chop suey的個人專頁

呢間潮庭幫襯咗都成十年有多，不論係食物質素，抑或服務質素方面，都愈嚟愈差。但就一年加幾次價，點心陰啲陰啲咁一蚊／兩蚊咁加，小點都加到$38，腸粉就$46，茶錢就已經加到$18一位。 set 位就永遠成圍枱先比一對公筷，其他潮庭係每人set两對筷子㗎，叫碟炒飯就連公羹都無配備既？ 叫人大家食口水尾？ 要搵侍應拎，就應咗你就算，遲遲都唔拎比你。粟米鱼肚粥就永遠都搵唔到魚肚既，似食緊白粥一樣，但一碗要賣差不$50呀！ 比幾塊魚肚人食吓都唔過份啫！ 而家仲 cheap 到每張枱擺個暖水壺比客自己 refill, 但由上手客人一直循環再用，永遠個壺都係無水既？！真係仲差過街坊酒樓！ 同樣都係潮庭，點解水準可以同其他相差咁遠？！ 與其呢間轉型做街坊酒樓，價錢係咪理應都下調吓至啱呢！！…查看更多

得知沙田呢間將會結業，專誠過嚟試下佢既牛扒。試咗香草平鐵牛扒，五成熟，牛味只係一般，並唔係似其他食評話，一試難忘。 點餐後會放低一盤薯條，但係淋嘅，仲差過麥記。 侍應只招呼路中心枱既食客，我哋坐靠牆既食客就無人理？ 水又唔加，薯條又唔 refill。仲要收加一？ 所以，要摺係有原因既。…查看更多

今日去開深水埗，路過見月餅已經上市，很多人幫襯買月餅，以一盒4個既價錢，要2百幾一盒，比坊間連鎖店平咗少少而已。想買糯米糍，唔見有。唯有買其他糕點試試，紅豆糕多紅豆，但完全無甜味，口感一般。白糖糕唔酸，食到有少少甜味，算正常。個人好怕食親糕點／甜品，完全無甜味，口感似食舊蒸熟咗既粉而已。…查看更多

今日放假，下午茶時間入到去，啲枱都未執既，好不容易搵到張吉枱坐下，坐咗十分鐘，完全無人理你。 位又唔開，單又唔落，當我嚟乞食咁？！ 喺咪真係咁好生意，唔憂做呀？ 所以啲食肆執笠，完全唔洗可憐！…查看更多

經過想食碗牛腩河，並非繁忙時間，入去見5，6張吉枱都唔比我坐，喺都要我埋去有人既枱度搭枱？咁咪去第二度食囉！咁巴閉？再入嚟睇下食評，差啲中伏添！ 全部負評，好極有限啦！…查看更多

見新開張就入去試下。 點知就中伏。原來同上手一樣係棋哥集團。 點心價錢仲貴過美心，茶錢$12／位，再要收加一！唔係吓嘛？！選擇又少，味道又唔係好食？ 真係洗咩幫襯你？ 絕對無下次！！…查看更多

星期六晚7點鐘路經，抱住一試既心態，就落去地牢光顧試下。玉子：凍到似雪櫃啱啱拎出嚟。炸蝦卷： 得半截唔係成隻既炸蝦，仲淋既。 元氣喺成隻炸蝦仲脆㗎。茶碗蒸： 用隻茶杯嚟蒸，面頭得一小截蟹柳。 有冇咁呃錢法呀？？熟蝦： 蝦肉霉既！ 質數仲衰過明將，爭先。唔怪之得，星期六晚市有大把位，唔洗等啦！冇人等位既餐廳，一定有問題既。仲要喺晚市時間，旺區都大把位剩。 坐近厨房，聞到啲唔多新鮮既魚腥味。完全中伏！ 唔洗半個鐘，食完即走，永不回頭！…查看更多

下午茶時間，嚟到叫住一個定食，諗住食完唔夠飽再加其他壽司食啦！啱啱食完個烏冬，放底筷子，飲啖茶。侍應就即刻收走哂所有餐具，包括筷子。即係唔比人再加嘢食？ 咁咪算數囉！，趕客咪下次咪唔嚟囉！…查看更多

呢間間中經過開都會嚟食下。以朗豪坊消費指數嚟講，算合理，但不至於超值。 座位又坐得狹窄，完全冇社交距離，密麻麻貼住哂，只係中間隔咗塊紙牌做間隔而已。用餐時間得一個鐘，有啲趕，食得好有壓力！ 又驚佢啲嘢唔知炸熟得透唔透？因為要就番用餐時間。嚟呢度就梗係食天婦羅啦！ 餐牌既幾個餐都試過哂，水準平均。尋日經開再光顧，餐到咗後，問侍應拎啲蘿蔔蓉，侍應去完廚房，返嚟回覆：蘿蔔蓉只限提供比天幕餐客人享用！乜蘿蔔蓉好貴既咩？！ 問攞都唔比？下次去茶樓問拎辣椒油，可能會回覆話：只限提供 order 咗潮州粉果既客人專用？！食物水準平均，唔會難食，但不至於驚喜。…查看更多

呢個鋪位，座位擺設，沿用番上手麵店。 間距仲比之前闊落咗。上手中興自從第五波疫情就已經冇開檔，到最近鋪位重開番，改咗名叫五月。去完海洋公園玩咗成日，好肚餓，叫個牛腩撈麵食應該夠飽。唔會好似旺角間榮x咁，只喺墊碟底咁少份量呱？麵嚟到，原來用碗上，唔同坊間一般用碟上。個碗仲喺印住上手既名。碗麵除牛腩之外，仲有幾條生菜，再加啲蠔油喺旁邊。麵量足夠，牛腩大舊夠淋，唔係碎濕濕咁比客食。 睇到喺用心經營，要保持水準，日後會多喲幫襯。…查看更多

放工後去旺角買完電器，就周圍睇下有咩食。見到門口貼住舊照片，話開業幾十年，由橫巷麵檔搬入鋪位，諗住點都 ok ，可以試下啦。入到嚟，座位逼夾就預咗，反正過咗繁忙時間，唔洗我搭檯就得啦！叫咗個牛腩撈麵，嚟到個麵咁細既？ 只係略略鋪咗個碟底。 撈麵理應比普通湯份量多啲架！ 若果唔係，洗咩要比貴啲錢食撈麵啫？食湯麵咪得囉？ 牛腩得碎濕濕幾舊。味道正常，唔算難食，但就一定唔會有驚喜啦！呢啲所謂街坊小店，幫襯一次就夠皮啦！ 唔洗回頭。…查看更多

閒日放假，去到見有 lunch set，$99另收加一，唔包飲品。選擇咗兩片魚餅（小食）及生牛肉河粉， 分量少到，食完都唔夠飽。侍應又懶，水都唔加。呢間嘢越做越差，性價比又唔高。已經畀多咗幾次機會，以後可以唔使再去。…查看更多

以前嚟話，感覺 decent 啲，似五星酒店餐廳。 喺度用餐，感覺真係 fine dining.最近光顧，感覺 casual 咗好多，餐桌已經無再鋪枱布，木枱一張，似一般家庭式 dining room。食物質素 ok，多咗好多外籍侍應。…查看更多

呢間由$328已經開始嚟食。 但嚟食一次，就加一次價？舊年7月食先$348，跟住就$368，上星期食已經加到$398？當然，再要收加一添。 但咁加法，性價比不高囉。…查看更多

呢間嘢經常都有幫襯開。因為本身鍾意食burger 同埋三文魚。要過百蚊個 burger，快餐店嚟講，算貴！但是最近一次幫襯，見到非常驚嚇的一幕。 店員全都 帶著藍色即棄手套， 狀甚清潔／衛生。其中戴眼鏡短髮女店員，清理完食客既 trays, 抹枱，再用手執地下薯條碎，纸巾，牙簽等等。 竟然係冇再更換手套情況下，再去送餐比其他客人。眼見枱面有一盒即棄手套供職員使用， 點解咁都唔去換對干淨架？她比我的感覺係：佢對手執完地下垃圾之後，再質食物落我個口度一樣。對手套只係保護她自己，而妄顧客人用餐安全？！做飲食業既朋友，可否有啲同理心？ …查看更多