小綿羊廚房的個人專頁

呢日嚟咗呢間喺旺角嘅韓國🇰🇷餐廳食午餐🤣$138「直火現炙牛肋骨」：牛肋骨上枱嘅時候店員小妹用火槍燒吓，幾好玩🤣；牛肉好軟熟兼好牛味🤣；仲有一 set 嘅配菜包括 漬蘿蔔、泡菜、紫菜、湯、白飯可以食，仲有一杯飲品添🤣；仲有，比較特別之處係呢個牛肋骨係冇骨嘅啖啖肉食得好方便🤣$125「直火現炙豬腩肉」：豬腩肉上枱嘅時候店員小妹都係用火槍燒吓，都係幾好玩🤣；豬腩肉有啲咬頭要咬吓先得🤣；都係有一 set 嘅配菜包括 漬蘿蔔、泡菜、紫菜、湯、白飯 可以食，仲有一杯飲品添🤣；仲有，比較特別之處係呢個豬腩肉竟然係有少少骨嘅咁可以噒吓骨幾開心🤣$113「檸檬雞肉沙律」：雞肉有啲切幼條有啲切粒全部肉質都好軟熟🤣；有新鮮爽脆嘅沙律菜🥗，仲加有腰果、雞蛋、蘋果片、洋蔥、車厘茄等，再撈埋都相當甜嘅檸檬沙律醬醋汁，味道幾得意🥗$298「白切五花腩」：五花腩🐷目測大約 32%瘦肉68%脂肪🤣，呢隻豬估計生前生活悠遊兼唔鍾意做運動所以積聚咗好多脂肪所以咬落超軟熟又非常甘香🤣🤩，五花腩🐷仲放喺一個蒸鍋上邊咁由頭食到尾都係熱辣辣👍；仲有一大碟新鮮菜葉、蒜片、紅辣椒、青辣椒、辣椒醬、蒜頭醬汁，用蔬菜包住 五花腩🐷 同呢啲配料一齊食😋$108 「辣魷魚牛肉水冷麵」：非常鍾意食「韓國🇰🇷水冷麵」（特別係《平壤冷麵》喺韓國🇰🇷真係食唔少不過香港冇乜地方有得食）🤩，喺韓國🇰🇷從未見過「水冷麵」加「辣魷魚🦑牛肉」，喺呢度有得食就梗係要食吓🤣，「水冷麵」幾煙韌，做法仲應該非常遷就香港人嘅口味🤣$75「Yadllie 原味手工生啤」：順滑，兼有濃郁嘅小麥味🤣$43「生薑茶」：熱辣辣、大大杯、非常薑、超級甜🤩…查看更多

星期日接近黃昏時間嚟咗呢間喺上環嘅星加坡菜餐廳食下午茶🤣呢度有多款「下午茶餐」配埋飲品可以選擇🤣$76「星洲香辣炒飯」：炒飯裏邊有雞肉粒、蝦仁粒、豆角粒，炒飯炒得好香口，仲辣辣哋所以亦都幾開胃🤣；旁邊仲加咗啲豬肉肉鬆可以食🤣；亦都有兩串燒得好香口嘅雞肉串燒🤣$68「串燒拼盤」：拼盤裏邊嘅材料包括有3串大蝦🍤同埋3串雞肉，全部都燒得幾香口好食🤣，大蝦🍤仲已經剝咗殼食得好方便🤩；餐廳亦都提供一碟 Sambal 叁峇醬，咁又再惹味啲啲🤣$68「海南雞飯 Hainanese Chicken Rice」：海南雞好雞味兼皮黃肉白😋，仲有一碗非常有油香嘅雞油飯🤣，仲有新加坡黑醬油、辣椒醬、薑蓉可以沾雞食🤣加咗一碟 $72「Sambal 叁峇醬炒通菜」：通菜份量勁多好大碟，兼且新鮮幾爽脆🤣，用 Sambal 叁峇醬炒，非常惹味🤣；Sambal 叁峇醬 一般會認為係印尼🇮🇩加咗蝦醬嘅辣椒醬，不過其實淨係喺印尼🇮🇩種類已經有超過200種，咁新加坡🇸🇬馬來西亞🇲🇾亦都有自己嘅品種🤣，所以我都唔係好清楚邊種 Sambal 打邊種因為種類實在好多🤣跟「下午茶餐」叫咗「桔仔話梅水（熱）」、「青檸紅茶（熱）」、「馬來拉茶（熱）」：「青檸紅茶」叫咗走甜、夠濃郁🤣，「桔仔話梅水」冇得叫走甜所以甜甜哋幾好味🤣，「馬來拉茶」都叫咗走甜有幾典型嘅星馬奶茶香味同非常滑🤣…查看更多

星期日中午嚟咗呢間喺東涌東薈城專門食日式丼飯嘅餐廳食個 weekend lunch 🤣$118「豪華海鮮丼 Deluxe Seafood Rice Bowl」：餐牌咁樣形容《用上多款時令刺身，口感豐富，絕對能滿足喜愛多重海鮮口感的饕客》，材料包括牡丹蝦、吞拿魚赤身、吞拿魚蓉、三文魚、油甘魚、帆立貝等，材料新鮮，加啲醬油，要嚟撈飯食好夾🤣$298「特上海鮮丼 Supreme Seafood Rice Bowl」包咗有前菜，係加有胡麻醬嘅 「油甘魚刺身+三文魚刺身」，油甘魚刺身同三文魚刺身各有兩片都幾新鮮，沾胡麻醬一齊食幾特別又幾好味🤣「特上海鮮丼」：材料有《金槍魚蓉・青瓜・鯡魚子・增量紅鱈蟹肉・金槍魚・3倍増量鮭魚子・螺肉・象拔蚌・3倍増量海膽・赤蝦・魷魚》，海鮮全部都夠新鮮🤩，全部海鮮都切成小粒或者剁到變蓉食得夠晒方便🤣餐廳仲安排「一丼二食」，即係一碗海鮮丼可以「淨食」同「湯漬飯」兩種食法，湯係用鯛魚煮成嘅高湯，海鮮飯食咗⅔就可以話俾店員姐姐知再通知廚師哥哥加湯，廚師仲會加啲芹蔥同埋日本柚子皮，令到本來已經鮮味嘅湯底再加幾分清新而層次又豐富啲啲🤣…查看更多

呢晚嚟咗呢間喺尖沙咀嘅韓國🇰🇷餐廳食晚餐🤣呢間係 Halal حَلَال 韓國菜仲應該係全港唯一嘅一間Halal حَلَال 韓國菜餐廳，所以客人都頗為 international 🤣$148「人蔘雞湯 Chicken Ginseng Soup」：典型韓國🇰🇷蔘雞湯滾熱辣大大一鍋🤣；雞湯湯底味道非常濃郁美味🤣；有軟熟嘅雞肉可以食，餐廳仲可能係用咗壓力煲去煲所以連雞骨都煲到軟腍腍，可以食落肚🤣$108「雞肉紫菜卷 Chicken Kimbap」：材料應該有雞肉、漬青瓜、紅蘿蔔、蔬菜，仲灑咗好多黑芝麻同白芝麻喺上邊，食落感覺充實🤣$168「海鮮煎餅 Seafood Pancake」：海鮮有魷魚、蜆肉仔等，煎餅外皮煎到少少脆，夠香口🤣，味道就偏清淡感覺健康啲，如果想濃味啲有一碟醬油可以沾🤣$18「韓國🇰🇷綠茶 Korean Green Tea」：係熱嘅韓國🇰🇷綠茶，香味好 subtle 🤣$58「青瓜青檸梳打 Lime Soda」：可以叫完全唔加糖，咁叫咗，所以完全唔甜，有青檸香味，非常清新🤣$78「燒雞中翼 Chicken Wings」：雞中翼被薄薄嘅脆漿包住，炸到外邊脆卜卜，非常香口🤣…查看更多

Momiji Chayaもみじ茶屋 係嚟自日本🇯🇵鎌倉，喺鎌倉同横浜都有店舖🤩；鎌倉我只係去過兩次而横浜我就去過N次因為嗰度有展覽館出差嘅時候我會住喺東京日日由東京坐車去横浜展覽館工作🤣，但係我就從未去過喺鎌倉同埋横浜嘅 もみじ茶屋 🤣呢晚就同朋友一齊嚟咗呢間喺荔枝角商場裏邊嘅もみじ茶屋食晚餐🤣$148「海鮮四色茶漬飯」：四色海鮮包括有三文魚籽、甜蝦、吞拿魚赤身、三文魚刺身，就咁配白飯一齊食又得，加啲醬油同埋 wasabi 撈飯食都得，加蝦湯同埋香蔥做茶漬飯食亦都得，得咗🤣；比較特別嘅係可以揀蝦湯（亦都有鰹魚昆布湯可以揀）做茶漬飯，味道頗濃郁🤣；呢個定食仲包兩小碟漬物🤩跟餐加 $35 「旬之野菜」：材料包括有椰菜同埋有少少芽菜、雜菌、洋蔥絲、芝麻，一齊炒簡簡單單幾好食🤩$38「炙燒帶子」：帶子幾鮮甜，口感軟熟，用紫菜包住嚟食，口感再豐富少少🤏🤣$10「味玉」：簡單幾好食🤣$78「燒花魚一夜干」：魚肉肉質軟，仲有啲啲鹹鮮味🤣$88「風味魷魚（原條）」：魷魚🦑夠新鮮，肉質爽滑，仲加咗啲幾好味嘅醬汁一齊食🤣$52「鎌倉紅葉茶屋抹茶白玉」：呢個甜品配一小碗「抹茶」，呢間餐廳嘅「抹茶」應該係嚟自「森半 morihan (創業 1836年)」，「森半」歷史悠久有製作各種類型唔同嘅茶🤣，呢小碗「抹茶🍵」顏色碧綠兼非常濃郁🤣；白玉就圓轆轆細細粒都幾Kawaii 🤩，除咗白玉又有綠玉（估計係加咗抹茶）🤣，白玉係由白玉粉做成，白玉粉係由もち米做成，即係嗰啲喺日本🇯🇵過年嘅時候食好煙韌mochi 糕🤩；呢度嘅白玉做得夠煙靭兼完全唔甜，不過碗中間有非常甜嘅あんこ紅豆蓉，撈埋一齊食幾好味🤩；如果仲覺得唔夠甜，咁有一小瓶勁甜嘅抹茶糖漿可以再加上去🤩；甜點配抹茶🍵，真係非常夾，原來白玉同あんこ紅豆蓉同抹茶3個係做到好朋友㗎🤣…查看更多

呢晚同朋友一齊嚟咗呢間喺土瓜灣嘅中菜餐廳兼火鍋店食晚餐🤣未講食之前首先讚吓老闆囡囡（係第三代）招呼非常之好，真係 very 嘅 good 🤣餐廳有 $828「象拔蚌肥牛套餐」，餐牌寫住話2-3個人食，包括好多食物：生猛象拔蚌一條冰鎮三寶（肥爽豬手、麻辣牛粒、拍青瓜）手切特級牛肩西班牙黑豚肉黑柏葉拼水魷手打鮮墨魚丸（6粒）脆トト無骨脆腩片自家包鮮蝦雲吞拼鮮包韭菜餃稻庭烏冬鮮炸魚皮健康蔬菜雙拼自選鍋底（四選一）：清湯鍋、皮蛋芫茜鍋、苦瓜排骨鍋、清補涼豬骨鍋，咁我哋揀咗 苦瓜排骨鍋 🤩冰鎮三寶：肥爽豬手嘅豬手皮非常爽脆、麻辣牛肉粒切成 bite size 辣辣哋一啖一粒好味道、拍青瓜加咗好多蒜蓉爽脆得嚟又好惹味🤣加拿大🇨🇦嚟嘅象拔蚌，非常新鮮，口感爽脆，食落好鮮甜，好好味🤩脆トト無骨脆腩片：呢個係熟食，脆腩片超級脆卜卜，仲用咗類似避風塘做法，非常香口好食🤩苦瓜排骨鍋：加有大量 大釘苦瓜、排骨、芫荽、粟米、野菌、黑胡椒粒，仲加咗少少鹹酸菜，真係落足材料🤩，其中 大釘苦瓜 少少苦少少甘非常好食🤣自家包鮮蝦雲吞拼鮮包韭菜餃 + 手打鮮墨魚丸：鮮蝦雲吞大大隻脹卜卜食到裏邊真係有爽滑嘅鮮蝦🍤，韭菜餃都係大大隻裏邊有好多韭菜非常充實🤩，墨魚丸就幾爽口🤣手切特級牛肩 + 西班牙黑豚肉：豬肉肥瘦適中肉質軟熟好豬味🤩，牛肩都係肉質軟熟有濃郁牛肉味😋，老闆囡囡仲示範俾我哋睇要灼幾耐先食至係最好味👍，老闆囡囡亦幫我哋做 skimming 喺香港似乎從未見過（喺日本食火鍋店員幫手skimming 就當然係好普通啦），真係抵讚👍🤣黑柏葉拼水魷：黑柏葉口感爽脆 水魷就口感爽滑，兩樣都好食🤣稻庭烏冬：非常煙靭兼好滑🤩真係好多嘢食，我哋兩個人食，不過呢個套餐絕對足夠三個人食，都可以超飽🤩…查看更多

呢晚同朋友一齊嚟咗呢間喺灣仔嘅中菜廳食晚餐，呢度有火鍋食又有小菜食，咁我哋揀咗食小菜🤣未講食之前，呢度嘅老闆同員工都招呼好好，抵讚👍；亦都見到有好多熟客嚟幫襯🤩$168「黃金焗海蝦」：海蝦🦐新鮮大大隻，肉質鮮甜，用薄薄哋嘅脆漿包住，最外邊沾滿鹹蛋黃，食落非常香口美味🤣，仲大大碟有好多隻海蝦🦐可以食🤩$168「脆皮燒雞半隻」：真係冇改錯名，燒雞外皮燒到脆脆哋，雞肉就軟熟好雞味，整體香口好食😋$148「清蒸海鱸魚」：海鱸魚好大條，廚師將魚鎅咗幾刀，咁魚就可以快啲蒸熟，魚肉就更加滑，亦都食得好方便🤣；鱸魚新鮮，魚肉鮮甜，清蒸食到原味同鮮味，仲因為大大條真係有好多魚肉可以食🤣$85「金銀蛋浸時蔬」：揀咗西洋菜，西洋菜新鮮，食落幾爽口，金銀蛋煮味道就濃郁啲啲🤣；仲有，份量勁多，食咁多菜感覺健康啲🤣$168「豉汁蒸白鱔」：白鱔好新鮮，肉質鮮甜，豉汁蒸味道好濃郁，好惹味🤣我哋兩個本來超肚餓，食完呢個美味兼豐富嘅晚餐，碟碟都大大碟，變得兩個都勁飽，超滿足🤣…查看更多

呢日嚟咗呢間喺尖沙咀嘅樓上素食餐廳食午餐🤣$88「特價福利限時優惠套餐」，揀咗「韓式紅蔘雞湯+琵琶豆腐+沙嗲牛肉飯+菠蘿氣泡特飲（+$10）」🤣「韓式紅蔘雞湯」：超級熱辣辣，湯底味道非常濃郁，好好飲🤣「琵琶豆腐」：圓轆轆兩粒「琵琶豆腐」，外邊脆脆哋，香口🤣「沙嗲牛肉飯」：沙嗲醬味道濃郁有花生香味，要嚟撈飯食，好夾🤣「菠蘿氣泡特飲」：少少甜清新幾好飲🤣$98「粟米濃湯佐翡翠苗（奶）」：翡翠苗係豌豆嘅幼苗，係豆芽生出最幼嫩嘅部分，口感通常鮮嫩細緻😄；呢度嘅 翡翠苗 做得清淡兼清新👍，粟米濃湯做得夠 creamy 😋$68「台湾叉燒刈包」：大大個熱辣辣嘅刈包好鬆軟🤣$58「香煎腐皮卷」：腐皮軟腍腍，口感幾得意🤣$138「意大利香草風味酥皮pizza（奶）」：酥皮做得好鬆化👍，加埋香草、橄欖 等，整體好美味😋$38「胚芽奶茶（奶）」：胚芽係植物種子胚嘅一部分，胚芽位於胚軸嘅上端，而小麥胚芽營養價值相當高，係小麥嘅營養精華，體積僅佔小麥嘅3％，不過能提供小麥高達97％嘅營養😆；呢杯「胚芽奶茶」有淡淡嘅麥味，仲唔算好甜😆…查看更多

星期日晚同朋友一齊嚟咗呢間喺尖沙咀嘅烤魚店食烤魚兼打邊爐🤣餐廳有特價 $398「烤魚自選組合」，包括「清江魚」（自選口味）+ 一款小食 + 三款烤魚火鍋配菜 🤣我哋食「烤魚自選組合」之前食咗個 $78「瑤柱蛋白扒豆苗」：豆苗新鮮爽脆，清炒完之後喺上邊加咗瑤柱蛋白，咁又豐富啲啲、好食啲啲🤣小食揀咗「脆脆午餐肉」：午餐肉炸到外邊脆脆哋，夠香口🤣「清江魚」揀咗唔辣嘅「蒜香口味」，上枱嘅時候「清江魚」放咗喺一個四方鍋裏邊，「清江魚」肉厚、多肉、肉質肥美兼嫩滑，有勁多蒜蓉放咗喺湯底裏邊煮，雖然我哋揀咗少鹽少油，但係湯底味道依然十分之濃郁，充滿油香兼且鹹味十足🤣三款烤魚火鍋配菜分別揀咗「萵筍片（半份）、嫩滑雞柳（半份）、特級香菇貢丸（半份）」：全部都幾好味道🤣餐牌仲寫住《每位加 $28可暢飲無酒精飲品》🤣，咁我哋飲咗 桂花寒天綠茶（凍）、人蔘烏龍茶（熱）、無糖可樂、藍山黑咖啡（熱），全部都清新幾好飲🤣仲加咗一個 $46「黑豚肉」：黑豚肉大約25%脂肪75%瘦肉，肉質甘香夠軟滑🤣$25「雞肉串」：有兩吋，大大串，啖啖肉，燒得幾香口🤣…查看更多

天氣開始冇咁熱，凍又講唔上，不過有啲啲涼涼哋，咁就同朋友嚟咗呢間火鍋店食午餐🤣餐廳有《台灣120分鐘吃到飽火鍋套餐》咁揀咗《LV1 Prime Grade 牛肩胛肉＋西班牙無激素豬肉片》仲有《每位送一杯台式飲品＋ 任食Movenpick, Dryer's 等超過十款雪糕🍧》🤣我哋加 $48 要咗《鴛鴦鍋底》，揀咗「台灣養生花膠雞涮涮鍋」同埋「藥膳特濃芫茜雞湯」🤣「台灣養生花膠雞涮涮鍋」有好多好滑兼有啲煙靭嘅花膠同埋都係好滑嘅雞件可以食🤣，「藥膳特濃芫茜雞湯」上邊鋪滿芫荽，感覺健康啲🤣每位送一杯台式飲品，咁揀咗「愛文芒果檸檬茶」（烏龍茶）同埋「龍鳳檸樂」：兩杯都係勁大杯🤩，唔算好甜，清新幾好飲🤣蔬菜、肉類、海鮮、餃子、丸類、前菜、飲品 等都有好多選擇，我哋起碼食咗 烤台灣腸（熟食）、秘制台式雞件、手工潮汕豬肉丸、方形魚腐、超甜粟米、游水海蝦、麻辣手拍青瓜、響鈴卷、白鱔片、花膠片、炸魚皮、手工梅菜豬肉丸、手工韮菜餃、脆鯇魚片、脆骨腩、油麥菜、羽衣甘藍、白蘿蔔、萵荀，全部都幾好味🤩我哋仲食咗一個 MOVENPICK® 雲呢拿雪糕同埋一個 Häagen-Dazs 士多啤梨忌廉雪糕，兩個都非常之好味🤩真係超級抵食啱晒大胃王🤣…查看更多

同朋友一齊喺九龍城，人人都知道呢區有勁多泰國菜館🇹🇭，呢晚就揀咗呢間高質素泰國🇹🇭餐廳食晚飯🤣$78「泰式馬拉盞炒椰菜苗」：椰菜苗🥬好新鮮，非常爽脆，馬拉盞炒提升味道，仲帶啲啲BB辣，食得好開胃🤣$32「椰青」：有清新嘅椰子味，清甜好飲🤣$95「泰式海南雞半隻」：海南雞皮黃肉白仲拆埋骨食得超級方便🤣，雞肉煮得夠熟但係又唔會太熟所以肉質好滑好雞味（太多餐廳嘅雞煮得唔夠熟雞骨血淋淋啲血仲黐咗落啲肉度有啲就連厚肉嘅地方都唔係好熟 ），而雞皮就仲滑，朋友同我都忍唔住食咗1-2塊雞皮🤣，呢碟海南雞係高質素🤣$158「泰式明爐梅子烏頭魚」：烏頭魚魚肉肉質鮮甜又幾結實，大大條有好多魚肉可以食🤣，仲加咗芫荽、香蔥、芹菜、香茅、豬肉碎、蒜頭粒、南薑等一齊煮，咁樣味道又提升好多🤣，仲有，泰式明爐煮由頭食到尾都熱辣辣😋，仲有啲煮魚嘅湯汁可以飲吓🤣$75「泰式蒜蓉焗牛油大頭蝦一隻」：叫咗兩隻🦐🦐🤣，用大頭蝦加牛油加粟米加洋蔥加紅蘿蔔粒加香蔥一齊炒或焗，有濃郁嘅牛油香味🤣；兩隻🦐都大大隻真係有好大個蝦頭🤣，蝦頭裏邊又有啲啲蝦膏🤩，而蝦肉肉質結實🤣…查看更多

週日晚上嚟咗呢間喺尖沙咀好努力營造日本🇯🇵氣氛嘅餐廳食晚飯🤣餐廳陳列咗好多日本🇯🇵飾物包括日本🇯🇵海報日本🇯🇵車站標誌日本🇯🇵著名已逝世男演員高倉健嘅照片日本🇯🇵不同類型嘅まつり海報日本🇯🇵漫畫日本🇯🇵酒蔵 labels日本🇯🇵鯉魚旗🎏 Koinobori (鯉のぼり)日本🇯🇵酒樽等等🤣$188「串燒套餐優惠（送）自家製檸檬燒酎」：串燒包括有雞翼、雞皮、生菜豚肉卷、免治軟骨雞肉棒、明太子西葫蘆、粟米：全部串燒都幾好味，其中我比較喜歡嘅係生菜豚肉卷將豚肉包住大量生菜食落口感清新同埋燒雞翼我梗係鍾意食🤣「自家製檸檬燒酎」：裏邊有打碎咗嘅檸檬皮檸檬肉，飲落幾清新🤣；另外，香港10個有9個人都讀錯個《酎》字🤣$238「三文魚籽海膽杯」：海膽新鮮，偏向爽口，加埋大量三文魚籽，仲有少少三文魚肉，配壽司飯食，幾好食🤣$78「國產和牛他他 TACO」同埋 $78「海之幸TACO」：Taco 當然係墨西哥🇲🇽食物多數用粟米餅做🫓我都非常鍾意食🤣，咁喺呢度就改成用日式脆卜卜嘅海苔🤩，「海之幸」就加入吞拿魚蓉、海膽、三文魚籽等 而「國產和牛他他」就當然係用牛肉仲係「國產」嘅添🤣，兩種 Tacos 都幾好食，亦都感覺好豐盛🤣$98「芝士醬厚燒玉子」：Tamago 上邊加咗啲芝士，上枱嘅時候店員哥哥仔再用火槍燒一燒，幾得意🤣$68「吉列童星蝦仁（2隻）兒時回憶」：兩2隻蝦仁🍤被即食麵碎包住嚟炸外邊夠晒脆卜卜😋$52「白桃梳打」：有淡淡嘅白桃味幾清新🤣…查看更多

呢晚同朋友一齊嚟咗呢間喺北角嘅阿根廷🇦🇷餐廳食晚餐🤣餐廳依家有 $448 DINNER SET 可以自由組合🤩，Dinner Set 喺阿根廷🇦🇷都幾難搵得到，因為喺阿根廷🇦🇷嘅餐廳基本上晚市都係做 a la carte，呢間餐廳迎合香港🇭🇰市場提供 Dinner Set 真係 very nice 🤩；晚餐 - 包括 Soup + Aperitivo + Main + Side + Dessert 餐湯+頭盤＋主菜+配菜+甜品 🤣阿根廷🇦🇷係一個非常值得去旅遊🧳同探索嘅地方，喺南美洲嚟講亦都係治安相對地比較好🤩，好多好靚嘅地方例如 Patagonia, Ushuaia, Iguazú Falls, Mendoza, El Calafate, Buenos Aires 等等真係多到數唔晒，所以我唔止去過一次阿根廷🇦🇷旅行🧳，但係我對阿根廷菜🇦🇷又一啲都唔熟悉喎🤣，只係知道 阿根廷菜🇦🇷受多國菜式同埋文化影響，包括阿根廷🇦🇷土著人民(Indigenous People in Argentina)嘅飲食習慣、16世紀 西班牙人🇪🇸喺殖民時期 Spanish Colonization 帶嚟嘅地中海飲食文化、19/20 世紀 由意大利🇮🇹同西班牙🇪🇸大量移民帶到阿根廷🇦🇷嘅影響，咁可以想像阿根廷菜🇦🇷幾咁包羅萬有🤩；阿根廷人🇦🇷食好多牛肉，不過某啲地區例如 Patagonia 就食羊多過食牛😋🤩呢日嘅餐湯係「南瓜湯」：幾creamy 幾好飲🤣頭盤「阿根廷自家製餡餃 Homemade Argentinean Empanada」：Empanada 呢個名係嚟自西班牙文🇪🇸，呢個菜式就喺西班牙以至歐洲同拉丁美洲都非常流行😋；呢度嘅 Empanada 大大隻，外皮酥脆裏邊嘅雞肉餡料熱辣辣好味道🤣主菜「烤雞配阿根廷青醬牛油油封大蒜及檸檬 Grilled Spatchcock Chicken」：《Butterflying 起雙飛》大多數人都應該聽過，就係將肉幾乎切開成兩半但係保持中間相連部份唔完全切開，Spatchcocking 係一種將家禽 Butterflying 嘅特殊方法，通常去除家禽嘅脊椎骨，然後將成隻雞（家禽）壓平，咁樣烹調嘅時候可以平均受熱用短啲時間煮熟🤣；呢間餐廳嘅 Spatchcock Chicken 睇落有半隻冇去骨嘅雞係有自家特色嘅 Spatchcocking 同一般嘅 Butterflying 唔同 🤣，雞肉就肉質軟熟得嚟有少少咬頭，亦好雞味，加埋青醬就增添少少清新嘅感覺😋；餐牌寫住材料有《Chimichurri, Confit Garlic & Lemon》🤩配菜「西蘭花🥦及青豆🫛蒜煎🧄 Broccolis & Green Beans」：西蘭花🥦同青豆🫛都新鮮幾爽脆，似乎輕輕用蒜頭🧄炒過🤣另外單點咗一個 $328「烤羊架 Grilled Lamb Rack」：要咗 medium well，廚師控制生熟程度控制得幾好🤣；呢隻羊應該生前食好多嘢同埋唔太鍾意做運動，所以脂肪含量相當充足🤣，所以肉質好甘香，兼夠滑🤣，羊肉上邊亦都係加咗大量青醬，咁口感就清新啲🤣；仲有橙橙哋色超級滑嘅 Sweet Potato Mash 可以食🤣甜品「焦糖布丁 Flan Casero」：勁甜，係好勁嗰隻，夠滑，勁甜所以食得人好開心🤣…查看更多

我唔止一次去過日本🇯🇵高知県咁當然亦都去過高知城，呢晚同朋友一齊嚟咗呢間餐廳食晚飯，睇吓會唔會感受到喺日本🇯🇵高知縣嘅感覺先🤣$238「北海道原板海胆配鱘龍魚子醬」：朋友好似話預先訂位訂埋呢個咁就有 $138 折扣，即係 $100 可以食到🤩；海膽新鮮，偏向爽口，味道鮮甜🤣；配埋 鱘龍魚子醬 一齊食，咁味道又提升啲啲🤣$128「鰹魚半敲燒配洋蔥汁」：鰹魚喺日本🇯🇵一般係屬於平價魚，價錢大眾化🤩，不過喺高知縣非常出名嘅「稻草燒鰹魚」價錢通常就唔會太平，有啲仲幾貴🤣，「稻草燒鰹魚」喺高知縣嘅好多餐廳都有得食，係當地名菜🤩；呢間餐廳嘅「鰹魚半敲燒配洋蔥汁」味道鮮甜，有少少煙熏味，配埋洋蔥、海草等 一齊食，味道層次又豐富啲，仲有少少高知嘅感覺🤣$68「兵庫県產 室津牡蠣配三文魚子海胆」一隻：要咗兩隻；生蠔非常新鮮，肉質爽滑，有淡淡嘅海水味，加埋三文魚籽一齊食，味道又係豐富啲啲🤣$188「山渣蓉伴香煎鵝肝吐司」：鵝肝煎得幾香口，多士脆卜卜，加埋甜甜哋嘅山楂蓉，全部一齊食好夾🤣$68「明太子醬秋刀魚蓉多士」：真係幾特別，口感幾得意🤣$68「自家製免治雞肉蓋」：同一般嘅雞肉棒形狀唔一樣，整到好似個漢堡扒咁，幾得意，亦都幾好好食🤣$32「雞胸軟骨串」、$48「黑豚腩肉大蔥串」、$38「鹽燒海虎蝦」：不嬲都鍾意食雞胸軟骨（多過雞腳爭軟骨）因為爽脆啲又瘦好多🤩；豬腩肉脂肪含量充足燒得好甘香🤣；海蝦肉質爽滑🤣$28「小青椒」、$32「京都絹豆腐」：簡單幾好食🤣$38「水菜豚肉卷」：豬肉卷住啲菜，感覺清新啲🤣$148「博多明太子掛稻庭烏冬」：呢個烏冬非常煙靭，撈埋明太子醬，出奇地美味🤩…查看更多

週日晚上同朋友一齊嚟咗呢間泰國🇹🇭餐廳食晚餐🤣$68「泰式椰汁雞湯」：雞湯奶白色味道濃郁，裏邊仲有大量雞肉同野菌可以食，亦都落咗大量香料，包括香茅、洋蔥、香蔥、芫荽等🤣$98「泰式海南雞半隻」：海南雞拆咗骨食得好方便，亦都煮得夠熟但係又唔會太熟所以肉質好滑，而雞皮就仲滑，朋友同我都忍唔住食咗1-2塊雞皮🤣，仲有一小碟辣辣哋嘅醬汁可以沾雞食🤣$68「泰式肉碎生菜包」：自己用生菜包住啲豬肉碎嚟食，豬肉碎份量夠晒多，豬肉碎裏邊有瘦肉、肥豬肉、洋蔥等，用生菜包住嚟食，惹味得嚟有啲啲清新嘅感覺🤣$78「泰式蒜蓉炒椰菜苗」：椰菜苗🥬新鮮所以非常爽脆，泰式蒜蓉炒簡單好食🤣$32「椰青」：有清新嘅椰子味兼少少甜🤣$168「泰式鹽燒烏頭魚」：烏頭魚都幾大條，夠多肉，搽咗啲粗鹽喺魚皮上邊先嚟燒所以魚皮燒到硬硬哋，咁樣可以較為鎖住魚汁😋；仲加咗啲南薑、香茅、蒜頭喺魚肚裏邊咁樣既可以辟魚腥味又可以清香啲🤩；魚肉肉質鮮甜又夠juicy😋…查看更多