ncelq的個人專頁

清湯腩買少見少 見到呢間faxebxxk beat noodle group 成日有人推介 就特登出去食下橫惦一場黎到 緊係加錢叫個靚位食 所以叫丄左碗崩沙腩之後原來係惡夢既開始碗野一上到黎 嚇死我 乜野崩沙腩黎 比人搭掤 成碗牛腩冇舊係崩沙腩 un到爆。食完牙逢全都係牛肉。碗湯真係夠晒清 冇乜牛味得重既香料味 落咁重手香料係因為偷工減料 唔夠湯骨同時間煲 仲要飲完口渴。大拿拿比左78蚊食碗咁既野 錢唔係咁賺。碗野煮成咁 我覺得佢地真係對唔住死去既新鮮牛。…查看更多

中午去食個拉面 真係食到媽媽聲叫個慢煮豬柳叉燒 叉燒簿都算 仲要得幾塊 你食水都好深姐食落口仲要係凍既 慢煮係用四十至六十度長時間煮 點都唔會係凍 簡直係超出我既想像 唯一解釋係工場做完 雪凍左去店有order先放個熱湯就算數上台 真係垃圾都不如最唔明係我自己scan qr code落單 水又自己搞 你夠膽死叫我加一 你有咩服務？咪拎碗面上枱 你憑乜叫加一 拎面上枱好基本野 八十幾蚊碗加埋一成九十蚊 過份地overprice真係無下次…查看更多

第一次食酸菜魚 㨂左呢間 因為去開尖東果兩頭我一個人去食 有半份 剛剛好因為午餐時間已過所以人少 叫左五分鐘到就上左菜 環境似快餐店格局 迫迫夾夾咁講返食物 個酸菜魚做得唔錯 很難得件魚有魚味 唔會因為味濃比雪藏貨 亦很滑個酸菜湯個味叫平衡 唔會死酸 死辣 入面有酸菜 d味出晒黎 有粗薯粉做底 唔多 有咬口 但自己唔好 所以冇comments雖然第一次食冇比較 但真係幾好味下次可以試下其他菜式最抵讚係冇收加一 唔似其他餐廳 只係上菜都要收加一…查看更多

一直都中意食夜上海 野食高水準價格又合理。搬左k11 後第一次食 入到去個環境好靚 裝修都好靚呢道最好食係小籠包 今期有蟹粉小籠包 試左 呢道小籠包真係全港最佳 皮簿又唔穿 湯汁又鮮味 又唔會熱到入唔到口。仲叫左黃橋燒餅 的的式式 好味仲有脆鱔 脆得黎唔油 個味做得平衡唔搶 三兩下清晒個銀絲卷比二歲囡囡食 唔知味係點 之後後補左個㛱雞燴面。雞味好濃又鮮 個面又唔會煨到爛 入面有雞肉又滑唔柴口 唔係比d下欄湯渣肉你 好食 總括黎講水準極高 環境服務都好 值得再去…查看更多

試了亞洲top 50 burger. 叫了classic. 咁既質素就係top 50? 我真係嚇左一跳. 塊牛扒除左有焦香味較為特別之外. 真係冇乜特別.塊扒冇乜牛肉味, 叫做有dd肉汁,  醬真係唔知冇加定少得出奇. 越食越干. 生菜同洋蔥食唔出同M記有乜分別. 個包皮算係好少少. 唔係M記嘉頓大路野.唔覺佢好食得過shake 同ooo.…查看更多

我睇見呢間D人寫到好差咁，所以我就以身事法，睇下有幾伏。我就食晚餐。點了覇王雞，椒監鮮魷同䓤爆魚鰾先上例湯，老黃瓜豬骨湯，飲左竟然唔口干。仲幾足料。個霸王雞做得唔錯，剛剛熟，好嫩口同彈身。個霸王汁ok 不過不失。唯一扣分係斬雞有幾舊唔斷開同肶位有少少唔熟透 4.2/5椒監鮮魷夠熱，夠脆口，夠野味，但個味似係七味粉多過椒監。要扣分係個鮮魷好似好細舊，靠炸粉發大佢  3.8/5個䓤爆魚鰾係貪得意試下，佢係用啫啫咁整。呢個有驚喜，個底料個味足。同夠獲氣。但汁收唔干扣少少分  3.5/5…查看更多

今日公司附近開左間古井燒鵝店. 幾年前我特登去新會古井恒益食燒鵝, 我當然知道古井燒鵝做得正唔正宗. 所以lunch 就走去試下.一去到, 坐滿人, 我聽個店員話等下, 點知後面有四條友入左去, 店員都冇阻止, 白白被打了尖. 坐到入去之後, 明明係兩個位, 點知店員屈多個人坐黎, 勁逼. 咁既服務, 1星都比多. 叫左個燒鵝飯. 一上黎, 頂, 有舊骨係碗底痴住. 頂, 唔那係. 碗有冇洗干淨? 衛生1星都比多.再睇下個飯, 點解係用碗上? 碟上在於飯氣可以散開, 唔會食到底時太淋. 再睇, 佢幾舊比左肋骨我, 根本冇肉食, 明昆水.個梅醬係我以為係草莓果jam, 超甜. 點舊燒鵝, 燒鵝變左個甜品.重點個古井燒鵝, 古井燒鵝係食燒鵝既荔枝柴火味. 係食醃鵝味. 鵝既腿位完全冇醃過既味, 肉又冇荔枝柴火味. 再差既係, 個鵝係涼既. 我以為自己食緊冷盤. 一隻冇荔枝柴火味既燒鵝, 還能算是燒鵝咩? 間餐廳咁多流量, 有心做既, 唔使燒定晒放冰晒先比客食. 一個字, 差. 我唔明, 間野一隻隻鵝既死屍掛晒出黎做乜, 好影響食欲.…查看更多

今日lunch第一次去食. 叫個馬友米線. 一上到枱. 見到條馬友煎香晒，已覺得唔對路. 心諗，如果條魚係新鮮. 點使煎香口黎食. 馬友係食佢魚肉幼滑同油香. 一食之下，條魚果然唔係好新鮮. 靠香口黎蓋過有少少唔新鮮既梅味. 中晒伏. 再食個米線，一咬就散. 唔掂. 再下左d胡椒係個湯到. 胡椒用左d平價貨. 完全冇胡椒味再飲個湯，好普通. 飲唔到魚既鮮甜味. 再差既係，過左十幾分後口渴. 我唔多信個湯冇味精. 下次唔會再幫陳了...…查看更多

叫左個 六十幾蚊既 清湯牛坑腩面.一黎, 見到舊好大既蘿蔔. 唔知係咪碗野細, 送舊大蘿蔔比你睇落唔會咁小家. 首先評個湯匙, 真係不知所謂, 又大又平又淺, 個碗細, 極唔方便用. 喝左口湯, 唔錯, 有牛味, 但水準同大埔群記差幾班. 再喝多口, 問題黎, 我叫面. 喝第二口已經好重鹼水味. 好明顯係面處理得唔好, 我去大埔群記食唔會有咁既問題. 到食個牛, 嘩, 硬到呢.....舊肉唔係un, 係硬, 根本未煮到軟同淋. 係香港食清湯腩, 軟同淋係standard, 你將煮好未淋既出黎比客食, 真係唔惦. 又或者, 如果你同我講, 硬既牛腩係你間野既style, 咁我真係唔識欣賞.再食個面, 有d d 過火左, 淋左. 再試個辣椒油, 同群記一樣味, 其實個面都同群記一樣味. 奇怪. 總結係唔值呢個價錢…查看更多

一間早排新開的餐廳, 竟然有咁多人做咁詳細做既食評, 你話係咪鱔稿? 不願致評. 公道自在人心. 為左証實一下, 自己真金白銀走入去食下咪知.八月做優惠, 66折. 所以叫碗最貴黎試下, 貴為100一碗. 下午茶時段, 等左很快就上黎.試下個湯, 個湯實在過熱, 收得過百蚊碗, 湯底過熱, 一d都唔細心. 個湯應該熱, 太唔辣口. 佢話牛骨湯, 但 1 d 牛骨味都食唔出, 換來既係鼓油味 (黑湯, 所以用鼓油???) 同似係羅漢果既甘味. 大佬, 我要食牛味, 你比個鼓油同回甘味把鬼? 個湯根本唔合格....再試個蛋面, 唔彈牙, un un 地, 但食落冇乜趙頭, 硬硬下好似食一堆冇靈魂既面粉既感覺. 都係唔合格....再試個牛肉只係碌一碌, 我叫半熟. 非常新鮮, 有鮮甜味, 冇渣, 有淡淡既牛味, 極品. 而份量亦可以. 呢個牛肉起碼80分......但係, 同係街市買返黎自既碌有乜分別?結論係碗野唔值一舊水, 間野要重新開發個湯底, 同換過面既供應商. 至於上面係咪收左錢寫既, 自己心里有數啦…查看更多

有一排冇食，今日中午行過入左叫左個拉面食. 一黎到夾上手，覺得奇怪，點解拉得條條差唔多，仲要幼左. 唔理咁多食左先. 一放入口咬左口. 點解淋左咁多. 完全冇咬口，冇趙頭?!? 唔通以前即拉既面變左廠既來貨.....仲要收返同即削既刀削面既錢一樣....以前都叫有條生菜...依家又冇左.....唔抵....好失望....…查看更多