Queenqueen613的個人專頁

豆腐花滑溜， 仲配埋老闆話係鮮榨薑汁薑味好重， 值得一試。 老闆好好傾好有人情味好有禮貌。原本諗住兩個人叫一碗豆腐花 試下， 點知老闆都特登畀咗兩個位我哋坐，仲幫我哋 抹乾淨張枱。…查看更多

堂食lunch， 食咗半個鐘都唔夠， 有客人入嚟冇位， 我坐卡位嗰個係四人位， 我對面都係坐住一個人， 個阿姐突然走過嚟同我講：“ 睇手機返公司睇， 坐入去啦，系甘掛住睇手機，翻公司睇啊嘛！” 雖然都係啲噏耷茶餐廳， 我唔會expect佢服務有幾好， 不過我想講我唔係佢個囡羅， 同埋同客人講嘢唔係咁嘅語氣。 我對面嗰個夠係一個人唔叫佢讓？ 話我掛住睇手機，我坐低都唔夠半個鐘， 如果唔比睇手機嘅，請佢喺入嚟之前同我講明。 如果覺得我掛住睇手機食得慢，阻住佢做生意嘅， 佢哋可以寫住堂食限食半個鐘吖。 我明白食飯時間多人 ， 你叫我讓位我唔介意， 但係如果咁樣嘅態度同語氣， 真係好冇禮貌！ 同埋我坐低咗半個鐘都唔夠， 佢就嫌我食得慢阻住佢哋做生意 。乜嘢垃圾火記 同垃圾態度。 永世唔會再幫襯…查看更多

聽朋友推介，今日特意選擇左呢間餐廳招呼遠道而來既朋友。，二百幾蚊任食刺身加打邊爐。首先，我地被安排起離門口最遠既一張檯，入座後，叫左刺身加打邊爐食材，但係一直等都無人經過呢個荒蕪之地，係我地自己搵D職員交D單俾佢地，差唔多每次都係自己出去搵D職員交單。刺身足足等左15分鐘有多先來，D打邊爐食材起碼等左差唔多半個鐘，每次來既嘢唔齊都預左。（我地叫既份量絕對係合理，唔係亂咁寫勁多份量果D）成餐落來，只係食左兩次刺身，兩次打邊爐既食材，因為本身每次點既份量已經唔多，仲要加上任食餐廳一定唔會俾足份量，所以食得好少。最好笑就係，最後一次果D打邊爐食材，其中有一樣係墨魚滑（我係叫左兩份），等左好耐，職員終於送來（得一份），點知仲整跌左落地，佢話換過俾我地。點知等到佢話叫埋單都未換到俾我地。後來同個職員講，佢即刻起對講機度嗌咪，跟著唔夠兩分鐘即刻有人羅左兩份墨魚滑過來。咁係說明咩，說明根本就係拖慢來做。成餐落來，我食得最多係菜同丸，因為係自己可以羅既。老實講，以兩百幾蚊呢個價錢，出邊大把有誠意既餐廳可以選擇，而且食物質素都係普通。任食都可以食唔飽，真係無言。如果二百幾蚊係咁食丸，會唔會賺得有d過分？同埋本來唸著招呼朋友，結果連自己揀左間咁既都覺得自己招呼不周。唉，都唔知點解朋友會推薦俾我，總之大失所望。…查看更多