Alexx_Lam的個人專頁

中環返工，午餐時間實在唔多，通常都要搵啲快捷又唔失水準嘅地方食飯。今次去咗Pret A Manger買咗個雞肉牛油果三文治配凍泡沫咖啡。點餐同出餐都好快，唔使排耐，對趕時間嘅我嚟講已經加晒分。三文治用料新鮮，包軟餡多，雞肉唔鞋，配埋牛油果一齊食真係幾香口。最重要係份量啱啱好，食完唔會太飽又唔會唔夠力返工。咖啡方面，味道濃郁但唔會太苦，凍飲幾夠提神。坐位唔多但翻枱快，基本上唔會等得耐。地方乾淨企理，職員態度親切，唔會因為係快餐就hea做。成間鋪感覺幾專業，食物又健康，成日返工唔夠時間食飯嘅我，Pret 真係幫到手，起碼唔洗餐餐食飯盒或者杯麵。平衡到時間同健康，返工人真係會感激有呢類選擇💼☕🥪。…查看更多

同女朋友紀念日嚟 The Steak House 食牛排，環境真係好有情調，落地玻璃望住海景🕯️。叫咗 dry-aged ribeye 同和牛 striploin，ribeye 煎得外脆內嫩，肉味濃郁；和牛入口即化，油香十足。配菜方面揀咗烤蘑菇同洋蔥圈，簡單但夠味，麵包都好鬆軟。飲返支紅酒，配牛扒一流🍷。侍應介紹得好有耐性，唔會 push 落單，食得慢慢享受。成晚氣氛好放鬆，感覺被好好對待。價錢雖貴但完全值回票價，想同另一半慶祝特別日子真係推介。🥩💕…查看更多

朋友生日，揀咗喺尖沙咀 Rosewood 酒店嘅 Chaat 慶祝，唔係平時食開嗰啲印度餐廳，成件事高級咗好多😎。入到餐廳裝修好靚，坐位舒適，侍應服務得好仔細，講解得好清楚，態度又唔會太拘謹，感覺舒服。 我哋叫咗幾道 signature 菜：Kasundi Lamb Chop、Badami Chicken Tikka、Butter Chicken with Naan 。羊膝飯勁入味，羊膝炆得好腍，成鍋飯都吸晒肉汁，大家都話正。牛油雞滑溜，醬汁香濃撈 naan 食停唔到口。Badami Chicken Tikka香而唔油膩，咬落去有層次感。 餐廳望出去仲可以睇到維港景，氣氛好 chill。價錢唔平但值得，啱晒慶祝或請人食飯。🥘✨…查看更多

最近同朋友又去九龍塘，突然想食越南粉，之前試過牛肉粉覺得唔錯，今次再嚟睇下係咪依然保持水準。🍜✨今次點咗生牛肉河粉同香茅豬扒飯。生牛肉河粉嘅湯底一如既往清甜，帶有淡淡嘅牛骨香，味道穩定；河粉口感滑溜，但生牛肉片嘅新鮮度感覺一般，無咩特別鮮味，稍微有啲失望。至於香茅豬扒飯，豬扒煎得香口，調味有啲甜甜地，但略嫌肉質偏硬，食落口感唔夠嫩滑。仲試咗佢哋嘅炸春卷，外皮夠香脆，內餡調味不錯，配埋魚露醬汁食更加惹味。不過份量偏少，如果人多會唔夠分。飲品方面點咗越式冰咖啡，咖啡香濃但偏甜，對鍾意清新啲飲品嘅人嚟講可能有啲膩。一如以往佢既價錢偏中高，不過味道各樣的真係唔錯，間唔中食下當俾自己享受下。如果想食碗清甜嘅越南粉解解饞，呢度算係穩陣選擇，而越南朋友都有講過嚟間既越南粉都算正宗。😊🍜✨…查看更多

去到Food Court 一眼卜就見到有間泰國野，又想食下泰式嘢就揀咗呢間，睇到炒金邊粉想回味一下太耐無去泰國既感覺，不景最近都未必太去泰國就叫嚟食一食。不過整體體驗真係一般般，有啲失望既感覺。份量方面，唔算特別多，對食量大啲嘅人嚟講可能未必夠飽。配料有幾隻蝦🦐，豆乾同芽菜，蝦一食就知係冰鮮無晒味得個樣個啲蝦，豆乾正正常常啦，食落感覺唔係泰式炒金邊粉個樣野，有啲似食西炒飯金邊粉，但加返少少泰式辣醬咁。整體魚露香味太淡，完全無泰式嘅濃郁香氣，檸檬味都唔突出，感覺調味比較單薄。辣度🌶️係有少少（真係少少泰式辣醬個隻辣），層次感就一般，炒粉亦無乜鑊氣，粉條炒得有啲濕。雖然係Food Court，不過有時Food Court 餐廳都會有驚喜，不過就應該唔係佢了～味道同質素都平平無奇。如果純粹想填肚又唔介意味道一般嘅話，可能會接受，但如果對泰國菜有一定期待，就可能會覺得失望。😕🍴…查看更多

同事介紹去咗呢間工廈入面嘅台式餐廳🍜。一聽話喺工廈入面仲以為環境會好普通或者地方都比較污濁，其實都唔係太抱有期望，點知一入到去發現都幾有feel，牆上仲有啲壁畫，成間舖都好有台灣特色。座位唔算多，但勝在乾淨企理，坐得幾舒服✨。  點餐都係自助式的，寫完紙仔要去收銀機到點餐，第一次去仲等咗勁耐個人諗住佢會過嚟幫我落單。  我哋點咗椒鹽排骨芝麻醬乾拌麵🍖，麵條好彈牙，芝麻醬濃郁但唔會太膩，排骨外脆內嫩，一咬落去味道都唔差，仲有啲肉汁流出嚟，好有台灣風味同水準。同事嗌咗鹹酥雞拼香腸麻辣乾拌麵🌶️，麻辣醬汁辣道唔算好辣，只係用嚟提升一下味道咁，鹹酥雞炸得夠脆，台式香腸又有少少甜味，成碟好豐富，幾啱我哋鐘意重口味嘅人。  飲品方面，我試咗豆漿紅茶🥤，意想唔到豆漿同紅茶原來可以咁夾，飲落口感順滑，仲有淡淡甜香。最後仲要加個甜品芋泥奶凍吐司🍠，芋泥滑到好似食緊奶昔咁，吐司烘得香脆，雖然好飽，但都係一啖一啖食到停唔到口。  呢間哈豆真係一個小驚喜，食物質素高又有台灣味道，適合朋友小聚或者同事lunch💯✨…查看更多

今日去要去元朗開會，平時都好少去元朗加上午餐時間比較趕，但見到「炙・宴」評價唔錯，就入去試下睇係咪啱啲忙碌上班族食。可能因為一個關係等位都算快，環境都算唔錯，一個人坐都唔覺得侷促。我點咗火炙叉燒豬骨醬油拉麵，成碗麵嘅賣相非常吸引。湯底濃郁但唔會太油膩，帶有淡淡嘅醬油香，入口舒服。叉燒係炙燒過嘅，外層帶有少少焦香，肉質唔會太肥，但口感嫩滑。麵條亦非常彈牙，煮得啱啱好，啲湯底同麵條嘅比例控制得幾理想。餐廳服務算幾快，拉麵由落單到上枱只係等咗唔夠十分鐘，對於午餐時間唔多嘅我嚟講，呢個速度係非常加分。不過，午市時段人流的確比較多，等位大概等咗5分鐘，幸好翻枱速度都算快。「炙・宴」其實幾啱上班一個人要快食，啱啱好滿足到趕時間但又想食啲有質素拉麵嘅需要，下次有多啲時間一定會再慢慢細嘗其他菜式！…查看更多