slsze的個人專頁

佢嘅雲吞麵不嬲都唔錯，好食過附近由細食到大嘅枝記，今次食就咸左小小。咖喱腩飯，薯仔同牛腩都入味同份量十足。但係問個waitress攞３杯熱水，攞左２杯埋黎，勁搞笑咁話－個人攞唔到３杯水，跟住就好得閑咁企係度，成個場唔夠十個客一眼望晒，點睇都唔係咁忙，今日放假都唔會好多客，仲有－兩個waiter/waitress 企係度，都講左用黎洗筷子匙羮，３杯水都攞唔到？？ 唔係行多轉攞多杯水都唔識？！咁細個見果Ｄ茶記伙記咪真係好叻！…查看更多

星期六朝早行過食早餐，落order果陣都覺唔妥，點知中伏，話無熱香餅，唔醒水無走人，早晨全餐上枱無蕃茄，朋友無諗過會少左，食食下發覺無蕃茄，問佢先話無，成44蚊早餐無左蕃茄唔出聲，早講我轉第二個餐，仲要問到先話俾番半塊火腿，半塊火腿同半個大蕃茄點同呀！…查看更多

行過見到Panash嘅Cafe, 以前食過尖沙咀２間都唔錯，費事再行就入呢間食lunch.我地揀左麵包放題set lunch, 麵包款式唔多，不過有多士焗爐俾我地翻熱，Panash 麵包點整都實好食😋湯同沙律都ＯＫ啦牛扒無張相咁大塊，同埋７成煮出黎熟左小小，好彩都幾好味，最正係新薯煮到薯皮都咁好食。不過紅酒燴牛尾意粉就好離譜，牛尾勉強夠焾，但係白烚無味嘅，只係在咁淋Ｄ汁上去，牛尾都無用汁煮過，３舊牛尾肉都係無味。最搞笑Ｄwaiter/waitress係正你隔離掃地，仲好大力咁推Ｄ木櫈。真係唔會有下次！…查看更多

行過大會堂，原本想飲菜，不過攞張飛要等100個號碼，都成點半，唯有轉去下面食，橫掂大會堂４間食肆都係同一集團。－望menu, 吓點解少左咁多choices, 個friend鍾意嘅牛肉拉麵無左，好彩我食開嘅蝦意粉仲係到，仲係咁好味。不過，個friend果碟咖喱雜菜蛋，就由－直都係分開載飯同咖喱，變左－碟過嘅碟頭飯，話過年後就改左喎，而家連茶記都分開載啦，真係唔明仲乜行番轉頭, 咖喱同雜菜幾好味都無用，嘥曬！…查看更多

幾個星期前，行過係另一間食晏，果間海南雞飯嘅雞Ok,但係Ｄ好硬嘅椰菜無酸味，無左酸菜點叫海南雞飯。個冬瓜例湯一飲，竟然有味精！以為上次係果間姐，今次行過再食第二間，埋枱例湯打開面頭—浸油，飲落都係有味精！搞到成晚都咁口渴。迷你盆菜都食左好多年，今年搞成咁，豬手唔淋，又細舊過舊年，鵝掌係硬嘅，仲好似無炆過，係無味嘅枝竹好似食柴皮，硬掘掘索唔到汁（成個盆菜係無汁），都係無味嘅！蝦仲無左個頭，好彩未過年姐！芋頭無切開好大舊，無汁浸過唔入味。無汁嘅盆菜，似將Ｄ餸擺埋一齊多Ｄ，無左盆菜果種原汁原味，仲食左三分一就黐底！係靠墊底Ｄ菜先㷛得一陣咋！咁多年都因為無味精先食，咁宜家有味精以後都唔會再食佢。…查看更多

元旦日行大運，周圍都咁多人，去到都過左２點，全部大枱都無人，細枱爆曬，中枱有一張無人都唔俾，係要我地係果張坐左幾個人嘅中枱到搭枱，見到隔離張細枱就走，坐住先，佢地走左轉番張細枱。二人套餐，包飯同汽水都幾扺！ 白灼蝦係中蝦黎架，夠新鮮  ，不過蝦頭未夠熟.鮑魚預左細隻，今次仲過熟靭左少少，次次都係問先俾叉！我地揀左麵醬唐生菜，唔記得嗌少油添，都幾多油架，今次無乜麵豉喎！蒸魚都係咁正，火喉啱啱好  ，肉質夠滑。齊曬餸叫佢上埋碗飯，拎到黎仲問番我地之前有無攞左飯，吓？乜你地唔知嘅咩？ 放心啦！我地食唔落架， 唔係飯桶！叫做有生果，４kai 好細嘅橙。我地都仲未食橙，成３點鐘，Ｄ大枱都係無人，中枱走剩—枱，竟然話要我地俾２個人搭枱，果張最多坐４個人嘅細枱？？ ，梗係話佢知等我地食埋先，係隔離張無人嘅中枱等陣先囉！仲乜咁迫喎！以前係食開天虹，不過Ｄ唔辣嘅豉椒炒蜆變左勁辣又無得走辣，之後就無去囉。平平地食吓海鮮，呢到都幾扺食嘅，不過下次佢客多果陣就唔會去囉。…查看更多

好鍾意食佢Ｄ黑麥包 ，不過呢兩年就越黎越淺色，越黎越輕 ，越黎越無麥味2014年7月果陣仲有呢隻好夠麥味嘅包,  都食左好多年, 果陣行過旺角都會買。但係宜家就無左囉! 只係剩番呢隻都有麥味嘅! 仲有合桃添!有時行過唔同地區嘅都會望下，間間唔同色，係見到夠麥味嘅我先買。尖東站果間好快賣曬，沙田呢間幾次行過都有，我每次都揀全個，試過係其他間切得很厚，呢２次係沙田，都望住佢切，都切得standard厚薄均勻 ，不過都係切完將麥包無順序砌番，夾中間先放落袋，仲２塊横２塊直咁質入袋度 ，都係要出聲先砌番好，上次見到隔離有個客攞果陣問番佢地切完有無放番曬落袋度添！上次都仲識講唔好意思同多謝，今次由頭到尾都無應過一聲喎！ 你食包都想佢個樣靚Ｄ，唔想佢質到偏左啦！宜家只剩番得呢隻夠麥味嘅，希望佢keep住啦！…查看更多

睇完早場11點幾, 見到以前Rice Paper個位換左都係越南菜, 近溜冰場個邊睇到有幾個人食緊, 先知開左門未, 門口堆左幾個人, 又無人係門口帶位喎, 見無樓上Simply Life 咁長龍, 即管等一陣, 等左2個字, 先有人俾位我地坐低, 入去見到得幾枱客, 唔知點解等咁耐。 成間Design 幾有style, 不過大門口通道窄D, 好似無預好多客出入咁。打開Menu, 係純越南菜, 無以前果間咁夾埋泰國菜, 咁Appetizer 同Main Course就會少左好多, Dessert亦無咩特別，淨係Drink List多左, 仲有酒同Cocktail添。車頭河味道唔錯, 湯底夠味, 河粉夠滑, 招牌菜無失禮。 炒蝦球夠鑊氣, 用蓮藕籐炒都幾特別。 越南咖啡無得揀花奶, 惟有飲好甜嘅原味, 不過無係面前冲滴漏, 係將冲好左嘅滴漏放上枱,  佢地梗係唔知有D人鐘意睇住D咖啡滴漏, 會覺得新鮮D, 唔會覺得係之前煲好左好耐嘅咖啡!薑青檸蜜無薑味, 咁即係檸蜜, 唔夠薑!!最搞笑係Dessert, 簡簡單單creme brulee, Waiter幫我地落左order後, Waitress 同佢講無.......,聽唔到無咩, Waiter 同佢講: 啱啱先落左order 喎!, 跟住2個都行開左。一齊落order 嘅咖啡都到左好耐, 叫waiter 催下creme brulee未到, Waiter轉頭同 Waitress講:"個creme brulee 喎?" Waitress 先過來話賣曬, 啱啱開就賣曬?其實點解無唔話我地知, 要我地問先講???  ,  佢地企係側邊都唔講喎???  咁Lunch menu 就唔好落Dessert囉!係幾好味嘅越南菜, 埋單出去都未坐滿, 食飯時間唔駛等位, 都係一個唔錯嘅好去處。…查看更多

８點左右，未試過唔駛等位，只有七成滿。Menu都係一張紙，選擇唔多。麵包雖然係有爐即日新鮮，但上枱時麵包皮都幾硬，稍為焗—焗或者叮下先上枱就更好，唔好嘥左Ｄ原本好味既靚麵包。南瓜湯都係得半碗，但係越來越稀，味道越來越淡。沙律Ｄ菜一向新鮮同份量ＯＫ，沙津source keep到好味。牛扒只有—款，無得揀，生熟啱啱好肉質原本幾好味，但係個source油膩得尼無味，紅肉本身重脂肪，咁油淋淋就搞到Ｄ牛扒無咁好味，咬落去Ｄ油遮左Ｄ牛扒味。…查看更多

星期六晚, 大會堂音樂廳同劇院都有節目, 美心皇宮已一早爆滿, Deli and Wine 又好少位, 餐廳梗會多人, 我地5個人, 跟住睇話劇先約埋去食, 連遲到3個字朋友的order 到左, 開頭order 既牛扒都未到,朋友既羊扖都食到一半, 意粉同炒飯都到左好耐, 催order 先入廚房即刻拎出尼, 上枱牛扒見到汁都king埋, 羊扒同我既牛扒又要問先俾扒刀, 牛扒食落口係凍既, 薯格又淋晒, 見到門口咁多人排隊, 又趕住隔離話劇入場, 無叫過佢煮過。不過咁既食物質素同服務, 其實同茶餐廳差唔多。客多同唔夠waiter唔係藉口。其實我由細到大都係美心既Fans, 細個同屋企人係皇后戲院對面既美心餐廳食, 果陣先係真正既餐廳, 宜家簡直差左唔知幾多偣, 直情唔同級數。…查看更多

個日仲係好早, 未到12點都唔算人多, 外面仲有位坐, 唔駛坐入裏面, 落雨裏面有蓋都幾好, 不過好大油煙味.天氣凍個陣, 個碗蕃薯糖水好夠熱, 但係餐蛋丁出到枱就唔夠碗糖水熱.丁麵多數好生, 上到枱要浸好耐都未食得, 我地多數叫佢煮林D, 其實上到枱都仲好爽啱啱食得.油菜好新鮮, 八卦友仲見到洗菜好乾淨.開頭唔知, D 油菜食曬碗麵都未到, 兩次都去左人地張枱, 之後次次都望實.糖水同餐蛋麵樣樣都好食, 但係埋單就真係同佢計清楚, 阿姐真係唔識計數㗎.矇查查計埋同枱對面未收個隻碗,  收多左碗糖水14蚊, 話找錢俾左4蚊, 俾番10蚊就得, 左計右計都話計唔掂俾番幾多錢, 裏面的人又叫極都唔出來幫佢計,  點計都唔明, 最後要隔離枱個客幫佢計先至計啱.…查看更多

2:30PM左右, 門口無人service, 入到裏面中間, 三四個waiter企係道, 完全無service, 仲話要我返轉去門口攞位, 有位都唔俾位.見到仲有好多位, Bar 枱無人, 我只係1個人, 講明無所謂, 坐Bar 枱就得啦, 仲要去門口攞位?食開都知, 以前一小碟芽菜另上, 但今次連青檸都無俾, 要問先有, 仲成碗牛河都無一條芽菜.仲話芽菜要加錢. 咁算數啦, 唔好話係越南牛河啦.杯越南咖啡唔夠味, 邊有咁淡.以前去過幾次, 以為咁啱遮, 年幾前有一次叫smoothies, 竟然俾隻茶餐廳外賣紙杯裝住堂食, 仲記得話係裏面打爛晒D杯, 咁都得.幾個月前, order 大頭蝦話無, 話俾我地知係廚師個排都唔入貨, 咁Menu又唔改又唔貼Label?…查看更多