DcDawn的個人專頁

自己住屯門都唔知有間咁好嘅嘢喺建生 首先要讚嘅係服務態度好好 比起好多同樣係新派食肆嘅所謂cafe真係贏幾條街當然食物質素都好好 我同老婆都好鍾意個咸牛肉意粉 另外個Benedict整得好軟熟 最有驚喜係個花生奶醬蛋糕 …查看更多

今日去大佛 順道搵下素食做午餐 我點咗個隻層漢堡 兩件扒都烤得好夠火喉 面脆肉嫩 d芝士食到尾都仲係溶嘅 同埋芝士味好濃老婆嗌個麻辣肉丸意粉 肉丸就正常發揮啦 但個意粉嘅質地好好 夠乾身唔會黐埋一pat 味道都唔錯 但個人覺得個麻味重咗少少 最緊要係⋯⋯食素嘅地方有啤酒飲 少可雖然地方就唔係太就腳 但都值得encore…查看更多

好耐冇入長洲 估唔到有間好出色嘅特色餃子店冇咁悶囉 唔會一味得菜肉餃嗰d囉 而且佢哋真係好有心思好有誠意 真心好食 連個醬料都好出色 我個人最鍾意個蜆肉芫茜餃 好濃蜆肉味 好正…查看更多

不論係個意粉定件扒 質素比起好多所謂高級餐廳都高好多 就連送俾你食嗰個pancake都唔會hea你 尤其是件扒 喺出面用兩舊水真係食唔到咁高質嘅扒 同埋件大啡菇係全晚嘅焦點 唯一美中不足嘅係個餐湯薑味重咗少少 如果係薑汁湯丸就一流喇…查看更多

成日經過都想試 今日終於同老婆嚟試下鰻魚蛋包飯真心滿分 蛋滑 鰻魚又香 個汁又好食最正真係個梳乎厘 有段古㗎 呢度有位仁兄叫超哥 佢送個梳乎厘過嚟 我未食 淨係舉起隻手指公讚咗一句啫 佢已經笑得好開心 仲請我食多一件添唔係擦鞋 真係超好食 蛋味夠濃又唔膩 又夠空氣唔會實的的成舊蛋糕咁 返唔到轉頭…查看更多

第三次嚟食呢間中式名嘅西餐 今次終於記得寫食評唔知飲咩好 老闆介紹飲手工啤 唔嗆喉易入口重點介紹個意粉 個汁真係一流另外個酥皮卷都好出色 尤其個酥皮 薄餅餅底夠脆 餡料好好味之後再補咗個青口 一樣冇得頂 不過唔記得影相😁…查看更多

呢間嘢平時有食開佢哋嘅午餐 已經覺得好正 講真 一個$40幾蚊嘅午餐都做得出色嘅話 晚餐應該都唔差得去邊不過老闆話生意唔好 6:30就閂門 所以今日天都未黑（係食完都未天黑）就嚟試佢哋嘅小菜 好彩冇失望 尤其係個海南雞 個咖哩牛筋腩煲 我好鍾意佢d牛筋 煮到好煙韌好又有少少黐牙 係d咖哩食到尾有少少粉粉哋 所以扣咁少少分 不過整體味道係出色嘅炒銀芽都幾特別 我建議唔食得辣嘅真係要叫微辣 因為我叫咗少辣都仲好辣下希望遲啲生意好d佢哋做返晚市啦 始終食小菜嘆啤酒都食冇太陽好feel d…查看更多

又一間好有心思嘅素食店 舖仔細細 但都幾多捧場客第一次食蔗苗 感覺良好 好爽口 佢哋個涼拌汁又做得好好墨西哥卷好好食 尤其個餅皮 有浸烤味好正叉燒飯真係好叉燒 個素蛋都好特別 冇得頂係個青檸蜜比較難搞勻 同埋甜咗少少 …查看更多

真心 未食過一個咁似水蛋嘅梳乎厘 定係佢本身就係一個甜嘅蒸水蛋？🤔個pancake就好似就咁焗熟舊粉咁 食到成口都係粉囉喂 想點呀呢間嘢 等已經唔止15分鐘 仲要咁鬼難食…查看更多

意外發現一間好有心思嘅小店 以為係一般嘅Burger店 竟然有一個全素嘅menu嘢好食 價錢公道 嚴格嚟講叫平添 好少可會有間食店食葷之餘會有一個全素menu今次兩個素都好食 下次會嚟試埋d葷…查看更多

估唔到原來香港有咁多印度素食 淨係尖沙咀都試咗3間 呢間係暫時覺得最好食 尤其係個Khada Pav Bhaji 如果配naan會更加夾另外試咗杯腰果奶昔同菠蘿汁 兩杯都好飲 菠蘿汁好fresh 腰果奶昔就好似食緊腰果糊咁 …查看更多

最近同老婆轉食素 所以都會特登搵素食嘅餐館 咁啱經過呢間瀛素食 即管試下 嗌咗個牛油果軟腳蟹卷 黑椒牛仔扒同埋咖喱雜菜羊腩煲 三個都好味道 尤其個牛扒同羊腩 唔會覺得食緊豆製品 最後食埋個腰果糊 都係一流…查看更多

食咗幾間唔同嘅炸雞 都係覺得呢度最好食 今次驚喜在個鱈魚乾 冇得頂 但最好一送嚟就食 凍咗差少少 但都超好味 唯一缺點係仲未有酒牌 要去附近supermarket買 (建議個魚乾唔好咁急嗌 等個主菜食都咁上下先嗌會好d)…查看更多

睇完玩具諗住同老婆搵嘢食 因為好少嚟筲箕灣呢邊 加上行錯路落多咗層商場 誤打誤撞搵到呢間好嘢我食漢堡扒蛋包飯 老婆食牛堡 兩個都好出色 尤其件扒 唔係圓形一塊嗰d漢堡扒 似係手打漢堡扒 唯一失色係個西蘭花 冇心芝士味同淡咗d 雖然好少嚟呢頭 但有機會過開嚟都會encore …查看更多

呢間尖沙咀漆咸道嘅三X冰室 啱啱同職員反映好熱 可唔可以開埋附近一把風扇 佢哋話壞咗都算 之前又走個senior埋嚟話「喺度熱咗成年喇 你哋都係熱一陣啫」咁喎 喂 你係打工我係客 係兩個絕對唔同嘅立場同位置 唔係話做客就大哂 而係唔應該用你嘅立場套落我度要我接受呢件事之後仲開埋成行射燈 但外面係陽光普照嘅 張相呢兩盞仲射到我應一應 在我而言係有心玩嘢囉 真心 做服務性行業 客人有要求或者投訴 係要正視而唔係敷衍了事囉 …查看更多