Kingsir168的個人專頁

前日落單比錢訂八件餅，琴晚wtsapp我揀口味，今日中午wtsapp confirm我，點知下晝去到拎蛋糕果時先講冇我訂果d味。佢每日朝早都會係社交媒體網站講果日有咩味賣，又比我發現今朝出post都寫有果d味，問佢就講出post果陣冇留意冇抹黑板，咁點解中午wtsapp同我confirm果時唔一早講？咁我比錢訂黎做咩？😂極懷疑係冇留賣哂之後講大話！公道講翻蛋糕係好食嘅，之前都食過好多次，但今次咁嘅處理真係失望同唔會想再幫襯！…查看更多

見佢開分店，又未試過就黎旺角排下隊。新開試業緊幫襯，門口又有人拎飛又有人排隊有少少亂，正式開可能會有改善。野食方面，叫左莞茜豬肉煎餃同經典豬肉煎餃每樣十隻，煎得幾有特色，係成朵花咁樣。不過味道唔算突出，正常水準咁啦。份量就略少，d餃好細隻，都係一啖一隻。依個價錢黎講唔算抵食。環境黎講，因為新開都乾淨嘅。坐落又唔算好迫，都食得舒服。不過最大問題係店員果到，有一個男店員初頭覺得佢幾nice, 不過見到有女仔落單果時佢有少少專登哄到勁埋d 女仔到落，幾反感。總括黎講唔洗排其實都可以再幫襯，但係見到店員個行為我諗都唔會再有下次。…查看更多

睇戲前行過肚餓，諗住食個下午茶，未食過依間南方，又見到無人排，就入去試下啦，點知就中伏！試左個車仔面，推介流心蛋，其他正正常常，朋友食左個肉燥飯，d肉燥還可以，但豬頸肉好難食。飲品，一字記之曰，劣！奶茶好似水咁，冇味，仲要加買蚊，珍珠有淋有硬，薄荷朱古力冇簿荷，水吧呀姐第一日返工？服務不錯外唔會再黎！間野仲要自己出去買野食，拎野食。原本都諗住冇人serve 架啦，不過個職員就有幫下手拎，唯一就讚下職員服務態度幾好啦！…查看更多

下午茶時段到達 唔洗等 即入 平時都成日食 今日就興起幫佢寫個食評必食滑雞 滑牛 小鍋米線米線份量十足 配料新鮮地點鄰近地鐵站及兩個大商場食完可以行街買野下午茶飲品唔洗加錢 非常抵食…查看更多