prettyfit的個人專頁

將要去韓國嘅我好想快啲體驗韓國嘅生活，所以叫朋友推介一間韓國野俾我，之後佢就介紹左呢間地方相對有啲難去，用咗啲時間先搵到前菜有呢幾碟，特別想介紹下個泡菜，真係做得非常之入味，我忍唔住食晒！我係一個好鍾意食蝦嘅人，所以見到有蛋包蝦就即刻叫黎食，佢啲蝦好大隻！同埋啲蛋漿可以完全cover到啲蝦，兩者真係好夾！之後再叫另一種蝦，就係—醬油蝦！其實我來之前已經知道有呢一個菜式，但係知道佢唔係成日都有，咁好彩今日俾我遇到，真係天意！實在太好食，唔會太咸，味道啱啱好！主菜係韓式炒粉絲，佢唔會太油膩，好食！最令我覺得impress 嘅就係佢有飯後甜品，食完要重口味嘅嘢食返啲生果真係冇得頂！總括嚟講呢間真係好食，我都會推介比多啲朋友…查看更多

朋友一家約埋我星期六一齊去玩，慶祝連續三日假期，我就提議去挪亞方舟，因為可以俾小朋友放下電，我地又可以落下隔離馬灣沙灘，遊水加睇夜景。玩左成日之後，walk in去食buffet，見到都唔算多人，個場地環境唔錯，擺野食嘅地方都好整齊。我地坐係靠窗位置，可以望住青馬大橋食野，個景唔錯呀，我地食食下仲見到佢著燈。好多野食可以拎呀，三文魚刺身幾新鮮，不過就有少少根。我對海鮮無咩興趣，所以都係食燒烤同熱食。我覺得佢個燒烤吧係餐廳出邊嘅設計幾好，唔會令到成間餐廳入邊咁大陣燒烤味。而且燒烤食物都幾好食，有我最中意嘅燒菠蘿，仲有豬仔骨，兩樣味道都幾好，而且係有專人即場燒俾你食，夠哂新鮮熱辣。甜品方面我就推介梳乎厘，即場焗出黎，要排隊等的，每人每次限拎一杯。見佢脹卜卜咁，食落好鬆軟creamy。食完9點幾，走出黎見到青馬大橋夜景好靚，今日好滿足了，下次或者帶埋男朋友一家黎呢度再食過。…查看更多