Dominique0203的個人專頁

星期六同朋友去打邊爐，見到宣傳牛大人即日起至12月2號晚市食日本黑毛和牛A4+套餐，每人送江蘇太湖大閘蟹一隻，我哋期待咗好耐！我哋叫咗鴛鴦湯底，好推薦期間限定嘅養生菇菌燉雞鍋，另一個雪白御鮮豆腐鍋都好正！食嘢前飲返碗湯暖入心🤩套餐包括好多唔同肉類同埋超新鮮嘅海鮮拼盤，最重要嘅當然係日本A4+黑毛和牛，油脂分泌好均勻好靚，入口即溶！伊比利亞黑毛豬梅肉都好驚喜，平時唔太鍾意食豬肉都覺得好食😋海鮮拼盤都好正，有生蠔扇貝魷魚同鮑魚，份量都好多😍 而且仲有好多台灣夜市小食，滿足左想飛台灣嘅旅行慾！香港嘅特色小食都唔輸蝕，有老字號永樂粉麵廠嘅阿嬤豆乾魚蓉麵，好脆嘅蝦蝦霸霸脆多士🤤飲品除左雪櫃琳瑯滿目嘅選擇，仲可以掃碼叫手搖同啤酒，甜品有好多好吸引嘅雪糕，仲有台式仙草甜品同蜜桃愛玉冰🥳🍧…查看更多

今日收工之後喺中環行下，見到呢間企理環境幾舒服嘅美式餐廳就試吓啦，見到餐牌嘅選擇都好好多，有好多素食同埋生酮友好嘅選擇，生酮嘅食物都可以外帶🍴Pancake Breakfast $145雖然係夜晚但係我都好想食早餐🤣，雞蛋可以揀唔同嘅煮法，配菜亦都可以揀腸仔煙肉或者煙三文魚，沙律又可以揀薯仔，配搭都幾自由，我就揀咗炒蛋煙三文魚同埋沙律，沙律份量都幾多，熱香餅好好食，外面微微脆口，裏面好香，麥當勞冇得比！🍹Pineapple OJ菠蘿汁溝橙汁，so refreshing! …查看更多

今日又去咗坑口嘅咖吔食飯，近排好想食新加坡馬來西亞嘢，食過呢間都幾好，所以成日幫襯😗🍴海南雞飯配白胡椒肉骨茶 $118肉骨茶胡椒湯底非常之正，尤其是天氣轉涼，飲落去好舒服，入面有豬肚同埋豬骨，過下口癮幾好？ 海南雞嘅份量都幾多，啖啖肉，都幾嫩滑，油飯好香雞油香🍹馬來芒果汁配芒果雪糕 +$16記得之前食嘅時候晚餐冇跟嘢飲，而家好好有得用半價加嘢飲，飲都係10幾蚊走啦可以嗌，芒果汁唔會好甜，加埋芒果雪糕滿足咗想食甜品嘅慾望…查看更多

上星期同朋友慶祝生日，去左銅鑼灣食呢間法國菜，環境好舒服高級得黎都可以好自在enjoy，我哋叫左5 courses dinner set，各個選擇都幾吸引，我同朋友都覺得性價比好高😻前菜我哋叫左蟹肉牛油果配炸蟹肉球，牛油果加蟹肉好夾，炸蟹肉球香口得黎亦唔會搶左蟹肉嘅鮮味。另一個前菜叫左香剪法國鵝肝伴蘋果蓉配砵酒汁，鵝肝嘅油脂超級香，蘋果蓉同莓子醬嘅fresh就balance翻🍏下一道菜就係麪豉忌廉湯配蜆肉，蜆肉好新鮮，麪豉忌廉湯呢個配搭第一次試，入口好smooth主菜之前仲有自製嘅青檸雪葩清下口腔嘅味，非常細心，而且令人更有食慾🤤Main dish我地加左$60食炭燒澳洲和牛肉眼扒(M7)配紅酒汁，紋路燒得好靚，啱啱好五成熟，牛味好香濃，配菜有長豆，燒蕃茄同埋好特別嘅蕃薯千層批，值得一試👍🏻👍🏻另一份主菜係燒乾式熟成馬友魚柳配香檳法蔥忌廉汁，平時我地好少嗌魚，不過聽落咁特別就試下，魚皮好脆口，魚肉好嫩滑同香，底下係炒得好香甜嘅洋蔥同蘑菇，好食!甜品係法國朱古力心太軟伴雲糕同埋芒果忌廉杏仁蛋白酥伴土多啤梨醬🍮…查看更多

最近天氣凍去食個麻辣台灣火鍋就最啱啦，朋友介紹呢間係isquare後面嘅牛品，裝修新淨闊落，都幾多人食喎😆我地揀左牛極品套餐，湯底係鴛鴦鍋，招牌嘅元氣養生鍋同牛品秘製麻辣鍋，埋單都係300頭一個人，價錢幾唔錯喎! 養生鍋係好香濃嘅胡椒雞湯加人蔘，人蔘比得好大方🍲麻辣鍋小辣易入口，配埋鴨血好滿足🤪其中好吸引我哋嘅地方係好多台式小食可以試，推薦椒鹽粟米，烤椒皮蛋豆腐同台灣腸(自己加蒜蓉haha)🌽肉類有四款牛，牛脷心托，加拿大頂級牛板鍵，美國頂級肩胛肉同埋精選美國牛胸腹，豬肉，羊肉同雞都有幾款，肉質幾好嘅🐂行出去都有好多新鮮蔬菜，丸類，麵，小食，滷肉飯可以自己拎，全部都企理嘅，飲品好多台式local汽水，好似蘋果西打同台灣維大力汽水，其他店鋪好少見~甜品都好出色，有我最愛嘅Häagen-Dazs🍨，味道係好熱門嘅焦糖脆餅同churros，仲有維他雪米糍同雲呢拿雪糕。另外，仲有台式甜品自助區添，可以自己調配，配料任加，好滿足呀🍧🍮…查看更多

相信係中環翻工嘅人都會成日去中環街市覓食，最底層嘅foodcourt餐廳選擇都幾多，呢幾日凍凍地就最啱食一啲暖胃嘅湯麵，所以就揀咗蒲羅😛🍴新加坡大蝦喇沙摻摻 $88望到顏色都睇得出有幾濃味😍，摻摻就係油面加米粉，兩個都非常索湯，面頭仲有好多炸香蔥，令到成個湯底更加香，配料幾多，有大蝦，豆卜，魚蛋，魚片頭，雞蛋同埋豆角！份量夠晒多，惹味暖胃！大食嘅朋友應該都夠飽😆🥤雪碧 +10加$10可以配汽水！…查看更多

前幾日去咗喺iSquare對面嘅滬江飯店食飯，交通幾方便，之前都有見過日本電視台介紹佢，終於試到呢間老字號😆 今次叫咗好多用蟹為題材嘅上海菜，好想再食多次😛蟹皇皇金裝大閘蟹套餐🦀最吸引我哋嘅一定係清水大閘蟹🦀🦀，大大隻夠晒厚肉，入面仲要爆膏添，好鮮味，食得出夠新鮮！另外，蟹粉籠仔粢飯一樣都咁吸引，籠仔好可愛，粢飯煙靭，加上上面好多蟹粉，撈飯真係一流👍🏻蟹粉小籠湯包🥟都幾大粒喎，入面湯汁好鮮甜，熱辣辣新鮮蒸好冇得輸😗清炒豆苗🥙青青地食啲蔬菜😆薑茶湯圓🍨薑茶最啱中和食完大閘蟹嘅寒，湯圓煙韌，成餐都好有上海風😍…查看更多

琴晚同朋友慶祝轉新工，去左中環呢間特色燒鳥店，餐廳闊落高級，有分開串燒同酒吧area，menu可以見到好多好新奇嘅稀有部位，例如雞嘅喉嚨，動脈同甲狀腺，真係大開眼界，好多款都想試所以就叫左tasting menu😗慢煮松露雞卷🐔超多嘅黑松露，雞卷好嫩滑，底下仲有沙律添雞肝茶碗蒸 🥣非常之滑，雞肝新鮮，香濃惹味島の稀少部位串燒 (3本) 🍡第一次試到雞氣喉，好爽口好似零食咁，會上癮! 雞掌心都好特別，有少少脆骨嘅口感。雞腎同平時食嗰啲都有啲唔同，更加juicy同新鮮🤩島の嚴選部位串燒 (3本) 🍡專業師傅燒嘅雞翼果然係唔同，外皮超香口~ 大蔥雞腿肉口感豐富，經典之選。雞柳肉都好juicy😍時令野菜串燒 (2本) 🥗燒豆腐我俾100分，外邊煎得好脆好惹味。秋葵好夾木魚花👏🏻慢煮三黃雞白湯 🍲飲落好暖胃好舒服，濃郁黏口廚師長の本日料理 🧆雞肝，好似鵝肝嘅味道，好食到同食十舊雞の主食 🍚親子丼 朋友話呢個飯刷新左佢對親子丼嘅認知，冇食過咁好食嘅親子丼😆另加 雞湯烏冬 🍜個湯同樣咁濃郁，幼烏冬超滑甜品 🍨抹茶蛋糕配豆腐味雪糕…查看更多

早排見到樓下新開開咗呢間湖南菜，琴日終於去試吓，一入門口已經受到服務員姐姐熱情嘅招待，服務態度真係100分！整體價錢都幾抵，小辣亦都非常符合香港人食到嘅辣度👏🏻🍴麻辣香鍋我哋揀咗牛蛙雞胗寬粉同埋萵筍，份量都好充足，揀咗小辣，食起上嚟唔會辣得好辛苦！牛蛙肉質都新鮮，雞胗爽口切成細細粒，最鍾意就係食寬粉！好彈牙😍萵筍份量都幾多😋🍴酸菜魚套餐80幾蚊包埋飯的確幾抵食，酸菜魚好惹味，份量都多🍴小炒牛肉套餐鍾意食芫荽嘅朋友會鍾意呢個，牛肉惹味👍🏻🍹鹹檸可樂…查看更多

前排去咗天水圍，同朋友去咗呢間Cafe，餐廳環境好舒適，好多小設計，下次都想帶埋狗仔一齊去！🍴煙三文魚poke bowl平時最鍾意食三文魚，份量好大碗，面頭蟹籽紫菜木魚花撈飯真係會好容易食好多飯🤣配菜我就揀咗粟米中華沙律同埋菇，新鮮而且顏色好吸引🤪🍴蝦仁沙律性價比幾高，一大兜，免頭加咗果仁，食返啲健康油脂，沙律菜款式會好單一，仲有牛油果，蝦仁夠輕盈，食晒成碗又飽肚咁之餘又唔會有罪疚感😋🍴香蕉朱古力棉花糖花生醬bagel呢個組合放喺bagel第一次見，諗住當甜品，過癮，呢個夠煙靭，熱力令到棉花糖少少溶特別好食！…查看更多

前幾日同朋友入開天水圍，就想搵個地方食甜品傾吓偈catch up下！喺地鐵站附近見到呢間一糖，外觀幾特別就試吓啦！餐牌都幾多唔同種類嘅選擇，又有刨冰，又有特飲，又有芋丸台式甜品，仲有窩夫同埋港式小食添！🍴紫薯椰皇椰皇燉蛋真係夠晒香，燉蛋入面食得出椰子嘅香同埋夠晒嫩滑，紫薯泥軟糯，唔會太甜，有啲養生嘅感覺亦都滿足晒想食甜品嘅第二個胃😆 🍴巨峰提子刨冰天氣熱食刨冰就最啱，平時都係普通食抹茶朱古力味嗰啲，今次試吓巨峰提子！上面有啲巨風爆珠同埋cream，啲冰都好綿密，中間仲有啲巨峰味嘅啫喱添，再加埋巨峰醬，好濃郁嘅提子香味，解暑一流😋🍹百香果爆珠梳打梳打水可以自己加，可以控制甜到，有埋爆珠成個口感更上一層樓😍…查看更多

平時好鍾意同朋友食個brunch放鬆一下，前排去到沙田好熱鬧，搵到呢間裝修非常之靚嘅餐廳享受一下，菜式選擇都幾多，整體用餐體驗都好好！🍴早午餐奄列拼盤 顏色搭配好吸引，又好滑嫩嘅雞蛋奄列，加埋幾塊西班牙火腿，仲有一球牛油果蓉，加啲鹽胡椒非常清新，焗薯粒比炸薯條健康👍🏻，仲有新鮮嘅田園沙律！🍴三文魚蕎麥薄餅呢個好特別，有少少似可麗餅，好多三文魚肉，仲有青瓜忌廉芝士醬非常Creamy，面頭好多火箭菜，成個口感好豐富，又驚喜！🍴開心果焦糖燉蛋面頭超級多開心果碎，加埋焦糖嘅甜，好滿足🍴法式香草蛋沙律前菜我哋都揀咗沙律，好Fresh 🍴法國生牛肉他他法國菜又點笑得牛肉他他，個酸種麵包好出色🍹抹茶青蘋果特飲抹茶味香濃，加埋蘋果又清新，推薦☕️鮮奶咖啡香濃…查看更多

琴晚去左呢間樓下嘅新加坡菜蒲羅食晚餐，眼見生意好好，全場坐爆，見到晚市套餐80幾蚊包小食飲品都明白點解佢咁熱門!之後應該成日都會過嚟食！我小食就叫左酸辣無骨鳳爪，我最愛呢啲開胃酸辣嘢，非常爽口，份量都幾足架。主菜當要要試下海南雞飯，配左一個蟲草花湯，飲落幾舒服開胃，而海南雞夠嫩滑，皮都夠爽口，有三款醬點，油香飯香味十足，食多碗都仲得呀~凍飲亦唔洗加錢，值得提及!凍鹹桔水潤喉解暑，係新加坡嘅經典飲品~…查看更多

琴日收工後去左銅鑼灣嘅呢間貓貓cafe同貓貓玩下，治癒一下翻工嘅痛苦😂，地點都好方便，apple store後面！上到去之後有一次性拖鞋，乾淨衛生，店員好詳細講解規矩同唔同貓貓嘅情況，以貓貓為本。比想象中多隻，見到佢哋已經好開心，我哋買左一份凍乾雞肉粒，店員同樣會講解點餵同戴紅色圍巾嗰啲唔食得🐱我地坐係到食嘢飲嘢已經有兩隻搵我地玩，好qq，仲有啲著好可愛嘅衣仔裙仔，最重要係佢哋全部都被照顧得好好，乾淨毛髮靚，全部係領養嘅，好多係兄弟姊妹!😚嘢食方面有蛋糕三文治曲奇，全部都係10幾蚊，我哋食左巴斯克芝士蛋糕同藍莓芝士蛋糕，好食唔太甜，仲有免費咖啡,茶,boardgame, powerbank同保暖毛毯借，坐成日都得呀✌🏻…查看更多

平時好中意發掘高質cafe，將軍澳Popcorn嘅Espresso Alchemy裝修好靚，傾偈chill下啱曬!🍴煙三文魚牛油果蛋沙律三文治賣相好靚打卡啱曬! 牛油果蛋沙律真材實料，煙三文魚蕃茄沙律菜個配搭非常refreshing~🍴紅咖喱煙鴨胸長通粉見到有新品一定要試下，泰式意式mix都唔錯喎，雖然意大利人會嬲haha🍰homemade藍莓合桃蛋糕大大舊幾抵食喎，真藍莓，低糖加合桃，罪惡感都少啲~🍵Matcha Latte 香濃好飲，拉花靚靚！…查看更多