fvenus的個人專頁

外賣平台7點幾落單，9點幾外賣哥哥先拎到，到手已經10點。一到手呆咗，差唔多六舊水四個人食兩餸飯咁，其中一碟仲有吸油紙（唔知係咪），勁普通。 個小食最離譜，椒鹽粟米同黃金豆腐，各$48一個…查看更多

期望太大，湯底還好，好味嘅，但未到人地講到咁特別咁好味。豬手：唔係淋個種，唔夠入味，燒過嘅味濃烈啲大腸：唔錯，可一試豬頸肉：最好味，值得一試再試魷魚：浸入湯一陣已經冇咩滷水味，反而覺得有啲啖，口感不錯環境：好逼…查看更多

影相睇唔出呢到野食咁大份，食唔曬，burger塊扒仲大過面。頭個幾啖覺得好好味㗎，不過越食越膩，好肉好滯好味度下降，個炭包幾好味。大蝦意粉不過不失，蝦好味夠爽唔老，意粉就一般，可惜餐廳冇辣椒仔。薯條都係一般，因為比起脆，形容硬會貼切啲。…查看更多

鹽燒雞軟骨睇食評話好正，結果似炸多啲，仲要炸得好硬嗰隻，而且鹹。份量係算多，但係唔好食。車仔麵叫咗四餸，雞翼尖、豬軟骨、秘製魷魚、糖心蛋。 全部都睇落滷到好入味因為顏色夠黑，結果一啲味都冇。除咗糖心蛋係一粒，每款餸到只有兩舊，連雞翼尖都係得兩隻（真係第一次食車仔麵雞翼尖得兩隻）外賣自取兩餸車仔麵咁揀，實際連嗰兩餸每款都要加錢四個餸都無味，糖心蛋拎返公司已經熟咗，如果知道自己啲湯咁熱嘅話，分湯就應該分埋隻糖心蛋。雞湯，啲食評話正，但係加埋中辣都係冇味，好油。河粉碎濕濕，一舊舊。唔識欣賞。睇相係唔錯，份量唔多但真係食唔到一半放棄咗…查看更多

好少何呢個價錢可以食到呢個質素嘅西餐。入到去以為係伏，但當食物嚟到就覺得間餐廳都幾有心機，值得再嚟多幾次。經典西冷配薯菜真係幸好自己有叫，份量好夠，做到我想要嘅五成熟，好香都好Juicy，帶點韌道，幾滿意個扒，性價比高，勝過不少以牛扒作招牌嘅餐廳。薯條冇乜特別，唯一不足係個蒜頭唔夠淋。香草檸檬煎焗盲曹一上枱哇咗一聲，兩大塊，有啲驚自己食唔晒。有檸檬嘅清香解膩，不過魚有少少乾，整體都比較淡，如果有更多汁就好啦，因為食到後尾凍咗又冇汁就冇一開始咁好食啦，有啲扣分。咖啡不過不失，可以嘗試。…查看更多

曾經嚟過食出名嘅金蠔煲仔飯，但金蠔有啲乾扁，失望而回。今次去嘗試另一名物，煲仔沙爹牛麵，都係不如正經叫個煲仔飯。沙爹牛麵一開始麵好硬，聽阿叔講放多陣就淋，結果係淋，連同個湯底索曬，變咗一pat嘢咁更加食唔落。牛就好多，大大塊，多到食唔曬。朋友叫麻辣肉餅煲仔飯，肉餅比其他料加$20，成個飯就成舊水，再唔係窮人可以食嘅煲仔飯。麻辣確係有另一番風味，但幾重口味否蓋唔到肉餅過鹹嘅味道。但總括而言好過名物煲仔沙爹牛好多。飯焦都好多，食到牙都攰。在場食客都可能係熟客，只有我呢個新客慕名而來，其他人都係乖乖食煲仔飯。環境好逼，拎著大袋都唔建議嚟。…查看更多

明明三年前食過夜晚覺得唔錯，小店有心思。意粉甜品都覺得幾好味又抵食。不過上個禮拜同人去第二度冇位就走嚟食個lunch食到好無奈又嬲嬲地。叫咗一個咩韓式泡菜牛肉烏冬鍋，好似屋企自己煮咁，泡菜就搵唔到幾條，牛肉都係，成個湯底就係辣粉味唔係泡菜湯底味道。最過份係個鮮蝦意粉，看圖說話，鮮蝦得兩粒，意粉白烚加少少黑椒，冇味架！！我係咁倒辣椒仔都係食唔落，又乾又唔知食咩咁，承惠$6x, 60比啲咁嘅嘢我😧 趕客嗎？其實廚房見到咁都好意思拎出嚟嘅？.…查看更多

個電話超難打得通 想book位打咗兩日。book六個人send email 話要畀credit card confirm，又擾攘咗兩個電話，又係勁難打得入。終於成功lunch順利入座。 餐牌有點複雜 同事同staff都問咗幾分鐘，見到出名嘅龍蝦湯飯要等30分鐘就冇叫。餐廳侍應都很nice。 倒咗碗凍菜湯，我就覺得一般唔合口味太酸，同事幾喜歡。吞拿魚他他，一般。牛油果醬幾好味。澳洲牛扒，失望。我叫medium rare,但上了medium - medium well，肉質有點韌，冇乜牛味。$288嚟講有啲失望。甜品Flan，不太好甜品的我覺得有點膩。…查看更多

成30$一串蝦丸咩，其實冇乜特別咋喎，一盤盤整曬係到，見好似幾出名，長洲必試咁，難得入去就試下。哇，真係fat fat…我話老細個荷包……雖然冇咩人排隊，但係婆婆態度唔愁冇生意㗎……….…查看更多

喂呀，啲長洲必食/美食post點解冇佢份！係陳通記定通記格離。容易搵，一次試個腸粉同埋沙爹牛通已經可以搞掂lunch，食咩海鮮呀！佢係我唯一掛住長洲嘅嘢食～環境係差啲，夏天真係滴住汗食，啲蠔大大利點會係蠔仔！先30蚊兩個人食兩碟已經會飽。蠔鮮又大嚟又多，去幾多次長洲我就會食幾多次😗我諗粥都應該好味，因為有對夫婦34度都係到食粥🤣有次入去長洲，佢竟然冇開，好似禮拜一，期待成日竟然食唔到，好似成日都有個遺憾咁。究竟要打幾多字先可以俾個好評佢……………….…查看更多

其實邊到好食？環境作到梳化個位就靚，其他地方就冇乜特別，環境好嘈，傾計大大聲。打卡地方，你坐唔係梳化位嘅話都打唔到卡～鷹嘴豆醬+羊肉粒，叫咗就知道羊肉有幾少，個醬係OK的，個羊肉粒係最好味嘅！人叫我叫之mix grill，又話細都夠兩個人食嘅🙃個煲就大大個，肉就唔同種類各1-2件（啖），只有相上面個堆係肉，🥲，下面係咩都冇的，冇啦啦有件pizza壓位😀傾多陣計啲肉已經凍到冇曬肉汁，本身都比較乾身。兩個人坐門口位，好逼。唔覺得好味，環境都一般（除非book到梳化位啦）…查看更多

好難book，book到都仲要等一陣，結果午市入去，根本冇咩人😑 環境幾好，望海，舒服。一見壽喜燒就叫咗，結果有個丼字就係第二樣嘢😅 係幾好味嘅，軟諗嘅牛肉，不過三百幾😅 大家要睇真啲先叫。…查看更多

野食唔算平，印象個蝦膏定蝦醬炒飯幾好味，其他野都係一般，服務態度就好一般，蝦就最唔抵食。同埋上菜都慢慢嚟咁。蝦餅幾好食，7點幾叫條魚都話冇🤔下次再入嚟唔會再試佢㗎啦…查看更多

第一次試最出名嘅暗然銷魂飯拼雞又話半肥瘦叉燒嘅 比咗瘦叉我，柴柴的，雞都OK嘅，唔點汁好味啲。第二次試馳名嘅燒鵝瀨粉，俾咗鵝髀我，開心 燒鵝都真係好味，鵝嘅腥味重咗少少，瀨粉就一般，因為湯底好寡…查看更多

堂食拎走都試過，堂食冇咁快溶，拎走去海邊食就好chill，但係佢外賣個包裝唔係好得。價錢都唔平，不過難得入長洲就基本個個都會去食，大熱天時食好爽，冷氣都超級凍。味道都好味，唔會因為出名而hea 做。足料，奶茶冰全部都係奶茶味，唔係嗰啲冇味冰底淋奶茶個啲，抵讚。…查看更多