為食小蘑菇的個人專頁

呢日同朋友黎海港城行街，晏晝諗唔到食啲咩好諗住食泰國菜應該都穩陣，唔會差得去邊～所以去左金不換自問不嘴刁，但經過今次，我先知道原來泰國菜都可以咁難食主菜蟹肉炒飯($138)✘✘✘飯粒偏腍味道同普通蛋炒飯無乜差別唔太食到蟹肉味豬頸肉炒金邊粉($138)✘✘✘✘✘味道咸，麵質乾硬感覺似食緊茶餐廳嘅撈公仔麵⋯呢個我哋食左幾啖就冇食蝦膏炒通菜($88)炒通菜應該係三道菜當中算比較好通菜新鮮，口感爽脆可惜蝦膏味略淡我幾年之前食過呢間餐廳，印象中好似都ok唔知點解今次再食會覺得咁不濟⋯另外，一邊食飯一邊聞到張枱布有陣噏味衛生情況有待改善…查看更多

大概十年前曾經幫襯過甜姨姨位於天后嘅本店印象中食物質素唔錯早幾日經過銅鑼灣耀華街，無意中發現佢竟然開左間分店喺到我見排隊人數唔多，就入去試下唔知係咪因為新開張嘅關係，店內環境非常乾淨企理不過由於當日食客人數眾多，為免影到其他人，我無影到相另外，送餐速度都算快落單後2分鐘左右，店員就將甜品送上芒果紫米露($48)芒果香甜，有驚喜紫米味道濃郁～口感黏糯綿密價錢亦算合理總結：嗜甜的我，以往光顧過唔少甜品店一般叫有芒果嘅甜品，啲芒果都偏酸，所以今次都幾有驚喜～推介！…查看更多

呢間餐廳係自助形式：1）食客先到點餐處落單，付款後店員會比一個取餐提示器2）取餐提示器響起後，到取餐處取餐3）食完後將餐盤交到返卻口疫症下，每張枱都放左紙巾同酒精搓手液；而餐廳亦為食客提供免費茶包及熱水，呢兩點唔錯我叫左：主食牛肉烏冬($58)牛肉肉質有啲老同韌，味道正常烏冬軟硬度適中湯底略嫌過濃，醬油味重左啲飲品可樂($8)夠凍，價格可接受總結：呢間餐廳嘅環境、價錢及食物質素不過不失用餐期間，店員不停喺餐廳踱步無形中為食客增添左一份壓力，稍為改善會更好…查看更多

基本上每日返工前都會喺呢間大快活買早餐主要原因係佢出餐真係好快，每次落完單2分鐘內就拎得而家仲推出左「買定嚟走」網上點餐服務掃QR Code網上落單可享9折優惠搭車差唔多到站時就喺網上落單先，落車就即刻有得拎，好方便今次我就叫左：脆香黃金雞扒(配燒汁) + 脆皮腸 + 英式多士(轉蘿蔔糕) + 熱飲(轉凍低糖綠茶)($34 > 「買定嚟走」9折後 $30.6)脆香黃金雞扒(配燒汁)燒汁味正常，雞皮略厚，肉質尚算嫩滑脆皮腸皮脆，味道不錯蘿蔔糕口感糊糊粉粉，一般凍低糖綠茶略為降低甜度會更好總結：如果想喺H.A.N.D.S買外賣早餐，而唔鍾意等咁耐既人，可以揀大快活同喺同一商場內其他食肆比較，佢既出餐速度係最快以呢個價錢黎講，食物質素都符合預期…查看更多

今日放工黎銅鑼灣行街，行到有啲肚餓想快快手食啲嘢，就黎左永年食車仔麵其實之前都食過永年好多次我覺得佢哋嘅車仔麵真係我食過當中最好食無論湯底、麵底、配料定搭嗰兩條菜，都好好味！三餸麵($43)幼麵：軟硬度適中豬紅：味道香甜、口感細膩嫩滑每次黎食都一定會點！誠意推介✓ ✓ ✓豬皮：脆嫩牛柏葉：爽口伴碗菜芯：腍度適中，吸左啲湯好清甜麻辣豬耳($24)味道正常，不過不失菠蘿冰($15)出奇地好飲，我仲以為會好重糖水味，點知又唔係，幾清甜解渴總結：永年喺車仔麵店中嘅水準算高，特別推介大家試下佢哋嘅豬紅…查看更多

同朋友經過見到個霓虹招牌好懷舊，覺得幾得意加上Openrice評語幾好，所以就決定試下當日係星期四，我地一行二人，9點左右去到，一入到去就有位湯底呢間火鍋店總共有21款湯底可以揀我地本身揀左大肉蟹花甲海鮮湯底($368)不過店員話無晒花甲～所以我地轉左川芎魚頭湯($148)但15分鐘後，d火鍋配料已經差唔多上晒，店員先同我地講川芎魚頭湯都賣晒我地就再揀酸菜豬肚湯($108)，隔左15分鐘後終於送上真係第一次打邊爐等湯底要等30分鐘酸菜豬肚湯d酸菜味愈煲愈出，加上個湯加左好多黑椒，辣辣地幾惹味但係呢個湯底唔適合用黎淥海鮮，會遮晒d味淥蟹柳、烏冬就好好味我地叫左11樣野：飲品竹蔗水($35)有D假甜，飲完喉嚨有D唔舒服火鍋配料龍蝦刺身($1,080)✘✘✘雖然係即叫即劏但隻龍蝦淡而無味，唔值得叫加拿大海膽($60)出奇地鮮甜～呢個值錢都算抵食可以試下淮山($35)新鮮爽脆手切肥牛($268)肉質嫩口不韌桂花蚌($108)爽口彈牙，帶點鮮味澳洲和牛丸($88)唔係好食得出和牛味，但牛味好重鍾意食牛既人可以試下蟹柳($52)正常蟹柳味，但配酸菜豬肚湯好好味稻庭烏冬($38)都係正常稻庭烏冬味，配酸菜豬肚湯好好味鮮鵝腸($85)✘✘✘✘✘✘✘✘✘✘D鵝腸上面連埋D疑似糞便既白色野賣相非常不討好，睇落好唔衛生口感滑潺潺，帶腥味我地每人食左一啖就吐左出黎慎點南非鮑魚($70/隻)鮑魚味鮮甜～口感彈牙總結：如果鍾意影相打卡既朋友，可以黎試下但係如果剩係計服務同食物質素，就真係一般另外，最後埋完單睇返張單有見到一項「酸菜」($20/位)但係我地唔見有上過…查看更多