卜軟殼蟹，蘸埋汁簡直係天堂滋味！🥥 椰青海鮮焗飯香濃惹味，飯粒吸收晒椰香同蝦膏，每啖都係驚喜！全餐$200+/位就食到咁正，CP值爆錶！下次經過千祈唔好錯過，浪費咗咁多年先發現真係好嬲！💯…查看更多

元朗有間隱世小店，專做手工Pizza和特色漢堡，絕對值得一試！我點了野生蘑菇Pizza（$132），即叫即製，香氣四溢。黑松露香味配馬蘇里拉芝士、新鮮蘑菇和芝麻菜，再淋上一層松露油，香到不得了！Pizza外皮香脆，內裡柔軟，連外帶回家都依然美味。另外試了M4和牛漢堡（$82），和牛多汁嫩滑，配焦糖洋蔥和車打芝士，味道豐富濃郁。再加黑松露薯條（$35），香氣撲鼻，和蒜香雞翼（$45），外皮酥脆，肉嫩多汁。最後還有手製冬甩，檸檬蛋黃和草莓兩款，小朋友超喜歡，酸甜開胃！…查看更多

成日經過呢度，深綠色拱門，望落去環境好似好舒服。今日𝙢𝙚 𝙩𝙞𝙢𝙚試吓ᴀғᴛᴇʀɴᴏᴏɴ ᴛᴇᴀᴄᴏᴜᴘʟᴇ's ᴋɪᴛᴄʜᴇɴ ᴛᴇᴀ sᴇᴛ 頂層✿英式提子鬆餅中層✿ᴄᴀɴᴇʟé /ᴍɪɴɪ ᴡᴀғғʟᴇ 配上朱古力醬/泡芙/ᴍᴀᴄᴀʀᴏɴ /日式朱古力卷底層✿黑松露芝士雜菌焗酥盒/鵝肝多士配無花果醬/藜麥沙律五色杯/三文魚籽蟹肉伴脆餅/蟹肉鮮味配脆餅我再ᴏʀᴅᴇʀ咗杯ᴄᴀᴘᴘᴜᴄᴄɪɴᴏ/日式朱古力卷甜品唔算太甜，啱晒香港人口味，特別欣賞鹹點！環境舒服，服務態度好，可以再ᴇɴᴄᴏʀᴇ 。…查看更多

【和牛燒肉一郎】之前已經食過幾次，今日就去咗位於荃灣嘅分店。每枱座位間隔寛敞。擺幾多野都得，今次點咗中價嘅B餐精選牛肉，牛肉刺身，日本豚肉🐖雞肉同埋海鮮。有菜，熟食…我想講佢哋嘅泡菜係勁好食🤤【和牛燒肉一郎】真係我食過咁多間放題入邊係最高質，放題可以食到高質嘅牛，特選薄炙牛肋肉同，特選薄炙牛里脊肉係溶化。B餐都有牛刺身食，同埋佢哋嘅壽司都好好食。另外仲有一個大判壽喜燒牛里脊肉，配上生蛋。特別一提「燒肉新幹線」智能化送餐模式，夠晒衛生。最後食埋個雪糕🍦說好的減肥呢！…查看更多

屯門市廣場 Food Court 有一間BURGA , 因為Giselle 想食薯條所以抱着心態試吓🤫點知好好食呀！試左雙重芝士牛肉漢堡BURGA的漢堡扒用上西冷、牛冧、肥牛、肩胛共4種牛肉部位製成，漢堡個包皮好似豬仔包甘，無諗過咁有水準👍🏽而另一個軟腳蟹BURGA 漢堡包都好正，脆脆軟殼蟹配上芥茉漿，菜係用羽衣甘藍架，不得不提酥脆炸腐乳雞塊、真係超級超級超級好食，可能我真係好鍾意食腐乳🤫另有三色薯條，包括原味薯條、番薯條和紫薯條，醬汁可任選2款，有茄汁、芝士黑松露醬。啲漢堡包即叫即做，雖然要等一陣，但係都值得試吓🫢BURGA…查看更多

遠離繁囂的餐廳Cabana Breeze HK，非常悠閒又放鬆。餐廳都幾大好有東南亞熱帶風情，室內室外都有打卡位，坐任何位置都影到靚相。重點來了，lunch set 價錢一點都不貴，有前菜（湯或者沙律）主食仲有甜品或者飲品。吃環境，食物質素性價比高，又大份。就算再散叫的話價錢都唔貴。而且Service好好，基本小朋友設施之外，最surprise仲設有小朋友帖子同colour book。等小朋友可以由下顏色，我哋可以好好享受呢一個咁悠閒嘅一個下午。我哋叫咗兩個set lunch魷魚墨汁意大利麵配魷魚 $168+10% 淡淡蒜香配上魷魚蜜汁味，份量兩個人食都夠。 Pizza Margarita $168 +10% Pizza好大份又好食又唔滯，唔厚粉。一家四口食都夠。水牛雞翼配甜辣醬 $128雞翼甜辣將係分開，雞翼脆卜卜。最緊要係免費泊車，只要拿著收據到停車場繳費處辦就得。就算專登入到東涌都唔覺得唔方便。又唔洗同人迫。Cabana Breeze HK is a restaurant which is far away from the hustle and bustle of the city, and you can be very relax and chill.The restaurant is decorated in South East Asia style with large space, there are many instagrammable places in both indoor and outdoor area, you can take a nice picture in any seats.The main point is, the price of the lunch set is not expensive. A lunch set is including an appetizer (soup or salad), a main course and a dessert or a drink. The quality of the food is highly cost-effective, with big portions, it is not expensive as well even if you do single order.They have excellent services and take good care to the children. More surprisingly, they will give sketchbook and crayon set to the kids. So, the children can sit on their child chair, play and draw on their colorful sketchbook, while the parents can really enjoy their leisure afternoon.We ordered 2 x set lunchSquid Ink Spaghetti with Squid $168+10%Light garlic fragrance together with squid ink flavour, the portion is enough for 2 people.Pizza Margarita $168 +10% The pizza is so big and taste very good and you don’t feel surfeited. One pizza is enough for 4 people family.Chicken Wings accompanied with Sweet and Spicy sauce $128The sauce and the chicken wings are served separated, the chicken wings are very crispy. Last but not least, they provide free parking. You can go the car park cashier with your receipt and you can get free parking. It is very convenient to go to Tung Chung and there is not crowded at all.…查看更多

遠離繁囂的餐廳,非常悠閒又放鬆。坐任何位置都影到靚相。lunch set 價錢一點都不貴，有前菜（湯或者沙律）主食仲有甜品或者飲品。我哋叫咗兩個set lunch魷魚墨汁意大利麵配魷魚 $168+10% 淡淡蒜香配上魷魚蜜汁味，份量兩個人食都夠。 Pizza Margarita $168 +10% Pizza好大份又好食又唔滯，唔厚粉。一家四口食都夠。水牛雞翼配甜辣醬 $128雞翼甜辣將係分開，雞翼脆卜卜。最緊要係免費泊車，只要拿著收據到停車場繳費處辦就得。就算專登入到東涌都唔覺得唔方便。又唔洗同人迫。Cabana Breeze HK is a restaurant which is far away from the hustle and bustle of the city, and you can be very relax and chill.The restaurant is decorated in South East Asia style with large space, there are many instagrammable places in both indoor and outdoor area, you can take a nice picture in any seats.The main point is, the price of the lunch set is not expensive. A lunch set is including an appetizer (soup or salad), a main course and a dessert or a drink. The quality of the food is highly cost-effective, with big portions, it is not expensive as well even if you do single order.They have excellent services and take good care to the children. More surprisingly, they will give sketchbook and crayon set to the kids. So, the children can sit on their child chair, play and draw on their colorful sketchbook, while the parents can really enjoy their leisure afternoon.We ordered 2 x set lunchSquid Ink Spaghetti with Squid $168+10%Light garlic fragrance together with squid ink flavour, the portion is enough for 2 people.Pizza Margarita $168 +10% The pizza is so big and taste very good and you don’t feel surfeited. One pizza is enough for 4 people family.Chicken Wings accompanied with Sweet and Spicy sauce $128The sauce and the chicken wings are served separated, the chicken wings are very crispy. Last but not least, they provide free parking. You can go the car park cashier with your receipt and you can get free parking. It is very convenient to go to Tung Chung and there is not crowded at all.…查看更多

同Giselle 經過屯門一間小店「頂立」，專門食烏冬。支持小店店舖位置不多，但坐得舒服。裝潢有日本傳統藝術般若鬼神，Giselle 話有好多Monster 。有位姐姐超細心，會詳細解釋店舖每個烏冬的湯底的特別之處。佢哋話每朝會用新鮮熬製鮮甜湯底，絕無味精。每一份烏冬跟前菜一份明太子蟹籽沙律和一份甜品。我哋叫咗一個頂·立海 $90. 燒海老. 燒魷魚. 燒帆立貝配干貝湯烏冬 湯底鮮味清甜。帆立貝好大粒，Giselle 一個人食咗好多，佢話勁好食。yummy 我自己試咗個鬼•頂立海$110. 燒海老. 燒魷魚. 燒帆立貝.腐皮配海老魂 .蝦頭加上清酒熬製，結合鰹魚昆布湯而成的濃郁大蝦湯底，配搭上三隻經過秘製醃料香煎過嘅大蝦而成。（我跟Menu寫)真心真心好食。🍋自家檸檬碳酸飲料 姐姐話用檸檬皮,汁,糖,豆蔻混合24小時發酵融合好好飲，所以買多兩罐返去比老公試下😂舖頭入邊有佢哋signature 虹吸咖啡，苦得來帶少少果味。一定一定一定要提布丁燒，好濃厚蛋味，焦糖蛋餅底。Giselle 自己一個差唔多食晒。好食呀，真係喺日本先食到咁好食嘅布丁 估唔到香港都食到。餐廳：頂立地址：屯門井財街9號錦發大廈地下20B號舖剩係得Walk in🤫🤫🤫#香港小店 #真心推介 #烏冬 #經過都冇諗過有間嘢咁好食 #燒姐開心 #咁好彩俾我哋入到去 #湯底超正 #冇味精好緊要 #hkig #foodiehk …查看更多

尖沙咀 | Nara thai cuisine✬ 每次去到曼谷必去Nara餐廳冇得去旅行 ，今日終於有機會去食個lunch ，佢哋有兩邊一邊係lady Nara ，一邊係Nara ! 太掛住泰國原汁原味嘅食物，所以我哋去咗 Nara ，環境好舒服，我哋坐嗰個位置仲係望海！雖然好多人，但係服務態都好好！ 兩個人食到好飽性價比高😬⁎ ⁑ “Meat Zero “ 素肉碎煎蛋飯 $108 ( 完全食唔出同平時啲肉有咩分別 ）⁎ ⁑ 松露芝士薯條 ( 加配小食 ) $38 （ 好食 ，仲有紅菜頭醬汁）⁎ ⁑ 玫瑰泰奶茶 $38 ( 玫瑰味重仲要唔甜）⁎ ⁑ 泰式牛肉船麵 $138 （ 勁大碗兩個人都食唔晒） ⁎ ⁑ 海鹽焦糖泰式奶茶 $38 （唔甜㗎正！） ⁎ ⁑ 甜品 泰式奶茶配8式配料 $58 ( 正宗泰國餐廳先有得食㗎）…查看更多