cindyleeb的個人專頁

豬柳蛋芝士雞蛋仔$35有留意開雞蛋仔關注組一定知呢間雞蛋仔KOL，不過因為早有聽聞佢既等候時間有幾癲加上地點又隔涉就一直冇試，然後聽聞佢只係做到三月尾先衝去食，去到先發現原來佢只不過係要搬鋪姐。個雞蛋仔粒粒都有一細粒豬柳扒，食到中間先會食到芝士同蛋，係一個咸既雞蛋仔，感覺好似食緊一個脆既雞蛋仔，同行人先覺得幾好食，我就覺得還好啦！而且等候時間再過長，值不值得等待就見仁見智啦~ 等候時間：90分鐘（星期日）…查看更多

因為第一次出糧請屋企人食飯 做左幾日research食邊間，希望搵到好食既餐廳，有個美好回憶。.咁之後覺得呢間中上價錢 但只要係好食就ok見大部分食評都話高質，評價好似唔錯咁就特登坐車去食，點知比OpenRice 呃左，入到去見到星期六都咁少人就知伏伏地.又貴又難食，仲要環境同椰林閣冇分別，d野食真係難食過大家樂，相都冇心情影喇，蟹肉海鮮餅$98 真係食唔到有蟹肉味同海鮮味囉。仲有白汁蟹肉意粉係咪素食黎架，得青椒紅椒，只係食到有一兩條頭髮咁又幼既蟹肉.千祈唔好去浪費錢，真係好難食，仲要人均差唔多四百…查看更多