YukiTso的個人專頁

嚟呢間一定要食佢個蟹餃同埋蟹黃餃，黑松露午餐肉，都幾正。牛肉質素OK，份量都算多，叫左佢個酸菜魚鍋，味道唔辣偏甜，唔食辣嘅朋友會鐘意。3個人食七百零蚊，正常價位。…查看更多

之前去過荃灣嗰間食過，呢間佐敦店，牛肉質素都保持穩定，好食嘅！$138 食牛小排定食，價錢都OK，分量剛剛好，糖心蛋都好好味。如果佢午市定食有湯飲會更好，因為佢加個湯嘅話，就歸類為晚市定食，多$18，多一個湯。…查看更多

呢間餐廳酒吧，喺我朋友屋企樓下新開，所以落去坐陣。嗌咗佢嘅炸魚薯條，略嫌啲炸魚有少少太鹹。Cocktail款式都好多，環境十分之唔錯，仲有不同小食可以送酒，喺區內小有咁嘅類型嘅地方。…查看更多

兩位韓國老人家非常親切，啲炸雞有辣有唔辣，好好味。佢啲炸雞應該係炸完再搵韓式汁炒，有細中大，仲有韓國年糕食，韓國年糕煙煙銀銀，細細條唔會太大條，一口食落非常滋味。…查看更多

嘗試去咗好多次都食唔到，終於食到喇！佢嘅價錢，同佢比嘅牛肉質素，CP值ok 嘅！我要讚佢個牛肉飯，真係好好食！啲海鮮都算新鮮！仲有水蓮食！上野食都快，係真係好細碟😆…查看更多

呢間燒肉店，地下石燒，閣樓網燒。我試左網燒，百零蚊個個餐，牛肉質素靚嘅，佢個牛肉羅宋湯，佢話個湯係用牛骨熬嘅，係好有牛肉味，但真係淡左啲，個感覺好唔羅宋湯，好似冇乜蕃茄咁樣。下次試吓石燒先，佢石燒係扒嚟嘅。…查看更多

牛肉品質還可以，普普通通冇乜特別嘅韓燒。服務方面叫做換網都快嘅，個海鮮湯，我會覺得唔夠辣。側邊啲泡菜雞蛋頭一轉係好食嘅，之後再加蛋漿跟住啲蛋就好容易老，同埋冇咗啲泡菜。正常商場韓燒品質。…查看更多

兩個人食，所以叫左雞煲同一碟牛同菜已經好飽，啲雞煲夠入味好食,呢間比較麻甩嘅火鍋店，約埋三五知己嚟飲啤酒嘆雞煲一流！佢啲牛靚架，食火鍋一係睇碟牛，一係睇個煲，兩樣都👍🏻…查看更多

我叫左麻辣加牛骨湯湯低，$48-68，一碟牛，細細碟可以食唔同嘅野，但係價錢就唔平，啲牛肉質量都ok 嘅，但未好食到會嘩！勝在好多牛嘅部位可以揀，手工啤幾好飲。佢好似有八款，但當日只有兩款揀。2個人賣單$1000蚊咁上下。…查看更多

呢間野經常即日係book 唔到位，我book個日都係要食早場5點開始，唔洗講，鹿兒島和牛真係好味，但當然無真係鹿兒島當地食咁正，但都算接近。我今次兩個人食六百幾蚊嗰隻放題，食到一半已經滯滯哋，細食嘅女士可能散叫仲好。…查看更多

呢間個燒蠔真係要食，$208半打，一隻$38，有啲貴，但佢完美哋做到係大陸食個隻味，但隻蠔就比大陸個啲有肉大隻多！水煮牛夠辣，辣得嚟夠味有層次，唔係得個辣字。串燒都好好味！…查看更多

8點前有happy hour 紅白酒$48。前菜我哋叫左慢煮八爪魚上面鋪左海葡萄，有沖繩feel ar! 海葡萄個量一點也不吝嗇！個鵝肝略嫌有少少薄，黑毛豬火腿卷配柚子醋汁，非常清新！個炙燒吞拿魚都好味，中規中矩。食完前菜，叫左份西班牙豬鞍，7成熟剛剛好，好林好Juicy,非常好味！…查看更多

馬來西亞美食，真係唔係樣樣野都啱香港人口味，點餐時留意番配菜醬料同湯嘅口味，揀番啱自己嘅口味，因為有啲朋友揀某啲湯麵類，會覺得唔啱食，但又唔係唔好食喎，只係覺得怪怪地唔啱口味。肉骨茶好正仲有得無限添飲！加分！…查看更多

$60蚊一個水煮牛，+3蚊仲有凍飲，邊到搵呀！牛肉份量夠，唔會得幾舊! 個底有芽菜，蓮藕，薯粉。我叫左大辣，都夠辣。下次要試吓酸菜魚，我見隔離個食客，食得好滋味咁。…查看更多

呢間車仔麵，主打豬扒，豬扒好食juicy唔柴皮，冬菇夠林夠入味，雞翼炸得夠脆，我叫3餸，份量夠多，好飽！佢送滷水蛋+熱飲，凍飲都係+3蚊。價錢五十零蚊，唔平唔貴。…查看更多