shg1g17的個人專頁

🥰兒童放電好去處🥰✅🚶🏽‍♀️行開荃灣，除左多小朋友野買可以準備 開學之外， 都想捉緊夏天的尾巴，同囡囡出去玩下同食下野。多謝朋友仔即時介紹炑八比我地去食晚餐，我地２公婆可以韓燒之餘，仲可以比囡囡係裡面ＰＬＡＹＲＯＯＭ玩最特別係餐廳搞左個親子開學套餐，入面啲主食同飲品都精心炮製，十分精美！最好既係一個兒童餐，食完佢就可以衝去玩我同老公既韓燒食品 Oｒｄｅｒ左🔅厚切五花腩 (一份) — 雖然好大份，但剪開細細塊去燒，都幾入味🔅鰻魚(半份) — 半份都已經好多舊，燒完配埋個醬汁，簡直同出去食既饅魚一樣，好香，皮又脆卜卜。🔅王者牛肋骨 (一份) — 呢個真係我同老公一致覺得好好食，夠入味之餘，ｄ牛好軟身，就算小朋友都可以食到🔅梨汁雞腿肉 (一份)— 又係另一個好美味之選，加上啖啖內，加上可以用生菜包，所以係一個好選擇囡囡就自己揀左 🔅學霸小獅子螺絲粉 同  🔅知識雲朵棉花糖芒果特飲 （個名真係好可愛) 但佢話好食到全個食哂最後，唔夠喉，仲加多左個甜品（ 🔅快樂放學芒果刨冰）好大碗， 可以一家３口食，剛剛好…查看更多

昨天lunch time同同事去咗旺角呢間「劉興記生煎包專門店」，門口已經聞到好香煎包味，咁岩坐係最入個張卡位，見到師傅係廚房整啲生煎包煎到滋滋聲，未食已經流口水！首先上枱係蟹黃生煎包，一啖咬落去啲湯即刻爆出嚟！蟹黃味都幾出，仲要個包底脆卜卜，個底煎到金黃色，不過如果可以再濃味啲就更加正。我偷偷地用d汁黎撈個菜飯， 真係好正。跟住到主角蟹粉小籠包，一咬開要小心啲湯辣親嘴！啖啖都食到蟹粉香，不過真係要趁熱食，因為有一粒我地隔左成半小時先食，入面啲汁都已經涼哂。糖醋炸排骨菜飯，啲排骨炸到外脆內軟，個酸甜汁好開胃，撈埋個菜飯食，好快就清晒！招牌炸雞扒拌麵嘅雞扒超大塊，炸得香口，個麵又夠彈牙，抵食！最後叫咗個手工豆沙窩餅，即叫即炸熱辣辣，入面啲豆沙又唔會太甜，食完超滿足！行出門口見到已經開始排長龍，旺角女人街果然多好野食！下次經過一定會再encore～蟹粉小籠包(4個)蟹黃生煎包(4個)糖醋炸排骨菜飯招牌炸雞扒拌麵手工豆沙窩餅ps: 佢地鋪頭原來係豆漿任飲，好開心！…查看更多

今次我地去咗九龍灣德福廣場嘅《陳仔花甲粉》，真係食到好滿足！試咗佢哋嘅**招牌沙嗲湯底+粉絲**，果然名不虛傳。上枱時熱辣辣，湯底超香，引到隔離檯個食客都問我食緊啲咩🤣🤣因為專用錫紙包住，食到尾段都仲keep到熱，真係覺得好暖心。呢度菜底選擇都幾靈活，可以揀粉絲、米線，甚至加$8轉成日本稻庭烏冬，選擇好自由！搭配沙嗲湯底嘅粉絲，口感超滑，湯底嘅味道亦吸收得幾透徹，真係好味。最想讚嘅係佢哋啲 花甲 份量多到驚人，每一粒都鮮嫩多汁，真係粒粒都有肉。而且，沙嗲肥牛味道唔錯，但相比之下，花甲真係令人印象深刻。總括來講，如果你想食到熱辣辣、滋味十足嘅海鮮粉，陳仔花甲粉絕對係唔錯嘅選擇，強烈推介！…查看更多

🔥🦐 佐敦「蝦蝦燒」流水蝦燒烤，$348玩足5小時。玩法係可以流水蝦有互動， 一上樓就被「水缸養殖區」吸引，活蝦游水超生猛，自己用夾撈蝦，再放入冰筒瞬間冷凍，再放上烤爐，嗶嗶啵啵既聲音好過癮，蝦殼金黃焦香，肉質緊實彈牙，重點係新鮮度滿分，無冷藏味，配上蘸泰式酸辣醬更惹味。性價比高勁多海鮮，$348/位 食足5小時，海鮮陣容豪華，肥美即開生蠔，手掌大扇貝、肥美鮑魚。原條馬友魚燒到皮脆肉嫩，鰻魚串燒（每人送1串）油香四溢燒魷魚鬚同雞皮餃子串，邪惡停不了口 。加$1小火鍋，仲可以灼下蜆同花蛤，煮菜，非常解膩，湯底清甜襯托海鮮原味。 串燒+熟食配搭肉類推薦有牛柳粒多汁，羊架羶香適中，邪惡之選有芝士腸拉絲，玉子燒甜香，熟食區款式多，配啤酒一流！ 飲品既啤酒放題係重點，啤酒控可以飲返夠。甜品有自製格仔餅同雪糕，醬料仲有煉奶同花生醬，邪惡的。 總評：8/10，「有得玩有得食」既體驗滿分，$348食到高質海鮮加啤酒放題，適合大胃朋友、啤酒團、海鮮黨衝刺！ …查看更多

🌞 週末午後的豆香小探險Jollibean 石磨樂的簡約木系裝潢格外醒目。綠色設計令人好深刻, 這次試了四款人氣產品😚😚因爲要食晚飯，本身見佢所有吐司免費升級香脆豬仔包, 加$5可以轉7吋牛角酥，好鬼吸引🤩不過囡囡想飲野同食甜品多。🍓 士多啤梨豆乳豆冰樂！豆乳味清新，配埋士多啤梨味道，和豆乳融合度十分match。冰沙口感適合夏天解渴。🌈 三色芋圓布甸布甸豆香濃郁、口感滑順，亮點是手工芋圓！紫薯/地瓜/原味三色Q彈有嚼勁，甜度剛剛好。🥛 9度濃豆乳豆冰樂豆乳控必試！我同囡囡都好鍾意,「9°濃」確實豆味醇厚，飲得出石磨工法特色。但建議快啲飲，冰融化後味道會變淡。🧋 樽裝布甸珍珠豆乳茶其實呢個創意組合好特別～布甸好滑。加上瓶裝設計方便攜帶，但性價比高既產品。 小小提醒：因為我係晚上7點去買既, 所以時段人潮都多,但職員都做得好快手👍原來有時仲會推出季節/期間限定款,最近出咗開心果豆乳,豬仔包同牛角酥👍仲有父親節限定優惠，同埋各分店都不時會有甜品/飲品加購優惠…查看更多

鍋霸吃到飽台式養生火鍋，其實都係旺角一個很受歡迎的火鍋選擇，特別係鍾情台式火鍋嘅朋友，真係唔可以錯過🥘我同朋友，叫咗以下套餐：【吃到飽養生火鍋套餐】 yummy yummy 第二級: 美國Prime Grade 牛肩胛肉🔅食材新鮮即叫即出 (個人覺得食物新鮮)「鍋霸」的食材選擇相當多樣化，包括新鮮的海鮮、肉類、各式蔬菜和豆腐等。特別是海鮮，口感鮮美。平時都係俾人出去外面自己嘅，但係佢哋就用Apps落單才準備送新鮮食材出來👍最特別係有八吋長嘅蟹柳，簡直我至愛🤪🤪🔅鍋底選擇超級豐富他們提供多種鍋底選擇，像是清湯、麻辣和養生藥膳等，滿足不同口味需求。藥膳鍋底特別受歡迎，因為具有養生效果。🔅甜品係雪糕，不過因為好多特別款式揀，所以行一人一個🔅環境舒適餐廳的環境設計舒適，非常適合家庭聚餐或朋友聚會，雖然我哋一行四人係食午市火鍋，但係服務人員也很友善，隨時提供幫助。仲提醒我哋邊啲係好食，介紹啲新鮮食材給我們☺️☺️相對於其他火鍋店，以呢個質素價格合理，性價比高，尤其是對於大食量的食客來說，非常划算。…查看更多

【旺角掃街必食】2派克雞排｜芝士控暴動行過旺角通菜街，俾呢間「2派克雞排（旺角）」個黑金招牌吸引住！試咗佢哋套餐❤️脆🔅皮無骨雞腿排（梅子+芝士）$40真係好有驚喜🤗 雞腿排大過手掌心，外皮脆到似餅乾仲要唔太厚炸皮，咬落「咔嚓」聲勁治癒！梅子粉嘅酸甜完美中和芝士嘅濃郁，肉質仲要juicy到爆汁，難怪包裝寫住「獨家超級配方」！​​🔅脆皮百頁豆腐（海苔+芝士）$24係素食者福音，豆腐外層炸到金黃蜂巢紋，海苔碎同芝士粉鹹香交織，咬落去外脆內軟好似食緊棉花，仲要唔會油膩！​🔅脆皮花枝丸（芥末+芝士）$18就更過癮，花枝丸彈牙到可以打乒乓球！果然係皇牌推介價錢都幾抵食，​​三樣也先$82，兩個人share夠晒飽！環境雖然係外賣店，但包裝好用心，藍白卡通袋夠搶眼！同埋食物是即叫即整，所以製作需時請耐心等候，最重要嘅係佢哋有得電話落單服務，可以落完單先過去拎外賣。❣️2派克雞排(旺角)❣️旺角通菜街1A-1L號威達商業大廈地下A號舖​貼士​：記得加$5配杯嘢飲，解膩又清爽​必試配搭​：梅子芝士雞排+海苔豆腐雙拼，甜鹹交錯仲有拉絲效果，食完即刻想encore！…查看更多

成日行開旺角油尖旺，就會有種特別既魔力，好想食燒肉，打邊爐同放題，每次都會為左揀食咩而同自己角力。今次去左「極上帝王水產放題店」，除左因為佢可以集三樣於一身外，佢地理位置都十分好👍今期佢地主打燒肉，特別係可以升級安格斯牛肉🥳食完係完全突出安格斯牛肉的質量與口感。加上雖然係燒肉，但唔會太大陣味，好怕一入到鋪頭成陣油煙味。同行朋友比較喜歡餐廳的升級生蠔set，因為每隻都夠肥美，味道當然唔使講啦😎😎最後仲可以揀選埋壽喜燒火鍋物👍性價比高，真係刺身、壽司、燒物、炸物、鍋物、甜品等應有盡有，好適合我呢啲貪心人士🫢🫢重要一題，有個刺身船，上面放滿哂各種刺身，賣相已經相當吸引，裡面有三文魚、八爪魚、生蝦、螺片、鮑魚片、玉子、蟹柳等等。朋友話剩係食呢隻船都已經好飽😆今次我地揀左升級套餐，其實午市來講算係價格合理，仲有超多款式揀🤤…查看更多

呢排涼涼地。秋風起，中午時候突然好想食煲仔飯，平時一定會唸起廟街，但竟然俾我搵到係鬧市到搵到一間有特色煲仔飯食👍🏼👍🏼yummy yummy 雖然門口好有茶餐廳既感覺，鋪面好大，裡面仲有霓虹燈港式設計裝潢！！估佢唔到，超搶眼，打卡都好靚🩷其實除左招牌嘅石鍋飯、煲仔飯、烤魚、雞煲外，其他既湯粉麵、乾麵炒飯、連串燒都有埋！真係咩都有，小朋友都好多選擇^^🔅二人海陸拼盤 (雞肉X2, 牛肉X2, 章魚鬚X2)-當日可能食材關係，未有章魚鬚，即時職員比其他款式我地補上🔅極品蟹皇石鍋煲仔飯-建議大家一定要叫呢個飯試下，因為好有儀式感，有個計時器，夠鐘先可以開蓋食，仲要原隻蟹皇有糕啖啖肉👍🏼👍🏼ＹＵＭＭＹ🔅燒豆腐皮🔅炸海台魷魚鬚🔅鴨屎香檸檬茶超大杯，２個人都夠飲🔅華梅檸檬蜜…查看更多

今日去咗食聖誕前夕lunch，見到呢間西餐廳新開張，裏面環境都好好，坐得好舒服再睇吓餐牌，原來有八折，午餐都多選擇👍今日叫一個慢煮豬鞍，香煎魚柳 再加一個肉醬意粉❤️午餐仲有飲品沙律湯主菜甜品，真係性價比超高😊慢煮豬鞍午餐-味道合宜，肉質幼嫩，仲有大量配菜，同埋有個實體蒜汁，太好食 連相都無影🤣🤣肉醬意粉-份量唔少，就算男士食都夠甜品仲有蛋白奶撻^_^全個午餐真係夠晒聖誕感覺 yummy 呢個旺區仲有咁既價格套餐，都算係咁啦…查看更多

今日同朋友經開旺角油麻地，見到有一間雞蛋仔夾餅店，門口大排長龍，當然八卦去睇吓咩有咩筍嘢因為見排到出街原來有 [期間限定] 款式，門口已經貼出期間限定嘅poster，店舖外面嘅黃色招牌太吸睛，所以被門外吸引住今日同朋友叫咗2個甜品加一杯飲品，一收到見咁大件，真係好足料🔅開心果醬格仔餅-朋友食完覺得開心果醬好夠味道，入邊仲要有埋開心果仁，口感十足🩷💚🔅章魚燒雞蛋仔-味道好特別，真係有九成似章魚小丸子味道，加上蛋漿係混埋紫菜入去一齊整雞蛋仔，所以真係粒粒都足夠材料，呢個值得推介一試🔅益力多沙冰-唔會真係得水，勁多沙冰，仲要味道唔算超級甜❣️蛋仔記雞蛋仔 (旺角)❣️旺角豉油街33號裕旺大廈地下A號舖…查看更多

每年朋友生日，都習慣外出慶祝，今次叫番枝sake先，多謝職員推介神龍純米大吟釀，長期低溫發酵超級容易入口，酒精濃度有16.8度，味道較甜，果香味香容易口，🔅天婦羅白子：白子口感未必人人都岩，不過炸後既子視覺上容易入口，外脆內軟，咬後口感滑身，就算唔點醬汁都好好食。🔅香蔥吞拿魚腩蓉壽司卷：吞拿魚腩肉好新鮮，搭上少許蔥段味道清新，細細件容易入口。🔅刺身沙律：醬汁酸酸甜甜幾開胃，赤蝦算大隻同刺身份量算多，車厘茄好甜。🔅魷魚軟骨：咬落爽口，一啲都韌。🔅豚肉車厘茄串：豚肉鮮嫩多汁，燒後有少少煙燻香，配上清甜既車厘茄，刻時減低左油膩感。🔅雞肉京蔥串：雞肉嫩滑，京蔥爽口，兩者完美既融合。🔅牛舌：牛舌屬厚片，本以為會好韌，但出奇地入口口感爽滑，牛舌燒得岩岩好，師傅控制火喉錯。🔅鹽燒活鰻：口感札實，肉質嫩口，外層香脆，加上鰻魚醬汁一同入口，滋味無窮。🔅鴨胸肉湯蕎麥麵：鴨胸肉軟淋，湯蕎麥麵質彈牙。總結，係諾士佛臺黎講價錢唔算貴，食物有質，職員招呼有禮。…查看更多

今年生日想簡簡單單，揀左想一家人靜靜地咁渡過🥰所以特意揀左西貢的 M Square 餐廳，不單止近海景，更有出名既玻璃教堂做打卡點👍所以吸引了不少食客☺️簡單但又可以一家三口食下飯❤️餐廳設計好有現代感，加上有好多落地玻璃舒適得黎好夠空間，亦營造到好輕鬆的氛圍餐廳都算位於西貢的中心地帶，方便遊客和當地居民，基本我地附近既檯都係有外國人及 酒店的住客，感覺好似去左外地咁👍👍加上個人覺得性價比高，無論係食材的新鮮度，熱度和餐廳的環境，及waitress 既態度，整體性價比都算不錯。一家三口叫左以下食物，最後食唔哂仲要打包埋🤤🤤🔅羅勒葉小藩茄芝士pizza🔅法式多士配肉桂蘋果雪糕🔅朱古力厚班戟🔅豬肉芝士千層麵🔅煙肉蛋黃忌廉意大利粉🔅黑松露芝士汁薯條總括，M Square 餐廳是一個好岩家庭聚餐或朋友小聚的好去處，無論是食物還是服務都能讓人感到滿意。值得一試！餐廳內仲有得免費玩桌球👍👍好有噱頭啊❣️M Square (西貢)❣️西貢惠民路28號洲至奢選香港WM酒店地下低層A1號舖…查看更多

麵屋神匠❤️超近油麻地港鐵站，以其獨特的日式裝潢，打卡影相一流🤗👍上網睇過評價，佢地店既湯底和食材都好有評級。🔅湯底濃郁👍 拉麵湯底使用豚骨或濃蝦湯熬製，湯頭濃郁，香氣四溢，仲要有層次感，湯底的味道豐富🔅麵屋神匠麵條口感彈牙，搭配湯底更是絕配。當天亦煮得剛剛好，保持到一定既口感🔅新鮮食材配料，好似叉燒、煮蛋等，都選用新鮮食材，滿足到唔同顧客的需求。總括：餐廳的裝潢簡約，但好靚既日式風味好岩打卡，waitress 態度好nice，我地坐低時，菜單介紹也十分詳盡。如果你喜歡拉麵，這裡絕對值得一試！…查看更多

同朋友行完朗豪坊，想搵d日式放題食食，一上到去竟然全場爆滿，估唔到平日中午都咁誇張～好彩我地一去到就已經入得去。仲有吧檯位安排到比我地2個人坐，一坐低就掃qr code叫野食。好鍾意呢到既飲品，因為好貼心，由其係唔飲凍飲既朋友，呢到係有一個暖櫃提供熱飲品！朋友就比較鍾意佢外面有個開放式既食物放題區，有海鮮，蝦同青口食！仲有唔同既甜品同小食。食物款式確實好多:最想介紹既係，🔅三文魚刺身，肉身十分鮮甜爽口🔅帶子刺身等；壽司也很多款式，外形漂亮吸引，味道一流🔅小食也有很多：枝豆，粟米粒等；小食類十分精美🔅海鮮類也十分多多，例如：鮮蝦，生蠔，嚮螺等；海鮮類十分鮮甜可口🔅牛乳湯都好夠熱同香甜，配料超多#放題 #好近地鐵站 #香港必喝 #旺角探店 #香港放題店 #香港好去處 #旺角推薦食品#旺角美食 #香港美食 #香港必食 #香港探店 #香港打卡 #香港旅遊 …查看更多