Lingslynne的個人專頁

深夜時分竟然有一間24小時嘅日式料理店，對於我喜歡食一本嘢來講真係一大喜事！加上外買平台有優惠，所以10分抵食非常細心地，熟食和壽司分開兩個保溫袋裝住🐡雞泡魚乾燒得夠乾身，有啲貴🐔雞翼燒得剛剛好，有肉汁，但偏鹹🥟炸餃子🍣壽司講到外賣除咗食物質素之外，外賣用具都10分重要，雞翼真係新鮮熱辣，熱到個膠盒都嚴重變晒型唔知會唔會有有害物質釋放。。。。加上雞翼偏鹹，所以食淨一隻都冇再食。價錢嚟講喺灣仔都算係幾經濟，希望能夠改善外賣用具啦…查看更多

小店經營，店員少，出餐較慢，想快食或肚餓嘅要諗諗🍋跟檸檬通靈一下賣相：味道：價錢：$50😋宜蘭魯肉飯小拼盤賣相：味道：價錢：$108🍳韓式泡菜起司蛋餅賣相：味道：價錢：$50…查看更多

環境衛生： 👌🏻👌🏻👌🏻👌🏻食物質素：👌🏻👌🏻👌🏻上餐速度：👌🏻👌🏻👌🏻👌🏻服務質素：👌🏻👌🏻👌🏻瑤柱鮮淮山雞粥：😋😋😋😋😋分量：可分到4碗雞肉好味，滑，不過得4舊左右，少左d 鮮蝦腐竹卷：😋😋😋😋足料，但多油左d蟹棒棉花雞扎：😋😋😋大大件，足料，但有啲油億味👎🏻鮑汁雞粒荷葉飯：😋四碟中最難食飯蒸得過晒龍，爛飯👎🏻👎🏻👎🏻👎🏻👎🏻…查看更多

同男朋友趕住去moko睇戲，但又想填飽個肚先睇，經過韓樂，被佢哋嘅食物相片吸引左我哋入去，點知中晒服食物難食之餘，侍應生態度又差。。。先講食物方面全店用QR code落單，我地叫左排骨薯仔湯 ；柚子蜜糖雞翼；照燒芝士雞扒飯；魔鬼芝士焗八爪魚🐙排骨薯仔湯 ，排骨嘅肉夠淋唔硬，不過個湯係好普通嘅肉湯，薯仔味還薯仔味，肉膻味還肉膻味，要加大量胡椒粉去膻照燒芝士雞扒飯，第一啖食入口嘅味道好奇怪，好似有啲抑抑嘅怪味，食左幾啖就無再食魔鬼芝士八爪魚，照騙中嘅主角，圖片與實物完全不相符，d 八爪魚勁細隻，啲芝士好稀，完全係服到不得了唯一食得落肚嘅係柚子蜜糖雞翼服務方面；d 侍應阿姐態度都麻麻，回答問題敷衍，上菜時成隻碟隊埋嚟，撞到我男朋友隻手，雖然力度唔大，但係咪唔識點上菜呢？…查看更多

係西灣河做完嘢肚仔餓，梗係去太安樓醫下肚啦林記車仔面係我最愛今日叫左米線底，3個餸，冬菇（勁入味好味到癲），紫菜（唔會一夾就爛），咖哩土魷（必食）。一路食一陣陣滷水豬大腸香味傳入我的鼻，有一刻衝動想叫多個餸，不過要留肚食晚飯唯有下次食啦…查看更多

以前為咗食佢哋嘅pancake要排好耐隊，而家可以嗌外賣非常之好！非常推介Banofee Creme Brulee Pancake佢哋嘅雲呢拿吉士醬非常好味同pancake簡直係絕配！第二推介 百利甜酒忌廉奶昔濃郁嘅甜酒味加忌廉嘅奶昔，飲完一杯之後非常滿足第三推介黑松露芝士汁薯條外賣送到嚟嘅時候，薯條已經唔太熱，但放入微波爐叮一叮之後仍然香脆，再配埋個黑松露芝士汁，正呀The Pantry's Pancake因為其他食物實在太出色，導致呢個pancake變得十分普通…查看更多

同朋友喺太子行完街街，想搵間快靚正嘅餐廳食下午茶，最後見舖頭名咁特別，所以入去試吓。我哋分別都嗌咗細何五餸麵，五餸分別有豬皮，蘿蔔，魚蛋，雞翼，豬紅，每個餸都有三四件，件件都好入味😋。魚蛋係我最愛嘅陳皮魚蛋，雞翼煮得剛剛好唔會太熟。我轉左蒟蒻麵底，好適合減肥人士食，食完又飽肚感，口感好特別，下次食我都會再轉蒟蒻麵底。口痕痕再嗌多個小食，鬼佬炸豆卜4粒，豆卜炸得好香脆，喺上面冧咗由牛油，芝士，香草而整成嘅醬汁。…查看更多

平安夜打邊爐，同三五知己選擇左呢間自由道唔起眼嘅火鍋店，火鍋湯底名字別出心裁材料都非常特別，唔係一般火鍋店食到選擇咗兩個湯底，一係雪山飛狐鍋，龍躉魚湯底，加上蛋白。第二個係霸王藏嬌鍋，黃油雞加南瓜湯底。兩個鍋都係先飲湯後打邊爐。推介即炸響鈴同炸魚皮，超正…查看更多

分量超多嘅豬骨煲，本身配料都已經很多，除咗豬骨仲有豬手喺裏面，建議四人以上先至好食你個鍋。唔知裏面咁多配料，所以另外嗌嘅食物都食唔晒，離開嘅時候已經飽到不得了。環境比較舊，衛生程度還好 ，食物質素都唔錯。…查看更多

係勝利道嗰頭工作，得呢間係專食米線，所以就試吓，估唔到呢間嘅米線比平時食開嗰啲幼身，叫咗清湯底味道都OK但感覺味精比較重，叫咗三個餸$52有啲偏貴，佢係套餐，但熱飲都要加$4，凍飲要加$6。食物方面，豬腸比較瘦，冇乜肉食。豬紅夠實淨，唔會一夾就散。推薦食辣腩肉。…查看更多

呢間車仔麵剛開的時候沒有太多選擇，味道都是普通，但因為工作關係附近只有呢間車仔麵檔，而本人又很喜歡食車仔麵，所以一直都有幫襯，越嚟越做得好。豬大腸夠肥美入味，蘿蔔清甜冇渣，酸齋夠大件，魚肉春卷普通，豬紅不是平時食開一般正方形，一夾就散偏鹹。五個餸$58外賣加兩蚊…查看更多

難得有人請食生日飯，就揀咗呢一間對住海景嘅高級餐廳😍眼見全部都係一雙一對嘅情侶，慶祝生日又或者係慶祝周年紀念，食物質素一流，但份量很少，埋單兩個人三千幾蚊，但食完之後要再去食雲吞麵😆…查看更多

第一次去一間餐廳可以韓燒之餘，又可以食雞煲打邊爐，又有刺身食。食物選擇非常多，魚生刺身非常新鮮，雞煲好惹味😋，一大班人慶祝敘舊好地方，價錢又唔貴，朋友好介紹👍🏻…查看更多

生日揀咗一間打卡一流嘅餐廳，月球裝飾好有氣氛🌕🌑，食物Menu選擇比較少，而且得英文，但估唔到質素唔錯，不過座位就比較狹窄，叫咗個長通粉，巴拿馬火腿Pizza，黑松露薯條，再叫咗一杯特飲😋…查看更多

天寒地凍，去咗朋友介紹嘅舖頭食羊腩煲，一間唔起眼嘅舖頭，估唔到羊腩煲非常之好味🤤啲羊腩炆到入晒味，枝竹朔晒啲汁，舔舔脷😋再用啲汁嚟打邊爐，正到無朋友😍。其他小菜都一流，叫咗蔥爆魚腩，椒鹽鮮魷，通菜炒牛肉，都好夠鑊氣…查看更多