新世代"活武神"的個人專頁

外賣訂單無睇清楚就交貨，不突只，連餐具飲管都無比，我仲買左$3xx幾蚊外賣，之後想打返電話，才發現間店連電話都無，仲唸住打個電話佢可以補返我自己去自取。怪不得將軍澳咁多糖水店，只係得佢一間會比較少人幫襯。…查看更多

香港較少撈海鮮，好生意是好事，但這種服務態度真的太劣。話說當日下午5：50去到，因我們還有一位需6：30才能，問過服務員，該名服務員叫我地等夠人才入座，等到6：15，開始多客，服務員就叫我地取籌，取了籌入座已6：30，服務員跟我們說8：00要交枱，因為很多客人book左😡，如果一早係咁，6：00又唔放我地入座食左先？怕我地食多左蝕本呀？短短開業未夠一年立即加價，呢種服務態度點得！…查看更多

自從好員工調晒去新都城，呢班全體員工包括女店長態度都係極度惡劣，黑面神，本身間店已經係唔多人大把位，2人坐卡位要比佢鬧，入去食野比佢小，以後行遠D都唔會再落唻食…查看更多

香港科學園出名少野食，食飯等位係必然，但未試過有一間既員工態度會好似呢間韓國野咁惡劣，好似唔休做咁，比4人坐位6人去坐，你入就入，唔入就罷就，真係有6人坐又專登唔執枱，等你地係出面慢慢企。入到去，唸住等咁耐食餐好，食物品質估唔到咁差劣😤，個韓式炒牛肉飯既牛肉鞋到食渣😡；最貴既韓國黑炸醬炸雞，D粉多到爆😡；蜂蜜焦糖炸雞，連埋炸粉好似食緊砂糖咁😡；韓國全州醬油豬手飯，全個飯得3塊肉🤬；個莎莎醬味精勁多，食完口渴足成個下午😡，以後bad list!有望香港科學園快D批準多D新餐廳開張，以免被呢D員工影响巿容，極度惡劣。…查看更多

差到無人有, 侍應唔夠好心唔好開張住啦, 著住黑色西裝D死人主任仲衰 (特別係四眼果個亞叔, 串串貢), 眼望住你叫但當你無到, 都唔係只得我一個客人投訴, 大大話話都聽到十幾圍嘈佢~ 上到唻無人理! ~ 有位坐坐低後無茶開! ~ 想叫餸又無人啋! ~ 叫左餸等極都未唻!~ 唻左個煲但叫左3個主任都無人拿個GAS爐唻, 食涷野呀!都唔知咩態度!…查看更多

本人昨晚食晚宴，一早已訂了12位，其中一架輪椅，及訂了半席套餐，但去到門店，侍應黃小姐竟安排一張8人細枱給我們，反而裡面一些大枱卻留給只有５位的「熟客」。本人同經理投訴，經理只輕蔑一句:"我都無辦法，難道我要叫客人走。"態度極其惡劣。最終我地決定耐心呆等，等到該枱「熟客」離開後再安排把大枱調給我們，之後更嚴重問題就發生。 每碟餸未食完，立即被侍應好似趕客咁收碟，為何唔出聲問過我地還要唔要才收走呢？食物的質素更過份，條龍躉魚又唔熟，隻雞又唻錯3次。 …查看更多

唻得九龍城例牌梗係要食返味泰國菜，今日同幾個朋友再唻，發現開左間新店，裝修比起其他連鎖店無咁高貴(連鎖店豪華但菜式唔夠正宗)，但亦比一般正宗泰菜菜館舒適高雅。一入門口，見到玻璃廚部掛左一隻隻雞，坐低後，服務員向我介紹左兩種必食小菜，就係我見到既招牌海南雞及招牌豬手，我相信新開店一定介紹佢地最馳名小菜比我地呢班新客，我地一於試下，再加個柚子沙律，沙爹串燒，蠔餅，蝦醬炒飯，雜會湯粉，豬雜卷粉(泰文又名"龜汁"，又學多個泰文 ^O^)。先唻個前菜柚子沙律，講真我第一次食呢種沙律，覺得幾特別；跟住2個招牌菜上左，我同我班朋友大讚無介紹錯，個豬手多肉又夠爽；而個海南雞勁滑又夠味；個卷粉好正宗，呢種特式泰國粉出面好難搵到；而個沙爹串燒既沙爹味濃而不醎，可以再辣D更好。上幾次我地專程入西貢食泰國野，但水準好唔穩定，今次呢間泰風情就要甜有甜，要辣有辣，醎味都適中，最緊要夠正宗，加上呢間野舒適高雅，服務好，總括比個GOOD!P.S.等餸菜時，我見到全店所有人，包括事頭婆、服務員同廚師，全部都係泰國人但識講廣東話，正宗得有道理。…查看更多

見到呢間餐廳環境唔錯, 蘭桂芳亦都有分店, 所以入去品賞一下, 點知......唻到門口, 企係度呆等, 店內幾位後生侍應 (經驗極之不足) 只係望出唻, 但完全無反應, 無人招呼。叫左個六成熟既牛扒同肋骨,  (價錢唔平), 一杯涷奶茶一杯熱檸水, 又開始呆等了.....等左差不多20分鐘, 本人開始動氣, 追下店長之下, 才知道果個後生侍應跟本漏落單! 店長幫我地落返單之後, 先唻左杯涷奶茶及熱檸水, 一飲之下...........好苦呀! 我再同店長講! 未落糖嗎? 但又無比糖醬及包包糖我地, 店長才拿給我們。再唻個六成熟牛扒, 六成熟牛扒, 肉質超硬, 竟然好似九成熟既牛扒咁硬! 一間咁高貴餐廳, 提供咁既食品同服務, 已經極度失望.....點知, 到最後埋單......餐廳已經少客! 竟然可以埋錯單, 好彩我老婆精明眼, 望一望, 計左另一張枱既單比我地我很少給予餐廳劣評, 呢間亦係我遇過最劣服務既貴價餐廳, 食物又差, 我唸呢間油塘大本型既分店, 幾難可以捱得到!!…查看更多

老婆仔剛考完試, 我專登drive車去接佢放學, 之前話過想食法國餐, 我又search過呢間法國野咁多個笑哈哈, 唸住唻試下, 點知9:30pm入到去, 惡夢既開始一入去個侍應第一個反應係問我地做咩, 我咪話食飯2位, 跟住佢比說話我地聽, 話佢地last order 10:00pm喎, 咁我見仲有半小時order, 有咩問題之後我地坐低, 聽到呢個侍應在我地後面同其他侍應講我地壞話, 佢話"9:30pm先入唻, 阻鬼遲晒我地收工", 我地聽到咪立即發火, 同經理講, 而家係咪唔做我地生意, 係我地而家立即走人! 經理梗係同我地解釋廢話.....之後照常落order但係D餸好失望, 又涷唔熱, 味道又無特別, 唉!…查看更多