阿Lin的個人專頁

第一次嚟食，見到之前網上都有介紹，都幾多人嚟食，就嘗試吓。點知一試就中伏，一入舖頭有一位女店員年紀比較大的，以命令形式安排座位以及叫我們一次過落單。聽起來就很不舒服。然後叫了一個佛系芋圓，芋圓質素比較較差，細粒和比較硬。外貌亦都唔係好靚。另一個叫了肉桂香蕉窩夫伴雪糕完全沒有玉桂味，香蕉出奇地小得可憐，只有舊頭的部份，就像半隻手指那麼長，很沒有誠意。總括而言，來一次就夠了。但是這裏的貓貓是很可愛的，他們是無辜的。…查看更多

🔸秋刀魚剌身(季節性)(黃咀)$128好鮮甜，就嚟完季節喇。🔸活赤貝剌身$65爽口彈牙🔸火炙三文魚鵝肝卷$98Size 好大，不過鵝肝味道唔係好出。🔸火炙左口魚邊$48左口魚嘅油脂，真係人間嘅美食！🔸雜錦天婦羅$80炸蝦既肉質幾好，不過天婦羅嘅炸漿未到好出色。🔸溫泉蛋天婦羅$48有腐皮托底嘅炸溫泉蛋，都幾特別。🔸自家製雞軟骨棒 $48Size 夠大，味道亦好，因為哩個串燒唔係間間整得好食🫡🔸雞心，牛舌$32/$52燒得剛剛好，冇overcook🔸拖羅燒飯團$78燒到有飯焦，如果可以加埋紫菜就更加好👍🔸清酒煮蜆$75啲蜆好新鮮又夠厚肉，正總結: 服務員幾好，請我哋食茶碗蒸，最後仲有個蜜瓜食。…查看更多

今次嚟到大埔既藝術中心，前址係被殺校既大埔官立中學再反新改建，幾特別既感覺，有藝術feel ，有啲似PMQ。入面既有間”PENTLA”試下手工意粉🍝餐廳既裝修有外國既元素，幾靚幾特色。👍🔸麵包配黑醋頭盤個麵包太硬太乾，一般般🔸意大利生牛肉薄切 $118牛肉切得好薄，配上橄欖油，少少沙律菜喺旁邊，有好清新嘅感覺🔸新鮮青口配椰香秘魯辣椒汁 $128用上法國嘅藍青口，肉質好亂，個湯如果就咁飲有些少鹹，但配上多士剛剛好。🔸伯爵茶胡椒慢煮牛肉頰特寬麵 $158手工特寬麵，有啲咬口，慢煮牛面頰好冧，加上夾口既蘆筍，成件事好夾。🔸HOT CHAI LATTE (SOY MILK BASE) $57個人喜好，肉桂味，所以真係好好飲🤭總結: 哩到每碟菜嘅portion份量都唔係大，男士可以要食兩個意大利麵先夠飽喇😆…查看更多

辛安東元祖奶奶雞尼得哩到，緊係要點返佢個鎮店之寶🔸“辛安東元祖奶奶雞”半隻雞$178 可選無辣至激辣！個人喜好，我冇點辣，因為原味都好濃好夠味。(加埋$50轉火鍋，仲可以點埋配料添)半件雞份量唔算好多，2人就岩岩好，如果唔轉火鍋，就可以叫全隻會比較適合。佢本身仲有個奶奶粉絲底，索晒啲汁，好正！配料方面🔸安格斯博切牛肉 $108小插曲:第一碟比左啲變左質既牛肉我哋，一試入口已經有臭味。佢有再轉過另一碟。就冇問題喇牛肉冇特別，一般平價肥牛片質素*個人覺得可以唔洗點*除非你係牛魔王，一定要食牛啦😂🔸韓國魚片 $18好味道哩個，⼀人一串岩岩好，有咬口，又掛到汁🔸芝士拉絲飯 $20(每位)哩個係會係你食完哂成個辛安東元祖奶奶雞之後用剩返既湯溝埋啲飯同芝士加紫菜落去煮嘅好好味亦都好邪惡嘅飯。*不過飯量以每位計尼講算偏少，兩個人除返每人都只有幾口飯。總結佢個辛安東元祖奶奶雞係出色既，加埋個芝士拉絲飯。但可以唔洗加$50轉火鍋。地址:辛安東元祖奶奶雞 (旺角)旺角白布街20號地下…查看更多

屯門高質串燒🫡每一串都食得出師父個功力，有用心燒Timing 非常好，每食完一串先會上另一串唔會凍哂，好細心🙆‍♂️🔸馬友魚皮個皮好脆，但啲肉都仲係嫩口真心好食🔸牛舌超爽口，味道超正🔸溏心蛋必食，炸過既外皮，流心既蛋汁🔸雞腎爽口，超正🔸關東煮蘿蔔好入味，好冧🔸免治軟骨雞肉棒加埋個蛋汁，雞肉加軟骨，口感非常之好！🔸炸生蠔入面啲海水仲keep到係到全部都好好食，冇野可以complain 了服務亦都好好，餐廳乾淨企理。赤鳥 (屯門)屯門青菱徑7號華興大廈地下B號舖#赤鳥 …查看更多

今次係我第二次尼,同我第一次尼既分別好多第一就係服務好左，細心左有換碟，有每道菜講解下係用咩煮。感覺好左！頭盤個包好味既，可以要佢既香草牛油，好香。加埋仲好食。忍唔住refill 左👍頭盤吞拿魚他他擺盤幾靚既，味道亦都好味。小龍蝦意大利闊條麵佢蝦膏煮出好，蝦味好濃砵仔焗酥皮牛面頰肉酥皮焗得好好，又夠脆 ，牛肉炆得好冧，夠入味。鋪頭唔大間，不過係傾談既好地方，夠靜夠舒適 。希望尼緊繼續努力，嘗試煮多啲更好既菜式比顧客。…查看更多

晏晝嘅時候終於唔使排隊，可以試到哩間傳聞全香港最好食嘅tiramisu。點一個牛油果多士牛油果新鮮夠甜，個包有啲蜜糖甜味，正另外嗌咗一個煙三文魚貝果，三文魚味好濃亦到好好味。另外叫咗兩杯latte，拉花就比較普通。重點主角梗係Tiramisu，佢做得好軟身，味道亦都好味，值得一試舖頭座位好舒適，有外國feel，係傾談嘅好地方。…查看更多

車仔麵我一向唔敢亂試，但係琴晚突然想試吓呢一間，見佢OpenRice食評都唔錯。膽粗粗一試，點知有驚喜。👍👍雖然我去到嘅時候，幼麵米線河粉已經賣晒，只能選擇幼麵，同埋烏冬，一丁。發覺佢啱啱餐牌加咗10%價。但價錢仍然算合理。餸方便呢，我就叫左藤椒煲老藕，不過滕椒味唔夠濃。蘿蔔方面夠林，不過唔係出邊嗰啲好甜嘅蘿蔔，但係好味嘅。醬燒豬頸肉，唔錯嘅。令一碗麵叫咗讚岐烏冬，雖然要加$7 ，有少少貴嘅。叫咗萬年滷大腸，呢個係好食嘅，必點。自製韭菜餃，就普通多汁多水冬菇，真係多汁多水，出色。整體嚟講，車仔麵尼講有質素，可以再嚟食。…查看更多

唔知第7-8次尼鍋心粥底火鍋食喇，佢冇加過價真心平民價，有咁多海鮮食，冇得輸。仲要新鮮海鮮，難怪成日排隊。不過今日冇哂蟹同龍蝦，但海鮮組合就全部比哂你今次叫左豬骨湯底沙白:鮮甜厚肉，夠哂鮮大尾魷:爽口彈牙！帶子:唔算大，一般般！多寶魚:唔腥，肉都嫩！鮑魚:仲識郁，正！花甲:細細粒！甜！聖子:有沙，嘛嘛地蝦:仲識跳，啲肉一定唔會梅！火鍋配料 可以揀8樣，一樣係好抵食肉類新鮮西班牙豬腩肉片比肥牛更好食。炸魚腐亦都出色淮山雞骨丸係必點既配料出面應該好少食到，好好味海鮮腐皮卷估唔到 第一次點，好好食最後既粥底次次都要打包，因為真係好似食放題咁飽，抵讚…查看更多

樓上鋪，有啲難搵，工業區，第一次尼，都幾特別。裝修都好韓國風不過好油煙味，去完成個身都好會臭，因為佢冇每一枱韓燒整抽風，唔係咁好。醬油蟹要出去隔離鋪自己買過尼比佢處理。前菜有一碟有頭髮，不過反映完，佢收走左就冇左件事，亦都冇比過碟新既我地，我再追問，佢話已經冇哂，ok，算。之後佢只限refill 兩碟only ，有點小家，但當我想refill粉絲，又話冇哂，ok👌生牛肉，正常，牛肉質地一般般醬油蟹，ok ，跟既紫菜飯份量比較細燒牛肉既份量唔算多，樓上收費算貴，個人覺得。整體，油煙味太濃，地理位置不太就腳，收費不便宜，好多選擇好過佢，完全冇特別。可以去裝修靚啲，地理位置比較好既餐廳。…查看更多

今日見OpenRice食評唔錯，就試吓呢間舖頭嘅西餐。舖頭唔算好大間，不過裝修乾淨企理，但未到奢華。二人table 唔算大張。頭盤叫咗香煎西班牙八爪魚足鬚 八爪魚完全冇味道，份量唔多，成為$168 ，唔抵食第二個頭盤係西班牙辣肉腸煮蜆點知原來同八爪魚嘅汁係同一個汁，真係點估到估唔到，呢個雖然味道正常，但係同一個汁，完全冇驚喜。之後叫咗一個好特別嘅菜式，叉燒鹹蛋意大利飯所謂嘅叉燒其實只係豬扒，鹹蛋意大利飯，都幾難食，成為$168 ，我寧願去燒味店食叉燒飯。另外叫咗個紅椒粉燒春雞，雞肉係差嘅，亦都係完全唔入味，隻雞係冇味，成為288 ，比超市嘅燒春雞近冇味，完咗。服務唔錯，但係永不錄用。…查看更多

今次已經係唔知第幾次再嚟食呀，呢間係我最低係嘅，任食火鍋店。好彩今日去到唔使點排隊，可能因為早去，七點幾，直接可以入去。佢無論鍋底，同埋牛肉都有一定嘅質素只係同一款牛肉，可能有時會過肥，但係整體都係好食嘅。完全唔係嗰啲垃圾任食場。鴨血到好彈牙。海蝦質素好好， 蜆亦都有肉，多汁。野飲櫃佢嘅茶，選擇多，全部都係新鮮。叫嘅款式真係太多，都一定揀唔哂澳洲和牛牛肉丸，係重點，全場最好食。諗唔到有咩投訴了。服務，亦都唔錯，至少唔會太差。舖頭坐得舒服，光鮮乾淨…查看更多

海港酒家係大集團，本身冇乜大期望，應該一般酒樓質素。入到去座無虛席燒乳豬仔，皮多脆，正臘味炒芥蘭，正常發揮，芥蘭幾好味原隻燒鵝，皮笑得好靚，非常之大隻，厚肉，另外佢嘅碟下邊係有火，令佢保持一個熱度，肥嘅地方唔會變成白色嘅脂肪，呢個值得加分。粉絲蒜蓉蒸扇貝，我食嗰隻主力個腦，同埋有沙，但我朋友嗰啲冇問題，所以我呢度有啲減分枝竹羊腩煲，羊腩唔會過分臊，恰到好處，加埋生菜冇得頂蒸石斑，雖然石斑佢冇蒸過龍，但係條石斑啲肉質就有啲過老，好似食緊橡膠，唔係好得。總結師傅啲手勢都幾好，值得再嚟。…查看更多

呢間泰國佬外賣海南雞飯，以34咩價錢嚟講，真係平到喊，價錢方面就完全冇投訴咁就講吓佢嘅質素啦，雞，雖然唔係新鮮雞，但係非常之滑，嫩口$34份量來講都叫正常，男士可以加$20加雞👍又返方便到幾香，可以再加多兩蚊加飯另外佢嘅冬陰功湯到好出色，味道好濃，帶有啲酸甜味，好好味。希望佢可以長做長有，大埔間房可以買到咁平嘅有質素海南雞飯，係非常之好嘅一件事。下次有機會會去埋佢間大埔分店可以坐低食，試埋其他菜式。…查看更多

琴晚去咗吧，希雅重慶燒烤，大概8:30到場，入到去拎嘢食嘅時候，冰櫃已經所剩無己，但原來啲肉類已經被收埋咗，你要問佢先攞幾串比你。佢會問你要唔要羊肉，要唔要牛肉，要就喺佢入邊拎俾你。然後雞翼得一個味，其他賣晒雞扒得一個味，其他賣晒茄子賣晒蒜蓉包冇晒丸類好吉香蕉冇晒，因為個雪櫃已經太吉我都唔知仲有幾多種係冇晒因為入場到完場都冇fill過但係我哋已經俾咗原價嘅價錢，入到去先知道咩都冇晒，真係好想話唔燒，但錢又俾咗，好尷尬。但係只係夜晚8:30 ，已經咁多冇晒，我真係唔知佢預星期六嘅貨係咁少。包嘢飲，又有啲要加$3 ，蒜蓉又要加錢，蜜糖又要加錢，感覺呢度嘅老細唔係好大方，嘢食又收收埋埋，咁你不如唔好做任食場。雖然佢啲牛肉，同埋羊架，係好食嘅，但係因為呢樣嘅原因令到我唔會再上嚟幫襯。🥲…查看更多