piepietang1106的個人專頁

Happy birthday to me 😚多謝大肥肥幫我慶祝生日❤️今次去位於尖沙咀Marco Polo ge Cucina 食brunch 😚。Service 唔洗講都知一定係超級好ga la，但真係估唔到咁貼心，知道慶祝生日安排左窗口位等我地可以睇海景打打卡。食物方面，鵝肝漢堡同埋海鮮會拎嚟枱，冇得refill的，海鮮塔有龍蝦，海螺，鮑魚，長腳蟹等等，各樣都十分新鮮，我最鍾意係鮑魚，好入味。Main方面我哋揀咗慢煮牛面頰肉紅酒汁及薯蓉 & 海膽汁海鮮意大利飯！我只可以講真係超級好味！牛面頰肉炆煮到勁軟腍，意大利飯軟硬適中，味道是我杯茶，真係好鍾意。出邊有semi buffet提供，有湯、前菜、沙律、甜品。款式唔算好多，但都好高質！特別推介蕃茄湯真係超級蕃茄，勁好味！慢煮豬鞍同樣出色，比牛扒更軟滑。同埋呢度上菜完全唔會趕，可以按你節奏去Serve，我地由11:30食到3點，慢慢食慢慢傾下計好寫意，weekend brunch 都只係$588/pp! 食物非常好食 ，又有無敵開揚既海景靚view睇！呢餐生日brunch 本人表示好滿意同好開心！坐窗口位完全可以睇晒成個維港海景，所以真係好想搵次試吓佢嘅dinner set，睇住每晚8點既[幻彩詠香江]黎食飯一定好正！總言之，下次大時大節都會再嚟Cucina😊。…查看更多

尋日係東薈城行街，順道打卡樂天皇朝，環境整潔舒適，燈光柔和唔會太嘈，傾偈食飯最適合～ 服務員態度超nice，落單後上菜好快，加水換碟都好醒目，體驗感好正！另外，前菜個栗子勁好味。重點講下食物！蟹粉拌麵簡直係靈魂之選，蟹粉分量好足，香氣撲鼻，拌勻後每條麵都裹住蟹油，入口鮮香醇厚，唔會過油膩～ 八色小籠包顏值口感雙在線！原味、黑松露、芝士等口味各有特色，最正係鵝肝口味！粒粒都皮薄餡多，咬開爆汁，鮮味十足！蟹粉生煎包底脆面軟，內餡飽滿，蟹粉香與肉香融合，一口下去外皮酥脆、內裡多汁，簡直停唔到口～整體體驗都好唔錯，食物味道驚喜，下次一定會再試其他菜式！…查看更多

一年一次大閘蟹又黎啦，我當然又去幫襯我至愛既瀛豐啦，佢地既大閘蟹放題真係好抵食！已經連續幫襯左幾年。首先出場嘅係海膽帶子，真係勁鮮甜，好似食咗左大海落肚咁。另外，自助冷盤區既麻辣魚皮請一定要試，麻辣味夠晒勁又唔搶，好開胃。主角大閘蟹一上枱直接wow出黎！蟹隻隻膏滿到爆，剝開蟹殼金黃蟹膏流到落手，入口綿密鹹香，蟹肉雪白彈牙，叫三輪都唔夠喉！仲有刺身拼盤驚喜滿滿，甜蝦鮮甜、三文魚豐腴、油甘魚爽脆，厚切魚生新鮮到「入口即溶」；海鮮併盤嘅鮑魚、長腳蟹啖啖肉，爽口彈牙，凍冰冰夠晒鮮甜。其他一般既放題食品呢度都應有盡有，最欣賞喺呢度有好多泰式嘅小食，泰式鳳爪同埋木瓜沙律我都encore咗幾次。蟹籽沙律真係清爽之最，食完肉食返啖爽到爆。呢度野飲種類勁多，但最抵讚係加小小錢就有Asahi同Saporo生啤任飲，冰凍麥香濃郁，配蟹配刺身解膩又過癮，一口酒一口肉直接爽到停唔到！不得不讚呢度服務員好勤快同好好禮貌，不停幫我地換碟又好禮貌，環境乾淨企理，食得舒服，不惶我幫襯左咁多次！…查看更多

行入富山麵家，瞬間被滿滿的角落生物包圍，牆上的卡通海報、餐具上的可愛圖案，粉紅色調既裝修，真係令我少女心直接爆滿！這家主題餐廳不僅顏值在線，菜品更是驚喜連連。必點的特製黑醬油拉麵鹹香濃郁，醬汁裹著彈牙的拉麵，搭配軟糯叉燒與溏心蛋，每一口都鮮香醇厚；牛奶拉麵則多了份溫潤甜香，奶味與麵香融合得剛剛好，不油不膩，絕對係小朋友都會超愛。小食方面，栗子紫薯餅外酥裡糯，栗子的綿密與紫薯的清甜碰撞，甜度剛好不膩口，咬開還能看到細碎的栗子顆粒。飲品和甜品更是加分項！白桃烏龍奶茶果香與茶香纏繞，清爽不膩；荔枝梳打氣泡十足，荔枝的鮮甜在口中炸裂，解膩又解渴。特製芭菲層次豐富，新鮮水果、奶香十足的雪糕，搭配底部的士多啤梨布丁，一口下去幸福感爆棚。整體體驗超正，角落生物真係太可愛了，每樣食物都充滿角落生物元素，無論打卡還是放鬆享受美食都超合適，值得再訪！温提一下，角落生物好似去到30/11炸，想影相打卡既就要快d去食啦！…查看更多

搬左黎元朗區都有6,7年，聽過寶石餐廳好多次，都算係區內名店，但一直都未食過，原來而家叫做「The Diamond」，第一次黎食，真係有驚喜喎！首先餐廳上年重新裝修過，所以好新淨，由以往懷舊港式鐵板扒房風格到宜家裝修雅致既西餐廳，其次店員十分有禮亦會細心推介食物。我地點左2份晚市一人套餐，包括麵包籃，餐湯，主菜，甜品，餐飲。平均百零二百蚊就有交易，性價比不錯。餐湯有羅宋湯同甘筍湯，羅宋湯富有蔬菜既甜味加上牛肉既香味，食落酸酸地好開胃。甘筍湯每一口都感受到濃濃紅蘿蔔的甜味，不愛紅蘿蔔的朋友都對佢不抗拒，好味。煙燻迷迭香三黃雞（半隻）半隻三黃雞都幾大隻下，而旁邊鋪滿色彩繽紛的配菜。經蘋果木煙燻後，充滿煙燻香氣，雞肉肉質嫩滑，食落味道鮮甜多汁。招牌雙重芝土安格斯牛肉漢堡伴薯條望住店員倒芝士醬個刻真係好興奮。漢堡肉質不錯，肉味都好香濃，咬落滿滿既肉汁爆出黎，而麵包胚用牛油輕輕煎封過，所以更香口。另外要推一推個薯條，唔係急凍貨，真係勁香脆好味道。意大利朱古力奶凍朱古力奶凍Q彈軟滑，入口即化，而且甜度適中，表面既朱古力醬帶少許微苦更能增加層次感。熱情果乳酪忌廉杯熱情果微微酸甜感，好清新，乳酪質感綿滑，兩款甜品都好出色…查看更多

我喜愛既Hashtag B 原來前排都喺旺角兆萬開咗分店，係附近返工既我當然要去買返個撻食啦！本身諗住買1個撻，1個甜包，1個咸包，結果失手買左4個🫣。但真係個個都好好味，無後悔！愛爾蘭咖啡撻 26拿破崙撻皮依舊係咁酥脆，帶有淡淡嘅可可香氣。撻底層加入左咖啡焦糖醬同埋愛爾蘭忌廉酒，咬落去先有香濃嘅蛋香味，之後慢慢滲d焦糖同咖啡味出嚟。白粟米酥 30就係佢令我忍唔住買多左一件！佢外形真係太吸引啦！法式酥皮上配蜜糖吉士呢個配搭本身就已經冇得輸，白玉粟米比一般粟米更清甜，再用火槍輕輕燒一燒，香氣大爆發！明太子牛角酥 30超級足料，呢個好抵食！大量明太子醬一啲都唔吝嗇！，口味略咸，重口味之選！開心果牛角酥 30今日MVP! 超！級！好！食！開心果味勁濃，表面係開心果朱古力脆皮。呢個比明太子既更加突顯到牛角酥嘅口感同香味！…查看更多

尋日同friend撐枱腳，又去左位於T.O.P嘅柞木炭家！已經第三次嚟嘅我，從頭到尾食得超滿足！首先上枱嘅日本和牛肩肉盛，切得厚薄啱啱好，烤到表面微焦，咬落口先係脆卜卜嘅外皮，跟住就係油香四溢嘅肉汁，軟嫩到幾乎唔使嚼，咽落肚仲留返陣淡淡奶香，單係呢碟就值回票價！燒鵝肝多士真係「邪惡」到痹，一份2件，厚切鵝肝煎到半流心，用叉一壓就滲出油香，墊底嘅多士口感似蛋糕，烘得超脆，一啖咬落去，脆、軟、滑三種口感夾埋，油膩感被多士嘅麥香中和得岩岩好。蔥燒厚切牛舌亦好有驚喜，厚切牛舌燒到邊位微焦，咬落彈牙得嚟又唔韌，蔥粒嘅辛香完全滲入肉紋，嚼嘅時候滿口鮮味。最後嘅牛骨髓石頭鍋飯簡直係靈魂！熱辣辣嘅石鍋將飯粒逼到粒粒分明，底層仲有金黃脆卜卜嘅鍋巴，挖一勺融化嘅牛骨髓拌飯，綿密得似奶油，連埋脆鍋巴一齊食，口感層次超豐富！仲有醬油蝦鮮甜彈牙，蝦頭爆曬膏，白飯小偷名不虛傳！泡菜煎餅外脆內軟，不過太飽食唔晒！最後飲返杯冰凍菠蘿梳打同青瓜青檸梳打，成餐飯好完美，個肚飽到一個點！仲想下次帶埋屋企人再嚟！…查看更多

之前係元朗已經食過Terrace in seaside，覺得非常好食，尤其係甜品。原來又一城都有，今次接朋友收工之後再一次光顧。又一城店雖然無元朗店咁大，但都一樣裝修富有濟州特色，都有幾張大枱方便家庭聚會。紅蝦意大利飯紅蝦刺身粒非常鮮美，米飯加入蕃紅花、洋蔥、蒜蓉等配料燉煮，食落creamy香味濃郁，一齊食真係鮮味十足！半半炸雞可以揀有骨/無骨，我就揀左至愛既無骨炸雞，貪佢啖啖肉呀ma，有8種味道俾你隨便砌。我地點左 “廚房默默流淚白洋蔥炸雞” & “很想去濟州的柑橘炸雞”。名字誇張得來有點搞笑，很可愛。炸雞外皮香脆，內裡多汁，醬汁稀杰度剛剛好。我尤其喜愛柑橘味道酸甜帶點清香感，會想一吃再吃！拉出一絲絲芝士排骨鍋 以煎Pan盛載送上枱，上到黎個底D芝士仲滾緊。芝士量比得好足，仲可以拉絲，效果滿滿。佢嘅排骨入口腍嫩易甩骨同埋都幾香口，配埋芝士食更有層次，伴碟既飯球一粒粒好可愛，一齊食又幾正！比初戀還要甜的蜜瓜窩夫一上桌已經好吸晴，好靚好有夏日feel。窩夫超香蛋香味，而且夠鬆軟，食落軟綿綿，蜜瓜新鮮香甜，仲有藍莓 & 士多啤梨拌碟。圓碌碌蜜瓜沙冰有滿滿蜜瓜果肉，唔會太甜，每一啖飲落去都透心涼。初夏青柑柚子梳打 呢一杯我超愛，入口清爽酸甜，解渴又醒胃！最後餐廳推出咗《Summer Time 夏日陽光遊》！完成消費集印於「Terrace Passport」，贏得豐富獎品。於Game Tour 挑戰日，即2025年7月19日至8月31日，係Terrace in seaside 全線11間分店（其中8間為遊戲挑戰站）；以蜜瓜、芒果、旅行為主題，讓大家透過「消費集印 ✦ 分店挑戰 ✦ 遊戲換獎」三步體驗夏日樂趣：首先任何分店消費，即可集印換獎品；然後收集3印後就可參加 Game Tour，挑戰韓國傳統小遊戲（如 Ttakji 打畫片、Gonggi 拋石仔、投壺、疊柑橘等）；之後每站每日頭一位完成挑戰者，會即場獲得 $1,000 旅遊禮券！最後完成全部挑戰更有機會贏得 $2,000 旅遊大獎或全單免費！…查看更多

九龍城作為香港既小泰國，泰國餐館林立，想食正宗泰菜既朋友仔都知一定係黎九龍城搵食！今日我都帶左我既外國朋友黎九龍城食正宗泰菜。泰象館我諗大家都唔陌生，都算係數一數二老字號，雖然無華麗既裝飾，甚至頗為擠迫，但都無阻一班搵食嘅朋友排隊等位，就係為左一啖美食！椰汁雞湯如果成日都係飲冬陰功湯嘅話，建議你哋可以試吓呢個椰汁雞湯，冇咁酸冇咁辣冇咁刺激，但係多咗一股椰汁嘅香氣，望落去比較順滑舒服，雞肉頗多唔鞋，雞湯食落少少酸好開胃。泰東鴨肉生菜包坊間比較常見都係豬肉或真係牛肉，呢度有鴨肉真係比較特別，鴨肉炒得香口唔柴，用生菜包住食，清新又爽口。香葉辣椒炒牛河我勁鍾意佢哋嘅泰式炒河，好有鑊氣，牛肉份量比得好足，大大塊有牛味，同中式炒河係兩個感覺，但同樣好味。脆肉炒椰菜苗同炒牛河一樣好有鑊氣，椰菜苗好爽嫩，脆肉有驚喜，勁香口，如果唔係太飽，真係想點碗白飯嚟送！…查看更多

都市人越嚟越注重健康，就算系食外賣都想食得健康一d。Webox系我最近既至愛，主要健康營養嘅餐盒，位於九龍站都幾方便。最鐘意佢哋系餐盒上標明每份嘅卡路里系幾多，另外醬汁系分開裝，你可以衡量自己嘅口味去添加，勁貼心。熱辣藤椒雞腿扒紫薯面 535kcal + 日式油醋汁200kcal 紫薯面比較少見，都幾爽口彈牙，雞腿扒都幾嫩，藤椒口味夠曬香口。油醋汁我只系加咗半包已經覺得好夠味，食落微酸好開胃。彩蔬奧爾良雞腿扒蕎麥面 542 kcal +煎焙芝麻沙拉汁 220kcal同事點嘅午餐，聽返佢嘅食後感都系話個雞腿扒好嫩滑，蔬菜仲keep到爽脆，唔系烚到腍曬冇曬味個只，會再繼續幫襯。嘢飲方面，我哋揀咗冰糖雪梨水同埋竹蔗馬蹄水，低糖清爽好消暑解渴。以上既野飲野食都非常之符合Webox 新登場系列“清爽"，有多款選擇配搭而且全部都系新產品，仲可以用Apps 提早落單及團購更加優惠。超值性價比之余又健康。…查看更多

呢間餐廳之前都介紹過一次，抵食夾大件，性價比又高，同樣身為大西北友既朋友居然無食過，所以帶佢去試下。餐廳最好既地方係夠大間，坐位都好闊落，紅黑中式木系風頗有特色。餐廳以QR Code落單，但員工們服務態度都好好，好殷勤亦會主動收碟。京蔥羊肉餃子一份有10粒大大隻，佢係傳統東北餃子傳統厚實Q彈既餃子皮， 口感很好。羊肉味濃但又唔騷，又足料，好食之餘性價比高！酥炸小黃魚朋友喜愛食魚，對呢碟魚讚不絕口。一碟有兩大條，原條黃花魚炸得色澤金黃，香脆可口，魚肉嫩滑，真的很出色。北京填鴨半隻（跟一份摩摩皮）主角黎啦，基本上每枱都必叫片皮鴨，因為真係好抵食，＄168有半隻鴨，呢度既片法係皮肉一齊，我比較中意咁樣，食落有鴨皮既香同鴨肉既甜。鴨皮烤得酥脆，鴨肉肉質鮮嫩，摩摩皮Q彈，配埋青瓜、蔥絲、甜麵醬 (可任fill) 真係好好味。唯一問題係份量太多啦，我地2個女仔食唔晒。…查看更多

早前朋友生日，約左去食PHI Coffee & Pancake慶生。PHI都算系一間著名打卡食店，佢地既梳乎釐pancake出名鬆軟香甜。餐廳日系裝修簡約舒適，店員態度親切有禮，適合一班ladies談心。佢地最近推出開心果主題餐點，我至愛!!無花果巴馬火腿吐司 一上菜已經勁心心眼，好靚好IG-able。擺盤用心，賣相又吸引，真系未食都一定要先打卡。無花果同黑桑椹好香甜，加少少蜜糖更有層次，吐司厚切鬆軟之余，略略烤過好香牛油味，配埋大大塊既巴馬火腿，咸甜兩者互相平衡，非常出色。開心果帶子意粉意粉份量唔少，帶子好厚身鮮甜，表面煎得金黃同時保留刺身口感。軟硬適中嘅意粉沾滿creamy既開心果醬汁，並灑上開心果碎，令到意粉食落更有層次兼富有果仁香氣。開心果梳乎釐超級推薦，賣相吸引之余仲好好味。梳乎釐pancake蛋味香濃，質感鬆軟綿密，空氣感十足!! 上面鋪滿咗開心果，真系好好好濃郁，隔離仲有開心果布甸同埋開心果碎，撈埋一齊食會有意想不到既效果，鐘意食開心果嘅朋友仔一定會好開心。開心果咖啡香濃咖啡配上堅果香味濃郁嘅開心果醬，中和左咖啡的苦澀味，飲落層次豐富又醇厚。…查看更多

Burgers friend forever 我諗大家都唔陌生㗎啦，身為大西北友既我之前都會特登出啟德分店度食，原來宜家YoHo mix開左新分店! 元朗店係西餐廳，係YoHo mix 入面唯一一間漢堡西餐廳，signature有burger同埋pasta，當然沙律同小食嗰啲都有啦，真係超正，同埋重點係近我呀嘛🤪。其實佢希慎, 啟德, 將軍澳都有其他分店，喺附近嘅朋友有口福啦。Dinner for 2 $288個set有齊沙律，小食，前菜，主食，嘢飲仲有雪糕，呢個價錢真係性價比好高好高，重點係好食！沙律菜新鮮爽口好fresh好開胃。小食方面簡左水牛雞翼，炸芝士，洋蔥圈，雞翼大大隻勁juicy，炸物夠脆身，好香口，唔乾柴。主食係fix左既，有侯斯頓漢堡拼炸粟米 & 蒜香雞扒意粉拼炸粟米。侯斯頓漢堡拼炸粟米上菜個刻嘩左出黎，好澎湃呀，塊煙肉好邪惡，芝士瀑布咁，睇見已經流口水，漢堡包選用新鮮牛肉製造，都幾厚身，咬落去勁多肉汁但唔油膩，新鮮牛肉提供滿滿ge protein，係一個健康嘅漢堡包。另外炸粟米勁好食，好想再加點，清甜香口，真係會食唔停！😎蒜香雞扒意粉拼炸粟米雞扒大大塊，火候不錯，煎得香口又juicy，而且選用了扁意粉，更有咬口，口感不錯，而且用上大量蒜去炒香意粉，所以個意粉係勁香口，略為小小油，但蒜油真係好香，會令人一口接一口。最後食埋球雪糕，都太滿足了吧！嘢飲方面可以加錢轉啤酒，不過我哋今次就冇，熱白桃烏龍茶都幾唔錯，可以解油膩，不妨一試。另外like & share 佢地社交平台可以免費升級做汽水。…查看更多

去開Go park既朋友仔有福啦!! 上星期帶小米米去Go park玩，由於當日go park有活動，人流非常之多，加上朋友想食日本野但我地係Go park發現唔到日本餐廳 (可能我地miss左)，於是比我地發現左係距離Go park約5分鐘車程既西沙村入面有間勁好味既小店 - Golden Café。餐廳應該係最近幾個月先開，門口有得泊車，最好去之前打個電話留住個車位先。餐廳屬於小店，坐位唔算多，露天座位可以帶埋毛孩一齊坐，氣氛休閒舒適。店主本身都勁pet friendly，仲大派零食比小米米，開心死佢。餐廳主打西式輕食及日本料理，強推日料，性價比極高。我地叫左4款刺身，4款壽司。魚生一睇就知新鮮，款款都各有特色，極高質，價錢亦都合理，我最推介三文魚同油甘魚，鮮嫩爽滑，另外輕輕推一推藍鰭大拖羅刺身，小貴 ($168/3片)但物有所值，油花勁美，唔食會後悔既程度。刺身好難呃人，新唔新鮮用料靚唔靚一放落口就知。蟹籽沙律朋友食親日料必點，話要用最簡單既餐店往往最能反映餐廳既質素。大量既蟹籽望落吸引，混合青瓜和蟹絲口感清新，簡單又美味。芝麻雞翼係我既至愛，勁脆皮又juicy ! 點解可以咁好味!!是日廚師推介今晚係汁煮油甘魚鮫，是日推介係廚師跟推當日有咩靚料來貨而決定，真心推薦。油甘魚鮫好肥美，魚身飽滿油脂豐富，肉質鮮嫩質地幼滑，汁煮可吃出油和膠質，醬汁香濃，如果唔係已經好飽，真係想加碗白飯。Asahi生啤 $68呢個價錢咁大杯生啤，又夠凍，真心值。食完仲會問下我地覺得嘢食如何，有無需要改善既地方。真心覺得老闆們係一班好有heart既年青人，對美食有執著有熱誠，重點係對自家既出品有要求。良心小店的確需要大家多多支持。…查看更多

今次要介紹一間喺太子超抵食嘅港式西餐，真係好好好抵食！位於太子警署附近嘅紅橋，本身都係聽同事介紹過嚟試吓，點知真係幾唔錯，喺晚市人均唔洗$100食到一個set dinner，有齊餐湯同嘢飲，質素仲唔差，又免收加一，真係超值。餐湯有中西式兩款可以揀，我哋兩個都揀咗西湯，是日西湯係粟米忌廉湯，飲落都幾香口順滑唔錯。紐西蘭肉眼扒配薯角 $85塊牛扒你就唔好預係好靚好高質嘅牛扒，但大大塊食落都幾香牛味，只不過熟咗少少，但都唔會話好韌，黑椒汁幾香口食落去惹味。最正係啲配菜，薯角勁好味一定要嗌。BBQ醬豬肋骨配薯角 $85估唔到係咁大塊豬肋骨！豬肋骨夠淋，容易甩骨，肉味香濃，出色！同樣地薯角都係勁好味，大愛！餐飲方面有多款選擇，不過我哋最後都係揀咗最喜愛既凍檸茶🤣。另外餐廳雖然細但係服務都唔錯，如果想平平哋同朋友食個飯gathering一下，呢度都真係一個唔錯嘅選擇。…查看更多