vava fu的個人專頁

同朋友睇完戲，諗住食個tea。行去希慎搵食，見到咁大間日式餐廳，評價都唔錯，就嚟試啦。地方好大，好多梳化卡位，整間餐廳木系為主。我吔叫咗兩個tea set，松露雜菌意粉，煙三文魚菠菜班尼迪蛋。松露意粉好多汁，掛滿哂每條意粉，雜菌份量正常，味道唔錯嘅，意粉比較硬，有咬口；煙三文魚唔咸，啱哂我，班尼迪蛋切開流心，滿口蛋漿，略嫌唔夠香滑，菠菜份量比較少，值得講吓塊多士係手撕包質地，外脆內軟，如果大塊啲就好啦兩個set連飲品加一大約二百三左右，都中價啦，應該會再幫襯嘅☺️…查看更多

上星期喺對面食pizza，經過見到呢間泰國菜，店裡唔係好多枱，但坐爆哂，一於嚟試吓。入到店好有泰國夜市feel，木製嘅枱椅，加埋牆上掛咗泰國特色鐵罐裝飾，店員仲大多係泰國人，未食已經好似去咗泰國咁。我哋叫咗豬肉串，蟹肉奄列，半隻燒雞，鼓油豬肉炒河粉😊仲有椰青🥥豬肉串啖啖肉，係免治豬肉整成一塊塊，肉質燒熟依然好腍，配甜辣汁，冇咁膩；好少有蟹肉奄列，夠特色，蛋味香溢，外邊緣脆，內軟，蟹肉份量都算慷慨，雖然唔係好大件，但係少食多滋味，個人覺得偏咸些少；燒雞就普普通通，略嫌過火咗啲，外層有啲燶，雞肉柴皮又乾😐至於炒粉真係好有鑊氣，侍應攞到嚟未上枱已經聞到好香，河粉比較闊，半透明狀，煙煙韌韌，加埋洋蔥，紅蘿白，芥蘭，所有配菜爽脆，口感一流😋呢個時候嘅椰青當做嗎？好青甜，解辣又解渴，正👍🏻下次要再嚟食其他餸菜🤩…查看更多

上星期經過天后，見到呢間正宗印度餐廳，門口至裡面嘅裝橫都帶有印度色彩。同朋友特登嚟試，叫咗白果仁汁咖哩蝦，咖哩雜菜，一份原味薄餅，一份蒜蓉味，仲有一份牛油味，炸芝士。主食前嘅前菜幾香脆，白果仁汁偏甜，有啲雜果粒，蝦仁冇咩味，普通啦咖哩雜菜味道香濃啲，似番平時嘅咖哩，比果仁汁辣啲杰啲，反而好過果仁汁喎朋友話薄餅就好正宗， 用直架晾住上菜，幾特別，份量又多牛油味薄餅就油啲，蒜茸味就正常水準啦🤨炸芝士食落好似豆腐咁，好淡嘅芝士，軟軟的切開有啲小氣孔。我地仲叫咗rose Lassi, banana Lassi, rose叫咗少甜，只係得淡玫瑰味，甜甜地，冇咩乳酪味，但香蕉味就幾唔錯😋食食吓有位西施唱歌助興，係幾有氣氛嘅🎊…查看更多

行完萍果商場，想附近食泰菜，點知心水果間冇開，行行吓見呢間好大，幾光猛，就入去坐低，當晚係星期六7點幾，但只有一枱客，心諗唔係伏吧😔侍應好好招呼，講泰文嘅，都識講廣東話。因為唔係好肚餓，只叫咗蝦餅，炒雞肉河粉蝦餅好軟，冇彈牙感，蝦味淡淡哋炒粉冇咩穫氣，雞肉完全冇咩味，本來想叫其他嘢食，不過直覺應該麻麻地有蚊滋仔飛飛吓😔地方係好大，前表手可能係酒吧咁格局，之後應該都唔會再嚟啦。佢地有做宵夜串燒，可能呢樣先係啅頭啦…查看更多

好少食法國菜，朋友生日，就揾啲特別菜式慶祝吓啦。社交平台推介呢間，地方好大，好有情調，星期二都差唔多滿場，感覺都應該唔會伏。喺openrice訂座，順便訂埋$888，（原價$996 ）嘅兩人set 。有3款前菜，侍應特別推介法式田螺，醬汁特別，點法包係絕配😊另外有魚生他他，好鮮甜，我反而更欣賞，仲有雞肝醬法包，唔太咸又唔腥，味道易入口。到主菜，有4款，諗住烤豬成日食，就揀咗秘製鱸魚，開邊蒸完再用番茄舖面，酸酸哋嘅汁好醒胃。侍應話中間起哂骨，兩側有骨啫。點知得最最最中間位置冇，其他好多骨囉🙄但就幾好食嘅，而且仲有碟雜菜一齊上，好健康👍🏻朋友話菜啲好腍又好好味喎。我哋叫咗兩杯mocktail 慶祝吓，最後有迷你甜品拼盤，細細件夠滋味2人餐份量啱啱夠。。可以再嚟食其他嘅…查看更多

第一次食高級印度菜賀生日🥳入門口見長走廊，兩則全是米黃色門，轉彎到餐廳，昏黃嘅燈光，枱面有球型水晶燈，增添神祕嘅感覺☺️橙色嘅碟上有印度氣色嘅花紋，環境真係唔錯。一坐底就送兩塊麥脆片，高級版係唔同啲。叫咗兩個前菜：炸薯仔整成半圓籃型，裡面有啲洋蔥碎，香料，石榴，少少辣汁，味道幾夾；鴨肉絲用甜筒裝住，賣相吸引，幾特別😁兩個頭盆：燒原條魷魚，幾爽幾彈牙，可惜冇咩魷魚味，可以唔試；仲有羊排，隻碟就大喇，得兩隻，醬汁偏咸，而且煮過火，肉有啲嚡，3百幾真係唔抵主菜梗係curry 啦，叫咗出面少有嘅蟹肉咖哩，蟹蓋中心擺滿蟹肉和咖哩汁，好食之餘，仲好精緻甜品叫咗辣朱古力慕絲配熱情果醬：朱古力味夠濃，有少少辣粉，再加少少熱情果醬吊吓味，冇咁漏😋每道菜上台時，侍應都會介紹先呢餐差唔多$1500，總括嚟講，食環境同服務啦，打卡一流。…查看更多

新開嘅店，特登過嚟試。空間寬闊，都幾舒服。叫咗煙三文魚多士，提子冧酒cheese cake，洛神花石榴梳打，mocha.。每枱客都有自家製酸種面包，配蜜糖，cream ，牛油。面包又軟又濕潤，有啲蛋糕面包嘅貿地。煙三文魚多士份量足，配沙津菜加醋底，味道正常啦，好難唔好食。好少見有提子冧酒芝士蛋糕，提子嘅酒味弄，蛋糕0比較creamy, 芝士味就唔算出啦，但夾埋食都唔錯嘅。特別講下mocha，好鍾意個味，一啖飲落分到朱古力味同咖啡味，朱古力好似黑朱古力粉咁，唔甜嘅，咖啡味又唔會太勁，好夾，啱啱好，正。朋友叫嘅梳打就比較淡，可能多冰啦。4樣嘢共$266.會再試其他食物嘅。…查看更多

想試呢間西班牙餐廳好耐啦，見好多好嘅食評，一心諗住正啦，點知😔我地3個人，叫咗3份tapas，1個main dish， 1 份churros1 八爪魚沙津份量太少，8小粒+4棵開邊娃娃菜+少少乾番茄。八爪魚唔夠彈又唔夠多汁🐙2 辣青椒仔好淋，好似食秋葵咁，完全冇特色3 炸地瓜條，份量算可以啦，不過除了面層幾條長啲，其他都好細好碎咁4 主菜西班牙海鮮飯應該要最有水準，可惜海鮮唔夠鮮甜味，飯嘅顏色好紅，質感好乾硬，好差囉🤑5 甜品必揀最出名嘅churros，樣就好靚啦，配草莓朱古力醬係好夾，不過一咬，裡面太濕，仲好似食梗蛋糕質地咁，軟實唔鬆化。。。哎，一心想同姊妹食好嘢，大家一試就...都唔知點解有咁多好評🤐…查看更多

星期五放工，諗住去cafe relax dinner，上網見評價唔錯就上嚟試下。walk in等咗一陣有枱，環境有啲迫，不過鬧市區好難要好寬敞地方嘅。叫咗1份軟殼蟹意粉🦀另外叫咗鰻魚滑蛋🥚飯+$48有飲品，湯，甜品。意粉中央放咗軟殼蟹，脆口但冇咩味，只係造型for打卡尚可鰻魚蛋飯中規中矩，上枱冇咩香味，冇驚喜，upgrade甜品叫咗抹茶cheese cake，冇味嘅😔以呢個價嚟講，真係麻麻地。仲另外叫份芝士薯條，薯條上滿佈微辣芝士粉，好似農心公仔麵果湯包粉咁嘅味，辣味中帶偏甜，不過放耐咗都仲有少少脆嘅。冇境之餘，食物好普通，唔知點解都滿座，可能星期五呱。…查看更多

假日同朋友搵地方食嘢傾計，我第一次光顧，喺鬧市區地鋪嚟講，枱迫啲，但都坐得舒服嘅。我地叫咗鮮魷魚辣椒欖油意粉，全素早餐，安格斯牛肉漢堡配薯條，仲有pancake意粉微辣，魷魚份量夠，新鮮多汁有0趙頭🙂全素早餐都食到你飽，面包脆口，茄子同菇都好juicy. 🍆🍄‍🟫漢堡塊牛肉都幾厚，肉質軟硬適中又冇筋🍔Pancake軟得嚟，切開有質感，唔係空氣咖啡杯幾特別，圓圓地冇柄嘅，好cute. 不過拎上嚟飲好易漏。可以再嚟幫襯😄…查看更多

今個月第二次造訪啦，呢間café 環境比較寧靜，長期播住R & B，好舒服。火土兩次嚟都叫咗特濃海膽意粉，特濃又creamy嘅海膽汁，仲有海膽鋪面，既鮮甜又肥美。煙三文魚忌廉汁意粉份量好足，煙三文魚唔太咸，忌廉汁滿瀉，汁帶少少酸，食多唔會漏，而且老闆砌朵玫瑰花形，好啱打卡。烤雞肉沙津好清新，雞肉好嫩滑，咬開juicy，沙津菜都好爽脆。Matcha巴斯克蛋糕好濃抹茶味，少少茶苦唔覺膩，軟心嘅蛋糕，忍唔住食多兩啖🥰Tiramisu幼滑又濕潤，淡淡酒香少少甜👍🏻Mocha 啡底好醇厚☕焙茶留齒香，玫瑰latte一奉上就聞到玫瑰味睇得出老闆好用心製作，而且唔會行嚟行去打擾你😄…查看更多

同朋友灣仔搵食，經過見到有啲人氣，排咗一陣就有bar枱坐。聽過來自大阪喎，梗係要試下，本身都冇特別鍾意拉面，反正個人口味唔同。我地叫咗神虎拉面，赤虎精選，炸雞。神虎拉面 ：面份量都多嘅，面質偏軟，欣賞佢個湯底濃得唻唔算咸，本人唔鍾意咁咸嘅。叉燒好薄片，比軟柴皮同乾，可能因為比較瘦，但我雖然瘦肉，所以接受😉流心蛋真係好流心，本來諗住冇咩調味，點知一食，好咸囉🤮有兩粒手打肉丸，肉質好腍。赤虎精選：偏辣但唔香，多咗五花腩，荀。試咗少少五花腩肉，超咸。炸雞：炸粉唔夠均勻，但唔太乾嘅。…查看更多

年初五好輕鬆，唔洗拜年悶悶地，咁啱係星期日，約朋友嚟試下呢間café. 下午茶時間嚟到，冇哂卡位，有中間長枱唔洗等，夠寬敞，但冷氣吹住頭頂，好彩坐一陣有卡位，即刻轉😁叫咗香橙mocha，latte,，牛油果他他醬薯條，冬蔭公海鮮意大利飯。第一次飲香橙mocha，見到拉花唔知咩嚟，問咗原來係柴犬，真係冇幻想能力。入口有淡淡橙香，mocha都幾滑，但咖啡味唔突出，唔夠熱同唔夠香，飲到尾有啲橙皮碎，普普通通啦；反而薯條份量多，牛油果配他他醬，酸酸地幾清新，擺耐咗都仲有少少脆喎，唔錯，價錢都可接受啦；Latte冇咩特別；冬蔭公海鮮意大利飯賣相幾靚，食落冬蔭公味都幾濃，但飯太濕，又唔正宗意大利口感，始終唔係意大利嘢，就咁冬蔭公汁燴飯。一試無妨嘅…查看更多

上網特登搵香港 no. 1 pizza，上一次唻食唔記得寫，今次寫番先。呢間店長期多人，book過幾次都要8點半才有位，不過我兩次walk-in唻都有，佢地會安排客人去另一個地方坐，環境都幾浪漫😉今次我地叫咗兩款pizza, 一款四式芝士，另一款有火腿嘅。兩款餅底都有碳香味，唔係燶苦味，而且好煙韌，放一段時間都仲係軟同煙韌嘅，好有0趙頭😋四式芝士有好濃嘅藍芝士味，都可以食到其他芝士味，同埋唔同口感，我個人覺得偏咸，可能好足料。另一款有火腿嘅就冇咁咸，但就相對冇咁香，不過用料新鮮，火腿冇渣架。我食過其他pizza店，呢間嘅碳香味最夠，真係值得一試再試…查看更多

朋友介紹呢間隱世餃子，近來喺新假期都有推介，可能因為出名咗，好多人排隊。不過都唔係等好耐就有位。叫咗芫荽湯餃，煎豬肉餃，開心果芝士蛋糕。湯餃新鮮，芫荽餃少有，餡都足嘅，湯底有蓮藕味，仲好清甜；煎餃香脆，皮亦不算厚；芝士蛋糕有原味，抹茶味同開心果味，我地點咗近來大熱嘅開心果味，細細件唔會膩，開心果味好香好濃，又軟又滑，真係精華，每枱客都必點。朋友真係冇介紹錯，希望出咗名都可以繼續保持質素啦，下次要去2.0店比較下。…查看更多