營嵐的個人專頁

今日同呀仔喺葵興試咗《入素》，第一次食呢類型既齋，點知幾樣都好有水準，完全顛覆對素食嘅印象。🍗 海南雞飯素版嘅「雞」質地出奇地滑，唔會散晒，黃薑飯好香，配埋姜蓉一齊食好入味，完全唔覺係素。🐖 乳豬叉燒飯呢個真係驚喜位！「乳豬」有少少脆邊感，叉燒甜香又唔會太膩，整體味道好似真肉但又唔會假到好膠，份量都足。🥣 素湯必推！非常清甜有層次，唔係味精湯，飲落暖胃又舒服。🍢 串燒雞 / 串燒牛兩款都好有口感，唔乾唔硬，燒得啱啱好，加埋個沙嗲醬汁好好味，好似食緊泰國野咁。🥥 椰汁糕超正！椰香濃、軟滑、甜度啱啱好，係會食完想再叫多件嗰種。💬 總結味道有水準，完全唔覺係素食店；價錢合理，上菜都快。小朋友話好好食，仲話完全唔似食緊素食呀，喺葵興想食得清啲又保持滿足感，《入素》真係值得一試。#素食 #香港素食 #香港素食餐廳 #vegetarianhk #香港美食 #葵興探店 #香港旅游攻略 #香港 #香港生活 #小红書爆款美食 #我的美食日記 #美食日常 #美食探店 #香港打卡#探店 #打卡 #香港美食推薦…查看更多

好耐冇食日本放題，今日就約朋友黎大鴻輝呢間御滿屋日本料理試吓啦，因為我地都比較細食，所以就揀左最平個餐$288一位，呢個餐都有77款食物可以揀架魚生方面有好多選擇一坐低我地就叫左三文魚、甜蝦、阿根廷赤蝦、油甘魚、劍魚腩、希靈魚，仲有我最愛嘅帶子呀😍份量比得好足，完全冇少到，食落好新鮮，赤蝦仲好大隻tim👍🏻呢個價錢仲有海膽手卷任叫，食落口好正呀😍熟食方面雞翼、羊架、牛扒、燒菠蘿、燒蝦、薑蔥炒蟹等等呢d點少得，全部黎到都熱辣辣，好似即叫即煮一樣👍🏻連爆谷都有得食呀😌最驚喜原來有榴連任食呀😳平時屋企得我一個食，都好少買返去食，呢度有得食返夠本喇🤣飲品方面超級多選擇，汽水、果汁、茶，仲有啤酒、清酒都可以任飲最難得係，佢有個位有茶包熱飲，好岩我呢d又要食生冷野，又鍾意養生唔太飲凍野既人😂雪糕區一定係我最愛，好多選擇，仲有Movenpick 同Haagen-Dazs雪糕任食🤤食埋真係超級滿足呀😆另外仲有蛋糕、布丁同生果等等可以揀食到飽飽，大家都滿載而歸，大家都食得好開心，約定下次都要再黎食😄…查看更多

琴日收工經過見都幾多人就入去買黎試下都好多款式，買左3個行左2個圈諗緊買邊款因為好多都想試下最後揀左芋泥吐司，栗子包，忌廉粟米包加埋$53都唔平架，但幾足了下次再試其他款…查看更多

呢排見冇咩胃口所以想搵d新野食因為葵廣食黎食去都係個d經過見到呢間唔多人就試下佢都好多位好濶落下而且話係韓國人主理感覺好似幾正宗咁叫左個午餐 辣豬肉蓋飯$55好好食wo佢即整所以熱辣辣又唔係好辣但好惹味我成碟食哂之後個2日都連續去呢度食👍🏻我見到都keep住有人黎食但人流唔算多可能佢位置比較入冇咩人留意到但真係值得一試因為呢幾次都係自己去食所以試唔到其他款下次可以叫埋老公一齊食或者買外賣返去做晚餐😁…查看更多

狂人粢飯 $32今日放假特登出黎食佢每次都一定要即場食先得油炸鬼勁脆一邊食係聽到聲架😂今次轉左16穀米個味道其實差唔多但感覺好似健康d咁😂D料又夠哂多啖啖都食到d料架本身想食多個甜品但真係食唔落了🙈食一個已經好飽了👍🏻…查看更多

呢間野其實開左好耐一直都冇試過今日人血來潮帶埋呀仔外出食飯可能平日關係所以食飯時間都冇咩人呢度唔算好多選擇我仲要揀d呀仔都可以一齊食嘅野手打雙式肉丸（牛&羊）鴛鵞意粉 $118蕃茄忌廉汁呢款意粉岩哂小朋友食無論肉丸同意粉都好入味呀仔都好鍾意食😝因為比呀仔食所以叫佢d生嘅菜唔好鋪上面佢放左係旁邊一d都唔頭其炭燒厚切豬肉眼扒配鮮菠蘿 $128呢個豬扒好香炭燒味而且好淋仲有個菠蘿勁好食😂小食拼盤 $118洋蔥圈、炸蟹鉗、章魚燒、麥樂雞、吉列炸蝦、蒜香雞翼呢個拼款每一款都好好食炸得好乾身而且冇咩油膩感份量亦好多呢間餐廳覺得環境好之餘仲好抵食雖然款式唔多，但試左3款都幾好味下次仲會想去食👍🏻…查看更多

收工行過葵廣買晚餐食見到2樓新開左間炸雞店所以就試下喇試業期間仲有85折tim😍呢間炸雞係米芝蓮餐廳廚師開架餐牌上都有好多唔同口味選擇餐廳嘅炸雞係韓式與美式嘅結合👍🏻太多口味都唔知點揀好店舖哥哥推介話蜂蜜脆脆味一定要試咁我總共叫左3款蜂蜜脆脆啖啖肉$48蜂蜜脆脆味真係幾好食我一邊食一邊要點d蜜糖😝面頭仲有少少類似wasabi嘅醬好開胃邪惡芝士肉醬 $48芝士控必試每啖都有滿滿嘅芝士韓辣啖啖肉$48岩哂我呢d又要食辣又唔食得太辣嘅人😂甜甜地少少辣好好味炸雞既脆漿口感同一般炸雞好唔同而且油膩感無咁重食完都冇咁罪惡感😆店主哥哥仲話佢地時不時都會轉下口味第日可以再試下其他款…查看更多

係我食過最好食既沙嗲牛肉麵呀😍我本身係唔鍾意食茶餐廳，唔鍾意食公仔麵唔特別好沙嗲牛見到老公話呢間好食，朋友又話好好食好食到要外賣幾碗返去冰左佢咁我就黎試試啦大多數人都介紹紅腸餐肉沙嗲牛麵咁我都試呢款啦仲加左杯紅豆冰tim😍一黎到首先見湯好濃，好多蔥係面紅腸同餐肉都係厚切大大舊沙嗲牛份量都唔少的絕對夠你過口癮公仔麵係普通一般出面既麵，但口感煮得岩岩好沙嗲牛同汁確實好好味我連湯都飲埋呀😅紅豆冰郁幾好味紅豆大大粒加5蚊好抵👍🏻最後我都要買左幾碗返屋企冰左佢😆…查看更多

芋泥桃膠小丸子 $45成日黎食但呢款都係第一次食真係好足料芋泥有成半杯咁多小丸子都好多下所以食完根本唔洗食飯一向都係叫會走甜走左先覺得岩岩好可能本身配料都有甜味桃膠今次有少少痴埋一舊咁但都可接受而小丸子真係太多食唔哂下次可能叫佢少d😂…查看更多

行過見冇咩人就食下唔想諗叫左你估下佢係雙併朱古力醬加榛子醬再加煉奶個底係做得幾脆幾香口咁不過個人覺得甜左d遮哂原有嘅味另外再叫左炸鮮奶好滑身不過都係甜左少少🙈…查看更多

成日lunch唔知食咩好我又唔係咁鍾意食飯葵廣呢間章魚無雙我諗好多人都識架喇最近就好鍾意食章魚燒當lunch咁食蛋沙律拼激多蔥章魚燒 各4粒 $40第一次食蛋沙律覺得幾好味wo，估唔到呢個配搭又幾襯，而且好多蛋沙律，仲有薯仔粒tim 食落都好飽肚下激多蔥真係多蔥到不得了，蔥愛好者一定要試下😂不過叫蛋沙律就有個問題，因為蛋沙律太多，會有濕濕地嘅感覺，咁另一款味會沾到d汁就會有咁香口喇🙈所以睇下大家介唔介意咁，我係當飯食先叫蛋沙律😂…查看更多

芋圓控又出動啦😁今日出開旺角做嘢就去試吓呢間喺旺角中心嘅圓仔記❤️小小嘅店鋪真係好有驚喜佢係我暫時食過最好食嘅芋圓專門店喔😳招牌3色包心芋圓 $45（仙草，地瓜包心芋泥球x2 ，3色芋圓，芋泥球）因為佢係即叫即整嘅，所以都等左一陣一黎到，嘩👍🏻超級足料每粒都食得出係人手做，芋圓好明顯係食到有芋頭，地瓜同紫薯味嘅😍另外個粒包心芋圓，真係好大粒，同平時出面食嘅完全唔同架，入面包滿哂芋泥架🍠另外就係個芋泥球，做到好棉滑而且一d都唔甜，仙草個味道都唔錯呀，佢係少少暖暖地嘅，我鍾意食呢個溫度嘅仙草，感覺食得出原味道咁👍🏻好想試埋其他芋圓，佢仲有芝麻圓、焙茶圓、綠茶圓、朱古力圓，但食完一碗真係勁飽，食唔落了🙈下次真係好想買生芋圓返屋企，咁就隨時都有得食喇🤭老公聽我成日講，仲話我仲咩唔買返碗返黎比會食tim😂如果佢係我屋企附近，我諗我真係會成日食題外話一下，我都好耐冇去旺中，原來呢層變左好多野食中間仲有個區係比人食野嘅😂專門店個間我平時成日食，但自從食完呢間之後，我真係成日心思思想出旺角食😅真心希望佢地可以開到分店，同埋有多d位可以堂食咁好食嘅野應該要比多d人認識同埋試到嘅❤️…查看更多

一人餐雞比加個麵$60成日都會食呢間野，都幾好食呀不過份量真係少左d就算配料同麵另外加左錢都好少咁🙈成日食完都唔夠喉咁不過間中食下都唔錯既，諗唔到食咩就會好自然去買佢架喇😂…查看更多

好耐冇食泰國野呢間新開左一排又外賣返黎試下先大蝦蛋包金邊粉 $118得2隻大蝦，金邊粉炒得好乾身幾好味嘅青咖哩雞 $88都有d辣，好食但雞份量就咖太多小食拼盤 $88有蝦餅，春卷，泰國雞棗，咖哩角香口野佢做得幾好，都乾身，唔會感覺好油咁，雞棗第一次食又幾得意，有少少似炸雞肉咁但加左d蝦滑咁既👍🏻鳳爪沙律 $68個汁好好味wo👍🏻鳳爪份量都好多蒜蓉包 $48有4塊，好濃蒜香味，用黎撈咖哩汁就岩哂…查看更多

今日去開觀塘做野，就同朋友試下呢間台灣野，幾個人試左好多款，咁岩2:30pm 仲有9折，加埋都只係食左2百幾蚊咋，好抵😍🥭芒果魯肉飯$58第一次見魯肉飯會加芒果，本身都驚會唔會怪怪地呢，但食落去又出奇地夾wo，芒果同魯肉份量都唔少，而且芒果好甜，配埋酸菜、蔥、高麗菜食完好滿足🐷蜜汁紫菜排骨飯 $60一黎到嘩好大碗，排骨厚切大大塊，而家炸得好乾身香脆，加上有大量紫菜，配埋飯一齊野都幾野味👍🏻🍠芋泥肉鬆脆皮蛋餅 $39芋泥同肉鬆呢個又甜又咸嘅配搭幾特別，芋泥好綿密而且唔太甜， 蛋餅外皮脆脆地，同埋份量都幾多🧀拉絲芝士火腿蛋餅＄39芝士火腿呢個配搭一定唔會錯，好多芝士，岩哂芝士控😌🐥蘇子青瓜手撕雞 $ 25手撕雞都幾嫩滑完全唔鞋，加左青瓜成個味道清新哂咁🧈牛肉汁煮風琴豆腐 $20 好鍾意呢個豆腐，吸哂d牛肉汁好正🍠0冰手作芋頭鮮奶 (M)＄48芋頭控必試，芋泥好幼滑而且口感綿密，完全唔甜，岩哂我呢d減肥人士，同鮮奶比例感覺係1:1，加上冇冰，所以味道更加原汁原味咁👍🏻🍋雙檸冬瓜茶＄42冬瓜茶底配上青檸同檸檬，好清新嘅組合，酸酸甜甜咁好開胃🧋黑糖珍珠鮮奶 $35鮮奶好滑，甜度岩岩好，珍珠都好有口感…查看更多