michkwk的個人專頁

經朋友介紹黎試呢間25品多款式性價比omakase! 先以多道前菜，酸酸甜甜的沖繩水雲配松葉蟹肉、入口綿密的鮟鱇魚肝配柚子酸汁、北海道汁煮黑梅貝、香濃口感豐富的蟹膏豆腐配蟹肉德國黑魚子、新鮮彈牙的沖繩小龍蝦刺身等打開味蕾。當晚我覺得好吃的包括北海道牡丹蝦配蝦膏，蝦肉鮮甜creamy，蝦醬濃香。3道海膽的菜品最令人留下深刻印象，第一道係奢華感滿滿的赤身醬油漬海膽卷，極上的北海道馬糞海膽鮮甜無比。第二道紫海膽配紫菜天婦羅，紫海膽味道相對清雅，配上炸紫菜味道層次豐富。第三道係口感軟綿的白海膽配上白脆鱈魚乾，加上淡雪鹽，口感豐富。北海道蠔肉身厚肥，海水味淡，蠔肉甘甜鮮味。另外仲可以一次過食曬秋刀魚、赤貝、螄魚、白見貝、金鯛立鱗燒、松葉蟹壽司、黑龍配洋蔥漬、慢煮4小時的磯煮鮑魚、拖羅同火炙腦天無得輸🥰筋子（未醃製過三文魚籽）味道濃郁，入口滿滿幸福感。最後不少得甜點，焙茶雪糕香濃滑嫩，雷電赤肉蜜瓜甜美多汁。是令人快樂又滿足的句號。…查看更多

Omakase 晚餐於傳統上加入創新元素。不論刺身,壽司同埋熱食部分各有菜式讓人讚嘆！先以前菜蟹肉菠菜，白酒啫喱蕃茄打開序幕。岩手縣生蠔🦪土佐醋啫喱，生蠔極之肥美，一口吃下就是滿足😌西班牙深海紅蝦，沾上超濃郁的蝦膏醬，邪惡美食🥰大粒貝用上岩鹽、柚子皮調味，清新爽口。皇帶魚配上北海道三星漬，魚嘅鮮味得以提升👍🏻其中一款創新菜式-腦天及赤身，絕對令人驚嘆。先將吞拿魚頂肉的稀少部位「腦天」火炙，再將赤身夾在一起吃，一生一熟的配搭。口感獨特，入口即溶，油脂豐富。磯煮鮑魚配天然鮑魚肝醬！肉質鮮嫩彈牙, 沾上精心特製鮑魚肝醬, 低調但有驚喜的一道。鹽燒吞拿魚下巴，入口油花滿滿！配南瓜湯分子料理，一口咬下去，滿口都是濃郁的南瓜香味🎃壽司部分🍙-日本烏魚子-蜜柑鯛，以蜜柑養殖嘅鯛魚，帶有淡淡蜜柑香味。-炭木煙燻深海池魚-腦天，經過炙燒後，會冇咗啲筋，彩色芝麻醬係出蔬菜曬乾後-北海道馬糞海膽杯，海膽份量慷慨，味道鮮甜。燒右口魚邊手卷最後一道魚湯都大有驚喜。用上三十多條魚頭魚骨熬成，味道就是豐富濃郁嘅魚鮮味🥹…查看更多

今日嚟到葵芳，想食吓小食，但係又唔想企喺葵廣食，所以去左新都會搵間餐廳慢慢坐低食嘢傾偈。掃街小食全餐一份全餐6款掃街美食都有齊！麥皮蝦芒果沙律脆筒、碗仔翅蒟蒻麵、特特大魚蛋、蝦頭油菜圃燒賣、山椒鹹蛋黃雞翼同新煎釀三寶。個人嚟講最鍾意鹹蛋黃雞翼，鹹香惹味十足。麥皮蝦芒果沙律都好特別，啱晒打卡。瑞士雞翼，超級入味，撈麵一流🥰蝦頭油撈麵撈麵好香充滿蝦味，鹹香十足，每一條麵條都有蝦子，食起嚟爽口彈牙雪糕雞蛋仔102畫室打卡一流嘅雞蛋仔！一道甜品有齊晒雞蛋仔、雪糕、朱古力🍫醬，滿足甜品胃嘅需要😌芋頭西米椰皇蛋白椰汁配綿滑的芋泥同埋芋圓，口感豐富。整個配搭超合我心意，實在太好食！🥹芝麻糊椰皇蛋白的甜道比起芋頭西米低，同行朋友不喜歡食太甜，所以覺得很合適！❤️芒芒甘露沙冰，芒果🥭西米小丸子根本就是童年回憶的味道，芒果味香濃，小丸子煙靭合適，真的做得很不錯！💓芒芒椰奶，椰汁味香濃，整體感覺厚實，如果喜歡濃肉口味的可以選擇這款椰奶。…查看更多

今日同朋友嚟荃灣打邊爐，估唔到商場入邊有一間咁高質嘅火鍋餐廳。裝修好靚，主題係懷舊香港，有好多唔同嘅縫紉機，所有嘢都好detail 😍😍我哋兩個人被安排到一張四人枱，坐得好舒服，而且完全唔嘈，可以冇顧忌地傾偈。海鮮冬瓜鍋賣相超靚，店員仲好細心咁樣等我影咗相先切開個冬瓜，入面除咗有東華之外，仲有類似魚翅，小蝦仁，蟹柳，以及其他海鮮，好豐富。美國安格斯肥牛厚薄適中，牛肉入口即溶，淥大概七至8秒就已經食得！新鮮蝴蝶腩唔係好多地方有蝴蝶腩呢啲特別部位，牛味濃郁，好煙韌，配上冬瓜湯湯底，非常夾。七色丸入面七隻都係完全唔同口味，個人最鍾意鹹蛋黃同黑松露嗰2隻，食落去好特別。花雕雞子雞子超大粒，配上花雕，完全吸收晒酒香，食到停唔到口！另外仲有點左其他食物，樣樣都好新鮮，而且全部影相都好靚，又睇得又食得😍😍打邊爐當然唔少得飲啤酒，喺餐廳點生力白啤仲要買二送一，好正啊！…查看更多

週末嚟到黃金海岸散心，順便嚟試吓呢間之前：bookmark左嘅隱世鐵板燒。.首先來一份刺身拼盤有油甘魚、海膽、甜蝦、帶子、三文魚。海膽份量慷慨，味道鮮甜。三文魚肥美，帶有油香。.接下來就係晚市鐵板定食.松葉蟹茶碗蒸蒸蛋香滑水嫩，配上松葉蟹味感覺更奢華，口感更豐富。.帆立貝.四元豚滿載瑤柱鮮味的北海道帆立貝，配上特製的柚子醬汁，鮮味更加突出。北海道豚肉，則配上昆布鹽，香氣濃郁，沾著吃味道很獨特，很有質感。.櫻花蝦炒飯真材實料的櫻花蝦炒飯，炒飯粒粒分明，櫻花蝦香酥細緻的口感，整體鹹香惹味。.漬物.湯品泡菜味漬物酸酸甜甜，很喜歡這種甜味，味道一試難忘。…查看更多

呢間餐廳主力係食一啲好新潮嘅泰國菜，每次嚟都充滿驚喜。泰式鹹蛋魚餅味道好濃郁，配上超級邪惡嘅鹹蛋，好香好惹味。冬陰功湯入面有好大隻蝦同埋青口，唔算好辣，酸酸甜甜，好開胃。燒深海鱸魚賣相超靚，好似食緊西餐咁，有大青椒同蕃茄做配菜，配上兩款醬汁，分別係魚露同泰式辣醬。魚入面有好多調味料同香茅，燒得剛剛好，魚肉非常嫩滑，出色！牛柳炒闊河粉呢份一定要點，闊身嘅河粉好煙韌，配上偏甜嘅醬汁，每一條河粉到吸收晒醬汁，超級好食！牛柳比較薄，但好有口感，另外仲有好多芥蘭喺底，食材豐富。賴尿蝦炒飯份量超大，有六隻賴尿蝦，而且全部都唔需要剝殼，食起上嚟好方便，炒飯炒得好香，粒粒分明！香蕉煎餅七點食煎，上枱嘅時候熱辣辣，上面仲有超多cream，食落去脆卜卜，而且入面真係有好多好多香蕉，真材實料。食泰國菜必點嘅芒果沙冰，係咁炎熱嘅夏天飲完真係透心涼😍…查看更多

今日入大埔搵朋友，朋友介紹嚟呢間餐廳食飯，特登揸車過嚟，出面望到海同埋好多避風塘船，環境清幽。店員主力介紹佢哋嘅套餐，最後我哋揀咗一款套餐。前菜四品分別有蜜汁黑毛豬叉燒、金磚豆腐、鹵水豬仔腳同椒鹽牛油果。四款前菜都幾好食，最特別係椒鹽牛油果，冇諗過呢個配搭竟然會咁夾。松茸螺頭燉老雞個湯好足料，入面有不同嘅材料，好多珍貴食材，味道好濃郁。香煎百花釀海斑球賣相好精緻，海斑油脂豐富，好嫩滑，配上蝦膠，口感十足！紅燒牛肋肉感覺上係慢煮嘅牛肉，配上醬汁，好惹味。欖油杞子菜心呢間餐廳用嘅都係有機蔬菜，簡單而且鮮甜。XO醬蘆筍炒蝦球蝦球又大又彈牙，整道菜式配搭滿分。香脆乳鴿超級新鮮熱辣，個皮好香脆！龍蝦湯洞庭麵湯底清淡而且鮮甜，份量剛剛好。最後食埋甜品紅棗糕，好飽好滿足！…查看更多

今次朋友聚會搵到尖沙咀的一家樓上居酒屋🏮由前菜、刺身壽司到熟食串燒小品都有提供，適合一班朋友一齊傾偈💬食野🥢。前菜日本蘋果沙律配上蟹籽，蘋果爽脆清甜。上錦綉刺身拼盤的帶子鮮甜，三文魚肥美。最鍾意係生蝦，爆膏嘅生蝦頭回甘味。香蔥拖羅反卷🍣，軟綿的魚蓉，份量絕對令你滿足。每樣刺身各兩件，適合一班朋友一齊分享。一系列嘅串燒🍢都燒得不錯。和牛粒串帶有油香不油膩，煙肉帶子卷串同豚肉露筍卷都惹味十足。熟食的辣酒煮廣島蠔🦪廣島蠔配上蘿蔔感覺有點像日式港式車仔麵的fusion菜，感覺新穎。…查看更多

呢度嘅點心款式好多種類，層出不窮，今日仲好好彩咁樣坐到戶外位置。必點上湯金魚餃配水晶球，猶如一幅畫，一定要相機食先。黑毛豬北菇燒賣同皇朝蝦餃皇呢兩款傳統點心亦都相當出色，絕對係水準之上。魚翅羊肚菌灌湯餃用料好矜貴，性價比高！三式蒸腸粉好滑，一碟可以試晒三款不同嘅味道，豉油另上，貼心。蘿蔔千絲穌同蜂巢荔茸盒兩款炸嘅點心都好好食，尤其是係蜂巢荔茸盒呢d傳統點心，10分推介！見到乳豬係即刻燒嘅，即刻點咗招牌脆皮乳豬，食落去脆卜卜，而且好夠味。雪山流沙包食落去個皮感覺有啲似莎翁，好特別，入面餡料好豐富，甜而不膩。基本上每一款點心都好好食，鍾意食點心嘅朋友一定要過嚟試吓。…查看更多

聽朋友講佐敦有一間隱世鐵板燒小店，今晚一於黎試下。今次點的$588套餐包括沙律、海鮮兩品、鐵板燒肉類一品、炒飯及甜品。沙律走小清新的路線，用上煙三文魚配搭沙律菜，伴碟有黑魚籽、番茄、龍珠果作點綴，賣相精緻，多樣口感。主食的海鮮，帶子又大粒又厚身，煎香左兩面保留了海鮮鮮味，入口依然清甜多汁。鮑魚配上大量蒜茸、十分惹味。鐵板燒肉類推薦日本宮城豚肉！肉質細嫩且多汁，肥瘦適中，吃完也不膩口。配上秘製菠蘿辣菜汁，有特色！最後送上的炒飯值得一讚，炒得粒粒分明，絕對唔馬虎。甜品柚子雪糕酸酸甜甜，食完咁豐盛嘅一餐，即刻覺得有解膩作用。係主餐牌上見到有我最愛的香煎鵝肝多士，鵝肝多士配菠蘿汁，配搭新穎，層次豐富, 菠蘿汁的酸甜正好中和了鵝肝的油膩。…查看更多

有朋友食過呢間餐廳，極力推介，今次終於到我嚟試吓。一入大門口，有一個燈籠打卡牆，感覺上置身於日本。呢度嘅裝修好精緻，空間感好大，好舒適。店員好細心咁同我哋介紹不同嘅菜單，最後我哋揀咗$1580menu，而家二人同行，仲有得送清酒，好抵呀！清酒嘅外型好吸睛，飲落去有點兒花香味，容易入口，好適合女士飲，不知不覺好快飲晒成支！前菜係胡麻菠菜同日本溫泉玉子，入口好輕盈及清新。冬天時令必食嘅白子，配上一味粉，再加上紫蘇花嘅點綴，印象難忘。鰤魚經過煙燻，油香豐富，再加上黃芥辣，別有一番滋味。北海道粒貝爽脆彈牙，配上昆布鹽，酸酸甜甜👍👍地金目鯛、東北蠔、磯煮鮑魚、立燐燒等菜式同樣出色，廚師用心嘅配搭，令人難忘。自家製慢煮鮟鱇魚乾，配上福岡士多啤梨同埋威化餅，外型好似聖誕樹，必須要相機食先。壽司分別有 煙燻深海池魚、赤貝、北海道喜之次、池魚卷、北海道馬糞海膽等等，食材非常新鮮！甜品都係自家製的，水信玄餅配上蝶豆花，清新解膩👍…查看更多

一直都好鍾意去灣仔呢間法式小館食晚餐，最近發現原來餐廳有提供Brunch Menu, 每份主菜會包餐飲/餐湯，想食豪少少仲可以以優惠價追加前菜。前菜追加左一份生牛肉他他，牛肉味香濃，跟醬汁相輔相成，配上鮮蛋黃提升順滑口感，戳破蛋黃後與生牛肉拌勻，再配上香脆酸種麵包 🥖，口感層次豐富。🤤澳洲M4+牛排切開的肉呈鮮嫩粉紅色，口感軟腍，牛味濃郁。伴碟既薯條份量都好多，又香又脆法國油封鴨腿鴨腿外皮烤到好香脆，肉質的柔嫩鮮美，慢煮至肉剛好離骨，鴨似帶咸香惹味。食完個brunch食埋個香蕉船crepes作結🍌 擺盤充滿視覺效果，crepes香脆可口有蛋香，餡料超級豐富，香蕉同士多啤梨🍓份量不少，再配上忌廉、海鹽焦糖醬、朱古力醬同埋大大球雪糕🍦雖然極之邪惡但真係好滿足😌…查看更多

裝修風格是美國舊式西餐廳，適逢星期四仲有live music🎶 晚市套餐包頭盤、餐湯、主食、餐飲意大利巴馬火腿沙律配柚醋汁🥗，柚醋汁味道清新，巴馬火腿帶點咸香。南瓜湯🍲口感順滑濃厚。超有驚喜的百里香蒜蓉牛油餐包🍞，足滿牛油香味，麵包口感鬆軟。主角美國安格斯肉眼扒🥩，牛扒份量十足！Medium rare烤得剛好，肉質粉嫩，牛味香濃。最正係薯條🍟無限refill😍想放工搵個靜靜地嘅地方放鬆下，呢間餐廳可以係你嘅選擇之一。😙…查看更多

高麗軒係韓國街一間比較大型的燒肉放題。除左基本套餐外，每位加$38便可升級享用加拿大Prime grade 雪花牛，A3雪花牛，帆立貝、帶子、法式羊架和紅炆牛肋骨。燒肉都有唔少選擇，我比較喜歡特級牛頸肉，屬於牛隻活動較多的部位，脂肪相對少，但肉味則較濃郁。Prime雪花牛，肉質香濃嫩滑，雪花❄️的油花分佈平均。另外豬頸肉同雞扒的調味都很不錯👍🏻海鮮之中最喜歡帆立貝，在帆立貝上加上蒜茸，極之惹味🤤🤤🤤除左燒肉，一品料理如人蔘雞同埋紅炆牛肋骨等都係任點的！必食推薦有超濃味的紅炆牛肋骨😍牛肋骨肉有豐富油脂，肉質鮮嫩，牛味香濃，近骨的筋位的口感很好吃！炆得好腍好入味，就連配菜蘿蔔都極之入味！黎食燒肉遇著此等高質素的牛肋骨，當然要點返兩份先食到滿足☺️食完呢份牛肋骨就真係覺得呢間餐廳完全係被燒肉耽誤的牛肋骨專家🥰…查看更多

觀塘超有水準的西餐😍安格斯肉眼牛扒🥩 好有驚喜，5成熟的肉質粉嫩。表層烤到焦脆，內層肉質牛味香濃。另一道慢煮美國牛肩胛肉，肉質較肉眼扒軟腍，油脂較低。所有主食都有小蠟燭保溫，食物得以保溫得黎又唔會過度加熱影響本身食物質素。黑松露薯條🍟薯條幼身，炸得香脆，黑松露醬香濃，每一條薯條都散發住松露香，即刻份量好大，兩個人都抵受唔住美食誘惑，輕易將整碟秒速吃光🤣甜品絕對不能錯過tirimusu芝士溶岩🍰熔岩瀑布忌廉，一拉開膠圈，忌廉如雪崩般瀉下😍整體口感細滑，咖啡☕️同酒香🥂都算濃郁，層次分明，口感濕潤。邪惡到令人忍唔住一口接一口咁食😋…查看更多