alexpopo的個人專頁

今日又帶埋愛犬QQ出發揾食今次去咗一間由網店起家，爆紅後再開實體店嘅cafe，之前已經bookmark咗一段時間，始終揾唔到機會去，襯住佢今次做咗個dessert tasting 嘅活動，一於去試吓。今次嘅活動用餐為1.5小時 包含4道甜點及 2款飲品，以夏日水果為主題，只接待4桌為限的客人，每台2人，之前要預約喔。第一道甜品，台灣酒釀茘枝牛乳凍，以日本牛奶製成嘅奶凍配上台灣嘅酒釀及現時當造嘅荔枝，食完後有啲唔夠喉😅第二道，日本溫室柑桔冷湯配自家製乳酪，呢道甜品之前係台北一間cafe已經食過，當時有驚艷到我，人家是配上西柚肉及乳酪比較軟身，一直念念不忘，雖然今次比台北的略為遜色，但係炎熱天氣底下品嘗這道甜品，已經相當不錯，也可解相思之苦😋第三道，酒漬果乾磅蛋糕配雪糕，食過2道開胃嘅甜品，正好嚟點飽肚少少的，磅蛋糕因為再翻焗一次，所以邊位有點脆脆的，暖暖的，內藏一些酒漬過嘅乾果，再配上雪糕（子姜雪糕）一暖一凍地吃，淡淡嘅酒味與雪糕中嘅粒粒子姜，讓味蕾接受著不同的衝擊☺️最後一道，肉桂愛文芒果純生cream cake 搭熱情果芒果果醬，足之要打大佬，甜甜的愛文芒果肉，cream cake 嘅cream ，係選用咗九州35及北海道47純生鮮奶油，再人手打發而成，加埋帶點酸酸嘅熱情果醬，真係冇得輸😍最後講講，cafe嘅裝修係走木系簡潔風 ，有上下兩層，復古嘅家俱，活像台灣的小店❣️…查看更多

今日又帶埋愛犬QQ出發揾食，去咗呢間開咗未夠2個月嘅cafe。呢度都有少少旮旯，距離屯門巿中心都有一段距離，有啲隱世feel，店內外裝修以綠色主打，室內有好多小盆栽放置著，一入去已經覺得好relax，有種脫離煩囂的感覺，雖然店舖不大，可容納大嘅20-30人，但係又唔會坐得好close。叫咗個牛扒all day breakfast，有個窩夫（個窩夫都幾好食，加咗個楓糖醬係上面，咸咸甜甜咁）粟米，煙三文魚，薯仔蛋沙律，原隻芝士大啡菇，牛扒（我覺得牛扒望落都煎得幾靚，但食落好似淡味咗啲）真係幾豐富，食曬都飽，另外叫咗普通版ADB，分別係牛扒換咗腸仔，飲咗latte(咖啡合格）芒果梳打（梳打水用上泰國大象牌，好襯個環境，夏天飲都幾爽😊）唔知係咪今日假期，坐落冇耐，已經好多客人到訪，好快full house。走咗之後先發覺，原來佢哋個招牌係奶茶，一於下次再去試過🤭…查看更多

今日又帶埋愛犬QQ出發揾食意外發現屋企附近開咗一間類似日本昭和年代嘅店舖，望入裏面，見到一部日本常見到嘅汽水機，旁邊有一個放滿和菓子嘅日式攤檔，再行入去，見到座位都設計到好似小屋台咁，頭頂亦都掛滿燈箱，好有日本氣氛。由於已食過午飯，外面又熱辣辣，就坐低食杯嘢啦，叫咗個甜品：新瀉大米布甸試吓，原來佢會跟一球咖啡雪糕，布甸係暖嘅，唔會好甜，一凍一熱咁食，又幾特別，另外叫咗杯蜜瓜梳打，咁熱嘅天氣飲，爽呀😋店員都好好人，原來而家還在試業中（30/6前有9折）重有一個室外位置（有冷氣）準備中（歡迎狗狗喔）一於下次再去試埋正餐😄…查看更多

今日又帶埋愛犬QQ同佢好朋友豆豆出發揾食，佢約咗我食lunch，我哋揀咗一間位於尖沙咀嘅韓國cafe，可能因為星期六，都幾多人食。就算預早book咗位，去到原來都係要等，等咗半個鐘先有位，佢哋係有限時90分鐘，咁樣係坐位安排上應該比較容易掌握，現在安排實在要改善。我哋叫咗牛肉紫菜包飯（餡料有牛肉，青瓜，酸紅蘿蔔，蛋，黄蘿蔔，外層飯就用左紅米，有10件，都幾抵食同好食）甜辣炸雞（炸雞好食，保持到韓式炸雞應有嘅水準，外脆內juicy，點嘅汁都好夠味），辣炒年糕（我唔食辣冇食到，但係朋友話好食）海鹽焦糖芝士蛋糕配窩夫（呢個賣相好靚，Lotus餅乾喺最上，牛角包窩夫加埋有2層，中間有好多cream同custard，成個口感一啖咬落去好豐富，份量都幾足，但係又唔會太甜，鍾意食焦糖嘅，必點）…查看更多

今日又帶埋愛犬QQ出發揾食今次去開紅磡做啲嘢，記得朋友仔早幾日去過一間蛋糕店，好似幾舒服咁，一於去試吓先☺️店舖坐落於紅磡廣場對面一條靜靜嘅街道中。店名用上dessert cafe，相信主打應該係甜品，玻璃櫃中有多款蛋糕選擇，店員說都係用羅漢果糖製作，相對健康點，最後揀咗一件花花雜果蛋糕，賣相好靚，食落唔太甜，果然唔錯，再飲咗杯熱拿鐵，竟然都好有水準，偏向nutty，有回甘。之後店員又請我飲咗一少杯自家釀制嘅cold brew，都好好飲，帶有berry味，果味好出，夏天飲好正☺️。店舖以磗紅色做主色，同家中客廳牆嘅色好相似，給我家的感覺😌整體上都好整潔，好舒服😊店主同店員都好好人，坐下坐下，不知不覺就坐咗2個鐘🤭…查看更多

今日又帶埋愛犬QQ出發揾食今次同小辣椒妹妹去咗一間最近好多朋友仔已經打過卡嘅和洋喫茶店。好開心喺6月重見到櫻花樹，另外梳化位同書架旁都掛上仿油畫都係一個好靚嘅打卡位。食物方面，呢度主打係蛋包飯，緊係要試一試，叫咗menu上推介嘅紅酒燉牛面肉蛋包飯（牛面肉好入味，質地軟淋，綿到唔駛咬都得）咖哩牛肋肉蛋包飯，青醬大蝦意粉（呢個汁調得好好味，炸蝦彈牙）岩燒芝士多士，月見雞皮餃子（呢個好食到要encore多一客）雖然係集團經營餐廳，但係各樣都比想像中好食，服務態度都好好。呢度夜晚好多人排隊，唔想排隊，記得預早訂位喔，限時90分鐘…查看更多

今日又帶埋愛犬QQ出發揾食今次去咗一間係長沙灣屋企附近，開咗已有2年嘅咖啡店。店舖以黑色為主色，但配合木枱木凳，平衡番成個tone，形格中帶點温暖，打卡位都有幾個，位置比較偏僻。下午茶去到，menu上有6-7款甜品，有我想食嘅法式多士，點知冇，細問下得3款供應，試咗tiramisu ，老實講，普普通通，手指餅比例過多，似食緊蛋糕，唔夠濕潤，酒味唔出，唔係太啱口味，另外配上熱latte，口味偏向nutty，拉花都幾靚，唔差嘅，相信我會再嚟試吓其他嘢。…查看更多

今日又帶埋愛犬QQ出發揾食今次去咗一間係屋企附近，開咗4個多月嘅咖啡小店，咁緊係要去支持下。佢係一間我都幾欣賞嘅馬灣咖啡店@solcommittee 新開嘅分店，所以新店都係用番一樣嘅咖啡豆同器材，以保持番咖啡嘅品質。店舖唔大，只有2張小圓枱加一張長枱，牆上掛上一列籃球與旁邊的籃球場相映成趣。今日下午茶去到，試咗抹茶芝士蛋糕，抹茶味好濃，食完後有回咁，配咗杯烏龍茶latte，都幾特別，略略多少少咖啡味會好啲，另外叫咗墨西歌脆片配牛油果醬，點下點下食，好快食晒。…查看更多

今日又帶埋愛犬QQ出發揾食。落咗咁多日雨，足之等到好天少少嘅今日，加上要去旺角買啲嘢，即刻揾間cafe嘆下先☺️☺️今次去咗一間開咗已經有2年半嘅cafe，在新cafe不斷湧現嘅今天，加上店舖座落在一個旺中帶靜嘅位置，但仍然可以生存，必定有其個人之處🤔️🤔️店舖係由網店起家，風格係日系小文青風，感覺都幾cozy，坐位唔多，大概12個位，到訪為平日時間都坐滿8成，亦不時有客人買外賣。望窗吧檯位望住對面一間舊式茶餐廳，一新一舊，相映成趣🥹🥹店名以bagel起名，所以主打係bagel，每個月都有新口味推出，保持新鮮感，但當日唔肚餓，冇試到（正好留個藉口再去）叫咗一件Lotus biscoff 半熟軟心芝士蛋糕，淋上自家製焦糖醬，蛋糕柔滑細緻，軟綿Creamy，入口即溶，芝士味道濃厚，再灑上焦糖餅碎，一脆一軟，口感豐富，雖然唔係主打都好好食喎😋😋配上一杯熱latte，略嫌咖啡味唔係好夠，合格水平🙄🙄但我都係會返去試bagel嘅🤭🤭…查看更多

今日又帶埋愛犬QQ出發揾食今次去咗一間初開業可以帶狗狗，之後唔得，到最近又可以啦☺️呢間係一家非常有特色嘅日式咖啡館，佢融合咗水泥和木材元素，另外配上一些日式風格嘅佈置，營造出一種自然感相結合嘅氛圍。我點咗佢哋招牌菜，厚切日式豬扒三文治，這份三文治份量非常大，足以滿足兩個人嘅飢餓感，中間夾著的芝士和生菜，非常清爽，味道非常好，豬扒呈現粉嫩色，內裡鬆軟，絕不柴皮，非常好吃，外皮重好酥脆，另外加多一個松子煙三文魚沙律，同埋凍番茄，已經好滿足😌😌雖然話有話有冷氣，但係門口大開，加上高高嘅樓底，係30幾度嘅高温下，我都要等一等，冇咁熱先會再去🤭🤭總的來說，Nomad餐廳的食物非常美味，而且份量非常足夠。餐廳的氛圍也很好，讓人感到非常放鬆和自在。如果你正在尋找一家獨特而美味的日式咖啡館，Nomad餐廳是一個絕佳的選擇。…查看更多

今日又帶埋愛犬QQ出發揾食今次去咗一間開咗個多月以粉色為主嘅咖啡店，雖然我係男仔，但都一樣比佢吸引咗嚟打卡，爹爹重幫我配襯咗一條以愛馬仕飛馬為藍本嘅頸鏈，本來一個星期前已經嚟過，點知因為冷氣維修，只有望門興嘆。今日踏著熱浪而來，好彩有冷氣😌。聽說店家係賣甜品起家，一於叫佢個signature開心果tiramisu 試吓先，最近食咗好多tiramisu，但係開心果味未試過。嚟到後見到賣相好靚，食落開心果味道濃郁 ，每啖充滿驚喜，甜度適中，面層鋪滿開心果碎，每層手指餅又夾雜著幼滑開心果忌廉，口感好豐富，開心果控必點😋另外配咗杯nutty味嘅熱latte，上面個拉花好靚，係隻狗仔頭，係咪我嚟㗎🤔️🤔️佢哋還有另一款signature 甜品Thai Milk Tea Chiffon Cake，但係去到時已經冇晒，下次要去試埋佢😌😌…查看更多

今日又帶埋愛犬QQ出發揾食天氣咁熱，緊係要揾有冷氣嘅地方食嘢啦，原先book 咗近嚟好多人去嘅台灣餐廳食嘢，點知臨出發前收到WhatsApp 通知話最近有人投訴，收到食環警告，又一間冇得同狗狗去啦，即刻從pocket list 裏揀到呢一間位於同一個商場裏便嘅日本餐廳，都好呀，日本菜，我like❣️❣️叫咗和牛壽喜燒定食同埋汁燒牛舌定食，2個都好好味喔，尖沙咀區，有冷氣，百零蚊一個午市定食，絕對超值啦☺️☺️下次要試埋其他食物先😌😋…查看更多

今日又帶埋愛犬QQ出發揾食今次去咗一間還在試業中嘅咖啡店當初爹爹發現此咖啡店時已被佢嘅懷舊風格深深吸引，少有晨早爬起身嘅佢，一早摷醒埋我，未夠9點已經出發🚌🚌店舖座落在一衆長生店附近，都幾….🙄🙄離遠已經見到一間有大大玻璃窗嘅店舖，配上歐洲風嘅淺綠色窗框😍😍到達店門前，週圍都有綠色嘅植物包圍著，心情也變得輕鬆😌😌進入店後，高高嘅樓底，吊著一盞水晶燈，和刻意做舊嘅水泥牆，牆上倚靠著一道有歷史痕跡嘅木門，彷彿就是一個法國貴族等著你去發掘他背後的故事。由於是試業階段，所以食物方面選擇唔多，主要係三文治，ADB，意大利粉。點了一客牛肉三文治和latte，食物方面還有進步空間，其後老闆娘都主動詢問是否牛肉做得不理想，到埋單時亦大方地免去三文治的收費。咖啡亦比想像中好飲，原來當日咖啡師剛好第一日上班，另外亦請咗我試食佢哋調校嘅紅菜頭鷹嘴豆醬，都幾好食，食晒先記得冇影相😅😅睇得出店舖很有heart的，希望愈做愈好☺️☺️…查看更多

尋日520，雖然天氣炎熱，維持32度高温，但係爹爹媽媽話要同我慶祝入屋5週年，去咗屋企附近想去好耐嘅神話屋high tea 。餐廳外觀以希臘女神做壁畫，好彩唔係用菲林相機，如果唔係肯定謀殺不少菲林。一場嚟到下午茶，緊係叫番個high tea set試吓。有啲乜嘢食？餐牌menu寫得好清楚，當食物送到嚟時，會將所有茶點放在木盤上方便大家打卡，之後再由侍應逐件介紹及放上樹形點心架上。食物方面其實都幾特別同幾好食，但係實在太熱，甜品溶得好快，要食得好趕😅，想慢慢嘆？no way，唯有等秋冬天再去嘆過☺️服務方面就幾好，原先安排位置都幾熱，之後見到有風機位置空出，亦主動建議我哋移位👍🏻…查看更多

今日又帶埋愛犬QQ出發去揾食今次去咗一間收埋好耐，等待夏天先攞出嚟嘅bucket list。話說爹爹幾年前去巴黎玩冇食到玫瑰花雪糕，一直耿耿於懷，足之今日可以完夢。呢間gelato 專門店，黑白色嘅設計，波波吊燈，活像巴黎小店🥰🥰Gelato 有大嘅10款口味，選擇困難症嘅我……….. 最後選咗開心果味。看著店員很用心將花瓣一片片堆砌著，完成品真係好靚（事後上網睇返相，原來選2或3種味，個效果重靚，當然價錢會貴啲啦）雪糕的甜度是適中 食落軟滑。另外點了一杯普通嘅latte，心諗雪糕店飲咖啡，期望不大，怎知飲落口味偏nutty，after taste卻一直停留在口腔內，意料之外😌😌加上店家用木盤奉上，還貼心地附上一小杯水，窩心❣️坐在高櫈上，由半身窗口望出去，對住半山行人電梯及一間黎巴嫩菜嘅餐廳，旁邊係bakehouse ，充滿著異國風情的感覺，腦海中幻想著自己身處外地，加上望住出面怱忙的行人，對比著自己悠閑地品嘗著美味的咖啡/雪糕，時間過得特別輕鬆愉快。睇返menu，原來除咗雪糕仲有好多其他輕食，下次可以再去試吓…查看更多