heiman84的個人專頁

食物不過不失玩具乾淨整齊服務貼心價錢就偏貴，不過一次半次ok啦小朋友入黎就雙眼發光急不及待入去玩好彩食咗啲嘢先黎俾佢地玩一陣先食野都得3個鐘都夠玩夠食盡興而歸！…查看更多

原本打算食隔離間打冷，點知執咗，好傷心，入咗呢間小店。我都好後悔點解唔睇下食評先，大家講嘅嘢完全冇誇張，食物一般唔係最主要，老闆娘態度先係致命傷！好多規矩: 唔准郁枱凳(我搬張有凳背嘅椅俾小朋友坐俾佢話咗好耐)、menu有寫(鬼迷咁細隻字)嘅嘢如果再問會俾佢串、有兩個人入黎坐咗6人枱中間兩個位，佢命令人地坐番側邊(係命令)！店內貼滿各樣規矩指示，其中有一張大約係話”所有食物即叫即做，叫人唔好吹佢地，吹佢地會令人變得心煩”🙄，另一張英文嘅規矩內容我唔多記得，但最後嗰句係”Please respect our rule. “🙄，嘢食未黎已被搞到一肚氣😤其實我估小店係由兩公婆經營，守住間舖係好辛苦我明，但要有翻頭客唔該真係檢討下對客人嘅態度，同客尤如敵對關係，嘢食再好都冇用(仲要係嘢食都好一般🙄)! 老闆娘放低固執佢自己都會好過啲。…查看更多

PAPA Orange 即係鮮果大蝦沙津開頭諗住都係雪蝦味salad, 點知大蝦竟然彈牙鮮甜😳 個芒果sauce用個樽仔另上，份量剛好，撈埋落啲水果度成個沙津感覺係清新嘅👍不過份量可細番啲，食完個沙津飽咗3成😅慢煮西班牙黑毛豬成日聽"慢煮"，今次都係第一次食，原來呢種烹調方法可保持肉質鮮嫩，咬落去堅有肉汁咇出嚟。美中不足冇sauce點，有就可多個食法。小驚喜，呢個dish主角雖然係舊豬，但反而配菜都好好食，尤其係黑松露薯蓉，好香好滑👍👍燴乳鴿risottoRisotto配鵝肝食得多，今次配乳鴿好特別，係店員推薦我哋叫的，隻鴿真係外脆內軟，搶鏡過啲risotto😅 Risotto 味good, 硬番少少會更正宗😌蕃茄羅勒水牛芝士pizza普普通通嘅pizza食落唔普通，超級多料，我個女隊咗兩塊😅蘑菇忌廉湯原本冇諗住叫湯，店主誠意推介，嗯....好濃郁好正，最鍾意呢個湯，10個like👍Overall可能新開張，菜色唔算多，但食得出用心去煮，價錢呢個水準算okay，環境氣氛好好，有落地玻璃，又正正喺石門站一出就係👍唔知俾唔俾包場？開私人Party係一個好選擇👍Ps 今餐飽到上頭頂，下次要試烤海鮮拼盤😁…查看更多

見佢門面幾靚, 餐牌d野又幾o岩食, 又好多人等位, 所以就算要等8個字都照等去到坐Bar枱, 見到剔野張紙咁多選擇真係好期待, 所以剔左好多野一黎個鮑魚同三文魚剌身, 鮑魚剌身ok, 但三文魚剌身唔新鮮..跟住黎個蟹子沙律, 暖架....邊有沙律係暖架, 仲要得幾滴沙律醬, 不如唔好落啦...d青瓜同蟹柳梅架....好失望中華沙律...ok啦...不過唔凍...ok都冇用, 因為應該係買番黎的...應該唔係間餐廳自己整....蝦沙律....我朋友話好難食, 所以冇叫我試...小食串燒類，叫左雞腎(硬+冇味), 七味雞翼(得塊皮有少少味), 栗米(整定好耐，好乾好硬), 冬茹(算係最好食, 因為有酒d盬上去), 雞軟骨(ok的，但好多油), 豬軟骨(ok啦, 夾開好鞋既地方，其餘就一pat野咁lor)炒野類，炒雜菌(ok的，食晒), 金茹肥牛(甜得濟，食左一半), 生薑豬豚肉(呢個係最不知所謂，食左一舊就冇食, 甜到呢...都唔知係咪將糖當做盬) 雖然佢寫住食唔晒d野要罰錢，都唔理啦, 真係入唔到口, 成碟畀番佢仲要同佢講好難食!!天婦羅, 炸蝦入面隻蝦未熟, 蕃薯ok, 但好油膩, 但d豉油係熱的, 好感動...成晚最好味的, 係杯忌薕!! 雖然係機沖, 但都好夠氣, 飲左兩杯要每位加$10先可以任飲啤酒汽水埋單每人$160, 好貴, 好後悔, 好肉赤, 我個朋友食完番去想扣喉....其實呢間野係食物very bad, 但舒適度, service都ok, but食物唔得其他點好都冇用...NO NEXT TIME!!! 都係唔好對放題有太大期望...基本每位$128(好似), 有一張menu係如每位加$20, 可任叫d貴少少既壽司, 原本第2 round諗住order啦, 食完第1 round都係hold住先...…查看更多