ZanDee的個人專頁

友人話去完旅行返黎有手信，且手信快到期要火速交收，所以就約出黎食飯小聚喇！早兩日打黎訂位，店員問要唔要訂片皮鴨，因製作需時，預先訂的話，坐低十五分鐘有得食。三個人密密針究竟食唔食得晒一隻呢，有冇半隻架呢？最終括出去，一於三個人一隻片皮鴨啦，當然係叫一食啦！早到左十五分鐘，安排了靠邊的圓枱，比較迫，我地見卡位有人走，馬上要求調位，店長亦馬上安排，很好。坐低點菜，因為有隻鴨，就住就住唔敢叫太多野。每人點一樣，我搶先揀左小籠包，友人就點左口水雞同埋上湯菜苗。首先黎o既係口水雞, 是日係夏至, 我地專登搵呢個涼菜, 點知黎到唔夠凍呀, 有d失望! 雞都很香, 有酒味, 但係因為唔夠凍, 影響左整體個味道, 晒左呀~跟住就黎小籠包喇, 層皮厚薄適中, 唔會一夾就穿漏晒D汁出黎, 一啖擺落口, 好味! 食完兩樣野，鴨黎喇，可能喺走廊位，店員話拎去後面片皮再上，就係咁冇得影隻鴨嘅全相，亦都冇得睇住佢片囉！呢度啲片皮鴨都幾好味，冇乜肥膏唔覺肥，有淨皮，亦有啲係連多啲肉嘅，冇咁漏，但真係好多，食極都仲有，仲有兩籠薄餅皮跟上添，每塊餅中間都有紙隔住，唔駛痴埋晒，好細心，可以夾青瓜及大䓤一齊吃，但青瓜太少了，好彩有得再添咋！最後仲有上湯菜苗, 湯夠濃味, 菜苗亦很嫰, 不錯吃~由於轉左坐卡位, 坐得好舒服, 店員亦有及時換碟及加水, 服務不錯! 七點半入座, 食下傾下坐到十點幾關門先走, 哈!…查看更多

家人一早安排好畢業典禮後同我慶祝下, 於是就揀左尖沙咀朗廷BUFFET, 貪佢座位唔多, 唔會有爭食情況。兩星期前訂好位, 要求靠窗比較靜o既一邊o既枱, 最終坐番同上次同一張枱, GOOD!一坐低, WAITER就介紹每人可以選兩款主菜, 可惜冇左好好味O既佛跳牆, 今次選擇有鮑魚, 肉眼, 羊扒, 比目魚, 我地三個人揀晒四款SHARE食。食主菜之前, 當然要食啲前菜冷盤先啦, 先攻我最鍾意O既海鮮冷盤, 呢度O既冷盤有波士頓龍蝦, 琵琶蝦, 蟹拑, 長腳蟹腳, 特大翡翠螺, 冷蝦, 青口等。當中我最鍾意O既當然係龍蝦啦, 雖然今次好似冇上次咁鮮甜, 但係啲膏就好甘香, 長腳蟹腳都好味, 但今次令我有驚喜O既反而係翡翠螺, 好爽好甜, 讚!呢度O既生蠔係師博KEEP住即場手開的, 不是用機開的, 生蠔有兩款, 分別係美國同澳洲, 個人較偏好澳洲的, 雖然唔大隻, 但係都幾肥同鮮。除左生蠔, 呢度仲有燒蠔, 正合我爸口味, 好似有4-5款燒法的, 即叫即燒, ORDER左, 10分鐘後就去拎就OK了, 都幾特別。 呢度O既煙三文魚亦係推介之一, 因為佢係厚切O既煙三文魚, 唔好太咸, 有咬口之餘仲好甘香, 廚師介紹係澳洲的, 推介! 熱食方面, 一向不是我食BUFFET的主打食物, 我只係試左呢度O既即切燒牛肉同埋芝士煮龍脷魚, 燒牛內好有牛肉味, 伴英式芥末係我首選。甜品方面, 呢度O既甜品選擇不算太多, 都係一般切餅, 小蛋糕, 同埋一啲小杯MOOSE等, 不過佢有一部機可以即整小PANCAKE, 按個制等一陣就會整好, 可以自己撈朱古力醬, 士多啤梨醬等等。呢度都有梳乎梨的, 不過每人只可以ORDER一份, 餐牌上有四款口味, 但係一晚只會有2個口味可以揀, 我揀左芒果味的, 如果佢冇限每人一個, 會更好!雪糕方面係哈根大使雪糕, 唔係一小盒自己拎的, 走埋去甜品師傳會問你要咩口味再"BUK"俾你, 唔駛自己攪到咁論論盡盡咁, 必須一提呢度O既脆筒好好味, O係好飽O既情況下, 我都忍唔住食左一個脆筒, 哈!WAITER SERVICE方面, 收碟添水都幾有效率, 不過人手不多, 要ORDER野都要等一陣先有人見到。另外, 本人好欣賞食物KEEP住有REFILL, 可能放食物的地方不算大, 放的數量不多, 但就做到KEEP住有REFILL, 唔會出去見到冇晒冇得拎, 而家完全冇排隊爭食黨, 所以用餐過程心情都可以好好放鬆, 唔駛排隊搶食咁, 比較ENJOY!用滙豐白金卡有八五折, 埋單每人唔駛五百蚊, 個人覺得呢個食物質素也算不錯! …查看更多