Justafoodie的個人專頁

今日下午茶好想食西多士，經過凱逸就坐低試下，點知食咗個我食過最難食嘅西多士叫左個金磚西多士$38，加3蚊可以配凍飲，價錢還好。見到食物賣相已經覺得伏伏地，分咗買舊，望落去好dry點知食落都真係好dry! 入面嘅花生醬少得可憐，少到食唔到花生醬味仲要糖漿係淋咗先上檯，但份量又唔夠，反而牛油就一大舊。食來食去真係覺得好難食淨返好多，第一次食西多會食淨！大家如果去呢間真係要避開呢味西多士😓😓另外，餐具都唔多乾淨，希望餐廳可以好好正視！…查看更多

今日happy Friday,約左朋友一齊食晚飯我地一行四人朋友帶埋佢既小朋友原本開心既星期五因為呢間餐廳而變到一肚氣🥲平時經過呢間分店都見佢企滿哂人今日難得早放左少少 早啲去拎飛等左唔算好耐就入座但門口負責派飛既職員全程都冇望過我咁濟有冇禮貌就唔洗多講啦呢間啲職員都出名唔係nice 算喇 有位就入座了一坐低 張檯仲係濕濕笠笠咁😨餐具都仲有啲油😨😨職員見到有朋友都冇主動問下洗唔洗bb chair帶完我地入座 問左要咩茶就走開左要我地再四圍搵人先拎到bb chair跟住到落單又係要四圍搵職員幫手當時有個男職員 疑似經理一開始望到我地 但居然扮睇唔到 另轉面😨😨我地知道佢係peak hours 但都唔洗咁樣掛究竟有幾唔想做嘢？之後我地再等左陣 都係冇人理 今次男職員再次同我地對上眼神終於肯過黎落單落單既時候 又係全程冇笑容態度冷淡 好似得罪左佢咁🥲到野食黎喇我地叫左幾樣野食有小籠包 醉雞 大排骨湯麵 蘿蔔絲酥餅等等野食水準就一般般啦 小籠包個皮好厚 好似食左啖粉落個口咁🤮整體黎講 野食都冇咩特別唔知點解咁多人排！ 員工態度又差 真係搵唔到原因再回頭幫襯冇下次😠😠…查看更多

上星期日夜晚過黎小曼谷買外賣，已經幫趁過好多次，都係因為佢算平，同埋味道唔算太差，所以再encore。今次叫生蝦、柚子蝦沙律、咖哩雞同芒果糯米飯，落單時順口問一問收銀阿姐，黃咖哩定綠咖哩冇咁辣，因為我地唔係好食得太辣，點知佢突然變臉，話「咁樣幫唔到你做wo」(態度好寸!)我打左個突，連呢個問題都唔答?不過我費事嘈，就話之前有叫過，不過唔係好記得邊隻辣D，點知佢居然再話「你自己食過邊隻都唔記得架咩?」我真係大開眼界，不過都冇同佢嘈，但其實之前呢位收銀阿姐已經試過教訓我，個次我叫左個咖哩，但唔知原來跟白飯，就叫多左個白飯，到佢覆單我先知本身已經有，就叫佢cancel 個白飯，點知佢又即刻叫我諗清楚先好黎叫野，上次已經忍佢，今次真係覺得佢太冇禮貌，少少事已經咁樣對客人，係咪多人食就大哂?不過講返食物質素啦，生蝦一如以往係新鮮既，柚子蝦沙律得兩隻好細粒既蝦(唔抵)咖哩雞呢，D雞肉5隻手指數得哂，不過都叫做好過咖哩牛少少，佢咖哩牛係牛肉片，一D都唔夾!咖喱汁本身又好稀，而芒果糯米飯，真係睇運氣，今次芒果勁酸。都係個句啦，呢間餐廳勝在叫平民價錢，食物質素都唔好太高期望，但收銀名姐服務態度真係超差!…查看更多

前日同朋友一齊去左元朗呢間牛極度食晚餐，門面好光鮮同乾淨。由於我地比較遲去食，所以好快就入左去坐低。一入去已經見到自助沙律加醬料吧，仲有白飯、湯、水、圍裙提供。沙律、白飯同湯都係無限任食!所以唔洗驚唔夠食我叫左牛肩排(180G)，朋友就叫牛柳(200G)。餐廳好貼心咁用紙巾蓋住牛扒，以免客人比油彈到係等待牛肩排燒好既同時，我已經拎左湯、沙律同飯喇!個湯類似羅宋湯，有好多牛肉係入面!建議可以將牛排切成小塊，會比較快整熟!牛肩一D都唔"un"!口感適中!本身塊肉落左少少胡椒醃製，落埋其他醬汁個味就岩岩好喇。呢個係朋友既牛柳，相對牛肩比較稔身，牛味比較淡，但都好味!估唔到咁大眾化價錢既牛排質素都唔差，仲要飯、湯同沙律任食，真係非常之抵食呀!!!…查看更多

母親節呢日帶埋狗狗一齊去天空之城食brunch，記得網上文章講過boss kitchen有冷氣房比狗狗，於是就去試下，點知去到時冷氣位已滿，天氣實在太熱，都唔想四圍走，望左望menu就入去，室外位照坐。食物選擇很少，而且有點貴，基本78蚊/以上，叫了熱狗餐和豬扒意粉，質素實在普通到不行，熱狗連某大型傢具店出品的都不如，唯一可取是份量很大，而豬扒意粉用的是扁意粉，完全唔入味，豬扒都是一般水準。Boss kitchen不只食物普通，環境配置也很一般，烈日當空之下，只提供一把座地風扇，眼見現場檯檯都有帶狗，都熱到好辛苦，我諗boss kitchen唯一賣店就係可以比狗入，真係唔好對食物有期望，唔會有下次😑…查看更多

上次食新記已經有一段日子最近又好掛住佢地既粥同乳鴿當然又要去幫趁下啦！新記鋪面唔算好大但佢地食物既種類都幾多！今次我地叫左必點既乳鴿依舊係燒到皮脆肉嫩平時第二度食乳鴿真係搵舊肉食下都冇 但係呢度既乳鴿都幾多肉！仲好香！之後我地每人叫左個粥朋友叫左田雞粥肉質好滑而我就叫左蠔仔粥非常足料兩碗粥都好大碗呀兩個人share一碗都仲得抵食！另外仲有炸魷魚酥而家要搵好食既魷魚酥真係好難酒樓都唔係間間都有得食今日唔叫平時會叫既鯪魚球試試魷魚酥都冇令我地失望一啲都唔會韌食好味既野又點少得野飲呢！天氣凍 朋友叫左杯熱菊花蜜平時好鍾意飲凍野既佢話好好飲！我就叫左凍話梅七喜冰酸酸甜甜真係好正下次再黎都會再叫！…查看更多

入秋已經一段時間天氣涼涼地想食啲暖笠笠既野於是就黎左食海鮮蒸氣鍋！我地一坐低，店員就放低醬料，有基本既蔥、生蒜、辣椒同豉油，並且同我地介紹食物。呢度全部都係做套餐，每人包一罐野飲，套餐有幾款選擇，我地兩個人，叫左298既餐都好夠食！眨下眼，大大盆海鮮就出現係我地面前，首先打頭陣已經好醒神！係澳洲龍蝦（每人半隻）呀！！！套餐唔算太貴，但係龍蝦大細一啲都唔失禮！啖啖肉既感覺真係好幸福呀！跟住接力既係海蝦（每人兩隻）、北海道元貝同鮑魚，等左幾分鐘就有得食。鮑魚同元貝一啲都唔韌，而海蝦亦都好新鮮，真係想食多幾隻！店員見你食到咁上下就會主動過黎再幫你放食物去蒸，跟住有象拔蚌仔、貴妃蚌同北寄貝（同餐牌有少少唔同），應該係冇哂青口。店員建議我地食左象拔蚌先，以防佢蒸到熟過頭會韌。其中我最鍾意係貴妃蚌，夠哂大隻！食完貝殼類，就到另一重頭戲，當季奄仔蟹！每人有一隻！啲蟹上檯既時候仲識郁架，好新鮮！蟹蒸得耐少少，令人更加期待。 終於蒸好！入面好多膏，而且都好多蟹肉！食完蟹，海鮮既部份就完喇，唔緊要，仲有蔬菜籃，補充一下纖維。食到呢度，我地都飽飽地喇，但係仲有壓軸既一味：海鮮粥！啲粥係由一開始已經放係下面煲，上面蒸海鮮既時候，所有海鮮精華都會滴哂落去，諗起都覺得正！涼涼地既天氣食粥真係好幸福，店員仲幫我地加左蔥、芫茜同菜甫落去，（可選擇不要）個粥份量係4-5人食！一食落去有啖啖海鮮味，當中蟹膏味最突出，食哂啲粥之後真係非常飽、非常滿足！…查看更多

聽過很多朋友提過KOBEKYU吉列牛忌廉烏冬專門店的忌廉烏冬，後來才知道原來也有吉列牛吃，今天下班在旺角附近，便來試試看!食物款式都不少哦，但今天我已有明確目標，於是點了咖哩忌廉烏冬（雞肉）和吉列牛定食，另外看到牛油蜜糖單骨雞翼也好像很不錯，於是也點了一客!食物很快就陸續上菜了，首先是咖哩忌廉烏冬（雞肉），第一眼看到會很好奇到底這層厚厚的忌廉下面是怎樣的，同時也很怕會很膩，因為忌廉真的很多很綿密的感覺!稍為將下面的咖喱烏冬撈起來，看到雞肉、西蘭花和洋蔥等食材。雞肉很嫩滑，煮得剛剛好，而原本擔心會很膩的情況也沒有出現，因為咖喱中和了忌廉，反而變得非常夾!接著吉列牛定食也上菜了。除了主角吉列牛外，還有很豐富的配菜、飯和麵豉湯。配菜有芝麻醬豆腐和芝麻醬車厘茄，另外還有沾醬芥末和醬油。上菜時店員同時幫忙點火，等一會兒就可以開始烤肉了，這樣子一塊一塊地烤，也挺有樂趣的牛肉切成一口一塊的大小，外面的吉列皮脆脆的，裡面的肉挺嫩滑的，而且價錢合理，值得一試!最後是牛油蜜糖單骨雞翼，賣相100分牛油味比較重，另外值得加分的是雞翼已分成一半，吃起來非常方便!…查看更多

今日放工約左朋友食飯，朋友提議食日本菜，但係平時壽司燒肉已經食得多，於是我地嘗試搵一啲比較特別既餐廳，發現原來係出名拉麵店隔離就有間居酒屋！見啲野食好似都幾吸引，就去試下啦！門面充滿左日式風情，一開門，發現真係好有日式小店感覺，感覺樸實，另外店家提供衣架比客人掛衫，唔需要拎住哂啲野食飯，非常貼心！睇下餐牌先，選擇都唔少，我地幾個餓鬼見到好多樣都好想食首先係紫薯沙律，賣相好得意，成座山咁，上面有魚子，好新鮮，唔會好腥，下面既紫薯沙律都好清新，唔會乾，酸酸甜甜好開胃。牛肉大阪燒：大阪燒食過幾次，但係有牛肉既就真係第一次，份量好足，好厚實，唔會一夾就散哂！黎居酒屋又點少得串燒呢！我地叫左燒華味鳥雞皮、燒華味鳥雞肝同雞肉脆骨棒同燒華味鳥雞翼。雞皮冇炸到乾爭爭，雞肝有濃郁肝味，而雞肉脆骨棒都好食!最推介係個雞翼!雞皮香脆，雞肉嫩滑，仲有淡淡鹽香食到咁上下覺得口渴，於是叫左梳打飲，我地每人叫既款式都唔一樣，由左至右:熱情果乳酸梳打、巨峰提子乳酸梳打、草莓乳酸梳打、荔枝乳酸梳打。飲品大大杯，抵飲!我飲熱情果乳酸梳打，酸酸甜甜好開胃，配野食好夾!仲試左朋友杯荔枝乳酸梳打，荔枝味都好出，相對比較甜。蒲燒鰻魚丼一尾:我本身唔算係鰻魚愛好者，但好多朋友都鐘意食，所以今次又有機會試喇我好怕鰻魚唔新鮮同唔夠熱，但呢度既蒲燒鰻魚完全唔會!好好食!唔會燒到變柴皮之餘仲每啖都有好香燒汁味好岩送飯食!芝士蔥蛋餅:蛋餅放係pan上面，上菜時熱辣辣!店員仲提醒我地唔好辣親添!芝士同蛋係最佳拍檔!滑蛋融合奶味香濃芝士，我地都好鐘意!想encore，但又想試多d款式，於是叫左個 火炙北海道帆立貝三重芝士蛋餅丼。飯上面有大大粒帆立貝，燒到剛剛好熟，三重芝士蛋餅同芝士蔥蛋餅一樣咁好食，而丼飯份量都好夠。仲有巨無霸-->炸物大拼盤!!呢個拼盤真係食到我地捧住個肚走有炸廣島蠔、炸蟹肉忌廉薯餅同炸豬扒，全部都好脆，唔會油淋淋最後叫左個味噌蔬菜鍋，主要有茄子同南瓜，我地試左個湯底，偏咸，但係茄子同南瓜吸收左D味噌味道又剛剛好!好食!…查看更多

係元朗想食粥，好多朋友都會話新記好食，好耐之前食過一次佢地外賣既粥，最近又再去試試，睇下其他野食係點先!餐牌上面有超多款式選擇，好多都好想食，而且價錢仲要唔貴呢!首先係好出名既雞粥，雞肉好滑，真係淨係睇相都見到而且份量都唔少架!跟住叫左蠔仔粥，蠔既份量又係超多，起碼有20粒!鍾意食蠔既人一定要叫呢味呀!同行朋友指明要食乳鴿，果然係冇令我地失望，一句講哂:「皮脆肉嫩」!配淮鹽真係冇得輸仲有鯪魚球，一碟有六舊，係以「舊」去形容，因為又係好大粒!仲好彈牙，魚肉唔腥，配送既蜆介醬都有成六粒蜆!食熱氣野當然要飲返杯野飲啦，我叫左七喜話梅柑桔冰(左)，朋友叫左五花茶(右)，話想清下熱氣我杯七喜話梅柑桔冰真係好正，味道好足!!!正正就係我想要個種酸酸甜甜味，另外朋友都話五花茶好飲。今次餐飯真係食得好滿足呀!因為所有野都好食!絕對會再幫趁…查看更多

終於等到星期五！約左朋友食lunch,聽講忠孝東路野食唔錯，又坐得舒服，一於試試係唔係真午市以套餐為主，尖沙咀黎講價錢唔貴我地叫左宜蘭香酥雜菌魯肉撈麵 個麵份量好大 ！雜菌應該有輕輕炸過，配魯肉好夾，仲有青瓜拌麵，增添左清新感覺跟餐配一款小食，我揀左糖心皮蛋豆腐，好好食，所以我地決定叫加個小食 - 皮蛋豆腐(下圖)另外叫左塔香肉鬆茄子配珍珠飯，配涼拌香辣小青瓜茄子味道濃郁但唔會太咸。跟餐叫左飲品，朋友叫左黑魔(黑糖牛乳奶蓋)(左)，我叫左柳丁,柚子桂花茶(右)，朋友話黑魔正，我杯茶都係，有茶香，唔會好似一般台式飲品咁甜到喊!餐廳仲響應環保，走飲管，抵讚呀!小食 - 鹽酥炸雞台灣名物，呢度既份量真係好大呀!起碼係一般鹽酥雞大一倍!小食 - 香炸蚵仔酥呢個小食十個推介!真係同個名一樣，非常酥脆!入面仲包保舊舊都有蚵仔!!…查看更多

元朗有很多日本料理餐廳，但是像稚這樣做定食的卻好像不多(?)內在環境不太大，裝修簡約，給予人一種樸素、貼地的感覺。由於我們6時多就到了，所以不用等位店員有禮貌，並簡單為我們介紹了餐牌。我們二人點了浦燒鰻魚(原條)加定食和豚肉生薑燒定食(轉貓飯)，還有厚燒玉子。浦燒鰻魚(原條)定食包括麵豉湯、飯和水。浦燒鰻魚(原條)非常足料，而且沒有骨，認真「啖啖肉」呀看見餐廳其他客人也有點這一道，看來是挺受歡迎的!另外還有豚肉生薑燒定食，我選了把飯轉成貓飯。貓飯這名字十分有趣，對日本文化不太熟悉，所以第一次聽這名字，原來貓飯是飯加了木魚和紫菜，用來下飯非常開胃，讓人一口接一口!主菜豚肉生薑燒也很好吃，肉的肥瘦適中，不會太油/太乾!還有小食 - 厚燒玉子除了基本的雞蛋，還添加了沙律醬、紫菜和木魚，味道很特別，玉子做得很滑，而配料則令這一道很有章魚燒的感覺。推介!!大滿足總結，稚真的有隱細小店的感覺，而且價錢也不貴，推介各位試試哦!…查看更多

元朗出名多好野食，幾乎咩國家既菜式都有，最近行經教育路，都會見到有度排長龍，細心一睇先發現原來係新開既泰式餐廳 - 水門雞飯。相信有去過曼谷既人都會食過當地非常出名既水門雞飯，唔知元朗呢一間又係點呢?我order左最普通既「水門雞飯」，包一個湯，盛惠$52(外賣需要加$2)。顧名思義，水門雞飯有雞肉同油飯，加兩片青瓜，另外配汁，都幾辣。雞肉都算滑，份量還好啦，個飯就大份，不過雞有少少唔夠。配送既湯好重胡椒味，一路食飯一路飲可以話係辣上加辣總括而言，50幾蚊食呢個飯我個人認為唔係幾值，不過如果未試過都可以試既，可能其他野好食D?…查看更多

今日放工唔想煮飯，又好耐冇食韓國野，記得附近有Kim's Bowl，之前又未食過，於是就去試下! 門面好乾淨企理款式有豬、牛、雞肉選擇，而家仲做緊early lunch offer添!可以用優惠價將飲品升級店員好快手，三兩下手勢已經將食物包裝好香蒜牛肉韓式便當份量好大!自己一個實食唔哂!賣相好豐富，睇到已經好想食!主菜香蒜牛肉味道十分香濃，同洋蔥和菇一齊煮，仲有醃豆類、翠玉瓜、辣蘿蔔、玉子燒，還有韓食經典 - 炒粉絲!!!真係令人好滿足呀仲有韓式拌飯，每次食韓國野都必定會食。都係揀左牛肉，拌飯辣醬係另外分開獨立包裝的，所以可以隨自己喜好落幾多醬!拌飯同便當一樣，份量都係好大，一個人食唔哂!建議搵多幾個朋友一齊食，就可以Share同試多幾款啦!另外有熱辣辣麵豉湯。青橘子茶及柚子茶都落足料沖，唔會好似平時D餐廳咁落得少少!好飲!…查看更多

說起川菜，大家想到的，除了辣，可能還是辣。可是今天吃過了十二味的菜式後，不太能吃辣的我也能夠一嚐川菜滋味門面很有氣派，滿滿是中國風格。餐廳很貼心地提供充電器。還有夾公仔機。上一層才是用餐的地方，餐廳佔的空間挺廣的，而且座位夠寬敞，坐的很舒服。餐廳還有Bar Corner調製飲品。餐廳點餐電子化，需要用到電話。我們點了4個午市套餐，全部包含酸梅汁(不用加錢)、涼菜和白飯，很伐算!涼菜是青瓜和豆腐乾，很入味!首先是川式口水雞，賣相100分，把雞肉疊了起來，很特別。味道也很好，很入味，份量多，而且不會太辣，是我這些不能吃辣的人也可以吃的然後是近年非常受歡迎的酸菜魚!你們看!這個是午市套餐哦，份量已經那麼多了!魚切成薄片，煮得很嫩滑。牛肉麻辣香鍋川香回鍋肉牛肉麻辣香鍋和川香回鍋肉賣相有點像，兩個都可選辣還是不辣，非常好。就連伴菜的薯仔切片和蓮藕都很好吃!另外我們也點了蔥油拌麵。還有壓軸的甜點 - 紅糖糍粑!!!超級推薦!!必點呀!吃過幾次紅糖糍粑，只有這裡的做到「外脆內軟」!而且黃豆粉、糖漿等的份量也很足夠，真的為整餐飯畫上完美句號。如果可以，我會給這道甜品10粒星…查看更多