felix.felix的個人專頁

今日嚟到旺角，約咗好耐冇見嘅朋友就諗住一齊食串燒輕鬆吹吓水，喺附近見到一間啲招牌好特別嘅串燒舖，好IG Able，所以就入咗去，麻雀雖小五臟俱全，坐嘅空間都可以嗌咗好多唔同嘅燒物，分別有翠玉瓜，多士，年糕，雞腎，墨魚咀，金菇，花甲粉絲，司華力腸，多春魚，台灣腸，墨魚丸，牛舌，紫薯，玉子每樣都好食，因為太多，主要講下我覺得超級好食既-金菇-花甲粉 2個都小辣 好有重慶味道，偏辣，朋友食到流鼻水花甲每隻都有肉，唔會得空殼-牛舌，好惹味，算大塊同口感唔錯，encore咗一碟-茄子，必叫，大大條，香蒜味十足…查看更多

喺尖沙咀嘅壽喜燒肉屋，我同老婆分別揀左特選•薩摩牛壽喜燒 同 特上•薩摩牛壽喜燒真係好好味！點解唔揀極上，其中一個原因係根據之前係日本食既經驗，極上油脂比例應該比依2個高，食少少就開始滯！依2個餐主要唔同係牛其他基本上一樣，煮熟後肉質鮮嫩，入口即化，想化d既就特上，有d肉感既就特選，因人而異。加左蘭王蛋，增添咗口感層次感，唔單止提升咗壽喜燒嘅風味，仲令整個用餐體驗更豐富。甜品方面，雪巴清新可口，為整餐畫上完美句號。總括來講，呢次用餐體驗非常愉快，無論係食材新鮮度定係菜品搭配，都令我對壽喜燒有咗全新認識。…查看更多

成日聽朋友講大角咀有間好好食既米線，今日慕名而黎，我品嚐左佢地既豬頸肉米線，揀左酸辣小辣整體賣相都好正。餐廳的環境簡約而舒適，唔會好迫，令人感覺自在。當米線到個陣，熱氣騰騰，酸辣香味撲鼻而黎。米線的口感滑順，吸收了湯底的精華，酸酸辣辣。豬頸肉切片厚實，肉質鮮嫩，油脂適中，咬落去個陣肉汁四溢，仲有脆口，令人驚喜。小辣的酸辣湯底，酸味同辣味相互交融，令人一口接一口，真係欲罷不能。搞到叫左罐可樂總體來說，川品既豬頸肉米線是米線愛好者既必試之選！…查看更多

隱世的Sick Burger，招牌漢堡絕對讓令人大快朵頤。當我進入餐廳個陣，現代的設計同輕鬆的氛圍立即吸引左我的。今次我同老婆黎食，點左雞肉漢堡、撚手牛肉漢堡，薯條，以及Ovai and Choco奶昔雞肉漢堡外皮酥脆，內裡的雞肉多汁，同新鮮生菜完美搭配，每一口都充滿清新感。而撚手牛肉漢堡則更是驚艷，肉質鮮嫩，每一口都散發著濃郁的肉香。仲有隻太陽蛋，令整個漢堡更添一層滑順的口感，蛋黃咬個陣流出，與牛肉的味道交融，令人回味無窮。至於Ovai and Choco奶昔，濃郁巧克力風味同香滑的奶昔完美融合，依款奶昔絕對搭配漢堡完美選擇，令整個用餐體驗增添亮點。總的來說，Sick Burger提供左美味的漢堡外仲有舒適的環境同服務，非常適合與朋友聚餐or享受一人時光。下次再黎，一定會想嘗試他們更多既創意漢堡…查看更多

今日星期六，老婆突然間想食壽司，就決定去峰壽司試一試入到去環境寬敞，有落地玻璃可以望到出邊嘅景色坐得非常之舒適服務員亦都好好幫我哋執好晒成個位有需要可以即刻嗌佢哋餐牌上邊有好多唔同種類嘅壽司，睇到個花多眼亂，最後決定叫一set的壽司嚟食壽司都算非常之新鮮，尤其是拖羅，有日本拖羅嘅感覺油質非常之豐富，真係想單叫多一碟唯一我覺得可以改善既係用綠茶粉取代茶包，同埋自助加水，成日唔夠水飲，飲多左，茶包無味…查看更多

今日老婆見悶悶地，就即興預約咗銅鑼灣打邊爐之前喺台灣無老銅就食得多，第一次喺香港食，除咗價錢貴咗啲之外，味道，環境都好好。仲可以免費任添白飯。鴨血同埋豆腐，都可以免費添加嗌咗兩個半份嘅牛，份量都唔算少，另外都嗌咗白蘿蔔同寬粉兩份牛其中一份好似叫牛頸脊，比較有韌，有少少後悔嗌咗佢另一份就係牛小排，質素比較好，唔會黐牙，口感不錯老婆太鍾意食蘿蔔同寬粉，價錢貴啲都照嗌咗，不過蘿蔔嘅質素都唔錯，冇渣同好甜除咗價錢貴dd之外，其他嘢都冇問題…查看更多

要做一個月book嘅大圍小館，期待咗一個月，終於嚟到大圍小館。見到入邊嘅裝修非常之有特色。每個人坐嘅空間都好好，坐得好舒服，唔會覺得好迫。我哋點咗最出名嘅叉燒，同埋其他一啲特色點心。最後同埋叫咗一個沙翁。叉燒非常之好食，雖然唔係入口即溶，但係都好腍，唔會黐牙。最後見到每台都會叫莎翁嚟食，我都忍唔住叫咗嚟食，食唔晒仲可以打包添。食完呢餐之後我都好想約埋屋企人過嚟食，但係要約好耐我諗都要啲時間計劃一下。…查看更多

今日途經灣仔，準備返公司嘅途中見到一間好特別嘅餐廳名叫九頭鳥，見到咁啱又係食米線，就入咗去，一入去由於係下午茶時間所以冇乜人，一邊都係用手機落單，一入去發覺餐牌都好似譚仔三哥加南記，湯底，土匪雞翼等等，我二話不說叫咗豬潤同魚肉春卷試一試，試吓蕃茄嘅三小辣湯底。隔咗一陣就好快嚟到，但發覺呢個湯底嘅蕃茄味唔算太濃郁，好似得一嚿蕃茄仔咁，三小辣嘅辣度，都唔夠譚仔三哥辣。總括嚟講，可以一試…查看更多

一家大細難得中秋，一齊出外慶祝，好彩臨時book泰國菜都book到。一入到餐廳，環境好似去左七十年代嘅泰國餐廳咁，勁懷舊風情加埋啲七彩膠燈，仲環播泰文歌，幾有情調。一坐低長老們發現餐具有少少污糟，搵左一個肥肥地黑色粗框眼鏡既男侍應幫手換，點知個男侍應就粗聲粗氣，仲要勁無禮貌咁同長老講「等下先啦」，自問長老都算有禮貌，但係一坐低就被人無禮貌對待搞到長老就真係唔係太開心。叫左個4人餐一齊食另外加左薄餅同生蝦，食物就普普通通咁，唔算特別好食。特別係薄餅，都幾油膩同好硬，可以唔叫。咖喱蝦都好細隻，每人平均都食左$250，都唔算話好抵。加上中秋正日咁嘅態度對客，呢啲泰國菜無下次。…查看更多

今晚附近放工，搵到依間公司台灣野，半自助型式落單，幾方便，成間野環境乾淨，整齊，裝修唔係特別有台灣特色。看似普普通通既一間餐廳。但食完之後終於明點解咁多人食，因為真係有水準，唔係普普通通。嗌左個蕃茄紅燒台式牛肉麵大大碗，香濃蕃茄味，用牛肋條整，口感一流唔痴牙，麵質粗粗地，唔會太幼，好好食！朋友嗌左慢烤雞腿芝士蛋吐司，好味到唔記得影相，成份熱辣辣，芝士有拉絲，仲好多汁，比埋對手套你，唔驚污糟，細心！難怪夜晚都咁多人黎食！…查看更多

第一次食金鶴拉麵，好彩早左去唔使排隊，2個人去食，叫咗王牌金鶴雞白湯拉麵，湯底好香 好濃嘅雞味，食到最尾個湯都唔會好漏 同埋黑蒜湯底，口味重d但我鐘意🤣佢總共有3片肉 兩片係雞胸肉開頭以為雞胸會好韌 點知咬落口都好淋 同埋唔會煮到無晒肉味炸牛蒡又係一個大亮點 炸到好脆浸埋落個湯底度 吸晒啲味好好食！牛舌好多黑椒，野味雞皮好脆不過性價比唔夠高…查看更多

今日去迪迪尼，係青衣中途站食一食野就出發，揀左依間拉麵鋪，平時周圍都見到依間鋪，但就未試過。今次終於試到。入到黎環境長方形，都幾乾淨2個人嗌左個午餐白豚角拉麵黑叉燒拉麵配餃子同炸雞同罐裝似品d野感覺上等好耐，小食都ok,無咩驚喜2個拉麵都係普普通通，唔係令日嘩一聲既味道但唔係難食既中規中矩，午餐黎講算抵食👌🏼…查看更多

lunch time想食burger,但又唔想食m記，所以就揀左shake shack, 嗌左經典cheese burger, 炸雞burger薯條同milkshakecheese burger: 又熱又香，經典野，味道都係，之前嗌過double，太多，會食唔到其他野雞burger：趣卜卜同菜同肉balance返👍🏼薯條：熱同粗同外趣內軟就掂🤓milkshake：好甜，超甜，我麻麻哋，不過有啲人係超級鍾意。…查看更多

7，8年無黎，之前有遊客又要排隊，今日放長假又要排隊，真係勁。入到去睇左幾秒menu, d staff已經係你隔離，不過無左個氣場，嗌完野食，廿秒都無，d野已經到左，太犀利嗌左常餐牛油面包：又厚又軟又多油，正叉燒意粉：正常，唔痴牙炒蛋：又厚又滑又香！想食多底！凍奶茶：奶底香濃，傳統茶餐廳感覺👍🏼食左ard 40mins佢已經收晒桌啲嘢，即係已經享用完依個光速午餐！今次黎同以前個感覺好唔同，以前環境好迫，而家因為疫情，無左搭枱，空間多左！…查看更多

間中都會去牧羊少年食野，以前得太子先有，依家好似擴大左咁，好多地方都有，變得連鎖。 不過都方便左大家。今日去左旺角依間，最近食太多煎炸野，所以食左個沙律！其實都算大份，同埋佢d雞都大大件，可以唔一定飽，但一定唔會餓親，簡簡單單，目測d菜都新鮮，唔會溶溶爛爛咁，芒果有d酸，都正常，唔岩季節，雞扒大件，切埋，方便食！ 牛油果唔會黑色！另外叫左杯野飲：水果茶，普普通通。環境方面，好舒服，有足夠時間食野，比1:45小時食野，都算係咁，有窗邊位坐，坐位都寬闊。nice meal!…查看更多