sylokping的個人專頁

星期日的熟食中心十分冷清，好多店都冇開，朋友話想試呢間，仲難得星期日都開，即約埋其他朋友一齊試試！現場用QR code下單，樓面冇乜裝修，亦預咗冇乜服務提供！四人叫了一個金銀蛋菜心、一隻炸子雞（當中包兩碗米粉及一碗飯）、椒鹽鮮魷同一個黑松露鮑片炒飯及3支水，埋單齊頭400蚊冇加一。炸子雞好食，炒飯$40蚊非常超值，鮮魷個粉漿較厚，整體食物好味，價值超值，份量亦好大，有大食男在都食唔晒啲嘢！見隔離枱點了瀨尿蝦，超大隻，但原來已賣晒，下次再試…查看更多

新都會新開的茶餐廳，見午市很多人排隊，今天拉隊去試下新嘢！可能多人排隊關係，門外有職員負責安排座位，佢服務都好好，希望盡快幫食客入座！不過我哋5個人都要等一陣先成功入座，說真的餐單價錢偏貴、但在新都會商場也算便宜！座位比較狹窄，坐得唔舒服，上菜超慢（可能因為新開張關係）！食物中規中矩，唔算驚為天人，本身被辣椒炒肉吸引，但勁失望，唔多辣又偏鹹！同事反映份量較少，男人未必夠食，同埋午市唔叫套餐，凍飲要加9蚊，都幾貴！…查看更多

被網民稱為預約困難店，一早較定鬧鐘book星期日同阿媽撐枱腳，原本想book 1pm，點知到俾錢個刻又彈出話時段已滿，來來回回幾次，最後成功book到4pm時段！雖然成功訂座，但都規矩多多，要先付訂金，幾日前取消要扣按金之類，因為冇諗過唔出席，所以都冇細睇條款！不過我哋早到15分鐘，所以都要在門外等一陣，之後差唔多時間就安排入座，店員會問你係唔係第一次嚟，之後就會講解一下應該點食，枱櫃桶亦會有張說明書教你食法！枱上面有好多醬料，大家可以因應自己口味去選擇，我鍾意食佢個豆拌醬油，仲有個漬白菜可以任食！店中只有一個套餐選擇，$138有三塊漢堡扒，再加碗湯同蛋，仲有白飯任添，想再食漢堡可以再加，基本上一定夠飽！ 我跟足規矩第一嚿漢堡原汁原味食，第二嚿就配蘿蔔泥同柚子醋食，最後一嚿就配雞蛋食！ 三嚿肉我食咗兩碗飯，不過佢一碗飯其實唔多，所以都唔算食咗好多飯。而d漢堡全部都喺現場用炭火燒，但現場唔算話好大油煙味，漢堡扒好juicy，好好味，d肉汁湧住出嚟，好正，我同媽咪都食咗兩碗飯，食到好滿足咁離開！點了兩個套餐再加份泡菜，加一合共$342，在IFC來說價錢都合理！…查看更多

有日想食椒鹽豬扒炒飯，同事推介深水埗合興旺，但適逢假期前夕兩日收早都係星期二，合興旺係逢星期二休息，所以一直無機會試食！今日星期日終於等到好時機，去完行美荷樓，就走去食合興旺，睇地圖原來非常近！合興旺店舖細細，但全場爆滿，好多街坊都來食嘢，亦都有好似我咁第一次捧場！兩個人叫了個椒鹽豬扒炒飯同埋什扒配意粉，每個餐都湯同飲品，想試晒中湯同西湯，所以兩種都叫齊！西湯係蘑菇湯，一般般沒特別，反而中湯木瓜雞腳就非常出色，勁好味！至於一心想試嘅椒鹽豬扒炒飯就有啲失望，除了個飯唔多熱外（唔知係唔係炒定？再等炸好豬扒），豬扒份量亦有點少，但以50幾蚊價錢就完全可接受！至於什扒餐，明明見網相好震撼，但真身就…不過份量都好多，但味道就叫做可入口，因為食唔晒，最後有打包，外賣盒加兩蚊，兩個人食了$121，超抵，但唔會再專登過嚟補襯了！…查看更多

Popcorn方叔叔執咗後，個舖位一口氣分拆開咗一橋拉麵同敏華，敏華食過幾次，唔想排隊！一橋拉麵第一次聽，佢賣廣告聲稱一千日圓拉麵，屬平價拉麵一種，價位在$39.9-$59.9不等，拉麵價錢來講算好平！由於12月27號先正式開業，所以吸引好多人排隊，而且頭三日有買一送一優惠，即order$59.9蚊大盛叉燒拉麵就送一碗$39.9油麵，所以有唔少人捧場！趁住優惠最後一日同友人排隊試食，大約排咗40分鐘終於入座，落單俾錢全都手機搞掂，對於老人家來講就可能唔方便！大盛拉麵有三塊叉燒，一隻溫泉蛋，兩塊紫菜，現咗一度辣，味道一般，普普通通的拉麵，反而我比較鍾意油麵，油麵是拌麵，沒有湯，揀咗辣味，所以辣辣地好食啲。另外仲叫咗麻辣燒賣，一啲麻辣都冇，仲叫咗牛臉豬，都叫幾淋，秋葵正常發揮，幾樣嘢加一total $141！…查看更多

香港熟食中心嘅特色，上午必定逼滿食客，十分熱鬧！日前在社交平台看到有網民介紹上水熟食中心內嘅名店，熱愛叉燒嘅我襯去蓮塘拎眼鏡前，去新記試食個叉燒飯先！大約上午11:30已逼滿食客，人人枱上都食緊叉燒等燒味，我叫了叉燒飯，店員問一碗定一碟，食唔到太多飯，叫了一碗，而叉燒就另上，再送上一碗例湯！$40一碗叉燒飯份量都十足，一大碟叉燒，叉燒底下有鹹酸菜，上面仲有蔥油，好好味！叉燒略為鹹咗d都唔算好淋，所以一定要配飯食，個湯就淡咗d!不過去熟食中心覓食就係為咗食個氣氛，而且價錢真係好抵，值得再去！…查看更多

平安夜1點就收工，平日甚少食飯嘅我忽然想食麻甩飯，特別係好耐都冇食嘅椒鹽豬扒飯炒底！前一日已上網睇邊間好食，原本想食同事推介深水埗個間合興旺茶餐廳，可惜逢周二休息，最後揀咗牛頭角嘅金飯館。原來椒鹽豬扒飯得牛頭角店先有，旺角分店係冇嘅，千奇唔好去錯！大約點半左右去到，唔算多人，叫咗個椒鹽豬扒飯炒底，即炒即炸嘅話都算好快上菜！第一眼見到鑊氣十足同份量充足，豬扒連飯堆到滿滿，旁邊有啲炒椰菜，豬扒上面堆咗滿滿嘅類似避風塘嘅炸蒜粒同辣椒粒，外觀好靚仔！第一啖食咗啖炒飯先，飯粒分明，好香口，豬扒都好鬆脆易咬，鍾意食飯上面嘅蒜粒，好好送飯，不過我嫌唔夠辣，問吓有冇辣椒油，但店員話呢度冇呢啲？？辣椒油都冇算有點奇怪，而朋友話一碟椒鹽豬扒飯炒底$78不包飲品好貴喎，但我又覺得以咁嘅份量同賣相，都算物超所值！…查看更多

因為壽星朋友有點身體不舒服，所以佢要求少蛋白質、少肉，以素食為主的餐廳，因為港島區方便大家，所以最終揀了呢間鄰近陸羽茶室的樓上餐廳！餐廳走小店家庭式，星期二的晚上中環人潮疏落，但餐廳都有一半入座，尚算不錯！呢間餐廳d素食扮肉食效果認真不錯，味蕾即時被佢欺騙，以為食緊肉，感覺有點奇怪！餐廳服務很好，隨了海南雞飯個油飯略為遜色外，其他東西都十分好吃，朋友們都大飽口福！而因為朋友生日，在餐廳貼了心太軟作生日蛋糕，餐廳亦十分貼心播放音樂歌並點燃小煙花，方便大家打卡，亦氹得壽星女十分開心，即時奇分！…查看更多

為了一試麻辣蛋牛治，與同事早點出門口放lunch，仲搭埋uber衝過去。由於未到1點食飯時間，所以唔使等位，但就要搭枱坐，同台是遊客，佢哋三人各叫了一份麻辣蛋牛治，好誇張！我哋想試其他食物，所以4人叫了兩份麻辣蛋牛治烘底，再分別叫了咖哩牛脷撈公仔麵、瑞士汁雞髀蛋飯、雲吞麵及炸醬麵，連埋兩杯嘢飲，一杯係跟餐，盛惠$230，都算合理價錢！麻辣蛋牛治係夠辣，但因為比較辣關係蓋過了牛味同蛋味，我食牛脷撈公仔麵，咖哩汁唔夠多同埋唔夠辣，我要再加辣椒油，麵太淋，牛脷好厚，尚算夠淋咬到入口！普遍食物正正常常茶餐廳水準，食只係個分懷舊氣氛！…查看更多

駱駝漆有唔少美食，不過星期日唔係間間都開，上網查過五月星星期日都會開門，所以就揀咗呢間！同朋友各點了一碗招牌牛肉麵同番茄牛肉麵，再加了兩個小食手拍青瓜同皮蛋，另外點了紅棗桂圓茶及珍珠奶茶，2人食咗$198！招牌牛肉麵湯略嫌少啲、反而朋友點嘅番茄湯就份量好大，佢仲話牛肉份量同樣多，食唔晒！至於牛肉份量真係唔少，亦煮到好淋，但食完之後都係有d口渴，我朋友就話比較甜，感覺一般！另外紅棗茶亦都勁甜，扣咗啲分！…查看更多

今日lunch time 行去離公司遠啲嘅KCC，同事推介一間意粉小店，行過去未夠1點已經爆晒，店員協助下，成功叫其他食客調位，4人等咗5分鐘成功入座！午餐menu都有10幾款選擇，有番茄味、有忌廉、又有辣同唔同國家口味，真係多到眼花撩亂！呢度點餐要先點餐，之後比個牌仔放在枱上，職員之後見到牌仔就依次上菜，但整個過程有點混亂，見經理不時指導店員！我點了麻辣牛肉忌廉汁意粉，麻辣味唔算出，所以加咗勁多TABASCO，咁先平衡到我想食辣嘅味覺，略嫌忌廉汁太多，有點蓋過了麻辣味呢，下次可以再試其他口味。…查看更多

葵芳廣場新開嘅餐廳，主打台灣菜，新屎坑好多人，全場都爆晒！新開來講出菜接待樣樣都唔錯，間中有點混亂都屬正常！我哋一班同事一行4人去食晏，我點了台式牛肉麵配蝦卷、兩個同事都點乾拌麵再配炸豬排及炸雞扒，另一位就點了酸菜魚配白飯。牛肉麵唔錯，牛肉份量唔算多，微微辣，反而我鍾意食蝦卷，好味！同事就指炸物比較乾身，所以佢哋都食唔晒，酸菜魚以茶餐廳水準就尚可接受！飲品方面都有台式飲品可選擇，但要加價，以午餐來講每人平均$68，算是比較貴了一點，間唔中食一次可接受！…查看更多

今日又同同事出去食晏，行去離大連排道遠啲嘅源記，同事們好鍾意食呢度嘅沙嗲牛，大讚沙嗲味濃，仲有花生粒，而且牛肉份量多，幾乎是佢哋每次去必叫！沙嗲牛麵屬常餐，會配埋火腿炒蛋及一塊多士仔，叫埋杯嘢飲，大約$52-55不等，睇吓叫唔叫凍飲，沙嗲牛喺呢度好受歡迎，有時遲咗到埗會賣晒，所以都要睇機會先食到！除咗常餐，呢度啲牛腩粉都算唔錯，不過今日我唔想食常餐同牛腩粉，所以就點了個芝士焗豬扒意粉，不過味道一般，下次都係跟大隊食返沙嗲牛！…查看更多

二次到訪，今日去完律敦治醫院探病後，徒步大約8分鐘就到達BÀRBAR！BÀRBAR大部分都係吧枱位，我們亦選擇坐吧枱位置，感覺輕鬆一點。BÀRBAR主打食西班牙菜，份量方面未算十分大，適合我呢啲細食嘅人，我們只簡單點了幾樣嘢食，對我來說吃一點已很飽，男生們來的話就可能要點main course！這餐我們點了Tomato Bread($33)、Teruet ham($48/25g)、Padron peppers($56)、Ajillo prawns($172)、Spanish Tortilla($85)，每個菜份量不算多，除了個蝦外，其他價錢都十分合理！…查看更多

我最愛嘅酒店，基本上每星期都會去兩至三次，更試過一星期7天都會到此一遊！聽聞Corks是在疫情期間開嘅酒吧、佢哋號稱自己是一間neighbour bar，雖然我唔係住在上環，但我仍然感受到那種親和力！這天我先到被封上神枱的Bar Leone吃了點東西，之後再轉場到corks續攤， Bar Leone不是不好，就是音樂太響，加上都是遊客關係，感覺員工和客人都不是太close，亦沒有太多交流！反而在Corks因為店舖細細，店員和客人的距離感拉近，基本上大家都很易作出交流，亦很容易認識及記着雙方的名字，我覺得corks本身定位作neighbours bar，他們現在也做到了！…查看更多