164Michael的個人專頁

平時番工個頭冇咩野食，黎黎去去唔係大x活就大x樂，好悶。偶爾得閒就行黎灣仔食lunch，多好多選擇。今日就食譚仔，好耐都冇食過譚仔啦，好掛住個蕃茄湯底，我平時一定必叫的。蕃茄三小辣，酸酸辣辣咁，陣味好夾。碗埋雞肉，夠哂營養，簡簡單單就一餐。…查看更多

平時我一定係叫雞肉米線蕃茄湯底五小。今日得朋友介紹食酸菜雞肉米線三小。嘩，感覺不得了，酸菜同麻辣真係好夾。平時我頂多食到麻辣三小辣，今次食酸菜三小辣我完全唔覺得辣！下次可以叫小辣挑戰下。…查看更多

今晚又去東寶啦，兩條友少少地叫左個糯米飯同xo醬炒鱔片送酒飲。如圖所見，XO醬炒鱔片無論係鑊氣，顏色都好出色，鱔片同西芹都夠爽脆。今晚光頭老細照常9點dancing time娛賓，真開心。…查看更多

經過Yoho地下，晚市一定會排長龍既一間日式餐廳，今晚都特登排個幾鐘去等下佢，果然冇令我失望。蕎麥面天婦羅好足料，男士食都一定夠飽。蝦，茄子、露筍用料新鮮，炸出黎既天婦羅都唔會好難食。反而蕎麥面唔係太凍，要靠個凍豉油將佢變凍先好食。…查看更多

霸嗎拉麵都黎左香港幾年，但一次都未食過，今晚見佢唔使點排隊，一於試你。叫左兩碗最基本款既豚肉拉麵同一碟炸雞。霸嗎拉麵既種類麵係博多拉麵，麵身邊硬，湯底超濃豬骨味等。可能連鎖店既關係，拉麵質素有標準，成碗麵冇咩特色，略為普通。…查看更多

本身住新界西既我好日都唔會黎新界東食飯(因為真係好遠)，今晚得朋友介紹粉嶺有間好野，既然講到咁好，幾遠都要黎試。主菜叫左碟豬肋骨拼盤，燒得好好，唔會痴牙唔會鞋口。雞翼都處理得好香口，令人好有食慾。之後嗌左個蒜香辣味意粉，睇落去冇乜紅色，應該唔會太辣，食起上黎又真係唔辣，但有股辣係食完先谷出黎，好得意。不得不提下佢個肉眼扒同焗薯，肉眼扒三成真係冇得輸，個牛肝菌醬亦好重牛味，但點醬食又唔會互相蓋住各自既味。焗薯好濃味，作為開胃菜一流，配埋酸忌廉食值滿分。…查看更多

見到呢間野可以係短時間係元朗內開第二分店，一定有佢既厲害之處。圖為酸菜魚配飯，酸菜魚咸咸酸酸，令人十分開胃，食慾大增。將飯倒進湯裡成湯飯後更能讓白飯完全吸收酸菜魚湯既味道。唯一要彈既地方係d魚好多碎骨。…查看更多

未試過正宗印度咖喱既你一定要黎7E 咖喱王試下。老闆同員工都係印度裔但識講廣東話，格外有親切感。黎到一定要試菠菜芝士配薄餅，菠菜同芝士都好濃味但又唔會搶到對方既味道，用薄餅點醬係一流。咖喱角個樣完全唔似港式咖喱角，比平時個d辣好多，如果凍左黎食係會仲辣！唔知點解。最後叫左個咖喱雞黎食，好多香料味，而且係帶甜既咖喱，配飯或薄餅都會好正。但有度得意既係e碟咖喱凍左既話會慢慢變咸。另外佢呢度有印度拉茶，唔會太甜，好易入口。…查看更多

阿叔泰麵間餐廳位置有d格sip，但本著良知，就算幾遠幾偏我都會去食。邊款船麵都會用同一種湯底，勁濃勁多香料既船湯，牛肉味濃，唔會鞋口。唯一美中不足既係，碗麵有dd細碗，男士可能會唔夠飽。…查看更多

間餐廳係e條街十分唔起眼，好易miss左，但識搵一定搵到佢。喇沙湯底好濃，食得出好足料去煲。而我叫既海鮮喇沙滲滲，個油麵同米粉吸湯能力一流，可以索哂喇沙陣味。但海鮮比既料就有d流，兩隻蝦，兩粒蜆，魚蛋同魚片。…查看更多

以前沙田有唯一麵家既時候好鐘意去幫襯，但e家得番兩間分店，要特登去食，有d唔方便。唯一麵家既招牌—擔擔麵，十分香濃、充滿住蝦乾、花生既擔擔醬食落去唔會令到個嘴好乾。真係想買番枝醬番屋企，但好似冇得賣。…查看更多

平時係中環lunch，只要間餐廳出名少少都一定大排長龍，吃什麼都唔例外。餐廳有做一定既防疫工作，入去前一定要量體溫，用酒精搓手液洗手，用一次性即棄餐具等。今日叫左個火雞肉飯，牛肉麵同雞排麵。火雞肉質地嫩滑，唔似焗火雞咁鞋口，有蕃茄炒蛋、榨菜同菜做配料，感覺好清新。台灣牛肉麵湯底濃郁，牛肉Q彈唔痴牙。…查看更多

想食正宗既意大利pizza同意粉，不妨黎到上環既Jacomax 試試。老闆、老闆娘同員工都勁nice，好招呼又熱情，岩咀形仲會送酒比你飲tim。呢盤火腿臘腸拼盤唔會太咸，送酒一流，亦都可以作為開胃菜醒一醒胃。之後就係主菜Jacomax pizza，正宗既意大利pizza一定係薄底、薄邊，唔似其他pizza hxx咁又芝心又厚批。Jacomax pizza 最特別係中間有隻太陽蛋，配三色椒加肉碎，非常清新可口。我地亦叫左個肉丸，個芝士同醬都十分濃郁。總結十分推薦大家黎食！…查看更多

大門橫丁係山東街十字路口，人流暢旺，一定唔會路過miss左。我食左稻庭烏冬配豬軟骨、蕃茄湯底。蕃茄湯底好濃郁，用料除左蕃茄外應該仲落埋茄膏先有咁濃既蕃茄味😋豬軟骨炆得好‘林’，就算我係箍緊牙既都咬得入，抵讚👍🏻。…查看更多

其實東屋台只係係屋企樓下，但每次經過麵好多人排隊而skip左冇幫襯，今日襯條隊人少少就去左試。叫左一個海鮮大版燒同一粒檸檬果茶海鮮大版燒好足料又大份，就算男仔食都會夠飽。而一粒檸檬就真係用足一粒檸檬落去，而茶可以揀幾款，我就揀左茉莉花茶，十分清香。絕對建議大家黎食，唯一唔好處係堂食太少位同有d窄。…查看更多