cutecuteshan的個人專頁

同朋友一齊過嚟食飯，叫咗麻油雞 ，牛肉蚵仔燉飯，藥膳湯羊肉，炒水蓮，濃蝦湯麵，樣樣都好有水準，特別係個麻油雞，雞件非常嫩滑入味，水蓮又好嫩口，最後叫埋個甜品，非常大碗抵食👍🏻…查看更多

今日油塘學完車，過嚟大本營食lunch，見CP Cafe幾多選擇，就入咗嚟試吓，本身見咁多負評都有啲卻步，所以就決定幫大家證實下，我叫咗個日本我all day Breakfast, 首先想講個吐司奇怪，上面係芝士蘑菇配青瓜絲，完全冇味，啲青瓜絲加上去九唔搭八，另外想講個薯餅，佢係可樂餅feel嗰種, 但係裏面竟然可以有粟米粒同青豆，完全係多餘咗，整體嚟講真係唔太好食，果然咁多負評係正常😔…查看更多

新店就過嚟試吓，叫左碗鹽味同醬油豚角拉麵，本人覺得醬油野味好多，豚角有三塊，燒得好香，仲有糖心蛋，$88黎講算抵食，新張期仲有折，另外叫左個純胸肉雖然係雞胸但都好滑，此店可以再來…查看更多

今日星期五下午五點九黎到，店內有十幾食客，見唔洗等位就黎試下，點知就出事，首先叫姐姐落單，呀姐話轉過頭跟住無左回事都算，店內跟本唔夠人手，米叫左另一個姐姐落單，叫左一碗湯餃雙拼，白菜拼椰菜湯餃，等左半個中都未黎追下啦，都合理掛，呀姐就勁hea 睇都唔睇單就話整緊等下啦，真好燥左，勁無禮貌囉，完全無服務可言，咁等左半個中終於黎，食落去d餃勁大既五香粉味囉，唔係好傳統果D，D菜又老肉又少，完全唔好食，食到谷鬼気。大家真係唔使幫襯！唔明點解會長期排長龍，簡直貼錢買難受😣…查看更多

火炭區好味點心，每樣水準都唔錯，特別個菠菜苗餃好出色，流沙包好流沙，叉燒腸個皮好滑好味，墨魚滑茄子好大件，樣樣都好充料大大件，D點心好夠熱，坐得好舒服，支持好食黃店😋…查看更多

星期五黎食dinner buffet , 睇好多comment都話幾好，諗住試吓，點知仲晒伏，首先問左話有生蠔同龍蝦食，點知原來龍蝦係芝士焗既，個爐熱住搞到好鞋身，肉質又淋既，一食就知唔多新鮮，唔好食，冷盤有龍蝦夾沒有龍蝦身，食到有一隻有D怪味，叔叔地，應該就係佢我即晚已肚痾了，生蠔又唔夠凍又冇咩鮮味，刺身都係平價貨，沙律菜D菜又擺到乾晒，其實好多野食落唔新鮮，唯一ok 係塊牛扒，仲想劣評多樣野，就係拎雪糕時姐姐只係用一隻匙羹去筆，筆完一隻味用塊布抹下就筆第二隻味，見到佢塊布都唔開胃，點解一間酒店可以咁處理，完全唔合格，唔會再有第二次…查看更多

好嬲, 本身已經好早訂左位同媽媽慶祝食生日飯, 其實之前都食過一次係唔錯, 所以今次再黎,點知前一日先打黎同我講話果晚包左場比唔到餐廳我地, 我啞左...包場唔係一早知架喇咩?點解可以安排到咁?! 除左好嬲都唔知可以講咩...如果只係為左包場生意既話, 咁我地呢d小市民又唔係生意喇咩?仲要前一日先打黎通知, 又要臨急臨忙去搵過第2間餐廳, 今次經歷真係好不愉快!…查看更多

黎呢間餐廳既原因係被店出面隻蟹公仔吸引, 所以決定黎試下, 套餐佢分左幾個價錢, 同屋企人一行4人叫左$298既set, 有9款食物, 呢度店員會幫你蒸埋, 唔洗你煩要蒸幾耐,時間掌握得好好, 每樣海鮮都岩岩好, 唔會over time, 另我最欣賞既係隻越南蟹, 無奈係蟹膏同埋d蟹肉都係勁鮮甜!抵讚!! 相反我地試埋另一款既大黃蟹呢隻就失色d, , 大家黎一定係推介揀越南蟹!!其他海鮮都唔錯, 有鮮味, 不過今日黎就冇聖子得扇貝揀, 雖然每樣份量唔係多, 但係食完都好夠飽, 食晒蒸既食材最後食埋個南瓜咸肉粥結尾, 唔錯, 仲有甜品椰汁雪燕送, 埋單加埋一$13xx, 咁既價錢食到都合理!…查看更多