food.radar's Profile

朋友介紹，大圍有間隱世打冷，身為打冷迷嘅我又點會唔即刻試試佢呢。餐廳環境方面就麻麻地，坐位唔多，冇室內位，夏天黎食應該會有啲辛苦。黎到食打冷點少得個滷水拼盤，叫左墨魚，生腸同腎。全部都滷得好入味，墨魚同生腸都好爽口，好食。相比之下腎就淋左少少之後係白灼東風螺，東風螺全部都好大隻，仲有個奄痴住，証明好新鮮。而且都好大份，食落好滿足最後點少得蠔仔粥，入邊蠔仔非常足料，仲放咗鹹魚同埋炸蒜，非常之惹味，真心推介。如果唔介意個環境嘅話，尼間小店真係超級推介，又平又大份，而且味道都唔媽夫，cp值超高。…Read More

行過銅鑼灣，想食蕎麥麵，就即刻openrice左尼間餐廳，即刻上左黎試下。餐廳位於二樓，要行一條有啲殘舊嘅樓梯先上到黎，有嘅難搵。入到黎餐廳嘅裝修都十分有特式，唔錯打開餐牌諗住order啦，竟然發現冇左蕎麥面嘅餐牌。同埋其他係openrice見到嘅餐牌都冇左...最後唯左求其叫啲野食啦。第一樣係炸薯餅，炸薯餅個表面都係好脆，但入面嘅薯餅mix左好多忌廉，又打到蓉晒，所以入面完全冇口感，一pat野咁...第二樣係咸蛋黃煙肉炒烏冬，有啲"利"之餘，味道又普通，自己屋企都整到...最後係拿破輪松業蟹燉飯，尼個飯只有微微嘅茄汁味，又食唔到蟹肉嘅鮮味，飯粒都太淋，有啲失望食物份量偏細，食完都唔飽，而且價錢都唔算好平，cp值真心麻麻。…Read More

每次想食小籠包，都會諗起呢間樂天王朝。一入到坐佢就會上一碟栗子花生比食客做前菜第一樣叫嘅就係李白醉雞。雞肉都算嫩滑，而且酒味香濃，好入味，好食！第二樣叫嘅就係呢一個賽螃蟹。蛋白好滑，加上加咗瑤柱絲係入邊，有一陣咸鮮味，撈埋個蛋黃之後送飯一流。然後唔少得嘅就梗係小籠包啦。小籠包粒粒都肥嘟嘟，充滿肉汁。咬開仲熱辣辣食完之後有啲衝動想叫多籠添最後嘅就係呢個話梅骨。話梅骨個汁調得唔錯酸酸美美咁，非常開胃，送飯一流。因為自己都鐘意食小籠包嘅關係，所以間唔時都會黎尼度食。老實講啲野食水準都有啲飄忽，但今次好似樣樣都幾好咁，唔錯。…Read More

琴日lunch time係街行過，聞到好香嘅燒烤味，仔細望先留意到尼間小店。就係比尼陣燒烤味吸引左，今日就黎左試下啦。老實講，餐廳門面真係有少少up dup，入面放左幾張摺枱，空間唔係好大，大約容納到十零個人左右。咁今日我就叫左兩串串燒，一雞一豬，同埋一個泰式炒河。先講串燒真係超級香，入口好juicy，好食。個人就鐘意豬串多啲，比起雞串，仲多左個咬口跟住到個炒河，同樣都係好好食，河粉有獲氣，仲有陣焦香味，食到唔停得口。串燒$15串，而炒河就要成$60，同區黎講算幾貴。不過食物質素搭救。所以話，真係唔好睇少尼啲up up dup dup嘅鋪頭仔，隨時係隱世美食店黎！…Read More

中午放飯時間，見到呢間小店好多人排隊，梗係唔執輸，排埋一份啦。餐廳係走文清風，放咗唔少懷舊嘅擺設，個環境非常之唔錯。咁我今日就要咗漢堡嘅lunch set，盛惠$59。套餐包餐湯、主菜同埋一杯餐飲。尼個價錢非常實惠。首先係個甘筍忌廉湯，用個杯黎裝，都幾特別。但個杯咁大，就顯得個湯好似好少咁...之後係個漢堡同薯角，薯角都幾脆，唔錯。漢堡大大個，都幾足料。味道就正正常常啦，冇咩野突出，普通港式漢堡。但個包整體黎講就乾左少少，漢堡扒都有啲鬆散，扣左少少分。總括黎講就cp值好高，唔怪之得咁多人排隊啦…Read More

公司附近開咗間新嘅車仔麵店，成日都大排長龍，今日終於有機會入去試一試。我今次就叫咗個五餸嘅車仔麵，盛惠$49，車仔麵來講都算貴。咁我就揀咗炸腐皮、墨魚頭、豬大腸、咖喱魷魚同埋通菜。碗麵一上嚟嘅時候第一眼就比個炸腐皮吸引到，大大塊舖係車仔麵上面，好震撼！但食落唔算話好脆，仲有少少油味，好睇但唔算好食。值得一讚嘅就係個咖喱魷魚同埋墨魚頭，咖喱魷魚爽脆，墨魚頭亦都有鮮味，非常之好食。大腸同埋通菜就正正常常啦冇乜特別。$49雖然唔算好平，但係都食得好飽。而且餸嘅份量都幾多，算係咁啦。可以值得一試。…Read More

因為某app有半價嘅關係 尼個weekend就黎左係觀塘工廈嘅尼間古今二度食lunch雖然係工廈入面 但其實都相當方便 地鐵站行一分鐘就到 我地book左下晝嘅兩點 黎到嘅時候都要等位我地就order左芝士年糕 上嘅時候仲要辣辣 新鮮炸起 年糕都煙銀 但係芝士味就唔係太夠之後仲有嘅係牛肉薯餅 餐單上面寫就有四件 嚟到原來係一開四 有少少失望 同年糕一樣都係新鮮炸起 口感酥脆味道唔錯再嚟就係餐廳嘅主打卷物 我哋今次嗌咗龍捲風 入邊有芝士鰻魚 上面加上薯片脆脆 好食 但卷物嘅size比想像中嘅細少少 但都值得一試下一樣就係燒茄子 茄子大條 燒得軟身口感唔錯 但係個醬汁就偏鹹少少啦燒冬菇都好食 有菇味但係個汁就同茄子嘅一樣都係偏鹹鰻魚炒飯非常之唔錯 入邊好足料 有好多粒鰻魚 基本上每一匙羹都可以食到鰻魚粒 好滿足最後就係燒雞翼 雞翼燒得好好 雞皮燒到卜卜脆 雞翼係以鹽燒嘅方式燒 冇之前汁燒嘅咁咸 係可以encore之選因為有半價嘅關係 埋單就折完二百蚊左右 非常之抵食 店員服務都唔錯會主動幫你加茶 總括而言呢間餐廳都值得一試…Read More