Leong's的個人專頁

新的一年試下最近好旺場的cafe,位於議事亭前地,人流奇多,今天是蒙口碑而來。等了大約20分鐘,內里裝修幾靚,好歐風,但人太多好嘈吵...在樓下點餐后侍應會送到你跟前,我們點了四道食物。第一道是法式三文治,點知...好失望,首先買相非常不討好,好似凍冰冰擺左好耐硬柴柴的麵包,不新鮮的感覺,味道不好,真的不推介。第二道是紅酒燴牛尾飯,$88,白米摻雜了紅糙米,感覺健康d,口感本人尚可接受,先生覺得好生硬,而且唔熱又唔香,牛尾方面就好冧,但無牛鮮味無紅酒味,連個汁都無紅酒味...第三道是枱枱都點的法式燉蛋,非常甜,一般般,$46一啲都唔值。最後是牛奶啡,泡沫好稀,好普通的一杯咖啡。…查看更多

準備迎接新的一年,但太遲訂位周圍的葡餐都無位,WALK IN只有熊貓有位,即時食得。尼到環境好舊,好似電視上八十年代的餐廳一樣,裝飾都好舊。首先上枱的是薯茸青菜湯和牛尾湯,稀稀的,不像平日葡餐湯的濃郁,牛尾湯完全無牛鮮味，很一般。第二個是忌廉馬介休,里面有好多蘑菇片,但感覺不停出水,令這道餸口感很怪,無芝士味,馬介休就食到一大舊一大舊,不太均勻。第三道是很多人推介的燒乳豬,隻豬仔好肥下,有少許豬腥味,口感燒得岩岩好,皮薄脆,味道偏咸,算是今晚最好食的一道餸。最後一道是葡式焗海鮮飯,不推介不推介,飯濕冧冧且無味,海鮮又好唔新鮮咁,尼餐令人頗為失望!…查看更多

適逢Boxing day及結婚周年紀念，在openrice看了數篇食評後決定選擇尼間餐廳，係上環食完就方便我們搭船返澳。提前一天才訂座，幸好7：00有位，位置比較偏僻，時間尚早，店內只有兩位人客，侍應不斷問我們有咩需要，味道如何，非常親切，感覺他們對自己餐廳亦相當自信。前菜點了"Pig's trotter & oyster toast with green salad"，感受到蠔是微暖的，新鮮飽滿，加上偏咸的幼滑的豬肉醬和脆卜卜的多士，配搭一流。第二道係63 degree egg...,低溫烹調的食物第一次嘗試，好新鮮嫩滑連比較咸香咬口的火腿和雜菜菇菌，口感好特別，不過真係咸左啲，食完即刻飲完一杯水。接著係蘑菇湯，他們先把cream放在碗內，再在你面前倒入蘑菇湯，好creamy好好飲，底部有啲＂臭臭＂的芝士，本人不太喜歡，丈夫就非常欣賞，感覺不飽膩。主菜是"Char grilled 40 days aged grass US beef striploin"五成熟，wonderful是形容這道菜的，雖然40天牛仔俾人劏好可憐，但真的實在太好食啦！嬌嫩的紅肉肉質很嫩滑，少許肥肉使口感更佳，我覺得選五成熟真的很明智，非常juicy，三百多元能吃到這道菜真的值了！口感不膩但食完真係有點飽。滿心期待的甜品到了，"Lemon Pannacotta"這道甜品包含幾款奶凍，口感都很幼滑很清新，柚子、檸檬的味道酸酸的，口適合當飯後甜品，幾片薄脆片則帶來另類的口感。另一道upper chocolate，是一碗非常濃郁的朱古力醬，配上雪糕，口感軟滑中帶少少脆脆，好hevay好罪惡，好似食左一大盒麥提莎和瑞士連朱古力般，最後以一杯hot latte完滿劃上句號。最後離開時廚師叫我行埋聖誕樹，我以為他叫我拍照留念，原來是取薑餅人，可愛極了！還問了我們對食物的意見，其實每道菜食完侍應都會來問，服務周到，當然是非常滿意！…查看更多

常常聽到人話喜蓮係澳門最好食的茶餐廳，每次經過都超多人無等，某周六中午決定等下，等左大約20分鐘。點左最出名的牛尾通，真係好足料，好多牛，鮮甜味香，通粉就係普通的通粉，食完仲要飲晒個湯。紅豆冰18蚊一杯，超多紅豆大大粒，不過甜左啲...另一位點左嚤囉雞飯，好香好入味，奶茶就普普通通。總括黎講真係不錯，值得等待。…查看更多

今個禮拜突登約埋班朋友黎，多啲人可以試多啲麻，飲品叫了兩款茶，歌劇及黃金山脈，聞落去真係好多果味，歌劇充滿莓同車厘子的香味，但飲落好淡口，後來吃了意粉後再飲就感覺中和的味道清新減膩，黃金山岸就濃少少，更適合我們的口味。另外叫了cappuccino,熱朱古力和焦糖味的飲品，沒有太特別，不多作介紹。重頭戲來了一卡邦拿意粉，芝士味濃而完全不飽膩，意粉唔會冧，做到尼種程度真係無法唔讚佢，個個都讚不絕口，另一個葡汁雞肉意粉就普普通通，葡汁偏濃而雞肉無咩味。再來甜品朱古力香蕉窩夫，焦糖窩夫，抹茶紅豆吐司，朱古力窩夫的朱古力醬幾好味但有少少膩，而焦糖哥個味道就比較好，窩夫亦較之前個鬆，口感較佳。吐司感覺有啲似隔夜麵包叮暖左，個心比較好食，外面哥層真係好大陣隔夜味，而且抹茶紅豆比較少，份量不足以沾成個包，都係試一次啦。…查看更多

身為澳門人，簡中都會抽空入黎路環hea下，食左咁多次，安德魯葡撻仍然咁好食，蛋味又甜又香又滑，少少焦香加上外皮酥脆，熱食最正，凍左仍然好食。食左咁多間分店最好食係路環市區外賣哥間，等新鮮出爐又香噴噴又熱辣辣，最唔好食當然係威尼斯人入面哥間，簡直係不同的出品。…查看更多

趁著颱風天去食尼間火紅的cafe,喜歡這裡的環境，不會太嘈雜，很適合人放鬆，黃昏時間甜品差不多售罄，所以點了mocha, green tea latte,咖啡味較light，猶如在法國飲到的味道，上面的cream好綿密，真係打得好實好實，口感好滑。抹茶拿鐵的味道拿捏得幾好，不會太甜。但我最推介的是草莓鬆餅和海鮮意粉，今次真的是鬆餅，不是蛋餅，太正了，黑芝麻味的cream是一大亮點，淨食無咩味，但一口放晒幾種配料的鬆餅真係好好食，缺點係得一粒好唔靚又細粒的士多啤梨意粉第一眼望落去份量好少，點知原來碟底都幾深，是扁意粉，先吃一口看看, 醬汁濃稠，能包裹著每條意粉,麵質煮的程度屬剛剛好，有少少咬口，啲蝦都相當大隻，啖啖肉，蜆仔都幾鮮味。食完之後每日都好想再去食，如果住係附近就好啦〜下次要試下吐司...…查看更多

今次是家庭聚會，每人準備一樣食品，老公帶來了火熱的卡夫卡甜品。黃昏時間好好彩仲買到四件，平日一早就買晒啦，每件$38，小貴。首先試了最sharp鮮綠色的都路里，和風抹茶口味，慕斯味道甘帶微苦，內裡的忌廉紅豆，味道不是很甜，餅底有點膩。甜蜜約會，粉粉的賣相好吸引人，但草莓慕斯酸酸的，中心的草莓果醬更加酸，底層的軟心朱古力就好好味，可惜甜度仍中和不了那種酸度。泰姬陵是印度紅茶，配以香甜的焦糖，甜度好高但又好夾好軟滑的口感，有啲似拖肥味，外層的朱古力碎令口感更豐富。四件法式甜品中本人最欣賞的是覆盆子那個，忘記了名字，酸味味好開胃，有啲啫喱般的外層，慕斯和內裡口感好夾，軟滑到入口即溶。其實真係有啲貴，細細件，偶爾食下，值得一試。…查看更多

hito hito 我地特登6點鐘去,仍然超多人,我地等左十分鐘就有位,好開心多人其中一個壞處係好嘈,傾計都要大大聲一看睇到隔離台的TEA SET架,好吸引,有限時間供應TEA SET里面最好食係拿破崙,脆脆的，里面的cream幾好味，其他都一般般朱古力的感覺好膩，有個紅莓醬的偏酸點，菠菜批感覺放左好耐咖啡好普通，不作推介。草莓醬+雪糕味道酸酸甜甜，好味，鬆餅口感有啲實,不像其他店的鬆軟,朋友覺得好好食最後就是等了二十多分鐘的主角-心太軟真係好流心,好濃朱古力味，好HEAVY,邪惡邪惡!ps其實尼到價格比較高,仲要收加一服務費…查看更多

一心想試green apple cheese cake,但未出爐,仲話要等90mins,聽店員推介買了一包蝴蝶酥,聽講尼度d蝴蝶酥都好出名,不過比較貴,百幾蚊一包不過如果好食就值啦,試了第一塊,咬一口就覺得唔夠酥,糖漿份量是剛好的,不會太甜,但我真係覺得蝴蝶酥唔夠酥脆,而且仲賣得咁貴...ps三個月前係巴黎食過好好食的蝴蝶酥,而且又平又好食,雖然明知唔可以咁樣比較,但賣得咁貴就會對佢有較高的要求.…查看更多

食得拉麵都係預左要等,一茖船即刻去咁岩係中午放飯時間,好多上班一族已經排成一直行,點解啲人午飯唔允個地方他他條條的地方食餐飯都要黎等呢?唔通真係咁好食??所以我地一於等茖去,差唔多45分鐘終於有位了點了一個赤王, 一個翠王賣相好吸引湯底好濃,不過好似好重味精咁,麵質同叉燒就麻麻地...如果有比較下,只可以講好一般! …查看更多

幾個月前睇完蘇民峰一個飲食節目,特登去食尼間蛋包飯,對於不是本地人的我們,個位置都有啲難允店里好靜,人客比較少,唔洗等位店內有好多好舊式的日式小物蛋包飯蛋的份量夠晒多,但過熟了,而且欠缺蛋的香味芝士釀雞翼,so油so滯好失望.......…查看更多

一如既往日式拉麵店店舖小小的,得幾個座位好多人食,排左好耐隊,大約30分鐘吧,但啲人話好好食就即管排下 唔知係咪人太多,一上碗拉麵,紫菜已經林晒掛左係碗邊,湯底一般,拉麵的麵質過林,溏心蛋就做得唔錯,一口咬茖去充滿蛋香同好滑口,一食完即刻走,費事要人等咁耐.或者係澳門黎講佢已經算唔錯,但真係有啲失望...…查看更多

尼度係幾出名的,以前都食過幾次,最出名係燒乳豬今晚約左一大多朋友去食,可以試多幾道菜  燒乳豬仍舊咁出色,偏肥的豬仔,燒到外皮卜卜脆沒想到這個牛脷會咁好食,好入味,好鮮嫰,肉林得黎有少少硬口尼個真係好好食,帶有少少奶香,口感好軟滑整道菜的味道好match,薯茸和馬介休份量岩岩好!另一個亮點係燒雞釀飯,隻雞啖啖肉,皮很薄脆同富士的燒雞有得fight,但人地係茄底飯就好食啲尼個飯就麻麻地,但隻雞夠晒份量,而且燒得比較出色其他菜式仲有咖哩牛尾,葡國雞,燒豬手和馬介休球都ok的,只有芝士焗西蘭花和吞拿魚焗意粉比較遜色.…查看更多

尼半年開左好多cafe,聽說這間小東京好hit特登去試下,果然好full,我地揀左兩點鐘去食,只等了約10分鐘內里裝修好普通,咖啡欠缺咖啡香,好一般的咖啡. 日式白汁菠菜勳肉意粉,超級咸,食兩啖已經唔多想食,咖哩伴漢堡排蛋包雞飯,肉份量都幾多,蛋太熟,似茶餐廳的荷包蛋飯總體來說味道ok.…查看更多