or#Tm66157152的個人專頁

每次想一個人靜靜食飯，就會想起這個聊愉好地方呢間餐廳分2邊店，先入店選餐收費，再憑單在隔離店等號碼攞餐用膳，2邊店舖裝修由外觀至內部都令人有好舒服療癒的感覺。餐單亦好吸引，今次選了牛肋條配雜米飯+配了熱牛奶咖啡，咖啡面會有拉花，味道不錯，用膳完自己清理垃圾即可，餐廳內會播著輕純音樂，係一個休息的好地方。…查看更多

烤雞、鴨胸、碎蛋果仁沙律放假日子行商場，打算去睇戲，反而被對面一間裝修幾靚的cafe吸引，見到門口餐單有沙律，決定入去試試。點了個烤雞鴨胸沙律，份量好足料，頂層的雞肉及鴨胸香滑，中間層是鋪滿碎蛋，最底層是新鮮冇苦味的沙律菜,每一啖都覺得好美味健康滿足。…查看更多

天氣轉涼，又心思思想去食火鍋今晚接完老公放工，涼涼地開始肚餓，行到旺角創興附近，想起之前睇u tube有人介紹過，創興樓上有間台式火鍋好食兼抵食又吾洗等位就上去試試～我地6pm前入到去吾洗等位，198元加一，可任食2.5小時，可選不同口味的鴛鴦湯底，牛肉、豚肉、羊肉、蝦、蜆等任點，外面亦有1排排雪櫃，有不同的丸、餃、菜蔬、菇、瓜等，飲品有冷有熱及甜品雪糕選擇都多樣化，服務員送餐快，且常有幫忙清已食完的碗碟，整體感覺良好愉快。…查看更多

今天與老公於午膳時段光顧屯門一間日式餐廳，品嚐了兩款午餐，整體用餐體驗令人滿意。本次點選菜式包括「和風牛肉便當」及「午市雜錦角切飯」。前者牛肉薄切，搭配微甜醬汁，配有洋蔥份量適中，營養均衡，恰到好處地突顯日式風味；後者選用不同魚類及海鮮角切，搭配粒粒分明的飯，味道清新，層次分明，是值得推薦的一道主食，此外隨餐會附有沙律菜及湯，十分豐富。餐廳環境舒適整潔，空間安排合理，不顯擁擠。職員態度親切，服務主動，增添整體用餐的愉悅感。就價格而言，餐點性價比高，既符合日常用餐預算，又具水準。總體而言，這是一間在服務、品質與價格之間取得良好平衡的日式餐廳，適合平日中午獨自輕鬆小聚，亦不失為與親友共度午餐時光的好選擇。…查看更多

今日出開旺角做野，到12點多午飯時間，行徑廣華醫院附近，本來想去試肉餅飯店，但見門口太多人排隊，又開始肚餓，見到對面馬路有間粉麵店環境企理，又有位，所以入去一試～見到好多枱都叫牛腩，我又跟機叫左個牛腩飯試試，個牛腩及飯分開碟上，牛腩入口好淋，每啖都好有牛味，每件牛腩都有d肥膏係邊邊，真係好好食，仲有幾條菜係牛腩底，個牛腩汁我撈晒碗飯食+加埋杯我最愛的少甜少冰凍檸茶，真係絕配，好食到無得頂，下次一定要帶好朋友再去食😋…查看更多

今日外面天空天黑黑，趁住未落出雨，決定帶自己外出走走散步，想起在家不遠處有間音樂咖啡餐廳不錯☺️，今次是我第3次去試，第一次試菠蘿雞扒包+抹茶latte好味😋第二次試了卡邦尼意粉+富士山好好味😋今次試了AllDay+美式（星期一至五主食附送的）好好好味😋，Allday個蛋好香好滑,個牛角包好鬆化，最驚喜是個白菌片乾身得黎，好香好好食，一口接一口停不了，仲有配埋煙三文魚及腸及沙拉菜，用餐時餐廳會播著好聽的懷舊音樂，令人心情舒服放鬆，整體食物環境皆好好、滿足。😊…查看更多

同老公慶祝結婚2週年紀念～老公想留港遊玩，今次我地揀左富麗敦海洋公園酒店staycation，酒店全部房間都可以望到南中國海景，十分美麗，令人有一種好似去左外國旅行渡假一樣的感覺。講返餐廳，今次選擇的staycation套餐，包了酒店內的lighthouse早餐，餐廳在1樓，一入去餐廳職員十分友善，我們報了房號，職員就帶領我們入坐，並安排了窗口位置，窗外種植了很多不同花草植物及有中秋佈置設施，加上陽光普照藍天白雲的天色，令人心情大好。餐廳早餐食物方面很豐富，有早式點心、粥炒麵等，亦有廚師麵檔可揀餸幫你煮湯麵，而西式有三文魚、麥片、沙律菜、生果等，亦有廚師幫你即做煎蛋或自選餡料奄列，最驚喜仲有個糕餅位置，有不同麵包餡餅果撻外,仲有廚師煎熱pancake及格仔餅，酒店早餐黎講十分滿意超值。…查看更多

今日去左柴灣睇一套泰國好戲，好感動好耐冇睇到喊濕一包紙巾～睇完戲喊完好肚餓，見到戲院樓下就有間特色餐廳，門口玻璃望入去環境幾靚又舒服，就入左去試吓，平日下午茶時間人不多，可以自由選擇位置，打開枱面上餐單有好多選擇，最後揀左炸雞批配薯條試吓～櫃台買完餐回位，好快職員就送上餐點，好有效率，本來諗住咁快到應該都係整定麻麻地，但入口發現炸雞批及薯條都是熱辣辣，炸雞批外皮脆內裏肉好滑，仲有肉汁，而且醃得好入味，脆脆的薯條上面淋了秘製芝士汁變得更好味，加埋凍檸茶中和返一個字，正…查看更多

今日天氣好好，約左好姐妹去大埔食飯行街，食飽正餐後想食甜品，好姐妹就推介帶左我去墟內一間賣乾果零食的店，原來店內同時有雪糕食～店舖內環境衛生，光線舒服，店員服務良好，雪糕有好多不同口味選擇，仲有幾種雪糕筒揀，我見到有最愛的開心果雪糕就選擇左佢，果然冇揀錯，由第一口至食到雪糕筒底每啖都有好多開心果脆粒粒，好美味好好食：）P.S.開心果雪糕，好食到令我第1次來寫食評記錄吓…查看更多