puddings的個人專頁

一直好鍾意去街市呢間兩餸飯到買淨雙餸，雖然味道一般，你唔好預有樣嘢好好食，但唔係差，椒鹽豬扒係正常質素，但唔會係伏，之前試過蒸魚佢係好多碎骨嘅魚，驚魚骨嘅就唔好揀，咕嚕肉味道係OK，兩餸飯你預咗多骨就OK，其他食物都真係不過不失，炒菜嗰啲係OK，唔會有啲特別奇怪調味。價格以兩餸飯嚟講係少貴，不過依然揀佢真係貪佢係載滿，所以加價都會照買，算係實惠為主。不過近幾次去買，佢真係唔會載滿，淨餸已經貴過買兩餸飯...以前一直覺得佢最大嘅優點立即無哂..…查看更多

話說呢日去咗紅磡拎糕，行去搭車必經土瓜灣，本身食咗個tea嘅我仲有空間就土瓜灣覓食，見到呢間肥媽小食店，心諗：小食！啱哂！咁就係門口睇吓個menu，細細間舖嘅選擇都唔少喎！本來想食個印尼撈就算，點知見到有得撈丁，$33撈丁有兩個餸仲包冷熱飲品，呢口價其實算抵食，因為見住佢拎個出前一丁，又冷熱飲品同價，平時凍飲至少加兩蚊，嗌咗個咖哩撈丁拼炒蛋同波波腸，咖哩撈丁味道幾好，波波腸都係正路嘢，但個炒蛋真係正，佢係仲滑嘟嘟未完全熟哂嗰隻，鍾意食炒蛋嘅我最鍾意呢隻質地，食完呢碗撈丁就好滿足咁搭車歸家！呢口價同呢個質素對我嚟講都係可以翻啅，當然前題都係順路，但去開嗰頭又真係可以諗諗！…查看更多

話說真係唔係住喺西九龍嘅區域，要間唔中先可以嚟一次深水埗食嘢，喺呢區買嘢食嘢飲其實價錢都比較親民，今日嚟到西九龍中心嘅food court，就試下排曬長龍嘅水門泰式海南雞飯，星期六未夠一點去到前面已經有15人以上，首先要排隊買飛，佢每做幾個客先再賣一次飛，所以你排隊買完飛其實已經差唔多整緊你嗰份，你見到佢處理生雞同切雞都有換手套，幾衛生！今日就試一客海南雞飯，再加泰式青檸梳打，加埋先43蚊其實有飯有湯有嘢飲真係幾抵！先講一講海南雞飯，雞肉嫩滑點汁好食，不過個人嚟講份量較少，下次可以試吓同朋友夾一隻雞會開心啲！至於個湯有一浸藥材味，唔太啱我飲；而杯泰式青檸梳打對我嚟講幾好飲，呢杯梳打只係要8蚊，其實真係好抵！…查看更多

話說係北角返工咗咁多年，一直都只係識得去X茶、X腳亭，今日喺偶然嘅機會下行英皇道個砲台山地鐵站，終於發現呢間鋪面細細嘅飲品店，一開始見到宣傳牌的雪糕鮮芒布丁個樣好靚就諗住嗌，多口問一問需唔需要指示冰量同甜度，職員就話呢個其實係甜品嚟，係用嚟食，（但其實個樣真係似嘢飲😂）仲好有單咁樣提議我如果想飲芒果飲品，佢建議我飲牛乳布丁芒果厚奶，所以我就嗌咗！出到呢個樣真係幾靚，最緊要你見到佢係有鮮芒果打成嘅蓉，同一粒粒芒果肉，用真果肉感覺上抵啲🙈飲落去估唔到原來牛奶布丁同芒果咁樣加埋係好好飲！所以如果大家鍾意芒果產品又唔介意飲牛奶，可以試下呢杯牛乳布丁芒果厚奶！推薦！…查看更多

其實之前已經試咗佢嘅豆腐花同埋豆漿，豆腐花係好滑，而且價錢亦唔算貴，豆漿亦唔算好甜，豆味都好重！經過後得呢個賣嘢食嘅地方幾次，每一次見到啲高點都好想買，不過始終唔係直接返屋企就難啲，所以今日決定喺返屋企之前買佢嘅糕點，而且今日終於見到前幾次都見唔到嘅紫芋糕，所以我買咗紫芋糕x2、 紅棗糕x1同埋芒果西米糕x1，四件加埋都係$23，即係唔洗$6件，抵食！芒果西米糕同我預期嘅一樣好食，呢個芒果西米露嘅組合本身就冇得彈！紅棗糕亦唔算好甜，棗味都好香！最令人驚豔嘅係紫芋糕，佢濃郁嘅紫芋係令人係想一食再食！正！另外，我亦買咗一盒齋返去，大盒都係$30，抵食！由於我唔太鍾意咖哩齋，所以我其餘都有要，盒齋整體OK，最鍾意都係食酸齋！…查看更多

呢間魚木近排真係好多人排隊買嚟食，所以嗰日見唔多人企門口就買嚟試食吓，原來唔多人只係幻像，只係大家買完飛行開咗，所以其實點都要等一陣先有得食，先試食佢個招牌玉子燒，食落口真係好滑，食幾食就好快食哂！再食埋佢知鹽酥雞，有成6大件，睇落就好抵食！食落口新鮮炸起真係不得了，又唔會太多炸粉，好香好好味，呢間可以話係「翻啅」之選，下次有機會食吓佢啲飯先，見到好多人買！仲有佢啲湯，次次去到都已經賣哂，下次要早啲去買包試吓，咁就唔洗煲都有湯飲！…查看更多

其實呢邊真係好少嚟，不過去開JCCAC晏走唯有搵間茶記食住先，環境就係逼咗啲㗎啦，好在今日唔算多人，唔算太差，衛生就茶記囉，唔可以預佢太好㗎啦！茶記無乜好，最好就係基本嘢一定有，乾炒牛河、星洲炒米嗰啲唔少得，咁咪叫個星洲炒米飲、凍檸茶囉！凍檸茶就正正常常嘅， 茶餐廳茶味淡啲唔緊要！不過個星洲炒米就真係好麻麻，以為星洲炒米好穩陣，無乜餸都嚟緊要，連咖哩味都無乜，成碟靠自己加嘅醬， 茶記連星洲炒米都搞唔掂，不如算啦！不過佢都算有啲街坊生意，應該唔會執嘅！…查看更多

見到網上訪問講到咁巴閉所以就Book了Lunch Buffet，網上訪問話半自助餐好多嘢食但原來只有晚上供應，咁都算啦，諗住兩舊幾水可以有正正常常嘅嘢食，去到話12：00開始，佢關門關到12：05都未開門，所有人喺門口到等呀等，唯有勇者無敵推門，佢哋先恍然大悟時間夠，不得了！嘢食方面無冷盤，前菜得啲沙律都算，熱葷7-8款有4款係粉麵飯，其餘精選推介係雞翼同炸魚，我諗同早餐分嘢係多咗個切牛扒，無刺身得大大舊飯壽司同太卷，甜品佢夠膽死封咗甜品櫃，得三款甜品放出嚟，訪問講到好正嘅雪糕又只供晚市享用，即係兩舊幾水嘅Lunch Buffet只係咁多嘢食！唯一讚嘅係侍應都叫盡心服務，但本身其實無乜好做，因為無乜嘢食！奉勸大家唔好再睇到報導誤會晚市正午市有三根釘！…查看更多