ppea的個人專頁

話說，入到去，30幾蚊果d魚粉無，$50幾果d魚粉又有喎；30幾果d小炒肉粉，又無喎。。。話無哂，得雞肉。你以為同小炒肉同價？少年，你太年輕了。結果出到來，係加咗蛋配料，响餐牌無嘅「宮寶雞丁」粉。蛋又點來？佢歪歪地嘅廣東話問你，然後問返佢講乜，就話你加咗喇😘。原本期望你35蚊，變40＋6。可以呃人呃到咁？此風不可長！如果你講到不清不楚，不明不白，咁就可以屈人多咗半價錢，咁不如我去食「餓媽卡些」？！…查看更多

唔係第一次夜晚來食，但係燈光，格局同上次唔同。以前地方好光猛，有d似自修室。但係而家變暗咗，比較啱坐低傾偈，飲野，消磨一晚。當然，响附近，你可以選擇去蘭桂坊Clubbing. 但如果想靜靜地飲杯野，或者（偽）文青下就啱哂。因為佢有balcony seats 同埋室內位可以揀。今晚因為睇舞台劇，所以之前先食個晚餐。呢度野食唔算平，但無加一。份量十分夠，基本上係食得飽既。之前試過拼盤，今次就試雜菜意粉同炸雞。意粉入面有茄子，椰菜花同西蘭花。熱辣辣即炒出來，所以即使係素菜都好香。茄子用油炮過，雙花就係新鮮既，炒得好爽脆。上碟加上刨芝士，好有意式風味。炸雞方面，外皮炸得超脆同乾，但入面仲保留肉汁。雞肉應該係冰鮮雞，唔係雪雞。另外仲有炸薯角，veggie dip做side dish, 可以慳返唔使叫。所以，好飽Happy hour 時間，仲叫埋one pint 啤酒。如果兩個人分one pint 會抵d, 都有4，500ml，夠哂飲。因為全部即叫即做，所以要等15到20分鐘。如果傾偈就無所謂啦。。。…查看更多