happyeating89的個人專頁

呢間係北角既阿根廷菜餐廳LA PARRILLA STEAKHOUSE, 真係一間好正既扒房, 佢既午餐二百幾蚊人頭就食到好有質素既牛扒，性價比好高👍🏻前菜揀咗兩款：阿根廷自家製餡餃揀咗雞肉餡，外皮酥脆，入面嘅雞肉餡調味唔錯，沾埋個醬更惹味😋阿根廷檸汁醃蝦都好新鮮，蝦肉爽彈，檸汁酸香醒胃，好爽口😆主菜我哋叫咗兩款牛扒：兩個都係鐵板上, 熱辣辣👍🏻平鐵牛扒（250g） 肉味濃郁，油脂唔多但肉質軟腍，五成熟啱啱好☺️封門柳（250g） 就更有嚼勁，牛味突出，簡單調味已經好好食!兩款扒都燒得恰到好處，外面微焦，裡面肉汁豐富😍跟嘅薯條係炸得金黃脆身，仲唔會油膩, 上面仲有調味, 真係食唔停口😋…查看更多

朋友最鍾意食辣野，今日就同佢地去左呢間係銅鑼灣既川滿居食野,除咗大廳，原來仲有細房，私隱度夠高，方便傾偈! 餐廳菜式選擇多，魚肉蔬菜配唔同煮法，樣樣都想食！朋友就住我食辣程度，今次全部叫BB辣，點知都已經好夠味，惹味得嚟唔會嗆喉❤️辣子肥腸炸得酥脆，大腸處理得乾淨無異味，配埋乾辣椒同花生一齊炒，香口又惹味👍🏻鮮椒魚用新鮮辣椒同花椒煮，魚片滑溜無骨，辣味滲入魚肉，麻香味慢慢出黎，食得好過癮🥰金湯酸菜肥牛湯底酸辣開胃，肥牛片超級多，呢個湯汁配佢個粉,簡直無得輸🫰🏻最後叫碟清炒萵筍絲平衡一下，萵筍清甜爽口，解辣又健康😊呢間餐廳調味岩岩好，BB辣對我啱啱好，又可以食到咁惹味既川菜 ❤️…查看更多

今日去咗北角既滾得囍宮廷秘藏鍋物食佢哋嘅午餐火鍋，環境真係幾有特色，裝修似古代宮殿，坐得舒服又有氣氛!一人火鍋套餐有幾款湯底同配料可以揀❤️我地兩個人各自揀左一個套餐：我揀左"御"套餐配道光四川麻辣鴨血湯鍋，湯底麻香夠味但唔會太嗆喉，鴨血滑溜入味!A5黑毛和牛油花好靚，輕輕一淥就食得，肉質柔軟!手打黑松露惹菌鮮蝦丸彈牙，黑松露香味突出, 紫皇蟹粉豚肉餃咬落有驚喜，蟹粉湯汁爆出嚟!日本廣島蠔飽滿鮮甜，百花釀豆腐豆香十足，最後用日本稻庭烏冬吸晒湯汁，好滿足👍🏻另一個"瓏"套餐配順治特色卜卜蜆鍋，蜆肉鮮甜，湯底清甜得嚟帶蒜香!本地手切牛肉肉味濃，有咬口；手打黃金流心鮮蝦丸入面有鹹蛋黃流心，幾特別!和牛芝士一口餃子芝士味濃，風琴豆腐索汁，配出前一丁索晒D汁, 好正☺️呢度環境相當好, 仲有佢既手工丸同餃真係好出色, 一人一鍋真係一個豐富既午餐👍🏻…查看更多

今晚去咗尖沙咀樂酒場，呢間居酒屋真係超有日本FEEL！佈置充滿日本和風元素，仲有榻榻米座位，好似去咗日本咁❤️揀左個串燒套餐，有齊雞翼、雞皮、生菜豚肉卷、免治軟骨雞肉棒、明太子翠肉瓜同粟米，仲送杯自家製檸檬燒酎!串燒火候掌握得幾好，雞皮脆口，雞肉嫩滑，明太子醬同翠肉瓜出奇地夾，檸檬燒酎夠晒FREASH🥰另外叫咗三文魚籽海膽杯，海膽鮮甜creamy，三文魚籽鹹香爆漿, 配飯食，口感豐富😍兩款TACO都好出色，海之幸TACO用料新鮮，國產和牛他他TACO牛肉味濃郁，配埋脆脆嘅紫菜底，好味😳芝士醬厚燒玉子:芝士味香, 仲用火槍燒過, 蛋夠滑👍🏻吉列童星蝦炸得金黃酥脆，外面鋪滿左童星點心麵, 真係充滿兒時回憶!仲要擺得好靚, 用黎打卡一流🤩…查看更多

難得平日放假, 就約左屋企人好D! 揀左呢間可以任食4個鐘既即撈活海鮮❤️去到餐廳, 已經見到人頭湧湧, 估唔到平日都咁多人食, 好彩一早book左位👍🏻餐廳自助撈海鮮區有蟹, 三點蟹又鮮又好味,幾種唔同既蝦, 九節蝦好鮮甜, 大頭蟹仲有膏, 好多款蜆, 仲會不停補貨無限量任撈任煮，又有專人洗海鮮, 我每拎完一轉就即刻拎第二轉, 店員都洗得好有效率! 我足足拎左5轉海鮮, 真係勁滿足🥰除左海鮮外, 仲有好多款熱食, 連點心都有, 仲有甜品, 清酒啤酒任飲, 另外仲有澳洲m5和牛任點, 乳鴿同生蠔都係必點之選🫰🏻呢餐真係食得好滿足, 最難得就係全場爆滿, 但食物同服務都有咁高水準👏🏻…查看更多

舖頭細細好有日本風，掛滿貓咪畫幾得意😊兩款拉麵同小食都有水準，價錢合理，係荃灣想食碗日本拉麵嘅唔錯選擇🫡限定醬油慢煮叉燒拉麵 - 湯底清澈咸香，唔會油膩。慢煮叉燒係亮點，肉質超嫩滑，油脂勻循，好好食！配直麵口感幼身，掛湯力唔錯🥳蔥山拉麵（火炙豚肉） - 舖滿青蔥，視覺效果滿分！特登揀嘅火炙豚肉，燒過特別香口，同慢煮叉燒係兩種風味，鍾意濃味嘅可以試呢款😆香辣雞翼 - 炸得外脆內嫩，醃味夠，唔會太油膩！推薦❤️飲品 - 完熟桃子同檸檬紅茶都係支裝，飲唔哂可以拎走，好方便。桃子清甜解膩，檸檬茶就經典之選…查看更多

中環滿滿食堂 ·一人燒肉好美味😋多款選擇又抵食！厚切牛柳 💯$98呢個價錢喺中環真係好難得！塊牛柳切得夠厚，外層燒到微脆，入面保持粉紅色，肉汁鎖得好靚。咬落去外脆內軟，牛味好出，值得encore！頂級牛肩扒（100g）牛肩扒油脂集中，比起牛柳有咬口啲，但唔會韌。$48就試到石燒牛，性價比高，唔會太膩，適合想試多款嘢食嘅朋友。匈牙利鴨肝 🦆必試！鴨肝切得厚身，放上石板嗰陣「滋滋聲」，油香即刻飄出嚟。表面煎到焦香，裡面依然保持到柔滑口感，自己控制生熟度好方便。滿滿紫菜飯 🍚簡單但係好夾！食完咁多肉類之後，可以中和一下油膩感。滿滿食堂嘅石燒牛同鴨肝確實有驚喜，價錢合理，尤其喺中環地段。記得食飯時間早少少去，同埋可以問店員換熱石板，保持食物溫度。一定會再幫襯！👍…查看更多

今日lunch去咗北角嘅CACTUS，呢度主打美國同墨西哥菜，環境幾有異國風情❤️最特別係逢星期五、六晚有live band表演，仲係pet friendly餐廳，見到有客人帶埋狗狗一齊食飯，好寫意😍墨西哥菜梗係要食TACO!我哋叫咗兩款TACO，燉牛肉味嘅牛肉煮入味，醬汁香濃；軟殼蟹牛油果味就好有驚喜，軟殼蟹炸得酥脆，配埋清新嘅牛油果醬，口感同味道都好平衡🥰主菜叫咗安格斯牛肉漢堡，漢堡扒厚身多汁，牛味濃郁，麵包烘得脆口，配料新鮮，好正😋炭燒厚肉眼扒同樣出色，燒得啱啱好，肉質嫩滑有肉香，配埋燒粟米做配菜，簡單又好味☺️飲品叫咗Latte同Mocha，拉花好靚，咖啡香濃順滑，水準拍得住專業咖啡店😆呢度食物有特色又好味，環境輕鬆，服務友善，係一間幾有驚喜嘅餐廳👍🏻…查看更多

今日同同事去咗天后嘅宮崎肉本舖食lunch，環境真係幾舒服！每張枱都係卡位，仲有簾遮住，私隱度夠高，啱晒傾偈😋午餐set包咗前菜漬物、味噌鮮魚湯同一隻煎餃子，最後仲有雪糕糯米糍做甜品。味噌湯魚味幾出，煎餃子香脆，作為前菜唔錯👍🏻我叫咗蒲燒鰻魚滑蛋飯，鰻魚燒得香口，醬汁甜度適中，滑蛋嫩滑，個飯都充滿醬汁, 份量又多，真係好滿足❤️同事就叫咗鐵板牛舌配A5宮崎牛，牛舌爽口有嚼勁，宮崎牛油脂分布靚，肉質軟淋，牛味濃郁，配日本新瀉越光米白飯，鐵板上枱又香又好味🥰呢間餐廳食物質素高，環境舒服，服務又好，真係要再幫襯😆…查看更多

放工同朋友食飯, 揀左呢間係中環街市既竹麓拉麵, 咁岩我地係星期五, 仲有LIVE BAND係出面表演, 相當熱鬧❤️同朋友食咗兩款拉麵：九州豚骨背脂拉麵湯底濃郁，豬骨味香醇，背脂份量啱啱好，增加咗湯嘅滑溜感，叉燒肥瘦適中，麵既掛湯力強, 我仲飲晒D湯😋極濃厚醬油拉麵醬油味突出得嚟唔會太鹹，湯底濃而不膩，好好味❤️小食叫咗黑豚肉餃子同免治雞肉棒: 餃子煎得香脆，皮薄餡料又足，黑豚肉仲好鮮味🥰免治雞肉棒口感好豐富，加入軟骨增加咬口，點埋醬汁更加惹味☺️呢間拉面既湯底有水準，小食都好好味，加上中環街市嘅熱鬧環境，係放工後同朋友食飯傾偈嘅好地方！…查看更多

今次專登走上朋友推介係天后既酒屋一杯喜，果然無失望餐廳有音樂做背景，好有氣氛。重點係，佢哋啲食物真係有驚喜！🍛 牛肉咖哩飯：濃郁惹味，撈飯一流！一上枱已經聞到好香咖哩味，唔係普通日式甜咖哩咁簡單，佢個汁濃得嚟帶少少辛口，食落好有層次。牛肉掛滿咖哩汁。最正係啲薯仔，煮到入味又唔會爛，撈埋珍珠飯真係忍唔住一啖接一啖，清碟無難度！🍣 秘之丼：海鮮爆棚，鮮甜到唔使點豉油！呢個丼真係不得了！一睇賣相已經知「堅料」——海膽、帶子、赤蝦、油甘魚、深海池魚、金目鯛，鋪到滿一滿，差啲睇唔到底啲飯！每款刺身都新鮮到不得了成個丼嘅刺身切得厚身，食落超滿足。真心，呢個價錢有咁多款高質魚生，抵到爛！牛肉咖哩飯同秘之丼各有特色，一個濃味飽肚，一個鮮甜豐富，絕對可以encore再叫！推薦！…查看更多

放工同同事去咗公司附近嘅遇見花蓮，呢間台灣菜餐廳環境幾舒服，樓底高又乾淨，坐低傾偈啱晒❤️主食試咗花蓮紅燒半筋半肉手工麵，湯底濃郁得嚟唔油膩，牛筋炆得軟淋入味，牛肉份量都唔少，手工麵咬落有口感，食完成個人都暖笠笠😍另一個係阿嬤焢肉拌麵，揀咗蔥油口味, 焢肉肥瘦適中，滷得夠淋，蔥油味好香，撈勻啲麵一齊食, 幾好味😋小食叫咗鹽酥福洲魚丸同彰化黑麻油雞翅:魚丸炸得外脆內彈，椒鹽味香口；黑麻油雞翅煮得入味，麻油香濃但唔會太膩，雞肉都幾滑👍🏻飲品方面，仲叫左古早冬瓜茶同大甲芋頭芋圓鮮奶可以揀自己鍾意既甜度✌🏻呢間餐廳味道都相當唔錯, 會再黎食其他野😊…查看更多

元朗真係好多特式小店,今日朋友帶我去咗韓奶奶拌飯，地方乾淨光猛，坐得幾舒服👍🏻食咗墨爾本爆炒牛舌飯，辣味版本炒得夠鑊氣!牛舌片切得薄身，爽口得嚟唔韌，配合香蔥同紅綠辣椒一齊炒，辣度適中好開胃，灑上芝麻更加香口🫰🏻特級牛頸脊拌飯都唔錯，牛頸脊粒煎過，肉質軟淋帶油香，加上粟米、芝麻同流心雞蛋，撈埋照燒汁燒一齊食，味道豐富又滿足🥰小食叫咗自家製韓式炸雞，揀咗蒜蓉芝士醬，炸雞外脆內嫩，蒜蓉芝士醬鹹香惹味，好快就清晒😋蜜味韓式豬大腸燒得香口，蜜糖甜味同豬大腸嘅油香好夾，值得推介🥰呢間小店嘅韓式料理有心思，味道出色，價錢又唔貴，真係會再食😊…查看更多

今日同朋友去咗銅鑼灣Seoul Noodles，一入去已經感受到濃濃韓風！餐廳播住KPOP，仲有韓國OPPA店員，午餐時間全場爆滿，好受歡迎🥰我哋叫咗個COMBO FOR TWO，包兩個主食、兩份韓式醃菜（泡菜同蘿蔔）、一個小食同兩盒飲品，幾抵食！☺️主食揀咗牛骨湯麵同首爾牛肉醬油湯飯,牛骨湯底熬得奶白色，味道清甜唔油膩，好暖胃😍牛肉醬油湯飯香濃惹味，有好多配菜，撈飯食真係停唔到口😋兩款主食都幾正宗，有喺韓國食到嘅感覺👍🏻小食揀咗迷你紫菜包飯，餡料簡單但味道平衡，紫菜脆口，飯粒軟硬適中😚醃菜方面，泡菜同蘿蔔都醃得入味，酸辣開胃😗呢度環境同氣氛都好有韓國feel，下次會再黎食佢其他野😆…查看更多

今晚同朋友去咗灣仔QRE Plaza嘅Oyster House食晚餐，環境真係幾有格調！柔和燈光配圓梳化卡位，私隱度高，坐得好舒服😍前菜叫咗個$99 seafood platter，真心抵食！有法國黃金螺彈牙鮮甜，北海道帶子厚身軟嫩，生蠔同紐西蘭青口好新鮮,日式磯煮鮑魚都煮得啱啱好🥰主菜試咗蒜片辣椒白酒煮維珍尼亞甜蜆，蜆肉飽滿無沙，蒜香同白酒味好出，加埋少少辣椒吊味☺️香燒原隻去骨法國春雞燒得皮脆肉嫩，雞肉夠嫩同juicy，簡單用香草調味已經好夠味😋鮮海膽米型意粉係驚喜之作，海膽creamy鮮甜，米型意粉口感特別，吸盡海膽汁精華👍🏻呢間餐廳食物質素相當高，環境同服務都好，係一間幾有氣氛嘅西餐廳，絶對適合情侶約會❤️…查看更多