loraine的個人專頁

是日lunch12:00去食，真係幾多人，不我我真係一個番茄控，所以點都要試下，等左20分鐘位呢度自助點餐嘅，所以一定要有位先du到個qr code點餐，得一個鐘lunch黎講已經唔係幾夠時間，一入到去就即點啦，之後見到隔離枱果張單order時間係20分鐘前都心知不妙，要等20分鐘先出到餐。我等左30分鐘之後就問下個餐得未啦，因為真係夠鐘喇，點知佢答我，“正常架. 呢啲時間係咁” ，果刻真係好嬲，最後35分鐘先黎第一個餐講返嘢食，見食評講好濃郁所以諗等下都抵，但係大家講嘅濃郁應該只係個湯係一patpat打溶咗嘅texture，而唔係個茄味濃郁，佢嘅番茄味係冇乜，我覺得佢可能係溝左南瓜打溶，所以係甜味大過茄味，番茄湯唔合格不過佢啲肉就真係整得好好味喇，我個豬扒係又滑又淋，而友人個牛展都係又淋又入味，啲肉真係要比個like佢…查看更多

公司附近開新餐廳真係好開心，仲要係酸菜魚更加興奮，點知係超級失望主打酸菜魚當然要試下佢，但一行5人都想試埋其他，所以點左4款唔同野食，係用qr code自助點餐其中一人係卜卜粉酸辣湯，原來酸菜魚同佢係同一湯底，只係酸菜魚會喺上面放啲辣椒同花椒，完全唔係酸菜魚應有嘅味道，仲要係個湯底好淡，冇酸菜味冇辣味。加左5蚊由飯轉水晶粉，但個份量係好少，連十分細食嘅我都唔飽…… 再加3蚊轉埋豆漿，個杯黎到真係好sad. 加左3蚊得細細杯，仲要完全冇豆味，得甜味，仲難飲過即沖果啲豆漿而其他野食同小食都係份量少同味道淡，唯一夠飽同味道濃啲就係個回鍋肉飯總結就係份量少，味道淡，冇誠意…查看更多

星期六要去九龍灣, 商場冇咩食就過左工業區呢邊因為正值中午12:00, 真係好曬好熱, 呢間唔駛點曬, 過條馬路就到~ 就試下佢叫左一個LUNCH SET全日早餐$56份量唔算好多, 不過大熱天時唔太好胃口, 食佢就岩岩好佢個all day有件窩夫而唔係多士, 本身係想加佢分, 不過窩夫又有D淋, 反而扣左分另一個叫左個熱狗配薯條$38呢個唔係SET LUNCH, 所以冇野飲跟 (杯野飲係上面個lunch set的)熱狗有水準,  薯條係粗薯條, 整體黎講都幾好味set lunch加左錢要左個提子芝芝冰, 呢個反而麻麻地可能提子同芝士唔係幾夾, 同埋個芝士奶蓋唔夠厚身, 所以一般般整體黎講野食都算唔錯, 最重要係佢都幾抵食!!!!!不過我呢2個都算輕食, 大食GE朋友仔就唔好叫呢2個喇…查看更多

喺觀塘做野都7-8年, 呢間野係睇住佢開一開始其實真係幾好味, 所以都成日黎食, 次次要等位都會等去食不過近年真係每況愈下, 今日去食真係差到一個點其實睇下張相已經知道咩事同事以往最鐘意佢個羅宋湯,又熱又濃佢依家做D羅宋湯越黎越淡,越黎越稀, 今日果個大家都睇到咩事, 好似水咁... 話係羅宋湯都冇人信之後 後 面果碟係 煙三文魚青醬意粉~~~超鍾意食青醬嘅我滿心歡喜叫黎食, 點知.... 黎遠都睇到佢唔係青色啦仲有煙三文魚去左邊? 我只可以講呢個係 熟三文魚碎炒意粉........我真係覺得佢比錯野我, 所以我問WAITER佢指住D手指甲咁大粒嘅熟三文魚碎話呢D係煙三文魚.......咁我問青醬呢? 佢話有D蒜頭粒...........................我真係O晒咀, 佢都好尷尬咁講左聲唔好意思但係我覺得今餐真係不能接受!個湯咁都可以拎出黎比人飲, 佢地真係唔想做生意...我真係對佢十分失望, 由一間好味會推薦比人嘅餐廳, 到依家我嬲到要打差評的餐廳, 唔會有下次見到佢由以前排晒隊等位, 到依家唔駛等位, 大家都知咩事…查看更多

本人十分鐘意食魚, 見到佢有魚麵所以特登黎試下放左工去, 未到7:00入去唔駛等位~~~一坐底佢會比一杯仔湯你,係花膠濃魚湯佢有dinner set的, 個湯底就係花膠濃魚湯, 如果散叫就要加錢先有呢個湯朋友叫左dinner set~  而我, 就揀左全部都係魚的魚之戀~ 入面有魚皮餃, 魚蛋, 魚片, 魚腐, 魚春卷, 墨魚卷麵, 我就揀左魚麵, 朋友叫左魚烏冬，佢個湯default 係花膠豚肉魚湯而果SET小食, 我散嗌都有的講野食喇湯：本人覺得佢2款都係有落味精, 花膠豚肉魚湯就較豬骨味重D, 花膠濃魚湯就會飲到有魚味D, 不過如果散嗌要加$20先有濃魚湯, 我就覺得唔值麵：魚麵- 爽D, 魚味濃D, 我鐘意呢個多D ; 魚烏冬- 彈牙D, 魚味冇咁濃, 不過如果鐘意煙韌就揀魚烏冬啦料：都足料, 魚腐, 魚春卷都好味!!! 朋友個極尚魚宴SET 食食下發現少左隻蝦,後黎叫佢補返, 大家本來以往係有殼果D蝦, 原來只係一隻冇殼的蝦仔, 所以我覺得食魚之戀抵食DHSBC卡有9折~ 即係等同免左個加1…查看更多

話說上次去左築地番本覺得幾好食，想翻抄，但咁啱裝修緊，所以就試下呢間番本，諗住應該差不多啦，但係我真係好失望。book左八點鐘六位，入去時比張四人枱我地加兩張摺凳，我地見仲有好多吉位就問可唔可以比張大啲既我地，佢話呢張係六人枱，但眼見其他六人枱係三張枱，而我地只係得兩張枱就再問佢啦，佢就話人地book左枱，甘我話我都有book架喎，佢就 “吱”左聲走左去，好在轉頭都比返張六人枱我地。有得叫野食，食放題第一張一定係比左刺身先！再慢慢order其他野食，熱食好快就到，但係第一輪既刺身大約二十分鐘先到..通常第一round會比得足量啲你同排得靚靚比你影下相，但係等左二十分鐘既只係得一盤每款每人唔夠一塊既刺身併盤.... 由於排得十分唔靚，相都懶得影... 每次order刺身都係每款8~12片度，一人一至兩塊唔過份丫，但每次都係黎唔足，而且帶子刺身叫左四round只黎左兩round，擺明唔想你番本友人想食生蠔，所以加左每人$10任食三款生蠔。本人唔食生蠔，但係只係加$10甘平，諗住叫友人食埋我果份幫我番本啦。期待已久的三款生蠔在落order15分鐘後終於到喇！賣相十分美觀，每一隻都用杯裝住！可惜幾位友人竟然話生蠔不新鮮仲要有苦味。果然$10任食不應抱有什麼期望，但係估唔到係連口都入唔到...除熱食、刺身、生蠔，但有蒸氣鍋！是粥底鍋，可惜沒有什麼料可揀，而蜆肉就細得可憐，所以個粥底係完全冇味我地八點正坐低，九點十分有人黎同我講last order. 我以為叫錯左啦，就問佢，我地好似食到十點，甘早就last order? 佢就好冇禮貌甘答，我地一向八十分鐘就要last order, 要預時間廚房整食物，驚你地到時食唔切啲野。 其實即係坐左一個鐘度就last order, last order完比50分鐘你慢慢食既意思。last order 既熱食同樣好快五分鐘就送晒過黎... 大約9:30已經食完了，但冇得再order, 我地係第一次食放題係冇野食所以早走。其實食野其間見到隔離有兩枱又係個令鐘就自動走人，再望下其他位已經有一半吉位，呢一刻我終於明白哂。…查看更多

終於試到呢個五層芝士包雖然食到好飽，但搭完車返去都好想即刻試下不負所望，個包係由三層面包夾住兩層厚厚cream cheese, 好滿足因為都搭左半個鐘車，返到去啲芝士溶溶地，就比較creamy，食落有啲論盡因為真係太飽，所以只係食左半個就放左入雪櫃第二日食埋另一半，因為雪左所以啲cream cheese就實啲，食落去更實在一個芝士包$25 好似有啲貴，不過甘多cream cheese，我就覺得都食得過! 但好肥間唔中食下好了…查看更多

是日聖誕節，所以下午同屋企人去飲茶。二點半去到等左一陣就有位，原來因爲紅日所以冇下午茶，所以就好少人。先叫左個鮑魚撻，一隻鮑魚不算太細，味道一般炒雜菇幾好味，不過食到一半發現呢個係隻碟唔係碗，幾羹就食晒後面個炸粉菓好油，食左一啖發現有一條好長好粗的頭髮，所以要求換左佢最後呢個龍蝦湯加炸蝦卷，真係完全唔掂，個卷係完全冇味，又油，咬落去就成口油，大家都係咬左一啖就唔要。而個龍蝦湯入面就有半個洋蔥喺度，味道都係好一般以呢個價錢食到咁既質素真係一啲都唔值，每樣都四十幾至五十幾蚊，茶錢又貴，仲有碟花生要比錢。三個人食左四碟野，三百幾蚊唔飽肚，真係no next time…查看更多

星期六放工之後，同屋企人落黎食個休閒午餐。由於去到已經1:45，所以冇咩人，仲有好多位！三個人，叫左一個鱈魚天使面，雜菌雞柳意大利飯同一個全日早餐鱈魚天使面只係有大量的橄欖油，魚同面都好淡好淡，冇咩味，一向食得好清淡既我都覺得淡雜菌雞柳意大利飯不過不失，有啲阿麻籽喺飯度，食落有咬口全日早餐有啲失望，有塊魚柳，但炸得比較乾且冇味，蛋下面係法包，連蛋同黑松露醬食不錯。但對於全日早餐黎講，呢個百幾蚊既早餐唔夠令人滿足不過環境寬敞，坐得舒服的…查看更多

23號放假前夕當然要同同事一齊食餐好呢間價錢唔平，所以平日一定唔會黎食但聖誕節送甜品，一於試下是日有六個餐，我地分別叫左聖誕火雞，多利魚同蜜糖豬手(豬手要11:00前order定)先來南瓜湯及沙律，本人唔鐘意食南瓜，所以不評論我怕火雞"鞋"，又怕豬手油，所以叫左魚，仲要係多利魚，真係未食過就試下啦一黎到，見到份量好似好少喎，真係怕唔飽食左先算，就食下多利魚係咩味道先。個魚質唔算好滑，但係有好香魚味，亦都唔鯹，魚肉結實！好驚喜伴隨既係小菠菜同薯仔，本人本身很不愛吃菠菜，但呢個小菠菜實在太好味喇！由於有薯仔，食晒成碟都有八成飽，呢碟係物有所值既之後就係火雞，樣冇甘靚，但製作用心，火雞卷住一啲饀，火雞一啲都唔鞋！火雞肉同火雞卷但旁邊啲酸菜好似有啲唔夾最後係期待已久的豬手，份量驚人！女仔一定食唔晒不過可以期望太大，真係有啲失望，外皮好脆，但係入面啲肉就好乾，同埋除左外面有啲蜜糖，隻豬手好淡，失望最後，當大家見到個甘靚既甜品，都心諗應該好睇唔好食。但係當我第一口食落個蛋糕度，原來跟餐既甜品可以做得甘用心甘好食！真係要用好好味黎形容，個蛋糕好軟，唔係啲雪左好耐既蛋糕，棵聖誕樹係用脆米加朱古力做成，仲好好味添！真係成碟都可以食晒食完個甜品，真係又飽又滿足雖然對我黎話個午餐有啲貴，但食左餐甘滿足又甘有heart既聖誕餐，我覺得值既！ 一個月豪一次吧…查看更多

晚上做完運動，一心黎一田睇下有咩野食買返屋企食一黎到就比佢既自選刺身飯吸引平時食刺身飯梗有一兩樣唔岩食，所以我都好少食，不過呢度有廿幾樣野比你揀，可以揀自己鐘意食既今次揀左最愛的帶子，蟹棒，三文魚腩，鱆紅魚，甜蝦最贊既係個三文魚腩，好肥美；鱆紅魚新鮮，係睇到魚既光澤！帶子同甜蝦都好甜我今次叫左個細飯，一向細食既我都覺得唔飽，我諗下次要叫大飯同叫多幾個餸…查看更多

星期六難得放假，黎食個lunch黎到見呢間環境唔錯就入黎試下因為本人鍾意食窩夫就叫左依個餐有兩件窩夫，蕃茄湯螺絲粉，蜜糖芥末雞翼先講蕃茄湯螺絲粉，蕃茄湯不錯，唔太多味精味，有少少椰菜，清清地幾好蜜糖芥末雞翼，其實係炸雞翼配蜜糖芥末醬，炸雞翼比較油，個醬就不過不失，不過蜜糖芥末配雞翼~好味食晒咸食就到甜品，窩夫，比左枝楓糖你自己加的，不過窩夫真係好失望，可能放耐左凍左，變得靭靭地……個餐$54有野飲，埋單時見到減$10，原來早落單有得平，留單尾，下次食午餐仲可以減$5，甘$44又真係幾底食~因為環境唔錯，坐得都幾舒服…查看更多

其實d野食味道ok既...都唔算太貴...(Lunch)不過...當我食完最後一啖拉面時....係真係最後一啖...o my god...發現一隻都唔細的昆蟲... 即刻同佢講...點知個侍應居然忍唔住笑囉....可惡..最後...cancel左我個餐既錢....btw...早知影張相先同佢complain... 3文魚7吋長sushi都ok~我個fd話饅魚都唔錯~跟餐個炒菜都幾難食...又多油....原隻燒尤魚都幾好味既蝦卷就麻麻啦丫!個拉面其實好普通不過有昆蟲送..一d都唔普通...>.<...…查看更多

前幾天lunch 過左黎試下~都有幾多選擇, 我地叫左3個餐~比目魚烏冬, 燒牛肉烏冬同燒雞扖拉面餐跟湯/汽水, 3片三文魚刺身/2隻三文魚壽司, 和前菜我地等左15mins見佢連前菜or 湯都未黎~ 就同d waiter講啦~ 佢應左我地問我地:湯都未黎?我地話係啦~ 佢就答我地okok...點知....我地再等左10mins先黎淨烏冬=.=咁又冇餸喎~ 即係又冇得食住啦~~再等.... 過多5mins個湯就黎喇....之後三文魚刺身+前菜都黎埋~~~ 咁就飲湯同食住前菜先啦....食完晒...個烏冬拉面同d餸都未黎.....個拉面已經浸到'林'晒...終於黎喇.....係個燒雞扖 同個燒牛肉烏冬...我個比目魚仲未有得食>< 等到我都煩.....d野食足足等左大半個hour先黎齊....之後叫人加茶~ 叫左4次! 應左我地但都唔加比我地囉最後果次~果個waitress仲同我地講:知道喇..唔駛咁心急......真係好興囉~ 我地叫左好多次你都唔加比我地..佢地又唔見得有幾忙.... 成日行黎行去又唔拎野食比人..我見到3次..佢地拎d蟹子壽司比人果時..可能行得快or件壽司放得唔好..都會行行下件壽司跌底..d蟹子掉到成地都係~ 蟹子壽司上面d蟹子都冇左7788...但係..仲要比人囉.....比我就唔要啦唉...講真...個燒牛肉烏冬係幾好味gei比目魚同雞果個就麻麻啦~可惜d service真係好唔掂囉.... -晒分...…查看更多

之前聽人講呢度食野好低, 又好味~ 晏晝,就由九龍特登入黎食啦見d人話壽司又大又平~ $5-$10, 就入去試下啦仕到去...見d壽司...廿幾蚊gei... 算啦..都入到黎..就試下啦..貴都冇所謂啦我地叫左:三文魚刺身、魷魚蟹子壽司、鰻魚壽司三文魚腩烏冬、雞軟骨串三文魚刺身就好低~ $38 有8大件!!!正魷魚蟹子壽司即係黃金魷魚壽司都好大件~幾好味tim但係個鰻魚壽司就...真係好唔掂喇... $22.. 雖然幾大條..不過好難食呀... 條鰻魚好似橡筋咁=.= 最鍾意食鰻魚gei我真係好失望三文魚腩烏冬...一般般啦, d燒三文魚腩gei醬好甜, 咸返少少就好喇, 但係個烏冬反而幾好味~ 好滑!!雞軟骨串普普通通$15有2串d位好窄... 同埋d服務態度都唔係太得..叫左幾次加水都ok左就算.....同埋..佢都有幾個位空~ 而我地叫左好多野...張table都放唔晒..佢都唔肯change site比我地...今次新界之旅有點失望:(…查看更多