睛天pigpig的個人專頁

其實好少會寫這些，朋友在這新開店鋪高興地買外賣加餸開心Share，點知一打開，…其實1/4的燒鵝用細盒放，或者佢係BB燒鵝，真係未試過買燒鵝的份量係咁！當人地少食燒鵝嗎！？圖片已經夾咗兩三件，只係兩三件，佢係唔係整錯咗燒鴨呀！燒鵝（剛切開當然唔會乾）肉質都軟淋唔鞋硬。旁邊係叉燒…今次睇落算靚，今次叉燒味道還可以的…（之前已經買過…d叉燒肉少少黑的唔係燒燶香嗰款黑…）。如果買1/4隻燒鵝，唔切件係唔係會大份點架，間舖新開無幾耐就這樣做生意！街坊點好呢！希望下次唔會這樣啦！仲有下次？！未知喎！…查看更多

在筲箕灣行來行去行入一間新的商場，商場內暫時好似除了幾間飲食店舖就未有其他店鋪。咁入咗去睇吓有什麼食啦！睇過唔同店鋪餐牌，再睇呢間舖有什麼食！勤快進取的店員行過來推薦現在仲係茶餐時段（跟餐牌價20% off），過幾分鐘就完的了問有沒有興趣，咁呀！入去試吓啦。首先要跟政府政策要掃碼或填表（填咗表）…其實我想講（唔知政府准唔准，同枱用同一張表，只填一個的電話，名就填幾個人，入座日期時間），如果人人一張紙其實，浪費幾多資源下，找到一個人就自然找到其他幾個人啦！入到座好便下已叫餐款，咁 茶餐和午餐 只要叫主餐牌主菜就可以免費跟自助（沙律，湯，及飲品）。點了兩個餐，跟著就行出走廊 放飲品，沙律，湯 枱 攞點沙律（沙律菜，車厘茄，粟米粒～可以配芝麻醬或黑醋油）及飲品（有汽水，茶，熱飲），攞完沙律及飲品個角切魚生飯就送到了，份量都好適中，見到個魚生放滿飯面，魚生款式唔算多，質量唔錯，沒有因為茶餐時段打折將貨就價（很好沒有把份量打折）。食了兩口，另一款餐也送到過來了好似係叫咗個滑蛋豬扒飯，飯送過來還暖熱的，有少少失望係個滑蛋豬唔係咁夠熱，豬扒…比較一般，就算茶餐時段完，客人都希望食物夠熱的，唔知係我少食還是怎樣，我未試過食滑蛋豬扒個汁定配料係放胡椒（同平時食開的醬汁唔同），都幾重胡椒味，這樣濃的味道蓋過咗豬扒的味道了，還是本身這店的滑蛋豬扒係這樣調味的，其實這新口味味道也不錯的。還好食後沒有太口渴的感覺，沒有要飲太多水。我估店鋪剛開將不久，裝飾也很簡潔，牆壁油畫幾靚。食飯其間店員服務良好，問幫手也很快處理到。…查看更多

今晚在堅尼地城吉席街嚐簡單泰國菜之後就開始找甜品，因為剛食飽所以就一路行一路周圍望，行過厚和街見到個豆腐花其實都想食可是太飽，咁繼續行，行過卑路乍街又見到另一間已出咗糖水店，肚子未有空間，繼續行，行到水街，其實唔係行咗好耐，（同一位置之前嗰間都食過一次～就已經無下次了）見到呢間新的甜品店行過去望望，有圖有真相，難得圖和實物都好接近，而且價格合理。黑糖珍珠檸檬愛玉檸檬味感覺清新黑糖珍珠甜甜的（唔覺會過份甜），拌合愛玉一起食很舒服的。仙草紫草園睇到這碗有煙韌芋圓，甜蜜紅豆，賣點係（冰烤紫薯雪糕有粒粒紫薯），滑過涼粉的仙草，特別粒粒黑糖水晶。其實碗中每款也很美味。多謝店家努力保持水準，有空過來食。裝飾簡單整潔…查看更多

在中環晚飯後專登搭720過去西灣河食甜品，其實晚飯後就應該食細細份甜品就好了！不過我本身好喜歡甜品忍唔到口叫了大大份甜品！點了 朱古力窩夫 老闆說要等25分鐘，我都要等窩夫含有重量級朱古力味，暖暖的微脆外層食食吓覺得食緊朱古力布朗尼呢！淋上朱古力漿，配新鮮香蕉片減輕朱古力甜膩感覺，而朱古力雪糕呢！感覺雪得夠凍唔會一食就溶晒，雪糕本身亦沒有溶過翻雪有雪塊冰粒的感覺……之前有些甜品店可能雪糕賣得比較少連d雪糕硬塊都比客人食~要不得的行為。這裡可能流量大所以沒有這個問題。其實晚飯後已經好飽，再食這個仲飽！終於，食唔晒唔好浪費自備食物盒帶走窩夫。下次可以唔食晚飯，直接食這款當晚餐了！雜果楊枝上枱見到材料份量十足，比起好多之前其他店舖出咗名的楊枝金露（食過好幾間都覺得失望）~醬汁味道呢間店呢個價錢比足料個底生果份量十足唔會得幾粒，芒果漿有芒果味，花奶也比得份量夠，已很久很久沒有食到味道似返楊枝金露的甜品了就算係之前出名楊枝金露的店舖亦偷工減料了完全唔係當初的味道，希望店舖不受租金人工影響質量啦！多謝美味甜品呀！…查看更多

今日探朋友行過嘉咸街一路落斜，無意間行過路過發現中環新大陸！進駐中環橫街唔算顯眼。入咗店內點了幾度菜式，今次沒有點米芝蓮海南雞，點了其小見的款式。泰式滷水豬髀飯豬髀飯跟配滷水蛋半隻、滷大腸（入味入口唔覺肥膩）、泰式咸菜（咸度適中唔會過份死咸仍有菜味）豬髀睇落有點肥（但煮得入口即溶沒有肥膩感覺，食吓食晒好伴飯））跟配泰式雞湯（感覺有胡椒香味但唔辣口）唐人街粿汁係一些豬腸豬肚咁，清湯底，白色的半卷狀粉（質感比較爽而滑有米香），我幾喜歡食這款粉的質地配湯一齊食好正。青木瓜沙律沙律不過不失，如以價格計 份量可能可以多返少少。右下角白色的就係棵汁入面的粉這餐食得簡單，但又覺得特別，希望唐人街棵汁能在下次光臨時（可能會爆場）也能保持美味。…查看更多

這間餐廳有幾間分店的，之前食過九江街那邊的，今次想座舒服點，於是訂了黃竹街呢邊。近排興羊腩煲一開始就訂定個先，阿姐推介的是日例湯就……無味道。之於椒鹽鮮魷，鮮魷嫩滑味道唔錯。翠塘豆腐，這道要花多少少功夫的很多店舖已經沒有做過款菜式，有的做的隨便交貨，而這店家也做的，對比其他店舖來講已經是做的好，廚師花多點點時間心機，真係食得出的。多款配料味道清淡，當成枱餸菜都肥膩的時侯，這道菜式可以清清味蕾。碟雞也夠份量，煮得剛好唔會過熟，皮滑肉嫩。食得肉多也會點些蔬菜食吓，簡單的炒通菜，。因為有長輩，所以懶點，就點了咕嚕肉（貪佢無骨），容易入口。個羊腩煲的價位幾高吓，不過份量十足，炆煮得夠腍入味，配料也很豐富，還跟配一碟菜香味濃的筒篙菜，真係值得的。如果得4個人食晚飯真係叫一煲就飽晒，可能吃不完！。今晚焦點係最後出場的招牌菜薯仔牛柳粒，聞名了一段時間，今次有機會親嚐了！真係牛柳淋軟入味，薯仔煮得軟硬適中，調味也能突出牛柳薯仔這個配搭。今晚晚飯整體也感覺良好。…查看更多

萬聖節夜與朋友聚餐，朋友在網上見到這餐廳有特別宣傳優惠剛好係優惠的last day...,我們幾位朋友也點了來試。朋友選擇咗環境開揚的室外，這位於海防道入面其中一棟大廈的4樓，仍然能夠和對面生長了多年樹木綠油油的樹葉非常接近，好似進入了城市綠洲咁，感覺舒適的，輕鬆的。由於未人齊又想吃點小食，於是朋友先點了個小食拼盤（沒有相不過食咗）有細心剪開單支骨雞翼好方便食、炸魚餅、炸蝦餅、炸春味道唔錯。點菜方面呢！或者可能我們要點的菜式都用受歡迎呢！點幾款都沒有!這個就是生蝦了！蝦肉始終係急凍貨解凍的，唔覺蝦味，倚靠泰式醬汁比味，味道唔算突出，蝦肉也不過不失。燒🐷頸肉，肥肥的爽爽的，好快食晒。一老一嫩椰青（當然店家未開都唔知係老係嫩啦！），點解咁講，因為我地都會手痕痕用匙羹產產椰肉出來食的，可是當中一個……其實可以起肉煲湯了！本來想點牛舌串燒的……沒有，咁就要了豬肉和牛肉串燒了!沙爹醬味普通。本來點燒 盲糟……又沒有，就改了烏頭。炒金邊炒，味道酸甜的，雪蝦沒有味道，粉比較淋容易碎雜菜煲，比較多款蔬菜集中於一煲。咖哩！本來想點的款又沒有，又轉咗做行貨鴨胸肉，咖哩味都似李x記咖哩沒有再自己調過味咁!配咖哩伴上的薄餅!沒有驚喜，一片好普通的薄餅~點醬仍覺得唔好味，或用酥餅會好味點!咸肉炒芥蘭，咸肉皮有點硬。朋友點的草莓沙冰味道可以啦！朋友本想點芒果沙冰的又沒有。話說甜品係廚師每日新鮮製造的，甜品腔的我，吃過甜品才滿足呢！千層味道唔算濃，椰汁西米味道清新的，兩款也唔錯的。今晚的飯局，我很少遇上點菜問題的，點多款也沒有！或者要轉吓做（電子menu），咁如果沒有貨或售完的款式可以隱藏，以免顧客點來點去都未點完。…查看更多

為慶生專誠搭車過來的一餐店舖內感覺細細的不過唔覺空間窄，裝飾簡單，每次可以專注做幾枱客，相信出品應該唔差的了！店員說套餐剛轉了新款式，望過餐牌也決定試試。今次點了套餐巴馬火腿伴蜜瓜咸香的火腿配上熟得剛好甜蜜的蜜瓜，簡單的配搭擺出一幅畫！又睇得又食得。德國麵包藍配金文拔芝士醬有唔同口感的麵包集合在一起，有脆的，有睇落煙韌食落軟糯的感覺的，配上味道適中的芝士醬……！話咁快就食晒D麵包！是日餐湯甘筍忌廉湯，甘筍湯清新入口甜甜的，唔似其他西餐廳的麵糊湯又淡味道又杰。主角出場了！德國咸豬手配酸椰菜薯角店員先給我們看看燒好的豬手，問我們想自己切還是他們代切，我們唔想食到雞手鴨腳，當然給廚師代勞啦！咸咸的豬手真係要配德國啤酒一起享用，一口咸咸咸豬手一口啤酒，爽呀！生啤味香濃厚甜。回味脆而不肥膩的豬皮。酸椰菜有少少酸咗D.薯角也唔錯。炸海鮮拼盤有蝦、魷魚、蠔、蝦多士、燒粟米、車厘番茄及薯片，海鮮炸得吉列脆脆。由於套餐份量十足，食唔晒都外賣攞回家了！餐後來杯香濃的即磨咖啡…查看更多

外觀以藍色燈光及白色低色作主的藍屋，有點像在轉角的七重天影子。白色的牆和枱面令人感覺醒神。這天比較早食晚飯，但店內已經差不多滿座。是日晚餐也有十多款選擇，除晚飯還有其他小食的，不過我們簡單的點了3客晚餐。可以選配 飯/意粉/薯菜今晚有羅宋湯 及 野菌牛尾湯 忌廉蘑菇湯羅宋湯的配料相當唔錯有牛肉、紅蘿蔔、洋蔥、椰菜、香葉等，味道豐富。而野菌牛肉清湯味道有點像中湯。出餐以一塊大黑色板放上主菜由廚房攞出來比較特別。C 牛脷煮得夠軟腍，入口即刻嘴嚼到，唔會有渣。牛脷沾少少醬汁（濃郁）食顯得更香。B 羊扒這次配薯菜，羊扒份量適中，唔會過份多或少，香草淹得夠入味，煎得剛好熟，肉質唔錯，有少少羶味，配醬汁食可減低羶味，薯菜未出餐時會以為係炸薯條蔬菜，出來了！見到係原個焗薯有點驚喜，細細個像食飯的份量，焗薯內已加上少少牛油、沙律醬及煙肉碎，先拌勻少少油醬和肉碎一起食，感覺良好。F 西冷扒，點了5成熟，其實出來熟的程度唔平均，一邊比較熟一邊比較生，有些地方嘴饞唔到部份有根，牛肉味淡淡的。整體來說今餐不過不失，上餐時間唔會等好耐，食物出來係熱的，職員也比較爽快了！…查看更多

需然係平日，不過都訂定位好點，一行十人要咗間板間房，可以有自己的空間，唔怕食蟹時有雞手鴨腳情況！嚟得呢度，當然要點招牌名菜，辣蟹啦！有辣有唔辣供選擇適合任何人品嚐。啖啖肉大大隻椒鹽瀨尿蝦，調味得剛好，好香，肉滑清甜。炒蜆辣辣地 被風塘炒蟹，蒜粒炒得香口，我呢個唔係拆蟹專家也食了幾件蟹！粉絲蒸聖子，粉絲吸晒聖子出來的精華調味，聖子蒸得剛好唔會韌。上面係簡單的豉油皇炒麵下面這件只是瀨尿蝦其中一部分這碟煮出來肥肥的牛柳茄子係最早點的菜，本來是給小妹妹食唔辣的，但遲遲才出來，餓到妹妹了！有時都明白在這店舖應該食海鮮類的，不過也要顧及小朋友和長輩的需要。韮菜鴨舌還有點了炒飯（沒有映相），炒得夠乾身唔肥膩。不過由一開始點的炸豬大腸（其實係媽想食才點的）就無咗影，到炒飯都來了！要話取消。其實我覺得如果廚房沒有食材，係可以早點通知客人今天沒有，並沒有大問題的，別讓客人等太久及追幾次單，早點知道沒有就改點其他菜式，不用覺得還有餸菜未到怕食唔完而唔加點菜。還好職員最尾送上糖水紅豆沙給我們消消氣。…查看更多

今日兩口子慢遊鴨脷洲，由利東邨穿過時光隧道（港鐵通道）進入鴨脷洲大街，其實由港鐵開通之前來過，今次係港鐵通車後第一次再進入這範圍，店舖隨著港鐵的開放，很多之前光顧過的食店已不再，有約滿被加租迫遷，不過港鐵又帶來了唔同種類的店舖。就像今次行過感到簡潔的越南餐廳，進入店內感覺乾淨，員工熱情招待 ，我們望了一陣餐牌，員工也主動介紹餐廳的特色食物 。因為朋友想食牛肉，於是就叫了碗 火車頭湯河好似什麼都有咁。一個人食份量剛好，兩個人食就更加好，可叫點多一兩款其他小食。火車頭入面的材料有，煮得軟腍的牛肉牛根，肉丸扎肉，河粉爽滑。這個是店員推介的牙車快，話說是正宗做法，食材配料都好豐富，賣相一上桌，顏色配搭吸引，真的有齊牙車快的材料，有主要的嫩滑雞肉絲、椰菜絲、紫椰菜絲、紅蘿蔔絲、香脆花生粒、香草葉，在沙律菜底還有大大片有些黑芝麻似的蝦片，沙律淋上酸酸甜甜的沙律汁，好開胃呀！還有另一道店舖推介，唔係間間越南餐廳有的，綠豆茸蝦烤餅，食入口剛烤好暖暖的綠豆煎餅配上蝦，炸香乾蔥放在蝦底，用油煮過的青蔥放蝦面，有層次的，調味唔算濃，清新的，作為小食前菜，唔錯的。我們食完這早飯都只是七點未到，門外開始有客人排隊等待了！…查看更多

行開太古找食都幾方便，首先進入了間裝修中式味濃的店舖，一坐下餐牌未開始看，店員送上兩小碟前菜小食，醃漬青瓜及蘿蔔，真係打開你個胃味道唔錯好快食晒。一向唔係好食辣朋友和我，今次竟然點了些辣的菜式，山豬肉！店員話係有少少辣的山豬肉，內有蔥，辣椒，花椒，炒得很香口，豬肉望落雖然係肥肥地，但食入口很爽呢！食中咗d椒就會覺得辣，舌頭有點麻！過橋米線，服務在我們面前把所有配料，鮮豬肉薄片，米線，牙菜，芫荽（落前會先問客人要唔要放）放進大碗內，最然後把滾熱的雞上湯加入，過一會把豬肉浸熟便可以品嚐，還附上酸菜自行添加。感覺味道清新，加少少酸菜更醒胃，唔加也已很好味道，雞湯味道清清容易入口，米線煮得軟硬適中，我諗我一個人食唔完一碗的！原本睇餐牌點了個一般的小龍包，經職員介紹店舖推介呢款特別的牛肝菌小龍包，於是又改點這款試試，剛蒸出來的小龍包有一陣香菌味，小龍包本身已調味所以唔需要點任何汁，就咁食入口味道已足夠，清新的菌和豬肉味幾配合。原本諗住食甜點的，不過已經飽了！下次想食甜點要點少一款或找多個朋一起分享才可了！…查看更多

走進這店舖，感覺舒適放鬆。今次兩個人都算食得多嘢了！先點了碟菜，炒芥蘭苗，其實都唔算係苗了！比苗老少少，不過幾喜歡放面的蝦米香脆花生，我拌勻來食，好香口呀！這個雞肉濱海，雞肉似是串住來燒然後離簽放在米粉面，雞肉上還放上煮過的青蔥感覺份外香，配上一細籃香草生菜（薄荷茶，金不換，唐生菜），進食時可以用鮮脆的唐生菜包住配料來食。一款睇個名覺得特別的綠豆茸餅，外表望落去有點似檸檬皮然後在上面放咗隻蝦。其實用碗仔形狀器皿加上綠豆茸慢火烤煮，綠豆餅外有微香脆的感覺甜甜的，配上蝦及蔥油一起食，感覺清新。 招牌手切牛肉湯河粉，湯香 牛肉好有牛肉鮮味，難忘的味道。每次在這裡食晚飯也想點甜品，但每次也吃得飽飽已沒有空間再食甜品了！…查看更多

簡單潔的餐牌一眼望晒，地點係一行出街就係鯉景灣，可以吹吹海風，可能因為係星期一顧客唔多，所以傾計係舒服的。水牛雞翼唔會好辣皮鬆脆肉軟滑唔會乾身，配西芹條消吓肥膩感覺可以點吓芝士醬食香烤豬腩肉配近排流行的健康蔬菜羽衣甘藍，好酸的酸椰菜，甜薯條，車厘茄，還有燒肉汁，蘋果蓉薄餅跟兩杯招牌WILDFIRE手工啤酒一個抵飲抵食的組合簡簡單單的幾種材料就做出個好香的薄餅，鮮刨黑松露在薄餅面，另外淡淡的黑松露醬味道（唔會過份濃味~我怕黑松露味太強烈的）配上新鮮的白磨菇芝士香草等，鬆軟餅皮呢杯Green Apple COCKTAIL 內有成支mini BACARDI ,white rum,lime, 好重mint味,有幾片green apple,apple juice 芒果沙律洋薏米沙律放面係兩條剛烤好還暖暖的軟軟蒜蓉包，下面有好多芒果粒，菠菜葉，蕃茄，翡翠苗，紅彩椒，粒粒毛豆，薏米粒與紅酒醋汁拌勻。食落清近，芒果夠熟味微酸開胃。特色香草雞肉串燒賣相一流，店員攞出，當然相機食先，然後就把串燒轉放碟上在左上角係比較少見用葡萄葉包藏着用蕃茄拌勻的白米飯，個點雞用的椰香辣汁對我來講係辣的，雞肉串還有洋蔥彩椒，雞肉唔係咁滑，這款也有跟些沙律菜這裡的餐款多數肉類也會配些蔬菜，令我們食肉又可以食吓蔬菜 。點主菜還可以加幾十蚊，加配炒雜菜及炒蘑菇，還有其他選擇不過我們點了這兩款蔬菜。內有幼蘆筍，西蘭花，椰菜花，蘑菇，車厘茄，豆，相信係時令蔬菜。炒蘑菇甜甜地的白酒有果香易入口小心醉呀！唔覺會杯成杯，只係因為這枝白酒才拉高了人均消費…查看更多

呢排真係食咗好多餐，農曆年未出來拜年的，今晚出來飯聚這餐7：30，我在這之前5：30已經在灣仔街市食了另一餐然後飛巴士過來，這裡選址由朋友作主，又是新店又近朋友屋企。朋友訂了個套餐（個餐牌還是寫住水晶晶~仲用緊之前上手的餐牌），從門口穿過大廳走出後巷，再進入房間冷氣溫度適中光線柔和，自成一閣，方便傾計大笑都唔會吵到別人。職員服務唔錯。在未人齊時已有碟蝦片招待我們，脆脆的無油溢味微微辣食吓都食咗幾片（好彩我唔食辣的都接受到），好快就人齊上菜雞肉牛肉沙嗲串有酸菜配住開胃沙律好多材料有花生碎，辣魚乾，柚子肉，果仁，好香好吸引。蝦餅好熱剛煎好，外皮脆，肉質煙韌沾泰式甜辣醬食一流蝦冬蔭功湯好足料，食到有南薑，香葉，泰式香料，大蝦幾隻，青口，墨魚，仿蟹柳好似人人有份，草菇，個湯辣得嚟香我分開幾次才飲完，呢個湯襯熱飲好正，因為放涼了海鮮的醒味會跑出來！黃金蝦，蝦夠大大隻，蛋黃炒香夠入味，伴飯吃也好。炸魚，連魚頭也炸脆我們用匙羹就壓得開來食，真係由頭食到尾都食晒……魚骨除外，連魚口的炸粉絲定米粉都唔放過。放魚面及周圍的配菜當然也無得留低。咖喱蟹，蟹大大隻好多肉，要用拑整碎蟹殼，咖喱汁味道食落有幾分似李X記的葡汁。豬手煮的軟淋入味又滑，d豬皮又唔覺肥膩，可能煮耐咗變膠質（骨膠原對皮膚好呀！）蟹肉炒飯，一個字正，夠多蟹肉，飯夠乾身唔油，炒飯香味吸引甜品我至愛，全部都似係用大菜整的，黑色係似涼粉味，綠色（有些似珍多冰）和黃色（又唔似南瓜，又唔似芒果，好似有點椰汁味）就諗唔到咩味！隻雞味道質感都普通！唔多講了！薄餅熱食就好食了，可以沾些咖喱醬呢個餐真係好抵食…查看更多