第一次openrice的食評竟然比咗【樸一拉麵】！🤭👍🏻👍🏻👍🏻私心推薦：海老湯底，濃郁鮮甜而清澈！自從通關，我去了東京2次（上年復活節和聖誕節）。兩次都不停試食各式各樣的拉麵，不得不說疫情後的日本人氣拉麵店依然好食和高質！而今次專登寫拉麵食評，因為與朋友再次到訪女人街【樸一】，再次感覺佢嘅湯底真係水準高（絕對可媲美日本拉麵）！我由疫情時第一次食樸一（偶爾幫襯、不算常客），今次日本回來後再食，認為【樸一拉麵】可以是思鄉時的拉麵首選。撲一排隊的時間和日本的拉麵店也差不多。我是星期五晚光顧，三個人，大約等了20分鐘左右。兩年來我試過樸一的湯底有：海老、蟹膏、魚介、豬骨，（好似仲有一款湯底未試過），海老湯底始終是我的最愛，也是點擊率最高！今次我選的是海老拉麵、黃麵、慢煮叉燒。建議大家先飲一啖湯，海老湯底湯頭清澈而濃郁，有小量蝦油浮面，而且蝦湯掛麵，所以每口拉麵都沾滿蝦的味道；入口後，蝦味濃烈突出，每啖都飲到蝦油、蝦鮮味，十分有層次！麵上亦有櫻花蝦乾，攪拌後再飲啖湯、食啖麵，整個體驗直上另一層！海老湯底就是撲一拉麵代表作！黃麵（東京）和白麵（博多）之間，我個人比較喜歡揀黃麵來配海老湯底，麵身會粗少少，用來掛湯一流！樸一的兩款叉燒分別是：厚燒叉燒＆慢煮叉燒。兩款叉燒我都食過。最初的我每次都點厚叉燒，因為實在十分惹味，香氣誘人！燒過的油香和肉香一試難忘！後來，有一次因厚燒叉燒賣晒，我終於試了慢煮叉燒，發覺肉質香嫩，口感柔軟，入口即溶，令我覺得驚艷！自此，我會點慢煮叉燒。我認為兩款叉燒真的各有千秋，值得大家兩款都一試，然後再按個人喜好選出自己的口味。小總結：我認識樸一小店應該有2年多，湯底和小食（大推炸雞）一直是高水準、高水平，最近再次幫襯深深感受質素依然如故，實在難得！而且價錢親民！曾經一次偷聽店主同人傾偈，原來湯底是小店堅持每天新鮮烹煮，更試過因湯底未如理想而唔開鋪，這種匠人精神在香港實在難得！…查看更多
