yingkary的個人專頁

今日同老爸搵個舒服的餐廳食飯傾偈，原來我老爸一早已經知道《銀杏館》呢間社企，咁就直接約咗佢係餐廳樓下集合啦！離遠望到我老爸喺地下門口，望咗好耐都唔敢上樓，因為條樓梯做緊工程，我就帶佢入大樓搭𨋢 。餐牌食物選擇好多，因為心大心細，直接叫咗份「二人套餐」，有2個湯、1個小食、2個主菜、1碟有機炒菜 。套餐我哋三個人食，後來再額外加多個餸，到最後都係食唔晒要打包 。埋單嗰時先知，原來長者咭仲有折扣優惠🤍豐富的晚餐！…查看更多

剛好趕及下午茶截單前入座，因為伙記開始預備晚市，幾個伙記忙緊執拾唔得閒應人，係理解的，想拎支筆畫點心紙，筆已經收起晒，唯有走到櫃檯問收銀借，佢話「你無筆，我哩度點會有筆」🙄佢態度好影響對酒樓的觀感。最後搵咗幾張枱面一支筆都搵唔到，無奈地問咗另一位睇緊馬報的茶客借筆。叫咗5籠點心，全部熱辣辣上枱，質素及味道很好。可惜伙記們唔太友善，客人舉手，幾個待應望到，但擰轉頭扮看不見，如果佢唔係負責哩部分，亦可以幫忙通知負責同事過嚟，真係完全沒有服務可言，怪不得港人都走晒返大陸飲茶食飯，留港消費還要看別人面色食飯😥…查看更多

今晚與家人生日飯，因為依家好多餐廳都限時1.5或2小時，特意挑選一間冇限時嘅餐廳，可以舒舒服服、慢慢享受與家人生日晚餐，更新餐牌後，侍應生同我哋講冇咗套餐，唯有à la carte，見到有個八月限定$98餐酒任飲，好抵。右上方係蕃茄燴牛腩，牛腩好入味，番茄醬好濃郁，配埋蒜蓉法包👍🏻👍🏻👍🏻👍🏻👍🏻左上方燒春雞，薯角炸到好香脆，雞肉都非常入味，雞皮烤得焦脆，應該已經醃咗好一段時間，係誠意之選👍🏻👍🏻👍🏻👍🏻最後係羊架，擺盤好色彩繽紛，顏色豐富，羊架肉惗、但無鬆散👍🏻👍🏻👍🏻👍🏻最後生日當然唔少得蛋糕，切餅費每位$10，係值得俾嘅，待應會準備好所有餐具及刀。整體來講，餐廳服務態度很好，職員有耐性，會喜歡同客人溝通互動，亦都可以支持長者再就業，好滿意今次用餐體驗。…查看更多

觀塘呢間餐廳採用藍白色調，一踏入餐廳，就比呢個地中海風格裝潢吸引住，餐廳雖然唔大，但座位唔會太多，每張枱之間都有一定空間，就可以同朋友暢所欲言。由於我地6個人，我地想試多d款式，所以叫咗5個餐加4個小食餐前沙律，個汁酸酸甜甜好好味，仲有配埋藜麥、龍珠果、提子、哈密瓜配搭好清新。個湯可以選擇，不過我最喜歡都係磨菇湯4個前菜，水牛城雞翼必試主菜：5成熟肉眼扒，無諗過咁大塊，好juicy，$248套餐係超值奇珍燒原隻春雞套餐$178，一個人真係未必食得曬雞扒煎意大利飯，個飯有小小焦香，飯汁水較多，適合香港人口味，但我比較喜歡唔煎香的意大利飯海膽墨魚汁海鮮意大利飯我好欣賞黑松露軟殼蟹意粉我係黑松露fans最後大家用甜品焦糖燉蛋作結呢間餐廳性價比好高，今次預早訂枱仲有全單85折。…查看更多