BrianLam125的個人專頁

行過旺角經過呢間小食店。諗住小食店快靚正，食啲小食晾一個晾個胃，之後食正餐。點知中伏。食物不足料，貨不對版。聲稱超足料傳統碗仔翅，出到黎係超不足料！服務態度差劣，可能你會話平價小食店唔好講服務，淨係想好似自動販賣機出嘢食就ok,但係一路食，一班厭惡工作嘅阿姐一路做一路鬧東鬧西。不斷喺你食緊嘢嘅時候抹你野食既側邊。小店位於後巷，食食下唔對路一浸後行坑渠味。個碗仔翅雖然超不足料，但呢餐都食到幾飽。因為肚有氣。…查看更多

唔係呱？！同參考個樣差太遠了吧！份量非常少。侍應話：係咁架喎。相係咁樣,上枱又咁既樣。咁相寫$128，埋單會唔會少過$128?都不論味道了，跟香港傳統粉麵舖嘅煮法差不多。到底是餐牌攝影師攝拍攝技巧高超？或是後製功力強勁？怎樣都應該對比廚房強。餐廳錢花在餐牌之上，就不是放在客人覺得對的地方，好嗎？新城市廣場較早之前的越南餐廳芽X離開那麽久，終於有間開業一個月？名為嗦嗦的越南菜試一下。我嘗試過了，大家可以不用試了。不用謝。…查看更多

唔係因為陪朋友食，真係唔會去！公廁味餐廳冇講錯，如果呢度出唔到呢個post，只可以講黎度幫緊啲咁既餐廳。完全不準不實。同幾年前黎完全兩個樣，之前食物質素同埋服務都好，食物比較多選擇，環境衛生。餐廳一浸公廁臭味同黴味，食物變壞照出比客都算。其他盒唔知以為佢好肚餓。員工用筷子不斷喺兜比客既嘢食度夾黎試食，以表明話食物冇問題。咁個個客就要食佢口水尾，完全唔衛生。今時今日咁嘅餐廳仲係生存得到，已經唔係講緊有冇人幫襯嘅問題，係最基本嘅衛生都冇，食環署真係要去檢楂下。…查看更多