yum.cha.cha的個人專頁

尖沙咀美食真係多到數都數唔晒，呢晚唔想煮，所以就叫外賣番屋企食. 呢晚揀左我最愛嘅泰國菜😋😋😋食泰國菜有幾樣野幾乎次次都會叫，今次亦唔例外泰式金邊粉炒得夠惹味，擠埋青檸酸酸地仲開胃生菜包係想食得light ge 時候嘅好選擇. 惹味嘅肉碎配埋清新嘅生菜，真係唔覺唔覺就食晒柚子大蝦沙律，基本上我每次食泰國野都會食呢個沙律😆😆大蝦啖啖肉配埋清新嘅柚子，真係無得輸啊我地兩個人唔係好大食，所以叫幾樣都夠食啦我見門口都有好多人等位，有機會再同班朋友一齊黎堂食，試多幾款😊😊😊…查看更多

深水埗大南街近年真係開左好多好多文青食肆，所以我地耐唔耐都會黎覓食，今日又黎到呢度，試下一間salad bowl.自選salad bowl選擇都唔少，我地都揀左好耐先揀定. 開頭我地以為食沙律會唔夠飽，結果我地慢慢食都食左好耐先食完，份量好足. 只要配搭得宜，其實簡單一個salad bowl就夠一餐所需嘅營養，仲要食得light d. 唔同食材仲有唔同口感，真係可以配搭好多唔同花款. 餐飲一樣好清新，我地一邊食一邊歎茶，真係好寫意. 餐廳佈置都係走小清新路線，睇得出店主都用左好多心思. 值得支持小店啊…查看更多

尖沙咀真係好多野食，今次就黎到烏蠅館食烤魚第一次食烤魚，同朋友兩個人share食，叫一份烤魚其實份量都夠食. 最後我地都食到好飽. 餐廳好受歡迎，全店滿坐，好熱鬧. 烤魚啖啖肉，一啖接一啖好滿足. 湯底辣辣地，非常惹味. 另外都叫左豆腐同萵筍呢啲清新啲嘅野中和下. 當然亦唔少得加多份薯粉，咁就夠晒飽啦！食濃味嘅烤魚當然唔少得叫番杯refreshing ge野飲啦！ 我地一路食一路飲一路傾，咁就過左一個開心嘅晚上. …查看更多

夢之丼$298 一場黎到夢之丼緊係要叫番個同店面一樣ge夢之丼啦，招牌貨一定係信心品證，事實亦如此。刺身非常豐富，有三文魚蓉，三文魚子，帆立貝，牡丹蝦，海膽，松葉蟹，右口魚邊。我地果晚卜得比較遲，海膽就賣晒，所以換左另一款配料，不過我都唔記得左係咩haha，下次有藉口再黎試下啲海膽。講番個丼，真係樣樣刺身都好新鮮，帆立貝好肥美，我地都食得非常滿足。花錦魚生丼$188 呢個丼配料一樣好豐富，有三文魚，白身魚，赤蝦，右口魚邊，蟹膏豆腐，青瓜，甜蛋，玉子漬，松葉蟹，蜆肉，仲有啲金蟹子，三文魚子，櫻花蝦，增加口感層次。每樣配料切到細細粒，我地一啖接一啖好快就清晒啦。左口魚邊壽司$96左口魚輕微燒過，加埋醋飯一齊食，好味。昆布森蠔$156 蟹膏豆腐$48 我地仲試左啲是日飛機貨，menu上無的，寫左係黑板上面。深海池魚刺身$78 好新鮮。順帶一提，呢間餐廳所有碗碟都好有質感，我好鍾意呢隻貝類碟。真鯛薄切$88 真鯛上面淋左少少柚子醬汁，好夾好開胃…查看更多

今晚同朋友黎到尖沙咀美麗華食漢堡。我地各自叫左一個burger同一杯野飲，另外叫多一個薯條share. 每樣野份量都好大，所以都坐左好耐食左好耐先食得晒。鮮蘑菇牛肉漢堡$95上枱前已經預先切開一半，唔知係店員方便我地兩個人share, 定係本身預設已經係咁。burger好高，所以一啖都食唔晒，要用刀叉食。包本身都唔會好空氣，配料亦好豐富。菠蘿鱈魚柳漢堡$98相比之下我更鍾意呢個burger. 材料有蕃茄，生菜，芝士，菠蘿，鱈魚柳，配埋甜甜地嘅醬，整體好食。直薯條$30薯條好抵食呀，以$30來講份量非常多，我哋一邊傾一邊慢慢食，食到尾先食得晒。最緊要係啲薯條就算放咗好耐，都依然唔會諗晒。蜜桃冰茶$38/菠蘿冰茶$38…查看更多

今晚同男友嚟到南昌站嘅V Walk商場食日本嘢。成間餐廳都好有日式嘅感覺。我哋坐咗喺吧枱，可以邊食邊欣賞師傅嘅廚藝。極盛四色刺身丼$208四色刺身有中拖羅，帶子，吞拿魚蓉，赤蝦，仲有日本蛋，賣相非常靚，食材亦新鮮同豐富，真係食得好滿足。網燒牛肉野菜沙律$138好鍾意呢個沙律嘅醬汁，牛肉濃味少少嘅醬汁同沙律菜清新嘅醬汁配合得好好，濃淡得宜。份量亦都唔少，兩個人share都好夠食。南蠻炸雞$88炸雞唔會油冧冧，仲有少少火箭菜，一齊食就冇咁漏。燒雞頸肉串$32有啲似食緊雞軟骨，好有口感。煙燻中拖羅（6切）$192一開頭我仲以為師傅比錯咗烏冬我哋，一打開蓋見到好多煙先肯定無黎錯。第一次食煙燻刺身，感覺好新鮮。煙燻刺身比普通刺身更加層次豐富，值得一試。…查看更多

今晚同男友黎到銅鑼灣食天天海南雞。好多年前去新加坡旅行都係當地食過。過江龍黎到香港就變左高級版，仲加左好多唔同ge野食。天天海南雞(中份)$158 同餐廳一樣名ge招牌菜一定要試下啦。雞夠滑，仲有啲jelly，唔錯。雞油飯$38 雞油飯正，有啲餐廳黃薑飯當雞油飯，得個色但無味。呢度ge雞油飯非常唔錯。古法肉骨茶$148 有成4大舊骨，arm晒食肉獸，仲有好多枝竹同豆卜等等，非常足料。我地未食過古法ge肉骨茶，唔知應該係咩味，但呢個湯對我地黎講就咸左啲，但因為食啲料都勁飽，所以其實我地都無咩飲到啲湯哪吒鬧海$148 個名幾得意，其實即係laksa. 麵分開裝，造型好得意，係夾起左ge麵。材料都好豐富，有蝦，青口等等ge海鮮，亦有豆卜等等。湯底非常濃郁，建議上枱就要盡快趁熱食。招牌超級水果茶$38 係名符其實ge超級水果茶啊. 係超級大杯啊. 上枱果陣我地都嚇親。$38黎講真係超級抵啊。我地兩個人好盡力咁飲都飲唔晒。生果都有好多eg蘋果, 奇異果, 橙, 熱情果, 非常豐富。天天特式豆腐花 食到尾聲原來仲有豆腐花送。我見隔離枱都有，不過就唔知係咪枱枱都有啦。埋單果陣既然有9折，其實唔折價錢都合理，折左當然更抵啦。…查看更多

旺角真係好多野食，咩國家ge菜式都有。今日就同朋友黎到旺角食泰國野。位置就係先達附近，好方便好易搵。餐廳有兩層，weekend lunch黎唔難搵位。lunch set好抵食，不過我地今日就散叫，鍾意食咩就叫咩。落左單，等一陣啲野食都到啦。柚子沙律$68蝦份量唔少，除左一般柚子沙律材料之外，好似仲有少少唔知係咪椰子絲ge野，增加口感層次。馬拉盞炒通菜$68 次次食泰國食都必食馬拉盞炒通菜，份量好多，兩個人食都綽綽有餘。泰式香芒蟹肉炒飯$68 啖啖都係芒果同蟹肉，唔錯。椰青$35 椰青夠晒凍，呢樣真係好重要，我地一人一個，飲完仲挖埋啲肉黎食，好滿足。總括黎講，呢間餐廳走平實路線，飯同小食都大件夾抵食，食物質素同價錢亦成正比。…查看更多

星期日放假想食好少少慰勞下自己，所以就黎到北角食雞煲打邊爐。呢間雞煲店離北角站只係幾分鐘步程，地點都幾方便。老重慶奇味雞煲$188個名幾得意喎，雖然我地唔知奇味即係咩味，但整體都係好味嘅。雞有好多舊好入味，肉質唔會乾爭爭，冬菇，豆卜，洋蔥都好入味好好食，我好鍾意食料頭嫁haha特級安格斯肥牛$238切得幾靚，擺盤亦好整齊，安格斯牛嘅肉味濃郁，打邊爐真係唔少得食靚牛。鮮魚片$88好有驚喜啊，超滑，男友唔鍾意食魚都話最好食係魚魷魚$58夠新鮮豬頸肉$58蟹柳$40竹蔗芽根$33正啊☺️唔會好甜，食完濃味野飲番啲清涼嘅竹蔗茅根真係好refreshing. 今日我地做左超級食肉獸，豬雞牛海鮮都食齊，好滿足😋…查看更多

天氣開始轉涼，我同男友又食雞煲打邊爐啦！今次仲要係任食添，食完再減啦😂18樓雞煲顧名思義就係係18樓啦，荃灣果間我幾年前都去過，印象中係好受歡迎要等位，今次黎旺角店都唔例外，一出𨋢已經見到好多人等位啦。不過為左食雞煲我地等下都無所謂嘅。我地今次食最平嘅套餐A $188 雖然係最平嘅餐，但都有好多野食雞煲(中辣) 好味啊😋雞煲醬非常惹味, 雞ge份量非常之多，我地兩個share黎食，好似食極都仲有咁haha海中蝦正啊👍🏻👍🏻估唔到最平ge A餐都有海鮮任食，鍾意食海鮮ge建議主攻蝦，叫左2 round所有蝦ge肉質都係彈牙。水魷/爽脆墨魚鬚/是日海鮮/牛柏葉自家製響鈴卷雪花肥牛 / 特級肥牛呢個價錢其實我地對牛嘅質素都無咩好大期望，反正我地覺得食海鮮仲抵，仲低脂啲😁各款菜各款丸/烏冬雪糕打完熱辣辣嘅邊爐唔少得食番透心涼嘅雪糕桂魚烏龍/台灣冬瓜茶兩款都唔錯啊。瓜茶茶唔會好甜，烏龍就夠晒refreshing, 最arm食完惹味嘅雞煲清新下味蕾再擦過…查看更多

今晚同男友黎到銅鑼灣食好少食ge印尼野。一黎到門口已唔少人等緊，睇黎餐廳真係好受歡迎啊。除左堂食，餐廳亦有好多印尼小食同香料可以買，等緊ge時候可以睇下野買下野。等左大概15分鐘終於入得啦，餐廳比較細，所以大家就要坐得親密少少，整體氣氛好熱鬧。印尼花膠湯班蘭雞粉皮$78好少出街食花膠同湯ge粉皮，呢個組合幾特別，所以一於試試佢。粉皮好滑溜，所以啜下啜下啜左好多，差啲唔記得留俾男友LOL。花膠大大舊，仲有少少蟲草花同杞子，係養生健康ge選擇。雞肉份量好多，配埋薑蓉同秋葵，成個配搭食材豐富，賣相亦靚仔。巴東班蘭尖塔飯$88賣相好靚仔，有綠色ge尖塔飯，亦有忟得好淋好入味ge牛肉，仲有蛋同椰菜。加多加多$68配料豐富，有蛋，菜，蘿蔔，青瓜，芽菜等等，加埋濃味ge醬汁，同我地食開fresh ge沙律好唔同。加多加多入面有啲好似一舊舊飯ge我地就食唔慣啦，不過得閒試試其他國家ge野食感覺都好新鮮芒果沙冰$48一上枱果陣嚇親啊, 因為真係勁大杯，兩個人share都夠飲啊印尼咖啡涼粉冰$38 甜甜地又有好多涼粉食，正啊。…查看更多

大角咀真係有好多好多小店，呢間泰國餐廳就係利奧坊對面。一入去已經好熱鬧，好彩卜左位姐。餐廳有tuk tuk造型ge位, 牆上有霓虹燈，波衫，泰拳衫同拳套，整體設計都好繽紛令人好開心。串燒(半打) $88可以揀雞同豬，我地就雞豬各半。串燒好惹味，兩種肉都唔會燒到乾爭爭，仲要好大串，唔錯啊。泰國金柚子蝦沙律$88食泰國菜我好鍾意叫柚子沙律，因為鍾意柚子夠juicy清爽啲。呢個沙律，有超多柚子，蝦都唔少，兩個人share綽綽有餘。飛天炒通菜$58雖然餐牌已經寫左係辣，但估唔到都真係幾辣喎，不過係食得好過癮ge冬蔭功海鮮湯金邊粉$78 冬蔭公好濃郁，有青口同蝦，啲金邊粉索晒啲冬蔭公真係好正啊椰青$30 椰青夠晒凍，食咁多濃味野飲下清涼嘅椰青真係即刻舒服晒。我地飲完仲刮晒啲肉黎食，唔好sai…查看更多

今晚唔想煮又唔想出街食，所以一於買外賣番屋企食。餐廳位置非常方便，地鐵站一出行1分鐘就到，我開頭入左北角匯搵，原來可以唔駛入去，因為門口向出面。餐廳用左木枱櫈，枱同枱都有透明隔板隔住。地方亦乾淨舒適。招牌紅燒牛肉牛骨湯麵 $68 (外賣另加$2) 醬油豬軟骨牛骨湯麵 $65 (外賣另加$2) 湯底濃郁又夠熱，兩款麵都有1舊好大舊ge蘿蔔，其中一舊清甜無渣，另一舊就有少少渣不過影響唔大。除左蘿蔔，每碗麵都有2條生菜。牛肉麵有唔少牛肉。豬軟骨麵都有好多豬軟骨，忟得都幾淋。兩碗麵都唔錯，食完又唔會好口渴，幾arm我地口味。總括黎講，以台灣麵黎講價錢合理，食物質素又唔錯，地點又好方便，就算唔係住係附近都可以一試。…查看更多

今晚黎到荃灣愉景新城食晚餐。荃灣地鐵站A出口行條天橋就係愉景啦。餐廳有好多梅酒，下次黎再試下飲番兩杯我同男友叫左兩個主食同兩個小食share黎食。吉列黑豚豬扒定食$88好豐富啊😍沙律：沙律菜同車厘茄都新鮮，mix埋柚子醋酸酸地好開胃前菜：係海哲同昆布，兩樣我都鍾意漬物：有漬蘿蔔同紅芝漬味噌湯：唔會太咸珍珠飯甜品：煙煙un un嘅蕨餅安格斯牛肉手打鳥冬$88上枱時牛肉仲係生生地嘅粉紅色，浸係熱湯度慢慢變熟。牛肉都唔少，烏冬亦彈牙，湯底就清清地，唔想食得太油膩嘅可以揀呢個。七味鹽燒雞腳筋$58食起上嚟好有口感，有啲似雞軟骨，調味亦適中，唔會太咸章魚小丸子$45上枱時熱辣辣，一盒有6粒，每粒都有章魚粒…查看更多

今晚一個人食飯，黎到呢間非常少女非常pinky嘅餐廳。門口有花花牆同圓形椅嘅靚靚打卡位。店員安排左我坐係角落位，牆上有好多心心，亦有霓紅燈，白色雲石餐枱同絲絨椅，成個感覺都好少女，餐廳處處都好arm打卡。dinner set有6個選擇，包餐湯同沙律。香煎比目魚配椰香咖哩汁$168落左單之後好快就送上餐湯，餐包同沙律。忌廉湯creamy, 沙律菜新鮮，蒜蓉包亦焗得香脆。比目魚擺盤好靚，魚皮亦煎得夠香脆。配菜亦有好多，有紅蘿蔔，車厘茄，粟米筍，薯仔，青瓜，所以就算無飯面，食完都夠飽。熱情果烏龍（dinner set 加$28）叫餐可以加$28加野飲，少少酸酸地ge熱情果搭清新ge烏龍茶好refreshing…查看更多