pumpkinv的個人專頁

朋友介紹深水埗有一間食burger 好正專登黎試店有點細，但裝修不錯！ 坐得好自在舒服😌 仲可以帶寵物入去食野☺️我係一個唔太鐘意食burger 既人，因為覺得d包好乾好難入口但試左呢間burger ，真心再次愛上漢堡 $78 + $28 （套餐包可樂一罐同薯條🍟）包皮唔乾食食落小小脆脆地菜新鮮又唔會乾洋蔥🧅煎過安格斯漢堡扒食落好味+ juicy 🥰芝士漢堡 $88 同上一樣好好食，加埋芝士超正😝但飲品選擇太小，希望下次去可以加多幾款可以揀…查看更多

中環 ～ Garden Lounge Afternoon Tea Set 經典層架下午茶🧁酒店長斜路同入口都係打卡位，早食完/ 一早黎等入場前都可以影下相先👍🏻係The Murray 1/F 既Garden Lounge, 分左2 個時段1）1445hrs - 1615 hrs 2) 1630hrs - 1800 hrs 所有人服務都非常好❤️我經e-mail查詢及訂位，回覆快，又有禮貌！好有效率！早一日會有電話提醒⏰拎位時reception 職員👨‍💼至所有侍應 都好有禮貌同有笑容，感覺良好！每人送一個膠口罩套😆每人會有一杯飲品我叫左杯凍Mocha , 唔太甜亦唔會太苦，冰既份量亦適中唔會太多令到杯飲品變淡 每枱有一碟醬，一個士多啤梨醬同clotted cream ， 食scone 必備👍🏻Tea set 有3 層第一層有2 款scone , raisin & plain軟硬適中，好味🥴第2 層5 款甜點，其中最鐘意係opera 同Madagascan Vanilla Choux！唔會太甜，入口無好膩既感覺，有cream 係入面，外脆內軟🥰最底層係5 款鹹點，煙三文魚卷，蟹肉三文治🥪 整體都好味！開頭一望以為份量小唔夠食但原來食到第2 層已開始有飽既感覺😆推介！ 可預早係OpenRice 訂有7 折另外Klook 都有得買！可上網睇睇，優惠d 嫁！…查看更多

James Bon Bon Baker剛好過海黎買，好多人排！ 最好有2 個人先好黎買最後等左一個鐘，買左6 個麻薯波波因為每人最多只可買6 個佢會不斷焗，要買多幾款味可能要排一段時間先買齊！ 朱古力味 ， 原味， 菠蘿味， 抹茶味🍵好似食緊菠蘿包咁，面層脆脆地入面內層好煙韌！ 好好味！ 如果第日食建議叮番熱先食個人最鐘意朱古力味！ 如果唔洗排既，我會再買如果買其他麵包同cake, 可以唔洗排隊！ 佢有bagel 買，味道都唔差嫁！ 好似$2x 都抵食！ …查看更多

疫情下留港當然要四圍搵地方覓食有日踩單車經過河上鄉見到有間新開既戶外cafe , 於時放假就渣車黎試試佢如踩單車由上水出發，其實20 分鐘都到行路45 分鐘內渣車就泊cafe 外路邊有d 爛地位，但唔多Cafe 環境，遠睇都ok 有d 角落係裝飾得幾靚側邊仲有水塘近睇個水塘就人工造既唔算好乾淨，但都好過南生圍戶外地方有蚊就一定佢都好好會四圍插蚊香驅蚊但由於附近一帶算新興建仲有工程坐路邊有車經過會塵土飛揚重點，食我個人都唔高要求，個日去諗住飲杯野食件蛋糕🍰 輕鬆下，cake 似出面買番黎，飲品可以沖得難飲真係好唔掂榛子慕絲 $39似係出面買番黎整好一批批個d 咁，好難食！即磨咖啡（凍）好難飲檸檬茶（凍）都可以係無味兼難飲，真係搞唔掂我叫左上面3 樣野用左$100 我唔會再黎，真係好唔掂，簡單一杯凍檸茶都可以難飲同我視察過，應該得上面張相個位係最靚影相位其他真係無咩特別…查看更多

估唔到係打工仔覓食重地會搵到間咁出色既餐廳環境/ 食物都好滿意星期日黎食早餐餐湯： 南瓜🎃忌廉湯， 好味！唔係稀水牛油果蟹肉他他 ： 份量充足，牛油果配蟹肉加少少柚子汁同spicy 粒粒係面，再配沙律，好好味！ 蜜瓜超甜，呢個價錢食呢個餐抵！雞扒大大塊，仲有煙三文魚，炒蛋，牛油果醬麵包！ 好味！ 必叫！有時間會再幫襯，如果假期飲品可以跟餐加錢食就好，飲品正價貴左d 🥴…查看更多

80年代大排檔懷舊裝修設計門口至舖內都充滿懷舊氣息！超鍾意店內衛生環境十分乾淨企理今次係夜時黎食花膠雞煲+任食打邊爐平日6點幾黎唔多人，入場計120 分鐘要食完有3 個價錢選擇最平$198 +$13 +1 %今次我叫左$258+$13+1% 既花膠安格斯牛海鮮餐開頭黎個花膠雞煲食先好大舊花膠，仲要份量唔少4 個人食每人都食到幾舊大花膠雞我諗得半隻，但好滑，又多肉同唔算細舊👍🏻但雞煲只係食一次無得加（除非加錢）咁食完轉打邊爐打邊爐就任食，呢個價錢同$198 個個餐既分別係多盤海鮮同有安格斯牛食4 個人份量，有蝦，魚，蠔，(hin) ? 4種海鮮，無梅，份量算多！ 食落ok! 呢碟係送既炸燒賣同細粒魚蛋， 好好味嫁！然後打邊爐既送選擇係幾多，安格斯牛好好味食落唔似平時酒樓任食打邊爐咁d 肉又簿又細塊仲爛爛地塊塊完整正常厚度唔係簿切，重點係好食唔係擺左好耐既肉，丸同菜都係，大大粒，仲有黑色墨魚丸，菜又多選擇，全部都新鮮，d丸唔會話未溶雪就拎出黎比你食飲品就4 款任飲，全汽水整體十分滿意，無論環境同食物質素，仲有員工服務都好好！下次會再黎希望一齊好落去❤️…查看更多

聽聞有隱世工廠cafe ，身為新界居民當然要試下交通： 講得隱世交通一定唔會方便，太和火車站行落黎要15-20 分鐘，渣車黎係附近搵位泊得後面條村既公眾停車場叫做近d , 但好少位，好唔方便環境： 餐廳環境都幾靚， 有大布幕電視，sofa 位，比小朋友玩下都幾好， 有得夾公仔（自費），吹下水唔錯的食物：貴， 食物一般，樣睇落都ok , 食落普通，個pizza 都叫做比較好，薯條好乾，瑞士雞翼都可以唔好味🌚 拎出黎都唔係熱食完仲要自己清理番所有野餐具分類，倒食淨食物我唔會再黎…查看更多

上網睇介紹呢度佈置同裝飾風格好吸引所以就專登黎左試下入口係橫街既樓梯上大門都有油油做裝飾禁鐘仔就有人開門俾你啦入面裝修好特別窗口位簡直係影相呃like 必坐可惜我個日坐唔到哥哥仔會拎大大塊餐牌你簡我因食左野黎，所以只叫左杯藍人的秘密本身係藍色，落左青檸變左紫色而個器皿好得意飲落係青檸水味希望下次黎可以坐窗口位加試食 cake 😆…查看更多

生日同朋友一齊食個high tea 慶祝下! 3點開始,1430已經開始係大堂等候, 因為無得訂位拎飛,所以預早左到溫馨提示, 最好差唔多時間就排係拎飛位等候,因為餐廳職員唔會同你講夠鐘開始!入面環境好乾淨整潔, d位坐得好舒服,張枱夠寬! 每張枱都有既果醬, 士多啤莉 同忌廉! 先上鬆餅呢度2人份量,食完呢碟野已經飽飽地!我叫左凍朱古力咖啡, 好快飲野-/\- 朋友叫左金菊檸檬香草荼,好香菊花味,當就黎飲曬野既時候,店員會自動幫你加水!3層既甜品,由最底層開始食起, 有士多啤莉朱古力, 金沙泡fu, 芒果& 綠茶奶凍最底個層全部都勁好味, 金沙泡fu食落唔太甜同硬, 芒果& 綠茶奶凍好滑!!! 正第2層我就唔太鐘意食, 由其係有一個我地食完都唔知咩黎既甜品, 味道怪怪地最高個層有一粒朱古力同2款甜品, 已經飽到食唔落, 所以話唔到俾大家知啦下次要唔好食野黎, 仲諗住食甜品唔會太飽肚, 點知到第2層已經飽晒…查看更多

咁岩出開cwb想食就行去sogo買,咁岩sogo thankful week , 有優惠!我買左9樽布甸都只係$165!!!!!仲要唔係原味, 其他味都有, 不過我買個時無晒mango 我買左牛奶, 朱古力, 曲奇, 焦糖, 士多啤莉 軟滑既布甸再加外形可愛既樽, 真係下午3點3 最好既甜品^^其實每隻既口感都一樣好軟滑, 唔似平時係超級市場買既盒裝布甸既硬,味道又其其怪怪!就算食食下都唔會"筆"到d布甸一"pa pa "個人覺得朱古力最好味!!!!!其次係原味!可惜買時無晒芒果同奶荼味!*因我住得遠,回家車程要個幾鐘佢本身都有個密實袋,(好似冰皮月餅個d袋咁)再加2包乾冰!幾貼心!…查看更多

話說我公司搞bbq, 人數眾多, 為方便所以係大尾篤燒烤王門市訂燒烤食品咁我就可以唔洗"葉"野同四圍買野, 一次過搞掂晒!我早一日上網down佢張order form 打電話落order既!一路落個位姐姐亦無話有任何問題! (態度都ok)到我落完, 因為我訂既野太多, 所以佢話要晏少少打黎覆我total 幾錢!我總數訂左3千幾蚊, 要求送貨, 要加$90ok, 你準時送到俾我加錢無問題!訂幾千蚊野一樽蜜糖都無得送 講左幾次先肯送紙碟同膠叉第2朝送貨,比我要求既時間遲左九個字送到, 好彩我下午先燒,所以問題不大!但佢地竟然可以送漏幾袋野, 仲要係因為佢地送完貨俾我張收據有問題我打番俾佢地先同我講!因為公司event 要收據claim數, 但佢俾我張收據係用塗改帶塗過個銀碼= =然後我收貨後即時打去要求佢地換過張俾我, 但個人話要去番佢地大埔門市換!算, 反正我有野要出大埔買! 然後佢係同一通電話入面話我知佢頭先送漏左2盒羊俾我, 可以到時順便拎番! 咁係咪我唔打黎你就唔會送番俾我>?>??然後我就要由上水揸車出大埔去換,同拎番我個兩盒被遺漏的羊肉去到換收據當然無問題, 我亦都無咁好氣去話全何人!你俾番我應該要有既野我就ok!換完後幫我落order既姐姐有say sorry,再俾番個兩盒羊肉我!同埋,,完來佢仲送漏左一大袋蕃薯+ 什菜lor!!!!!!!!好在我有人有車陪我黎姐,我一個女仔點拎?仲要漏咁多野!!!!!!今次真係有點激氣! 以後買都唔好送貨! 亂黎!* 同我明明點左蒜茸雞中翼 無點乳香雞中翼 但佢比左 乳香雞中翼 我, 極度難食, 最後係無人掂過!特製燒鱔柳 亦都麻麻, $173 一磅有5,6舊........ 好普通!d 咖喱魷魚翼 係"un"到咬唔到!!!其他野正常,不是太特別!!!…查看更多