Consconnie的個人專頁

隨意閒逛pop corn的晚上，見到周圍的食肆都有人龍等位食飯，唯獨哩間半開放式坐位的日式cafe可以即時入座。基於無耐性等位，又眼見餐牌菜式ok就坐低了。坐低後再望清個餐牌，原來消費都唔平，平均單點一個意粉都叫價80幾。最後叫了個葡萄酒煮大蜆意粉，黑松露野箘忌廉意粉，另加錢配了件抹茶慕絲餅。因為無另外要侍應安排將甜品飯後先上枱，所以最先嚟到的當然就係件抹茶慕絲餅。賣樣吸引，抹茶味道濃郁。之後來的黑松露野箘忌廉意粉，黑松露香氣十足，呑後味道久久不散。不過另一個意粉就疑似漏單，等咗好耐，要催單後才上枱。但哩個遲到的葡萄酒煮大蜆意粉不得了，大蜆份份量多，而且蜆肉大隻又肥美。少少辣味，十分惹味。下次再光顧一定要再點哩個意粉。…查看更多

第一次去coffee talks,店面細細，裝修偏向韓風cafe。因為不接受訂位，所以只可以walk in等位，算係少許不便嘅地方。餐廳食物主要分意粉，pizza，意大利飯，漢堡四大類別，另加廚師推介豬仔骨。今次點了黑松露什箘意粉，龍蝦湯海鮮意大利飯同香辣肉腸蘑菇pizza。黑松露什箘意粉的黑松露味道香濃突出，而醬汁不清爽，不是忌廉汁的膩口。香辣肉腸蘑菇意粉尺寸大概只有9吋，薄的餅底。雖然材料有香辣肉腸，但實際上並無覺得食得到有辣。最後的龍蝦湯海鮮意大利飯，飯身煮得偏軟，蕃茄味略蓋過龍蝦湯味。食物同飲品選擇不算少，不過份量偏細份，比較適合一人一碟。如果要幾人分享的話，最多只可以兩三人分享，否則每人只可分到兩、三口。值得一提的是熱花茶可以加水，好抵飲。…查看更多

好耐無去大坑搵食，今晚落雨寒寒地，去咗浣紗街的肉骨皇整個肉骨茶暖一暖身。夜晚差不多7點入餐廳，未見有其他客人在內。侍應非常有禮貌的招呼。餐廳以平民式的裝潢，無細緻嘅裝修，但卻多一份地道的舒適感。大概就係住附近的街坊，平常踢拖落樓開飯的餐廳。肉骨茶是馬拉的風味，點了小份量，二人分享，份量剛好。湯的藥材和香料味濃香帶甘甜，令人飲完一口再接一口。另外點了柚子蝦沙律，基於本人不太能食辣，所以坊間好多餐廳的柚子沙律因爲太辣，我都比較難食得完。不過肉骨皇的柚子沙律不是用辣椒粒去調味，而係用泰式辣醬加埋柚子肉的味道，酸甜酸甜，帶少少辣，反倒合我胃口。最後的花甲喇沙，花甲量不少，而且很是肥美大隻。另外麵身可以揀淨米粉，油麵還是米粉油麵雙拼，我就當然係要雙拼啦！喇沙的湯頭濃郁，配上粉麵實在一流。邊食邊配上餐廳自製的薏米水，温温暖暖，清甜舒服。非常滿足的晚上。…查看更多

晚上7點時份走入諾士佛臺搵食，今晚決定要去spice。一踏入餐廳巳經被窗邊卡位吸引，充滿印度氣氛嘅設計，除了卡位，餐廳坐位不少，而且好多外國人光顧。打開餐牌，食物種類及款式繁多，除常見的印度菜式，還喜出望外的竟然有中東和撒哈拉菜。但為照顧同行的某人口味，所以今次無叫到撒哈拉菜。最後一共叫了特製醬汁煮羊肉，印度香飯，牛肝菌意大利飯和Fruit Punch。先上枱的特製醬汁煮羊肉，採用洋蔥紅辣椒醬煮，醬汁香辣惹味，羊肉亦嫩滑鬆軟，配上印度飯實在係好一個perfect match！之後的牛肝菌意大利飯，一上枱就聞到濃郁的牛肝菌香氣。意大利飯煮得濃而不膩，食完整整一個都唔會覺得飽滯。期待下次可以再試吓餐牌的撒哈拉菜。…查看更多

光顧過好幾次，每次都不會失望。食物選擇不多，但勝在貴精不貴多。唯一係店面不大，坐位不多，而且只有面壁吧枱位同幾張長枱要同陌生人坐埋一齊食飯。不過食哩啲碟頭客飯都係快快食完就走，唔會坐好耐談心吧，所以都無乜所謂啦。今次叫咗一個海南雞飯套餐同元蹄飯餐。套餐包一個碗或飲品同有多碟菜，飯可以揀油飯或白飯。套餐都係各62蚊，一個人食絕對夠飽。海南雞嫩滑到連雞胸都係滑溜無渣，元蹄入味鬆軟，豬皮彈牙膠質重。不是湯怪的我，每次嚟都會揀飲湯，全因料足好味無味精。不是無得揀，每次都係得一種南瓜湯。間唔中就要返嚟食，惦記著碟滑溜海南雞，上癮一樣。…查看更多

幾乎無試過喺isquare茶木要等位，星期五晚上果然係唔同⋯⋯不過都只係等咗大概15至20分鐘就入坐了。餐牌又更新了，所以今次都決定試吓新菜式。點了新增的麻糬紅豆宇治抹茶、意式辣茄醬牛柳絲手作麵和舊有的酥炸雞扒麵。先來了麻糬紅豆宇治抹茶，一整杯是抹茶沙冰，杯底是紅豆，而沙冰面放有少許麻糬。甜度適中，很適合大熱天時享用。不過所謂的麻糬實在不似預期，只是小小的粉團粒，口感算彈牙，但似是曾雪過變硬的粉團般口感。原先以為會是較大粒似芋圓的麻糬，可惜⋯⋯是兩回事。但除此以外，杯沙冰都算好飲。接著上菜的是意式辣茄醬牛柳絲手作麵，說好的辣並不辣。味道反而較似俄羅斯牛柳飯嘅感覺，不過都好好食又惹味。最後是等咗好耐好耐，追過兩次單的酥炸雞扒麵。雖然等咗好耐，但個雞扒真係炸到金黃酥脆無得彈！而且份量仲蠻多的嘛！麵身又彈牙，湯頭濃郁，真係好滿足。…查看更多

以前都有光顧過大坑店同灣仔店，一直都好喜歡火車頭的湯河。自從朗豪坊開咗新分店後，地點便利得多，所以都巳經光顧過好幾次。由此只係打算食個輕便晚餐，所以只係要咗一碗生熟牛肉湯河。其實原裝湯河係有葱同九層塔，但因為本人要走青嘅關係，所以碗牛肉河就變咗無乜顏色了。上菜後當然第一件事係要先飲啖湯啦，湯底鮮甜，食完全個湯粉都無覺得口渴。牛仔份量不少，而且肥瘦適中，入口軟滑。而河粉則爽滑，不會容易變碎。食物方便真係好ok，但無奈店員們的反應及服務較慢，有待加強。…查看更多

又一個閒日晚上，等人收工的時候去至愛新太陽廣場千両。要成為至愛，除咗食物要新鮮之外，唔使等位係最最最加分嘅地方。需知道餓到一隻乳豬都可以食得晒嘅情況下，如果仲要等位，絕對係寧可轉場都唔想等。坐低一開餐牌，發現餐牌換新，但馬刀貝消失了，變成螺片⋯⋯我其實真係好鐘意食馬刀貝⋯⋯唯有轉點螺片。等咗陣就上菜，雖然馬刀貝消失了，鰹魚又無貨係有少少失望，但巳點的壽司都非常新鮮又肥美，而且份量還不少呢！即時開心返，加分加分。…查看更多

友人介紹位於尖沙咀K11附近的N1。一見門口的格局就喜歡了。入內鋪面偏窄，而點餐位置又放在店面較入位置，變相點餐時好容易會撞到背面坐低的客人。雖然格局似外國的咖啡店，但點餐位置個人覺得如果放在近門口，應該可以減少人撞人。一心要搵好咖啡，所以就揀咗要手沖的單品咖啡。由於個人偏好不酸的咖啡口味，所以哥哥介紹了Rica  Dota  Red  Honey，另外點了煙三文魚bagel。先來了煙三文魚bagel，不過不失，無大驚喜，但材料新鮮，簡簡單單就會好食。反正杯手沖咖啡似乎漏單了，等咗好耐都未有，唯有再去追單。如是者又隔咗陣，杯咖啡終於來了。見到咖啡的擺陣及用具就開心了。然後一啖入口，咖啡味濃，口感滑，沖得很好，很滿足。…查看更多

星期三晚上約了某人去The One的Le Viet食晚飯。餐廳的座位採取半開放式，只以欄杆與商場作分界，感覺開揚寬敞。由於剛剛踏入晚飯時段，餐廳內未算好多人，不過之後都陸續坐滿場了，所以晚飯時段還是先訂枱比較穩陣。餐廳內裝修以大膽撞色設計，感覺較年輕。火速坐低後打開餐牌，發現餐單內容選擇豐富，價錢實惠。於是兩個飢腸轆轆的人決定今晚要多叫幾款菜式一一品嚐。前菜和小食選擇了柚子海鮮沙律、蝦餅，還有串燒雞牛豬和雞中翼。越南美食當然少不了湯粉類別，所以今次選擇了特別火車頭。另外還點了椰汁紅豆冰和青檸梳打。柚子海鮮沙律份量不少，酸辣的醬汁，配上新鮮柚子和青木瓜絲，口感爽脆清新，就是夏天必點的沙律。蝦餅則是新鮮即炸，一碟四件，口感實在，不油不膩。驚喜的實屬三串的串燒雞牛豬和兩串雞中翼，調味料香口惹味。先試了無沾醬的原味，入口巳經濃濃香料味，然後再試沾醬，果然沾醬更提味。再來就是越式菜必點的河粉，火車頭的材料份量十足，湯頭鮮甜清香，濃濃的牛肉味。一整碗下肚，完全覺得就是舒服。當然還有椰汁紅豆冰和青檸梳打不能錯過。店員還貼心提醒梳打水無甜味，可以改7喜。椰汁紅豆冰的椰汁清甜，不會膩。…查看更多

一個人放假的星期六就想搵間小店飲杯好咖啡，食個輕食，準備過一個休閒下午。今次選擇了位於鰂魚涌商業區的Favilla Cafe。店鋪小小的，場內座位只有大概12個。飲品選項不多，除咖啡亦有其他茶類飲料選擇。食物偏向日式餐點為主。最後點了黑朱古力冰咖啡同煙三文魚配雙倍味噌芝士炒蛋牛角包，名字很長⋯⋯等咗一陣就上菜了。mocha的咖啡味略淡、偏酸，亦不甜。炎炎夏日下飲這杯倒是覺得剛好。然後上場的牛角包份量十足，滿滿的炒蛋放滿焗熱的牛角包内，一口咬下十分滿足。煙三文魚微咸，加埋沙律菜一齊食很清新。…查看更多

星期六晚上，終於等到一芬無咁多人排隊可以去試吓。排隊時前面大概有6,7人，大概等咗5分鐘。排到時就決定試吓杯大杯裝的凍黑糖粉圓鮮奶茶。應該係黑糖嘅關係，所以無得加減糖同冰嘅份量。俾完錢又等咗大概十五分鐘，終於都攞得到杯奶茶。一摸杯底，黑糖係暖的。店員吩咐要搖匀先好飲，所以影完相，拿拿聲搖好就飲了。雖然無加減糖，但我又覺得無想像中咁甜，我又覺得剛剛好嘅甜度喎。而珍珠係用細珍珠，但有濃濃嘅焦糖味道，同店鋪的介紹一樣，珍珠有用焦糖煮過。就算要等得比較耐，我都會為咗個焦糖味嘅珍珠再去光顧的！…查看更多

友人的生日，星期四晚上8點三個人入座慶祝。一出lift就好勁韓燒味，場內唔算好大，大概十幾張枱，但都全場幾乎爆滿。因為係任食關係，所以幾張點菜紙都各點少少試吓。為免浪費，餐廳一樣有標示食剩太多食物係需要收費。食物種類算多種，而且除酒類外，其他飲品都可以自取任飲。任食時限係2個鐘，其中食完會想再點的係雞腎。其他的食物質素都係中規中矩，不驚喜，亦無失望。去到尾聲時可以點一次甜品，幾款韓國雪條同糯米露。作為任食韓燒，食物同環境質素算合格，唯一意見係女廁的門鎖不太滑順先可以鎖上。…查看更多

第一次去Agnes b的cafe坐坐，吸引的原因係週六晚上喺朗豪坊竟然有位，而且飲品種類都幾多選擇，更重點係凍櫃的蛋糕款式都唔少呢！三人揀咗三款蛋糕開心share，再加嘢飲就坐低傾到10點人地收鋪先走。我的係熱情果菠蘿梳打，見住哥哥倒果漿同梳打水，簡單到不得了，但係一飲就覺得好適合夏天飲。三款蛋糕分別係紅莓蛋白霜蛋糕，芒果蛋糕同薰衣草伯爵茶蛋糕。除咗某特定蛋糕，例如薰衣草蛋糕會標價外，其餘統一盛惠42蚊一件。本來4,50蚊件蛋糕都不是什麼事，但係件蛋糕又未免太細件了吧⋯⋯只係3啖就巳經KO了⋯⋯不過細件還細件，一入口就實在覺得精彩有驚喜。尤其喜歡件紅莓蛋白霜蛋糕，分層細緻。而且三件蛋糕都係甜度適中，唔會死甜。…查看更多

自從Charlie Brown Cafe重新裝修後都無再去過，今個週五某人突然話好想再去食飯，於是就上咗去了。改裝後，鋪位變細了，但裝修變得精緻了。不過週五晚上竟然全鋪只有幾組人食飯，也未免太少人了吧⋯⋯小鳥胃的我們，只叫了一個青咖哩雞飯同一個青醬扁意粉。某人好辣，所以食青咖哩雞時都一直話好食。我的青醬扁意粉亦都合口味。只可惜小鳥胃的我們食完後都同樣覺得食完都未係好飽。份量不太夠。作為主題餐廳，本身賣的就係個公仔而不是食物，價格偏貴亦無可口非。食物質素係ok的，但係如果份量可以增加多3分1就更好了。…查看更多