janng85's Profile

作為一個鍾意食牛腩嘅男人，今日難得有空檔終於都要過嚟試一試道生11點幾過到嚟已經有差唔多10個人喺前面等緊入到去果然係冇崩沙腩，不過本身都只係諗住試爽腩或者坑腩。結果冇爽腩咁就唯有試坑腩伊麵一上枱，賣相靚仔。飲啖湯先！牛骨湯香濃不油膩，再試試坑腩，溫得夠腍夠入味！呢啲有筋膜嘅位置果然係最好食！食物方面真係非常之good，不過落單姐姐嘅態度就真係好曳，大家要有心理準備…Read More

經開灣仔諗住搵個地方食齋，喺OpenRice見到佢啲齋價錢好似Ok, 上去一探究竟。一坐低，發覺有茶位、加一，同預期中有啲出入不過都唔緊要，照去睇咗好耐都唔知嗌咩好，最後叫咗個南乳齋煲。南乳齋煲係我食得最多嘅齋菜，因為阿媽每逢拜神都一定會煮，我係好鍾意呢個味道。而且因為配料多，所以自己好少會煮。一上枱，係熟悉嘅味道，香濃嘅南乳味，配上唔同嘅配料，食咗一半已經食晒碗飯，唯有空口食埋佢雖然價錢係真係貴，不過質素係真係唔錯。…Read More

學某個朋友話齋，好多齋舖都係為難齋佬，好多齋舖都要+1再加茶介，甚至某著名素食自助餐逢初一十五都要加價，搞到出去食個齋，動輒都要百幾蚊。今日出開上水做嘢，諗住求其搵個豉油王炒麵就算數。點知俾我搵到呢間外賣店，望咗好耐，決定試吓佢個雲耳素雞片炒木棉豆腐便當，另外再叫咗一個牛油果豆乳。先試一試牛油果豆乳，濃烈嘅豆乳味道再配上牛油果油香的味道，難得的互相平衡又不會只有單一方的味道，很好。再試素湯，應該是因為落了大量的海帶，整個湯都非常鮮味，難得的不用食到口寡寡～再來就是主菜，初嘗呢個豉汁香鮮味美，突然心想會否有蒜蓉在內再問一望，原來是用香菇碎去襯托出鮮味，並沒有五辛在內，非常好。這樣的小店，可遇不可求，希望有機會再到上水品嚐他們其他的美食～…Read More

經過屯門總要過嚟食返碗，叫肥腩麵通常都冇得輸，不過今日個面就好似未過晒啲鹼水味，有少少失望，不過佢啲水準算係叫做穩定，而且又大大碗，價錢咁多年都冇加得好多，冇投訴㗎啦…Read More

老竇不嬲都好鍾意食燒鵝，今日返去，決定去一路都好想試嘅竺扶買個下莊試試返到老家打開，睇個樣係好對板嘅，聞落都幾香試一試，皮唔算脆，但唔會韌肉都嫩口有肉香，但係阿媽就提出咗個問題「咦點解好似咁淡味嘅？」冇錯，個問題就係⋯醃得好似唔係好夠味，我諗可能係想食到燒鵝本身嘅肉香掛⋯…Read More

公司距離餐廳非常非常遙遠，油麗商場嚟講，除咗連鎖店之外，稍為入得口嘅真係得呢間，一個星期總有一日會喺呢度食，平時都係叫開雞扒撈烏冬或者炸雞，今日原本都想嗌同一樣嘢嘅時候，見到幾碗炸豬扒飯喺我旁邊飄過，發現原來個炸豬扒都幾大塊，於是就嗌嚟試吓一嚟到，其中一樣令到我幾滿意嘅係，個滑蛋係喺炸豬扒下面，唔會搞到個炸豬扒腍晒個豬扒仲要都有15 mm厚，喺油麗商場嚟講，呢個質素真係冇投訴㗎啦，下個禮拜再去食過先…Read More

放工落咗北角，九點想搵嘢食都有啲難度，打開OpenRice見到呢間風評不錯，之前幾次過門不入，於是打算試吓佢個人比較喜歡食香口嘢，但係個花膠湯又好似幾吸引，好彩見到佢煎餃都送個細湯，於是即刻叫咗個雙拼煎餃試試佢一嚟見到個樣都非常之咁唔錯，試吓啖湯先嘩！非常之咁鮮味，感覺有阿媽煲湯落咗鯊魚骨嘅嗰種海味再試吓個餃子好少出街食餃子，餃子皮係好似上海雲吞皮咁薄，呢間個皮薄之餘又煎得夠香脆，真係非常唔錯入口好有蔬菜嘅鮮甜味，係唔會俾個湯嘅濃厚味道掩蓋嘅鮮甜，好食！如果有機會離呢頭，我會再試吓佢嘅湯餃同埋羊肉餃…Read More

影片分享網站見到某名廚推介，今日經過太子就走來試吓始終都係晏晝又唔想嗌啲大大份嘅嘢食，諗住都係叫個麵就算，睇OpenRice見到有師兄叫咗個羊腩麵，作為一個鍾意食羊腩煲嘅人，梗係要試一試叫個羊腩粉，又好似試唔夠，就加多個羊雜羊腩雖然未至於又韌又柴，但都係比較乾瘦羊雜方面，感覺淨係依稀有少少羊味，同埋可能因為係羊，所以啲雜感覺上都係比較薄身總括嚟講，如果係$50樓下嘅話我覺得OK，但依家90幾蚊，就真係麻麻地…Read More

上堂之前諗住搵啲好味啲嘅嘢填一填肚，咁啱見到佢有雞雜，於是叫做玩雞什粉好彩有坐低，雞腸香到不得了，個湯又鮮味，好耐未試過出街食嘢成碗連湯啪晒街邊邊坐低食，別有一番風味…Read More