1枝梅的個人專頁

以早段5:30優惠價入場，遇上店長已面黑 ， 澳牛式招呼， 先唔講服務，講下食物水準， 豉汁蒸白鱔變咗係薄切鳝片又老又鞋 ，蒜蓉粉絲蒸聖子好似食緊橡筋 胡椒大蝦就辣到跳舞 ， 薑蔥炒蟹又拉油太熟其他式味道大路水準 ， 香煎馬友 +安哥一口蠔+黃金四季豆就有啲驚喜， 最後呢個甜品反沙芋變咗甩沙芋， 簡單菜都做唔到，唔識整潮州菜唔好學人整， 因為食完過咗優惠時全單原價埋單要$2700， 收人開瓶費連紅酒杯都冇提供，真係便宜莫貪， 早知去聚興家或者龍鳳廚房好過囉😎…查看更多

已經冇出Post好耐,但要推介吓隱世食堂。1/柯華田簿脆多士,隔夜麵包一開二,特別脆,加柯華田好夾。2/四層多士,賣相一流,又係脆,口感好正結合完美3/麻辣豬排撈公仔麵,唔係丁,用咗本地東一麵廠出品,彈牙好食過出前一丁,豬排冇梳打粉味又唔太鞋,好有水準。4/牛腩蝦條蛋煎河粉,用咗湯河粉加蛋煎,香脆又滑溜,牛腩同牛筋炆得入味,牛腩唔痴牙好正,加D腩汁撈河,非常惹味。5/鹹肉雪菜湯米,雪菜唔係罐頭貨,葉比較多又嫩味道唔會成鹹,可惜腩肉有D肥唔夠鹹香,米粉口感一般。6/鹹檸柑西油汁梳打溝忌廉,味道有層次好趣緻…查看更多

好評如潮聞風而至,本來想試鰻魚蒸糯米飯,但點左清遠海南雞飯,攞盤好西式精美,先試湯潤下口先,冇特别,再試雞胸就知中伏,咁鞋嘅雞胸明顯未到家,雞肶同翅都 overcooked,好彩用新鮮雞,有D鮮味,仲食得下,不過比好多坊間專門店好食,至於油飯就渣得多,有D米芯仲硬,有D米又太爛,失敗之作,香港海南雞飯好多好都渣,深水埗個間好D。…查看更多

標榜手切牛肉麵店,手切牛頸脊可以係街市買到,使鬼畀$158帑幫襯,今日揀左老虎頭即前腿肉,因為少食到,半熟都幾淋,牛肉味ㄧ般,蛋麵夠彈牙有D水準,黑湯係好多高級麵店ㄧ般煮法,牛骨加羅漢果,味道太單ㄧ,欠鮮甜味,但都順喉,其實冇驚喜又貴。此終都係台灣牛肉麵啱口味D.…查看更多

本來想評為難食,但正評如潮,我都係慕名而來,ㄧ次經驗希望係失準啫芝麻魚介沾麵湯汁上枱只係暖,芝麻味欠奉,湯頭太淡,唔掛麵,完全好失望,2粒熱石都幫唔手,可能係加左芝麻破壞晒湯汁。有支沙甸魚醋就新奇…查看更多

個名幾特别,試下喇,點左桂花糕鴨片,原來鴨皮下面有日式蛋黄醬配桂花糕,仲有品客薯片,非常古怪係蛋黄醬配桂花糕,奇妙既味道,創作可喜,但要夾味先得架,美心出品心中有數.…查看更多

飲食集團ㄧ向都冇乜好出品,試下有冇驚喜點左海鮮叻沙麵,湯底冇鮮味,椰香欠奉,冇螄蚶已經唔正宗,有海蝦,青囗,魷魚都幾爽口但淡而冇味,收$98,有點想喊出黎,可取之處係冇味精。巴東牛肉完全係馬來咖哩牛肋條白咖啡似加左cream嘅阿華田去翠華食平一半仲好味。…查看更多

午市揾食見到幾多正評,入去試下,點左雪山叉燒包,個包暖暖地就知瀨咗嘢,要食凍包,論味道雪山皮唔夠牛油香,叉燒饀太淡。皮蛋牛肉腸都係預製件,難得可以做到厚底,好差手藝吓,論味道係冇皮蛋味蝦餃就係叮熱嘅,外暖内熱,蝦餃差D咬唔開,論味道蝦幾爽口,但味淡又太乾雖然是午市客人流量少,都要即點即蒸係點心專門店嘅經營方式。…查看更多

今日充滿期待點左人氣之選嘅北海道元貝意大利雲吞,薄切元貝已經冇口感,好彩熟度剛好,雲吞皮整得幾好,芝士饀唔好突生,配芝士汁有D溜,整體評分ㄧ般!做到招牌菜可能是價錢合理。餐前口嘅香草包有D難食…查看更多

成日過路,今天幫襯下,點左豬排藕餅酸辣米線,四十幾蚊冇乜要求,豬排預左係㧧打粉+味精,味道OK,蓮藕配魚肉整得好難食,米線太淋,酸菜太鹹,湯底都算0K,此終去譚仔三哥穩陣D！…查看更多

近期推廣海膽飯,午市去試下就知瀨嘢,其實係變壞左,就算ㄧ級食店都未必有信心保存海膽最好嘅狀況,何況係2流食店,非戰之罪,下次唔點安心D。服務真係要改善,員工態度太不耐煩。漏單情況嚴重。…查看更多

支持社企,水準係有只差少少.1/吞拿魚盧荀薑汁忌廉-賣相靚,吞拿魚慢煮7成熟仍然嫩.汁就冇味,配唔到魚2/鮮煆龍蝦汁扁意粉-蝦夠大隻但煮得太老又冇味,意粉太淋冇彈牙口感,好彩醬汁好好味3/燒法國鵪鶉意大利飯-飯硬度可以,鵪鶉煮得太老…查看更多

朋友推薦來試吓,非常旺場以為冇死喇。先來招牌菜鐵板黑椒豬手,豬皮有半吋厚,入口即吐,應該係豬脚,外皮冇焗或炸過,原隻鹽水煮完上鐵板,黑椒汁又冇黑椒味。豉汁聖旨就冇鮮味又過熟,可能係灼熟再撈豉汁就上碟。 睇之前食評大厨應該曾經出名過,現在只求快上枱快收錢,客人又受,係香港飲食業常態.…查看更多

從報導中有一道招牌係慢煮和牛臉珠,好期待品嚐,好長嘅一隻碟,有點誇張,先試薯蓉,滿口牛油,只有油冇香味亦失左細滑口感,再試牛臉珠,大失所望,冇肉味仲間中有D鞋,唔似和牛,同穀飼牛差唔多,同我係澳門萄京扒房食過差太遠,仲要收$288,其實慢煮就冇乜高超秘技,只要食材靚就好食,應該唔會再幫襯,因為買手揀食材一般。…查看更多

身為Eddy既粉絲,要支持吓-龍蝦喇沙:Eddy整波龍好得,係我食過最正既波龍肉,熟度剛好,有肉汁又鮮味,正過好多米芝蓮食府,湯頭好Pure冇任何添加,嚐到龍蝦原味,但同喇沙重囗味有D落差,配麵食有D淡.-龍蝦蝦籽腸粉:冇想像中既味道,腸粉入口夠滑但唔夠爽口,龍蝦汁好原味,始終配腸粉味道偏淡.…查看更多